MEDJUGORJE: RICORDO - SEMISERIO - DI UN PELLEGRINO

Transcript

1 MEDJUGORJE: RICORDO - SEMISERIO - DI UN PELLEGRINO Se la Madòna lat céma a Medjugorje, ut tàca andè... un si po fè tent storji; veramènt mu mé... u m ha ciamè Tonino: Checco... vieni a fare il pellegrino! E giò DVD... e libri... e mesàgg e a la fin ho détt: Féma stè viagg! E già prima at partì, ma la Murèda i c ha ciamè prì fè... na ciacarèda, e prì fè conoscénza tra tott nun... prì spieghé u scòp de viagg, scambiés i dun. Po, dàp, tla grèn surproisa di presint che at storia in s arcurdèva guasi gnint u s èlza in pì e marid a dla Sofia, che dla Croazia uc fa la geografia, e u s agitèva... mèni, braci e pì, e da la Creazioun lu l è partì. E tott al ràzi al vliva andè at cl enclave, e la situazioun la s fèva grave... e agl invasioun agl j à durè mél ànn e quand al fniva chi ch paghéva i dànn? E acsé stè pòpli l ha visù in misiria, e la subì ingiustizji e....cativiria; e nonostante tott l è rvènz cris-cén... el destoin? Un mirècli?... o tott do insèn? Chèchdun confus el giva Te t è capì? Figurti... am s èra mèss guasi a durmì! Po Paolo l ha fnì i su argumint E nun em batù al mèni tott cuntint! Po dap l è stè la volta at Don Ivano ch l ha détt che Medjugorje è assai lontano, ma se siam ben disposti dall interno il cambiamento in noi sarà eterno! E acsé una nòta, ch l èra ancoura scur, s un pullman pin at pché, bagài... dutur em cmènz e viagg vèrs cli aparizioun, tra qualche poesì e mél urazioun! File: _medjugorje_le_poesie_di_checco_guidi Pag. 1 di 8 Versione: 3.00

2 E quanta strèda, quant dulur mli gambi... e al pusizioun d ognun l èra al piò strambi: e chi sdrajéd, chi tinch s un stràcc m e còl, e pariva ch j avés tott... el torcicòl; sna l autésta, at sta gita dl uspidèl, l èra l onich ch e pariva un po nurmèl! E ogni da-tre ouri una farmèda, giost pòch minut... el tèmp d una pisèda. E prì cumbàta la... monotonia, ogni tènt e pasèva... la Sofia, o mèi, i su biscut... j ambriagun, un gni si dèva un sòld, mo j éra bun, e po, a pèrta el dobji d j ingredjint... j éra un po séch, mo in custèva gnint! E fàto sta che dap quéng ouri d viàgg, a sirmi ad Medjugorje ti paragg e at bòta u c è pass tott la stanchèza, sostituida da la cuntantèza, quand tott i pelegroin vicc e burdill j à vést la Cisa e i su Campanil. Che gioja granda... e che cumuzioun, tuché la tèra dli aparizioun! E sti puch dé j è stè una surproisa, t e gropp l è nèd, spontanea, un intoisa, e em visù esperienzi interesènti, e sensazioun prufàndi e coinvolgénti. E al nòti guasi in biénch e agl j èscursioun, li n ha scalfì la nòsta cunvinzioun che a fimji pèrta tott ad un disègn e che sti dé j avria las u sègn. E agl j ouri li n èra mai banèli, incuntri, preghjiri sàta al stèli... e Krizevac e Podbrdo e... scalancun e amigh dli Veggenti... snà prì nun! Magné un gnéra mèl, l èra abundènt, e ognun da tèvla u stèva so cuntènt... tranne una soira che m el nòst ritorno i c éva fàt i macarun al forno ; An mètt un t bàca... a m impègn, a biàss, File: _medjugorje_le_poesie_di_checco_guidi Pag. 2 di 8 Versione: 3.00

3 mo an gni la fèva... j éra dur cmè i sass. E camerjir, quand l arcujiva i piàtt, um guardèva sa do ucc da màtt... Perché tu non mangiare... c è problema? Nà, nà... j è bun, mo l è ch a ho pòca fèma! Vai a spieghé che j éra acsé cruchint... che eva paura ch um cas-chés i dint! A pranz la nòsta guida sl esultènza, la anuncia una grèn testimoniénza: Al quatri in punt... cridim... a dégh dabun, Suor Emanuèl la è snà prì nun! Oh, se lì la è sna prì nun, bsagna partì, démci una mòsa... an c vrém fè guardè drì!? A arvém at cursa ma l apuntamènt, e già da dlàngh u s vid un muvimènt... scaràni pr èria... génta at tott i bus... chèchdun te grop l è rvènz un po delus; e da cla vòlta em vést che: Snà prì nun sa Paolo e vò dì: Do/tre miliun! E tu ritourni, in vésta dla frontiera, la situazioun la n èra tènta céra... perché tra crouni, bracialétt... e sàss che pullman e pariva un po piò bàss; snà grazie ma l autésta e u su mis-cir i s è cunvint ch an sém contrabandjir! E viagg prì rturnè indrì l è stè pesènt, perché ognun ad nun l èra strach s-cént; mo ecco Don Ivano el nost Pastour... sli su preghjiri l ha tnu so l umour e at tott e viagg l ha avù paroli d or acsé prufàndi da tuché el nòst còr; guida spirituèla, bòna e sènta, snà che dli volti invici at zcàra... e chénta, e aloura per gli orecchi e per i cuori bisogna proprio dirlo... son dolori!!! E prima at sènda tott da la coriéra, già s e pensjir rivolt mla nòsta Tèra, ognun ad nun l andèva sla memoria ma j utmi cinq/sì dé dla nòsta storia, File: _medjugorje_le_poesie_di_checco_guidi Pag. 3 di 8 Versione: 3.00

4 sla cunvinzioun da èsa migliurèd e furs chèchdun un po miracolèd. E ognun l ha u su mirècli persunèl, da conservè te fànd du su... cervèl; mo u j è chèch sègn visud publicamènt che tott j arcurdarà piò facilmènt: L anuncc, dàp tre/quatr ànn t dura batàglia, dla firma at San Maroin insèn sl Italia; chi do ragàzz gentil e silenzius... che j à decis, apoina ch j è dvènt spus, da fè u su viàgg ad nòzi t una zòna amèda e consacrèda mla Madòna; e Massimo ch l ha détt: Non so parlare... ma questa sera voglio raccontare in breve, a tutti voi, il cambiamento che è avvenuto in me, in un momento... e dàp da ouri d un racount struggente da fè invidia guasi m na Veggente, tott a piangimji e a sirmi acsé aflétt che a avimji consumè vint fazulétt! E quei che at solit prì camnè in altura I tniva, prì e fiadoun, la lèngua at fura e invici a Medjugorje, tla salida, j éra ligir e i fèva count ad rida?! Adès, ma chésa, tott i m intèrvésta: Aloura la Madòna tla e vésta? Cért ch a la ho vésta... a rispànd decis, A la ho vésta t j ucc e ti suris di pelegroin ch j è rvàt da inchéva e mànd prì viva ste mirècli te prufand; A la ho vésta drì chi Cunsinèrji, tli ouri d Adurazioun... at chi Rusèrji, tla devuzioun, tli pjitri consumèdi, da méla e méla schérpi calpestèdi, a la ho santì a tl èria ch u s respira, a tli testimuniénzi... tla preghjira; e a spér... a so cunvint che l amicizia u sia, t el nòst gròp, una primizia d un cambiamènt tra d nun, dna vita nòva e che a putéma te mumènt dla prova, File: _medjugorje_le_poesie_di_checco_guidi Pag. 4 di 8 Versione: 3.00

5 èsa d esempio prì chi ch a avém d intànda sa tènta gioia e una foida grànda! P.S. Se un um dmanda: a Medjugorje aloura, vulintjir t arturnarés ancoura? Cert, a n ho nisun dobji... a l arfaria... magari sa la stèsa cumpagnia; mo se un un vò fè cla sfachinèda, u j è una soluzioun piò a la purtèda: Andè da Nanni e tu su giardoin... l ha pòrt a chésa tènt at che brisoin che la salida dli aparizioun ormai la s pò nchè fè... tu su androun, e un si sa mai che se la pàsa in zona... la facia un sèlt a lé... nchè la Madòna!!! File: _medjugorje_le_poesie_di_checco_guidi Pag. 5 di 8 Versione: 3.00

6 MARIA Al so che u Signuroin l è e Creatour e u c j à manifestè tott u su amour sacrificand e Fiul soura la Crousa, sna prova umiliénta e dulurousa. Al so che l è prì tott bontà infinita, e che da Lu e vèn la nòsta vita, che l à ciarché da renda menca dura s el doun meraviglious a dla natura. Mo u j è una Creatura acsé gluriousa, ch la è del nost Signour l eterna Spousa; ch la n à esitè un mument ad dvantè Mà de Crucifés e at tott l umanità. E quand a sint e bsàgn e um ritira, da inalzè in silinzji una preghjira, tla su umiltà la è tènta doulcia e bòna, che e prim pensjir e va ma la Madòna. MARIA Lo so che il Signore è il Creatore/ e ci ha manifestato tutto il Suo amore/ sacrificando il Figlio sulla Croce/ con una prova umiliante e dolorosa./ Lo so che è per tutti Bontà Infinita,/ e che da Lui viene la nostra vita,/ che ha cercato di rendere meno dura/ con il dono meraviglioso della natura./ Ma c è una Creatura così gloriosa,/ che è del nostro Dio l eterna Sposa;/ che non ha esitato a diventare Mamma/ del Crocifisso e di tutta l umanità./ E quando sento il bisogno e la voglia,/ di innalzare in silenzio una preghiera,/ nella Sua umiltà è tanto dolce e mite/ che il mio primo pensiero va alla Madonna. File: _medjugorje_le_poesie_di_checco_guidi Pag. 6 di 8 Versione: 3.00

7 PRESENZA A végh u Signour t un giardoin pin at fiur, t un arcobaleno, s i su mél culur; tu sguèrd d un burdèl ch u s irva mla vita, a tl aqua de mèr, ch la pèr infinita. A végh u Signour t un cél pin at stèli, t e fés-ci de vent, t un bàtit ad eli; tu silinzji d un paesagg d muntagna, t un campanil ch u svèta tla campagna. A végh u Signour, la soira m e camoin, quand tla penambra a m arcoi m e caldoin, e a fés l utma stlouncia ch la dvènta carboun, e a stàgh in silinzji... e un po a m abandoun. A sint u Signour presènt tla mi chésa, na forza invisébla, ch la douna la pèsa; a so inebriéd, a acèn un suris, e um pèr da immaginèm e Paradis! PRESENZA Vedo l immagine di Dio in un giardino pieno di fiori,/ in un arcobaleno, con i suoi mille colori;/ nello sguardo di un bambino che si apre alla vita,/ nell acqua del mare, che sembra infinita./ Vedo l immagine di Dio in un cielo pieno di stelle,/ nel sibilare del vento, in un battito d ali;/ nel silenzio di un paesaggio di montagna,/ in un campanile che svetta nella campagna./ Vedo l immagine di Dio la sera davanti al camino,/ quando nella penombra mi rifugio in quel tepore/ e fisso l ultimo legno che diventa brace,/ e resto in silenzio... e un po mi lascio andare./ File: _medjugorje_le_poesie_di_checco_guidi Pag. 7 di 8 Versione: 3.00

8 Sento il Signore presente nell intimità della mia casa,/ una forza invisibile che dona la pace;/ sono estasiato, accenno un sorriso,/ e mi sembra di immaginare il Paradiso! File: _medjugorje_le_poesie_di_checco_guidi Pag. 8 di 8 Versione: 3.00