Spruloquianno Mo te ceco n uócchio

Transcript

1 Spruloquianno Mo te ceco n uócchio Salvatore Argenziano

2 Stammatina sta lenga latina m ha fatto vutà i ppalle i ll uocchie e ggià me vene a cechìa i roppo mangiato. Mia madre me tène sott uocchie 1 perché mi vuol bene e me tène cumme a ll uocchio diritto suio 2 e caro cumme i ppupelle 3 soie. Ma io so nu risgrazziato e, invece i cecá ncoppa a nu libbro, me ne scengo a uocchio a uocchio 4 e vvaco û cafè a ddá n ucchiata. Pascale è già là, a pprimma matina. Da poco ha apierto ll uocchie, e già sta i posta a ppuntone r u cafè cu n uocchio mbesecchiato 5 e azzeccuso p a scazzimma 6, pecché tene ll uocchie pisciarielli 7 e ncoppa a na parpetula 8, tene n agliarulo 9, e i bbuttèlle sotto a ll uocchie 10 e non ha potuto azzeccá uocchie na notte sana sana. 1 me tène sott uocchie: Mi controlla. 2 ll uocchio diritto suio: Il suo beniamino. 3 pupelle: Papille 4 a uocchio a uocchio: Di nascosto. 5 cu n uocchio mbesecchiato: Con le borse sotto gli occhi. 6 scazzimma: Cispa. 7 ll uocchie pisciarielli: Occhi lacrimosi. 8 parpetula: Palpebra. 9 agliarulo: Orzaiolo. 10 i bbuttèlle sotto a ll uocchie: Malattia degli occhi per cui le palpebre inferiori si gonfiano. S. A. --- Mo te ceco n uócchio 2

3 Chillo è rrattuso e qquanno appizza ll uocchie 11 vuliusi a qquacche guagliuncella a luntano s a magna cu ll uocchie e ccunfromme s avvicina, le manda n aucchiata malandrina e a frezzea a uocchie i puorco 12, aró coglie coglie e ppo sferra zenniate 13 d intesa, non corrisposte, cu ll uocchie a zennariello 14. Non posso sopportarlo e cerco di levarmelo a nnanze all uocchie e senza rá all uocchio, provo a svignarmela nt a na vutata r uocchio 15. Ma lui che tiene chill uocchie scarcagnati ma che sono uocchie i cistariello 16, senza girarsi sturzella ll uocchie e se ne addona nt a na córa r uocchio 17 e mi dice che vuole parlarmi, a quatt uocchie, di una ragazza che ha conosciuto e che ora se l è misa nt a ll uocchie e che se pure dovesse mo mo nzerrá l uocchie, la vuole fermare. A mme me pare ca tene ll uocchie ammarrati 18 e ppure i ppezze all uocchie opure, cumme se rice, l uocchie futarati i presutto e non si rende conto ca pure ll uocchio vô a parta soia e che sarebbe meglio fingersi nu quatt uocchie 19, magari inforcando acchiare nere, affummate, come portano quelli che levano u maluocchio, recitando: uocchio maluocchio, ha dda fá i ppimmece rint a ll uocchie chi vô male a stu bellu guaglione. 11 appizza ll uocchie: Fissa lo sguardo. Desiderare qualcuno o qualche cosa. 12 a uocchie i puorco: Tirare dove capita. 13 zenniate: Strizzata d occhio, occhiolino. 14 cu ll uocchie a zennariello: Occhio che fa occhiolino. 15 vutata r uocchio: In un battere di ciglia. 16 uocchie i cistariello: Occhio di falco. 17 nt a na córa r uocchio: Uno sguardo di traverso. 18 ll uocchie ammarrati: Occhi ostruiti, ricoperti. 19 quatt uocchie: Chi usa gli occhiali. S. A. --- Mo te ceco n uócchio 3

4 Intanto s appresenta, cu ll uocchie a smerza, Nicola ca tene n uocchio guercio e n ato cecato ed è proprio nu cecagnuolo. Arriva iastemmanno e mai ca venesse cu ll uocchie pe terra. Sempe ncazzato, c u sango all uocchie perché alla Piazzetta gli hanno chiesto n uocchio r a fronte pe nu cuppetiello i spernocchie 20 pe fá nu spaghetto e ppe n acchiata 21 da fare all acqua pazza. Dove siamo arrivati: i ccecate costano quanto le aragoste mentre na vota t ascevano pe ll uocchie 22 e se vennevano a uocchie 23 pe quatto lire. T i ppigliavi a uocchie chiusi e non c era bisogno che qualcuno t arapesse ll uocchie per farti controllarne la freschezza. Meglio farse na zuppa i fasuli cu ll uocchio per spendere poco. 20 spernocchie: Cicale di mare. Canocchie. 21 acchiata: Occhiata, pesce della famiglia degli sparidi. 22 t ascevano pe ll uocchie: Ne mangiavi in grande quantità 23 a uocchie : Senza pesare o contare.. S. A. --- Mo te ceco n uócchio 4

5 Nicola tene sotto all occhie 24 il mondo intero e quando ha miso ll uocchie ncuollo a coccheruno, se mette cumme a na cecalacerta, na cecavoccola 25 e ne sparla e vòmmeca pure ll uocchie e così a noi non resta che dirgli: all uocchie tuoie! 26 A completare a quatriglia per il tressette arriva cu ll uocchie abbufanuti Vicienzo ca tene dui occhi i voio spurgenti e, per giunta, n uocchio fauzo e n ato papalino 27 ed io mi fido poco. Pe gghionta i ruotolo è pure uocchiosicco 28 e ogni volta che parla, o te ratti o è na disgrazia. Mo tene n uocchio giallo p a nzuarchìa 29 che ha pigliato e n uocchio niro pe nu punio r a mugliera. Quanno s incazza fa ll uocchio i pazzo ed è meglio togliersi di torno e llevá i pprete a nanze û cecato. A stá cu cierta ggente; ah! ll uocchie i páteme! 30 Ce verimmo n ata vota. Salvatore Argenziano 24 tene sotto all occhie: Ha in odio. 25 cecalacerta, cecavoccola: Civetta. 26 all uocchie tuoie!: Alla faccia tua. 27 n uocchio fauzo e n ato papalino: Falsi ambedue gli occhi. 28 uocchiosicco: Invidioso. 29 nzuarchia: Itterizia. 30 ll uocchie i páteme!: Se mi vedesse mio padre! S. A. --- Mo te ceco n uócchio 5