Eduardo de Filippo Farmacia di turno 1920

Transcript

1 Eduardo de Filippo Farmacia di turno 1920 ATTO UNICO La scena rappresenta l interno di una farmacia. SCENA PRIMA Saverio indi Teodoro. TEODORO (viene dalla destra) Carissimo don Saverio! SAVERIO Buonasera! TEODORO Nce sta o «Roma»? SAVERIO Sta ncopp a seggia vicino a vuie... pigliataville... TEODORO Stammatina nun aggio avuto o tiempo e m o leggere... SCENA SECONDA Nannina e detti. NANNINA Don Save, faciteme na purghetella p o guaglione mio!... SAVERIO Quant anne tene? NANNINA Duie anne e mieze! SAVERIO Dalle chestu ccà dint a tre dite d acqua... NANNINA Don Save, ma chillo tene pure nu poco e freve... SAVERIO Tu dàlle cheste, si nun le passa viene n ata vota.., io te faccio quatte cartine, chelle è cose e viscere! NANNINA Quanto v aggi a da? SAVERIO Cinquanta centesimi! NANNINA Tenite... (Mette la moneta sul banco). SAVERIO Alla cassa!... alla cassa!... Guè nun ve vulite fa capace! NANNINA Io aggio pagato sempe ccà! SAVERIO Primma... ma mo è n ata cosa... Tutte e farmacie tenene a cassa, e a mia nun è meno delle altre... NANNINA E va bene... (Prende i soldi dal banco e li dà a Saverio). SAVERIO (va alla cassa e suona il campanello) Cassa cinquanta centesimi... NANNINA Stateve buono!... (Esce). TEODORO (dopo pausa) Caspita! Seh, e mo fa marenna... Don Save avete letto stu marito che uccide la moglie per semplice sospetto sulla sua onestà!... SAVERIO Stupido... Mo va ngalera e ti saluto! La vera risoluzione del problema la trovai io. Tu con me non puoi più vivere felice? Preferisci l altro, e sia!... Vatténne cu isso in santa pace e nun ne parlammo cchiù! TEODORO Vabbene, ma questo se po fa quando nun ce stanno figli... Caro don Saverio... SAVERIO Fino a un certo punto... Il matrimonio... la più grave sciocchezza che un uomo può commettere... Vuie pazziate... ho riacquistato la mia pace... Figurateve, a guaglione songo stato sempe dint a farmacia a mano a papà e sempe appriesso a isso, per me non sono esistiti mai amici, divertimenti ecc. Non ho messo mai un piede fuori di quella porta e poi anche volendo... Vuie ve ricordate a papà negli ultimi tempi... Malato... nun se puteva cchiil movere... si passò gli ultimi mesi della sua vita ncopp a chella poltrona addo state assettate vuie mo... e lloco murette... (Teodoro si alza e si siede su altra sedia). Io facevo tutto... come avrei potuto... e peggio ancora dopo la sua morte che presi addirittura le redini della farmacia... Pensai alla rinnovazione... facette scupa... facette luva e felinie, pecché papà e teneva pe buon augurio... Mo aggio miso pure a cassa... Nun dico che è diventata 1

2 na farmacia di primo ordine... ma oggi non lascia niente a desiderare... Feci la bestialità e me nzura, credendomi che essendo rimasto solo avessi trovata na femmena che m avesse fatta una certa compagnia... una certa guida... chi t a dà! Chella penzava a teatre, tulette, cappielle... il suo cozzava con il mio carattere. Primma e me spusa nun era accussì... Un bel giorno, la mia signora sparì... Dotto... chillu iuorno manco si avesse pigliato na quaterna secca... TEODORO (ride) Ah!... SAVERIO In seguito seppi che si era unita con un gran signore che tuttora le spenne nu sacco e solde... TEODORO A Napoli? SAVERIO Sì, ma voi non sapete o cchiù bello?... L altro giorno mi mandò una persona, dice che era il suo avvocato, per mettersi d accordo con me... TEODORO Vo fa pace? SAVERIO No... per l annullamento del matrimonio... TEODORO E quale è la ragione potente? SAVERIO Adducendo che... con me non aveva avuto figli... Che lei li voleva... Insomma per ragione... di salute... TEODORO E voi avete accettato? SAVERIO Vuie pazziate... E che figura faciarrie dint o quartiere... TEODORO Don Save... mo a na cosa ascimme a n ata... che cosa è sta reclame Sterminio che ho letto nel giornale? SAVERIO una mia invenzione, veleno p e sùrice... Sterminio... un paio di volte che se mette è la distruzione completa a base di arsenico... TEODORO Ah... si... Don Save favoritemene una scatola... A Casa tengo qualche topolino... SAVERIO Ma non vi conviene a spendere quattr e cinquanta... Mo ve dò due cartine d arsenico... v o priparate vuie stesso... Ne fate quella quantità che credete... TEODORO E come si prepara? SAVERIO Cu a patata scaldata... se mpasta cu nu poco e zucchero. Mo ve preparo e cartine... TEODORO Grazie tanto... Siete troppo buono! SCENA TERZA Carmela e detti indi Enrico. CARMELA Buonasera... Preparatemi sta ricetta... SAVERIO Miette ccà... Aspirina... che d è... a padrona toia sta influenzata?... CARMELA Io che ne saccio... S è cuccata cu a freve... ma facite priesto c aggio che fa! SAVERIO E mo... e mo... nce sta pure a bevanda... me o vuo fa pripara?... CARMELA E allora vaco a mbuca sta lettera e po torno... SAVERIO Fa comme vuo tu... (Carmela esce). Don Teodo... Dotto, chella è a cammarera e mugliérema... TEODORO Chella llà... E comme va che a manne a spennere addu vuie? SAVERIO E addo ieve... Oggi e farmacie stanno chiuse... e a mia è di turno... TEODORO Già! Oggi a farmacia vostra è di turno... Guarda... guarda... ma allora stanno e casa ccà vicino?... SAVERIO Poco lontano... CARMELA (tornando) pronta sta ricetta? SAVERIO Prontissimo!... Ecco qua... chesta è a bevanda... ENRICO (dalla destra) Signorina Carmela, finalmente vi ritrovo... Caro don Saverio!... SAVERIO A bellezza... ENRICO Quando siete uscita dal palazzo un quarto d ora fa... io vi ho tenuto dietro per un pezzo... poi vi ho perso di vista... mo passanno p a farmacia vi ho incocciata un altra volta... Come state? 2

3 CARMELA Non c è male... E vuie? ENRICO Si strappa... Vi trovate bene al servizio dei nuovi padroni? Guardate llà, con quella faccia, con questa figura se mette a ffa a cammarera... Ma già... questo non dipende da voi... Voi avrei bisogno di uno che vi saprei consigliare... Uno che vi lancierebbi; per esempio sono il tipo che facessi per voi, al caso... CARMELA Overo? E che me faciarrìsseve fa? ENRICO Io?... Don Save, che a faciarrie fa? SAVERIO O saccio io che le faciarrfsseve fa? ENRICO La signora... Io lavorerebbe per quattro pur di non farve manca niente... Come vi trattano nella casa che siete andata a servire? CARMELA Nun me pozzo lagna. A signora è tanta bona, e pure o signore. Ma a chello c aggio pututo capi ce ha dda sta nu poco e mbruoglie... O guardaporta m ha ditto quacche cosa... Dice che a signora era mmaretata e che cumbinaie o servizio a o marito cu chillo ca tene mo!.. ENRICO (ridendo) Don Save, a mugliera vosta... (A Carmela) Tu nun o ssaie pecché a poco si ghiuta a servi cu lloro... A pa dron è l ex mugliera e don Saverio, e a don Saverio facette o servizio... Ah... ah... CARMELA A vuie?...(ride). SAVERIO A me, fallo sape a tutte Napoli... miette e manifeste... ENRICO Don Save, chillo o ssanno tutte quante... Nun facite tanta miracule... CARMELA Io sulo nun o ssapeva... SAVERIO E tu ce l he fatto sape... CARMELA Ah!... ah!... ah!... Povero don Saverio... SAVERIO Nenne, tu è inutile che ride... Pìgliate e medicine e vatténne! CARMELA E che maniera... Mo me ne vaco... Che bella grazia... Facette buono a mugliera... ENRICO Nun date retta... Nun ve pigliate collera, stasera posso venire a cenare?... CARMELA Stasera nun pò essere... A signora sta poco bona... Se ne parla n ata vota... ENRICO Tu o ssaie... Io sto fore d a casa... Sto in urto con mio padre... se no, non ti avrei importunata... E po ricordate ca ce sta sempe nu guaglione pronto a tutto pe tte! CARMELA Grazie... Fanno scena. SAVERIO Mo aggi a tene pure a cannela... Chill ato ca dorme comme si stesse a casa soia... Ma vuie a farmacia mia pe che l avite pigliata? Ma che ve credite e sta dint a villa comuna le? Mo me fate perdere a pacienza... ENRICO Iamme, vuie comme a perdite ambressa a pacienza! SAVERIO Io mo che vi debbo dire?... Ma è giusto che in una pubblica farmacia ve mettite a fa ammore comme si stìsseve a casa vostra? CARMELA Va bene... nun a tirate cchiù a luongo... quant è a medicina? SAVERIO Tre e settanta!... Carmela fa per prendere la moneta. ENRICO No... non posso permettere... pago io... CARMELA Ma pecché... (Prende dalla cassa il pacchettino bianco). ENRICO Non posso avere quest onore?... CARMELA Comme vuo tu... Si vuo veni, tengo nu poco e trippa!... (Va alla porta, accompagnata da Enrico il quale, uscita la ragazza, rimane a salutarla con la mano). SAVERIO Amico... amico... Tre e settanta... ENRICO Ah! già, quanto avete detto? SAVERIO Tre e settanta alla cassa. (Va alla cassa e suona il campanello) Cassa tre e settanta... ENRICO C è una piccola difficoltà... nun tengo manco nu soldo pe pava... 3

4 SAVERIO Uh! Mamma mia, e te miette a fa o splendido! E m he fatto suna o campaniello... ENRICO Ma io putevo fa na cattiva figura... Del resto avanzasseve assaie a me... (Esce). SAVERIO Io te ringrazio a perdere sti tre e sittanta... Nun te fa vede cchiù... Io nun ce pozzo penza... l aggio sunato pure o campaniello! SCENA QUARTA Vincenzino e detti poi Rafilina. VINCENZO (dalla comune) Buonasera! SAVERIO Buonasera... VINCENZO Dunque... sentite... Io non ho bisogno di niente... SAVERIO E allora che nce site venuto a fa... Iatevénne... VINCENZO E se non mi fate parlare! Ecco qua... Io sono ammogliato, e vorrei far visitare mia moglie da un medico! SAVERIO Ma pecché, sta malata? VINCENZO Nonzignore... sta bona. SAVERIO E allora perdimmo tiempo? VINCENZO Nossignore... Quella si è fissata che sta malata e dice c ha dda muri... SAVERIO Figlio mio, ma questo è certo... tutti quanti dobbiamo morire... VTNCENZO Ma essa o dice ogni mumento... N altro medico dicette che era malattia di nervi... Mi spiego? SAVERIO Ma dove sta vostra moglie? VINCENZO Sta fuori... TEODORO E fatela entrare... SAVERIO Qua c è don Teodoro, la può visitare lui... Don Teodo, vedete di che si tratta... Abbuscateve sta zuppa... TEODORO Fate veni a signora... VINCENZO na parola... Noi qua fuori, ci abbiamo fatto un assuoccio, perché lei non ha voluto entrare... E già, perché voleva andare da un medico buono... Io so un pover uomo... Faccio o masterascio... e Dio o ssape... a pozzo purta da nu primario? S ha dda cuntenta pe forza e vuie... TEODORO Sia fatta a vuluntà d o cielo... VINCENZO Rafili... Rafihi... Imbùcati... Mamma mia e comme sta nervosa... Rafili, filtra dentro... Nun vo trasi... aspettammo che se decide... SAVERIO E ccà nce ne iammo dimane!... VINCENZO Zitto... zitto... S è decisa... me raccumanno... quanno trase, facitele quatte cerimonie... quatte cìcere annammuolle... Insomma, impersonificatevi della sua infermezza... RAFILINA Buonasera!... VINCENZO Site furtunate... v ha ditte buonasera... Rafili, qui c è il medico che ti deve constatare... È gruosse... è na celebrità... Dicite vuie pure accussì T assicuro che sei caduta in buone mani... RAFILINA Io mo che t aggi a dcere... Quanno pe tte mugliéreta è l ultima cosa... Si se trattava e strafuchiamiente... te sarrisse iute spezzentanno pe truva na ciente lire... Cinquanta pe nu miéreco buono nun se ponno caccia, e m aggi a cuntenta e uno qualunque... TEODORO Embe... me sta tuccanno e nierve... VINCENZO Po sa che te dico... l abito non fa il monaco... TEODORO Oh! Ma insomma, io sono un dottore conosciuto... mo m avess a caccia a fede o vattìsimo cu vvuie? VINCENZO O bbi!... L he fatto piglia collera... Aggiate pacienza... chella nun è essa... Meh... vedite e che se tratta... TEODORO Accomodatevi... (Rafilina siede e comincia a slacciarsi le scarpe). Aspettate... Le scarpe che c entrano?... Sbottonatevi un poco la camicetta... 4

5 RAFILINA E visto? M è fatto cagna pure e cazette... TEODORO Che s avev a accatta e scarpe!... VINCENZO Va bbuono, è cos e niente... Mo che ghiammo a casa, te miette e rotte n ata vota! TEODORO Dunque, che vi sentite?... RAFILINA Che me sento?... O ssaccio io sola... O ssaccio sul io... TEODORO Ma l aggia sape pure io! RAFILINA Ecco qua... Accummencia a matina ca me sento na pena dinto o stommaco... na languidezza... na famma, va... e aggi a mangia si no nun me passe... TEODORO E po!... RAFILINA Nun passano nu pare d ore... N ata vota pena e languidezza,... e si nun mangio n ata vota... nun se calma... TEODORO E po!... RAFILINA A sera, na famma, na famma!... Nun c è mangia che m abbasta... TEODORO E po?... RAFILINA A notte, doppo c aggio magnato e bevuto, me sceto a dint o suonno, e aggi a mangia n ata vota... VINCENZO Vuie mo ca tenite scienza ncuorpo... M avit a dìcere che d è? TEODORO È stommaco sfunnato... Mo vedimmo... (Osserva le spalle ed il petto) Sbottonatevi! VINCENZO Tito... chiano chiano... vide addo miette e mmane! TEODORO Eh... ma io l aggi a visita! RAFILINA Nun o date retta... bell o... facite... VINCENZO Ma comme... chillo te sta sguancianno sana sana... RAFILINA Ma statte zitto... Vedite si è o mumento... TEODORO Dite trentatre... VINCENZO O siente... di trentatre. RAFILINA Schiatte... Nun o voglio dcere!... TEODORO Neh, sapite, io nun tengo tiempo a perdere... Ma che facimmo e criature... Dite trentatre... RAFILINA Nun o voglio dìcere... VINCENZO Aggiate pacienza, dotto, quella nun è essa... E vi si nun aggi a cedere sempe io... mettite a recchia... (Teodoro esegue). Mo o dico io trentatre... TEODORO Ma chisto è proprio na bestia... Va bene, ho capito nieh... Questa è cosa da niente... è un poco di esaurimento nervoso... Una buona cura ricostituente vi guarirà completamente... VINCENZO Guè comme dicette chill atu miesìdico Bacoloro!... TEODORO Mo vi scrivo io una ricettina cercate soprattutto di essere calma... RAFILINA Comme dicette Bacoloro... TEODORO Molto riposo... RAFILINA Comme dicette Bacoloro... TEODORO Niente caffè... niente eccitanti... riposo... E mo m avite a paga. (Pausa). Chesto nun o dicette Bacoloro? VINCENZO E mo! Me ne stesse scappanne?... O bbi, per i capricci tuoi, mo se ne vanno n ata chioppa e lire... Tenite... accattateve e sicarie!... TEODORO Ma voi state scherzando... Ma so cose e pazze... Don Save, chillo m ha dato doie lire... SAVERIO Una lira di resto al signore... TEODORO Don Save, nun pazziate... VINCENZO Ma pecché, vulite cchiù assaie... Tiene mente nu poco, chillo ha ditto tutto chello che dicette Bacoloro... tale e quale... TEODORO Ma quando a malatia quella è, la posso cambiare...? Nevrastenia acuta... VINCENZO Ah... mo nc e mise chest ata parola, chesta nisciuno a ditto maie... nevrastenia acuta! na parola nova, doie lire sta ben pagata... A te, cammina... (Esce). TEODORO Truovete chiuso, e piérdete st accunto! SAVERIO Che ce vulite fa cu nu tipaccio simile, perciò non ho risposto! 5

6 TEODORO Due lire a me?... Io ci sputo sopra!... (Intasca le due lire). SCENA QUINTA Gregorio e detti GREGORIO Don Save, per favore, mettiteme na cosa dint a sta mola... io me sento asci pazze! SAVERIO Eccomi qua, famme vede! E questa è cariata.. tuculeia pure... Mo a tirammo... a parte e dinto tengo tutt e fierre.. Iammo che a fa o dentista è stata sempre la mia passione! GREGORIO Ma si sento dulore? SAVERIO Chella n atu ppoco se ne cade appiessa... trase! GREGORIO Abbasta che facite ambressa... comme v aggio ditto, tengo o palazzo sulo... (Entra in fondo con Saverio. Pausa. Poi di dentro) Ah, vuie me facite male... (Poi pùi forte) Ah!!! SAVERIO (uscendo) Sciacquatevi la bocca con un poco di acqua... lloco ce sta a funtanella... molti sciacqui!... TEODORO Caspita, songo e sette e meze... Io vado a pranzo, se volete favorire con me? SAVERIO Grazie... troppo buono! TEODORO Buonasera!... (Fa per andare) A proposito, me vulite da chelli cartine... o vveleno p e sùrice? SAVERIO Sicuro... ll aggio mise ncopp a cassa... pigliateville... (In questo momento, è occupato ad aggiustare alcune cose in vetrina) Stateve attiento a casa p e guagliune... Vedite addo o mettite, ca cheli è arsenico! TEODORO Non dubitate... questo? SAVERIO No... dev essere una carta rossa... Chest è aspirina... Addo l aggio miso... Io perciò l ho avvolto in carta differente... E st aspirina pe cchi l aggio fatto? TEODORO Pe chella giovine che vuie avite ditto ch era a cammarera d a mugliera vosta... Nun se l è venuto a piglia ancora... SAVERIO No, nun se l è venuto a piglia ancora... e cartine vostre forse nun l aggio fatte ancora... me sarraggio distratto! TEODORO E se ne parla dimane... Io me ne vado perché è tardi... Ce vedimmo dimane... Buonasera... SAVERIO Buonasera! SCENA ULTIMA Brigadiere, guardie e detto, poi Gregorio. BRIGADIERE Buonasera!... Don Save, mi dispiace, ma dovete favorire con noi in Questura... SAVERIO (sbalordito) Mah... Io nun aggio fatto niente! BRIGADIERE Cheste so e solite chiacchiere... SAVERIO Ma forse mugliérema è morta? BRIGADIERE Che d è, mo o ssaie ch he fatte... L hanno purtata o spitale, nun se sape niente ancora... Mo s a spicce cu o Cummissario, tanto già ha confessato... SAVERIO Io, nun so stato io... Escono come a concerto. GREGORIO (uscendo. buio perché la farmacia è stata chiusa) Prufesso! Ma ch è stato? Prufesso, ma ch è succiesso? Prufesso io aggio rimasto o palazzo sulo... (Va alla destra e picchia forte alla porta) Mamma mia m hanno chiuso a dinto... (Gridando) Prufesso... Prufesso!... 6