A ll America. Racconto della sua vita di Della Gatta Luigi, classe 1900, nato a Torre del Greco. di Salvatore Argenziano

Transcript

1 A ll America Racconto della sua vita di Della Gatta Luigi, classe 1900, nato a Torre del Greco. di Salvatore Argenziano

2 Della Gatta Luigi è la somma di tanti personaggi e di tante storie torresi, confluite in un nome, senza alcun riferimento a persona esistente o esistita. A ll America nce so gghiuto ca tenevo vintott anni. U zì Michele me mannaie a chiammàta cundicenno 1 ca na bona giobba 2 a Nneviorca pe mme nu mmancava. Quanno sbarcaie nce steva nterra na metrata i neve. Nu friddo a nun crérere, mai visto â Torre. Io penzavo viati a cchilli cumpagni ca sbarcano pe ffá i cammarieri e ffaticano û ccavero nt î risturanti. Io, mméce, tenevo nu mestiere i carpentiere e gghievo pe ffaticá fora, a ll acqua e vviénto. 1 cundicenno: Con la quale diceva. 2 giobba: Lavoro. Dall'americano "job. S. A.. A ll America 2

3 Roppo â scola, a ddurici anni, m ero miso a ffaticá nt û cantiere i mastu Rrafele vottafuoco, ca steva ncoppacalastico, areta û mulino, faccefronte û maciello. Accumminciaie iènno a gguaglione nt û munazzè. Purtavo l acqua c u ggiarro, e mmantenevo i ttavule ca i masti êvano a gnuvá. Appulizzavo nterra e arunavo i ppampuglie e i spruocculi a rinto î vvarche. Me mparaie l arte nu poco â vota e a vvint anni, quanno me chiammaieno a ssurdato, èvo già carpentiere masterascia. Iétti surdato in Marina pecché tenevo a libbretta che me l êva pigliata cu nu mbarco i sei misi e ssette juorni ncoppa â na curallina. Che vita i cane, tanno e cche chianto ca me facevo nt â nuttata. Rui anni stiétti marenaro; a Ttaranto e â Matalena nzardegna. Addiventaie nucchiero e tturnaie cungerato ca èvamo û miso i marzo r u vintiroie. S. A.. A ll America 3

4 U posto û cantiere l avevo perzo e mm abbuscavo a jurnata iènno a ffaticá cu mmastu Ttore u surrentino, ammontuscaro. Facévamo vuzzarielli e mmenaite e ccocche lanzetella p a varchiata. Finarmente truvaie nu mbarco cumme a mmuzzo ncoppa a na carretta. A vita i mare nu mme piaceva e ppo, a chiammata p u mbarco nunn era sempe assicurata. Sei misi stevo mbarcato e ppo n anno sano nterra, a spasso, aspettanno n ata chiamma. Quanno zì Michele me scrivette ca nce steva na giobba pe mme, nterra a ll America, èvo 3 mbarcato ncoppa a na carretta ca faceva Genova Neviorca. Arrivato mpuórto me sbarcaie, aumma aumma clandestino. Frammente che stevo aspettanno chist urdemo mbarco m ero nzurato e qquanno nascette figliome èvo già a ll America a sei misi. 3 èvo: Ero. S. A.. A ll America 4

5 A Còmpany i zì Michele facevano 4 i ffundazioni r i grattacieli e isso me facette trasì a ffaticá cu lloro. Stiétti annascuso cocche mese, nfino a quanno nu mme mparaie a mmazzecá nu poco mericano brucculino. Tanno isso putette ligalizzà a pusizziona meia, tràmmite cierti cumpari paisani ca èvano assaie rispettati e ntrallazzati. Aroppo me rètteno na risirenza a rregola 5, aspettanno u passapuorto occhèi e ampressa ampressa penzaie i m accucchiá u mmany 6 pe vvenì â Torre a vveré a ffigliome. Succeretto u scunquasso r u vintinove nt â borza americana, chillu viernarì niro, e ttutta l America se stuppaie. Zizì me ricette ca nu mm êvo 7 a mòvere pe nnu pperdere u posto e accussì mannavo i sordi â casa e aspettavo. Tre anni ancora i malepatenze, faticanno cumme a nu niro, e scitto chilli pochi i nuie ca a Cumpagnia s èva tenuti e ssenza penzá i venì â Torre, p a paura i turná e nun truvá cchiù u posto. 4 facevano: Anacoluto sintattico. 5 risirenza a rregula: Trattasi del riconoscimento dell autorità di legal resident. Un clandestino poteva essere legalizzato come "legal resident" e solo dopo 5 anni poteva richiedere la cittadinanza. 6 mmany: Denaro. etim. Dall'americano "money. 7 êvo: Contrazione di dovevo. S. A.. A ll America 5

6 Da Neviorca a Bostònn e ssempe cchiù a r i pparte i coppa i ll America, nfino û friddo r u Canadà, a nchiuvá tavule p i cculate r a ggementa. A ogni cummessa n atu paese e n ata casa, addó nce rummanevo pe ppochi misi; sempe na vita pruvvisoria, mmiezo â ggente ca cagnavano faccia e ausanze. Muglierame me mannava i ffotografie r u piccerillo ca crisceva. Chilli litratti r u fotografo Marianera che io me ll astipavo nt û cartafoglio. Roppo venette u prisirente r u nniùdìll 8 e a Cumpagnia facette buoni bisinissi 9 ch î ccummesse r i federali. Chilli fóveno 10 anni bbuoni i fatica e accussì accucchiaie u mmany p u viaggio. 8 nniùdìll: New Deal. La politica economica di Roosevelt. 9 bisinesse: Affare. Dall americano business. 10 fóveno: Furono. Anche erano. S. A.. A ll America 6

7 Zì Michele, che frammente èva addiventato nu bigg-boss 11, me rètte na licenza i nu mese, cchiù quinnici juorni p i viaggi. Scennietti a Nnapuli u sirici i dicembre, sotto Natale, cárreco i crisimissi 12 p i parienti, quanno tenevo già trentacinc anni, cu nu figlio ca teneva sett anni, mai visto primmo i tanno. Â Torre se steve bbuono ma a fatica nun se truvava e a vita a mme me parette accussì allesinata a ccunfronte r a brutta vita meia a ll America. No ca io, a cchillu paese, facesse na vita sciampagnona e scriacasa ma nterra a ll America tu putivi cchiù priesto aumentá i grado rint a giobba e ppure cagná pusizzione. Io già tenevo u carr 13 e â Torre scitto cocche signore a tenevano a votamobbile. Mugliereme e u guagliunciello campavano buono ch î sordi ca sempe avevo mannato. Purtavo i dollari â Banca i ll America e ll Italia, chella ca funnaie Pieto Giannini, nu grand ommo pe nuie, e lloro facevano a rimessa ncoppa â Bancarella r a Torre. 11 bigg-boss: Dirigente, capo. 12 crisimìsso: Regalo di Natale. etim. Dall'americano "Christmas. 13 carr: automobile. S. A.. A ll America 7

8 Pure quanno ce fóve stata a crisi r u vintinove, io sempe mannàvo i sordi. Muglierema spenneva poco e accussì truvaie accucchiato nu bellu carusiello. Cu cchilli sordi e n ata jonta ca mettiétti chèsce 14, pavaimo u mpigno p accattá nu quartino abbasciammare. Roppo quatto anni l évamo pavato tuttuquanto. Pateme s era sbarcato e ppigliava a Garibbarda, chella penzione r a Cuperativa r i naviganti ca facette u cumannante Giulietti, roppo a uerra r u quinnici-riciotto. Recuglievano pure i pesuni i rui quartini ca teneva mammame sottuponticavino e ccampavano senza penzieri. I ssore meie êvano 15 pigliato rui bravi giuvani faticaturi, cu pusizioni i cumanno nt â giobba loro e stevano occhèi ch î figli ca tenevano. Saglietti a ll America cu na pecundria mpietto ma sapenno che accussì êvo a fá. 14 chesc: In contante. Dall americano cash. 15 êvano: Avevano. S. A.. A ll America 8

9 Ddoi ati vvote scenniétti a Nnapuli primma r a uerra; èvamo û trentasette e û trentanove. L urdema vota urdinaie l accommeto r u quartino nuosto e nce purtaie l acqua i serino pecché primma tenévamo sulo u puzzo r acqua surgiva, chella stessa ca menava a Funtana. Tenévamo pure a piscinella cu ll acqua ca chiuveva a coppa a ll astico, ma chesta era bona sulo p a culata. Rummineco steva â quinta e io riciétti a mmuglierame ca nunn aveva a ì a ffaticá ma s êva scrivere â scola media ncoppa î viali r i cappuccini. Roppo a cchesta vota, succerette a grannissima strunzata i Musullino ca s era miso ch î teteschi e ca primma era visto buono a ll America e nnuie primma èvamo sulamente cammurristi e mmariuoli e aroppo èvamo pure spiuni e ttrarituri. Quanta pizzichi ncoppa â panza c êvamo a rá e qquanti vvota êvamo ammucciá a cchelli pparole ca ce sputavano nfaccia irlandisi, pulacchi e ttutti llati furastieri i tanta ati rrazze. Tre anni i uerra contro a ll Italia cumme a nu trìvolo senza requie. Senza lettere, senza chelli nnutizie ca primma me purtavano i marittimi mbarcati ca venevano a Nneviorca c u Rex, a Saturnia e a Vulcania e ssenza puté manná na lettera, nu pacco cu tutte chelli ccose ca mancavano â famiglia meia. S. A.. A ll America 9

10 C a ràzzia r a maronna a uerra fernette e ppe Nnatale r u quarantaseie scenniétti a Nnapuli. Nu figlio ca teneva riciott anni, ca sturiava û liceo mmiezatorre e na mugliera ca cu mmico s era cuccata nemmanco n anno sano. Nu paese i miseria ma n aria nova e nu vulìo i prugresso. I giuvani abballavano u bughibughi e ghiastemmavano caddemm 16, facoff 17 e salemebecce 18. Avevano canusciuto u ppane ianco ncascetta, i ssigarette longhe ca lloro chiammavano i ppallemmano 19 e mazzecavano u cciuingumma, cumme avevano visto i fá a cchilli mericani ca primma l avevano abbuttati i bbombe e aroppo èvano trasuti cumme a llibberaturi. Pe lloro nun ce steva a giobba sicura, a sistimazione. Pe mmisi e mmisi èvano stati a ffaticá cumme a scaricaturi r i nnavi Libberty nt û puorto i Napuli, arrubbanno, quanno putevano, quacche scatuletta i cornbiff 20 opure na buatta i póvera i pisielli. 16 càddemm: inter. Imprecazione blasfema del dopoguerra. etim. Americano "God damned". 17 fàcoff: inter. Imprecazione americana del dopoguerra. etim. Americano "fuck off", vafanculo. 18 salemebécce: inter. Imprecazione americana del dopoguerra. etim. Americano "son of bitch", figlio di puttana. 19 pallemmano: Sigarette lunghe, king size, Pall Mall. 20 cornbiff: Carne in scatola. Corned beef. S. A.. A ll America 10

11 Ma pure stu ppoco i giobba èva fernuta e io mo, fóvo privo 21 i scénnere nt û salone pe mme fá na barba ca loro facevano folla folla attuórno a mme e me spiavano pe vvenì a ll America, clandestini o cu ll atto i richiamo. E qquanti i lloro aggio chiammato roppo a cchella venuta! Arrivavano cumme a clandestini, viaggianno nt î stive nguattati, frammente ca i marenari r a Torre mbarcati nce purtavano u mmagná, rurmenno nterra e ssenza na sciacquata i faccia pure pe qquinnici juorni. Pe tramente io èvo addiventato nu bigg-boss i na grossa giobba e mm i ppurtavo cu mmico a ffaticá. Nce truvavo quacche vestito americano i sichinenza 22, na suessa 23 i lana, nu paro i cazuni i tela blu ca tenevano a vrachetta c a zibabba 24, e ttutto chello ca nce vuleva, ncamuffati mmiezo a ll ati faticaturi, cumme si fóvano brucculini, nfino a qquanno putevano appresentarse û distretto r a pulissa p avé na carta i risirenza a rregula. 21 fóvo privo: Espressione idiomatica per non appena che. 22 sichinènza: Di seconda mano. etim. Americano second ands. 23 suèssa: Giacca di lana. etim. Americano sweater. 24 zibbàbba: Chiusura lampo. etim. Americano zip up. S. A.. A ll America 11

12 Turnaie a llicenza â Torre rui anni roppo, quanno Rummineco steva già a ll Università a Nnapuli. Nu mme n ero visto bbene i stu figlio e accussì facietti u penziero i me ne turná pe ssempe a ll Italia primma ca isso addiventasse ngigniere. E ccumm èvano belle i llettere ca me mannava muglierame! L esami i ppassava uno a ffila a ll ato, e ss ì ppigliava buoni e ppe ttramente io cchiù m appriparavo pe tturná pe ssempe. Stévamo guaragnanno buono cu ll urdema giobba e io êvo mpignato assai dollari nt â Cumpagnia. S. A.. A ll America 12

13 Quanno arrivaie u mumento, era u cinquantatre. Venniétti na parte i ll azioni r a Company e n atu pacchetto u rialaie a na brava perzona ca m aveva fatto cumpagnia pe ttant anni. Coccosa spartietti pure cu cchilli uagliuni ca êvo chiammato roppo â uerra e cca èvano rummasti a ffaticá cu mmico. Priparaie nu bàule chino i vestiti, riali e ssigarette e mme mbarcaie ncoppa â Vulcania. Scenniétti a Nnapuli c a vocca aperta pe rrisciatá l aria i casa mia, cumme si mo nascessi n ata vota. Edward Hopper ( ) Salvatore Argenziano S. A.. A ll America 13