21avla radunonza generala gievgia, ils 27 d avrel 2017 allas 20:00 uras a Trun ella Casa Depuoz

Transcript

1 PROTOCOL SPITEX CADI 21avla radunonza generala gievgia, ils 27 d avrel 2017 allas 20:00 uras a Trun ella Casa Depuoz Tractandas: 1. Beinvegni 2. Protocol dalla 20avla radunonza generala dils 27 d avrel Rapport da gestiun Rapport da quen Rapport da revisiun Approbaziun dil preventiv Casa Depuoz referent Mathias Gutmann, meinacasa 8. Varia 1. Beinvegni Adelrich Berther fa in beinvegni allas commembras, als commembers, hosps, allas collaboraturas ed als collaboraturs. En special menziunescha Adelrich la deputada e presidenta dalla Casa Depuoz Gabriela Tomaschett-Berther, il president communal da Sumvitg Armin Candinas ed il meinagestiun dalla Casa Depuoz Mathias Gutmann. Adelrich engrazia d astgar esser hosp oz cheu ella Casa Depuoz. Alternont vegn risguardau mintg onn in autra vischnaunca. La Casa Depuoz ei denter auter nies furnitur da tschaveras per la Vischnaunca da Trun. Signur Mathias Gutmann vegn aunc a referir duront la radunonza generala davart il menaschi, igl intent e la finamira dall instituziun Casa Depuoz che ha saviu festivar uonn siu 40avel natalezi. Igl ei vegniu inoltrau entginas perstgisas, en emprema lingia dallas collaboraturas e dils collaboraturs. President Adelrich fa persenn che l invitaziun ei vegnida tarmessa ad uras. Plinavon ein las vischnauncas ed ils presidents communals persunalmein vegni orientai sur dils affars dalla Spitex Cadi entras il rapport da gestiun, il qual ei era vegnius tarmess a tut ils 362 commembers. Aschinavon ch ils presidents ein buca commembers dall uniun, vegnan els envidai sco hosps alla radunonza. Il protocol dalla 20avla radunonza generala ei vegnius publicaus sin la pagina d internet ni ha saviu vegnir retratgs el secretariat. La radunonza ei pia cumpetenta da prender oz las decisiuns necessarias. La gliesta da tractandas vegn approbada unanimamein e senza midadas. Sco dumbravuschs vegn proponiu ed eligiu Patricia Derungs. Protocol dalla 21avla radunonza generala da Spitex Cadi Seite 1 von 6

2 2. Protocol dalla 20avla radunonza generala dils 27 d avrel 2016 Enviers il protocol dalla 20avla radunonza generala dat ei neginas resalvas, midadas ni amplificaziuns. Aschia vegn il protocol approbaus unanimamein cun engraziament per la redacziun. 3. Rapport da gestiun 2016 Adelrich rapportescha davart suandonts puncts centrals: Suprastonza/activitads La suprastonza dalla Spitex Cadi ha teniu 7 sedutas. Las activitads las pli impurtontas ein stadas las suandontas: - La regiuvinaziun dalla giunta operativa. Daniel Herger ha surpriu il post sco menader d engaschament e Theo Demund il post sco menader da tgira. - Las contractivas cun la Vischnaunca da Sumvitg pertuccont las localitads da biro. Il contract da locaziun ha saviu vegnir prolunghius per ulteriurs tschun onns. - Per spargnar cuosts da viadi ei vegniu cumprau in quart auto. - Ina nova cunvegnientscha cun ils conventuals dalla Claustra a Mustér ei vegnida fixada. - Intensivas contractivas cun las assicuranzas da malsauns ein vegnidas menadas. - Il preventiv ed il quen ein vegni tractai. - Retschercas da qualitad tier la clientella ein vegnidas fatgas. - Dils rapports meinsils e quartals da menaschi sco era dil moviment finanzial ei vegniu priu enconuschientscha. - Igl ei vegniu fixau cunvegnientschas cun las surbaghegiadas Sut Gliendas e Quaterfegl a Mustér. - Igl ei vegniu acquistau il program d utilisaziun dil sistem electronic da QMS. - Dalla Spitex Foppa ei vegniu acquistau sia documentaziun da QMS ed adattau quella als basegns ed allas structuras dalla Spitex Cadi. - Actualmein ei l administraziun sefatschentada dad implementar quella documentaziun el program d utilisaziun. En favur dils collaboraturs Sin fundament dil bien quen 2015 ha la suprastonza concediu il mars 2016 fr. 12' per possibilitar in viadi als collaboraturs ed organisau ina sera da recreaziun per la buna lavur prestada. Protocol dalla 21avla radunonza generala da Spitex Cadi Seite 2 von 6

3 Sin fundament dil bien quen annual 2016 ha la suprastonza concediu il mars 2017 ulteriurs fr. 8' per in intent semegliont che vegn ad haver liug el decuors digl onn current. Malgrad ils davos onns da carischia negativa ed era sch il cantun ha buca dau a ses emploiai in augment da salarisaziun ha la suprastonza tuttina concediu onn per onn in augment da salarisaziun als collaboraturs. Ins astga pia schon menziunar che la Spitex Cadi ei in bien patrun ella Cadi. En favur dalla clientella Nossa clientella sa profitar vinavon che la taxa dad fr. 8.00/di (participaziun maximala als cuosts dil client) sto buca vegnir quintada. En tut ils auters loghens ei quei buc il cass. Quella taxa che munta à rodund fr. 80' ' va en favur dalla populaziun dalla Cadi. Ils rapports detagliai dalla menadra resp. dil menader d engaschament, dil menader da tgira e dalla menadra dall administraziun san ins consultar el rapport da gestiun Cun ils duius engraziaments concluda il parsura siu rapport presidial. 4. Rapport da quen 2016 Il president Adelrich presenta il quen annual Informaziuns detagliadas sesanflan el rapport da gestiun, paginas Suandontas cefras dil quen annual 2016 vegnan explicadas pli detagliadamein duront la radunonza generala: Finanzas Differenza 15/16 Expensas 1'543' '515' ' % Entradas 973' ' ' % Deficit operativ da menaschi -569' ' ' % Contribuziuns cantunalas 333' ' ' % Contribuziuns da vischnauncas 273' ' ' % Gudogn da menaschi instituziun 9' ' ' % Gudgon/sperdita(-) da menaschi operativ 27' ' ' % Gudogn/sperdita (-) 37' ' ' % Agen capital uniun 280' ' ' % Agen capital menaschi 255' ' ' % Il quen 2016 siara cun in gudogn da fr , el qual igl ei integrau ina remessa da fr. 20' per l introducziun dalla planisaziun e documentaziun electronica da tgira. Ultra da quei ei integrau tenor reglament intern ina summa da participaziun al success finanzial per ils collaboraturs en rama da fr. 8' Entras reducziuns d expensas siara il quen pli favoreivel che previu el preventiv, quei ch ei fetg legreivel. Denter auter ha la disposiziun strategica dalla suprastonza da metter a disposiziun ulteriurs autos menau tier quella reducziun da cuosts. Il president dat liber la discussiun appartenent il quen Da quella vegn denton buca fatg diever. 5. Rapport da revisiun 2016 Protocol dalla 21avla radunonza generala da Spitex Cadi Seite 3 von 6

4 Il revisur Fidel Pally dat plaid e fatg davart il rapport da revisiun. Tenor incarica ha el ensemen cun Rita Carigiet-Brändle verificau il quen annual dalla Spitex Cadi per igl onn da gestiun Fidel Pally sa rapportar che la cumissiun da gestiun seigi satisfatga ed hagi saviu seperschuader dalla buna e cunscensiusa lavur prestada dall administraziun e dalla giunta operativa. Plinavon vegn la cumissiun da gestiun informada dalla suprastonza d eventuals eveniments nunusitai. Per informaziun vegnan els a caschun dalla radunonza generala digl onn proxim a remetter lur post sco revisurs. Els hagien exequiu quei post cun plascher e duront massa onns e vulan ussa denton far plaz a nova glieud. Detagliadas explicaziuns el rapport annual, pagina 23. Conclus: Sin fundament dil rapport dils revisurs approbeschan ils presents unanimamein il quen annual 2016 e dattan scarica alla suprastonza ed a tut ils funcziunaris cun engraziar per la buna lavur prestada. 6. Approbaziun dil preventiv 2017 Il preventiv ei vegnius approbaus dalla suprastonza ella seduta dils 10 da november 2016 per mauns dalla radunonza generala. Sin fundament d ina reducziun dallas contribuziuns cantunalas e communalas per igl onn actual eisi da quintar cun expensas pli aultas. La gronda part dil preventiv vegn dirigida dil diember da damondas e dils basegns d agid che nossa populaziun ella Cadi ha. Cun risguardar la media dils davos 2 onns incumpriu ils emprems 3 quartals digl onn current eis ei pusseivel da s avischinar al resultat prevedius. Cheu las pli impurtontas cefras: Il preventiv preveda: expensas da entradas da resultat da menaschi da contribuziuns dil cantun contribuziuns da vischnauncas gudogn (+)/sperdita(-) 1' francs 926' francs -596' francs 290' francs 238' francs francs Il president dat liber la discussiun. Da quella vegn buca fatg diever. Conclus: Il preventiv 2017 vegn approbaus unanimamein dalla radunonza generala. 7. Casa Depuoz referat Mathias Gutmann, meinacasa Protocol dalla 21avla radunonza generala da Spitex Cadi Seite 4 von 6

5 Il meinagestiun dalla Casa Depuoz, signur Mathias Gutmann fa attents sin enqual interessant punct. Cheu entginas cefras: pertschien da plazzas collaboraturs (incl. temps parzial) - 11 milliuns francs sviulta - Purschida (spartas): o Sonderschule für Behinderte o Ausbildungen für Jugendliche mit IV-Verfügung o Wohnheim für Erwachsene (Werkstätte) o umf (unbegleitete minderjährige Flüchtlinge) La Casa Depuoz ei senza dubi in impurtont patrun en nossa regiun cun in impurtonta incumbensa ed in interessanta purschida. 8. Varia Il president Adelrich engrazia allas suandontas persunas: - Marlies Vincenz, che banduna la Spitex Cadi suenter 11 onns sco menadra d engaschament. Tochen tier la pensiun vul ella ussa aunc dar prioritad ad autras sifdas professiunalas. El admetta ad ella da cheu anora in grond e cordial engraziament per tut la buna lavur ch ella ha prestau duront tut quels onns en favur dalla clientella, dals collaboraturs ed en favur dall instituziun. - Sco niev menader d engaschament ha la suprastonza eligiu ord pliras annunzias internas ed externas Daniel Herger. Sco substitut da Daniel e niev menader da tgira ha la surastonza eligiu ord pliras annunzias internas Theo Demund da Trun/Rabius. E per la sparta da scolaziun ed accumpignament d emprendistas ha la suprastonza eligiu Andrea Knopp da Sedrun. Il niev e giuven cader ei dapi igl emprem da schaner 2017 en funcziun. El gratulescha ad els e giavischa per lur nova incarica in bien maun. - Patricia Derungs, responsabla menadra dall administraziun ed Anita Degonda, secretaria. Ellas prestan omisduas grondiusa lavur. - Als repartiders dallas tschaveras che prestan in impurtont survetsch. - Ed a tuttas collaboraturas e tuts collaboraturs in cordial Dieus paghi per lur excellenta lavur en favur da nossa clientella. In sincer engraziament era a ses collegas da suprastonza: - Sonja Deflorin e René Epp. - Alla cumissiun da quen e gestiun, Rita Carigiet e Fidel Pally. E buca sco davos engraziel el allas commembras ed als commembers ch ein vegni alla radunonza questa sera e pil sustegn da nossa uniun Spitex Cadi. Protocol dalla 21avla radunonza generala da Spitex Cadi Seite 5 von 6

6 Sguard anavon Malguess ei tgei che las vischnauncas da Vuorz, Breil ed Andiast decidan en connex cun la fusiun. Tut tenor sedat la damonda cun tgi che la nova vischnaunca vul allura far ina cunvegna da prestaziun Cadi ni Foppa. La Spitex Cadi ei naturalmein era promta da tgirar ils vitgs dad Andiast e Vuorz. Plinavon communichescha el ch el vegni l auter onn a caschun dallas elecziuns buca pli a star a disposiziun sco president. Suenter 9 onns vicepresident/actuar e suenter 9 onns president, pia total 18 onns engaschi tier la Spitex Cadi mundi el l auter onn en pensiun. El selegra dad astgar surdar l uniun che sesanfla actualmein en in bien e solid status en mauns pli giuvens. Medemamein ha era la cumissiun da quen e gestiun (sco gia menziunau el rapport da revisiun), Rita Carigiet e Fidel Pally, annunziau alla suprastonza ch els intendien da seretrer da lur posts allas proximas elecziuns che han liug en in onn. Els ein stai fideivels a Spitex Cadi duront 12 onns. Bugen fa el attents sin emprendissadis sil sectur da sanadad. Sche ils presents han feglias ni fegls che vulan habitar e luvrar en nossa biala Surselva sa il president en scadin cass cussegliar in emprendissadi el sectur da sanadad. En quei sectur vegn la lavur ualvess ad ira ora. Cunquei finescha il president sias explicaziuns sut varia e dat liber la discussiun. Da quella vegn buca fatg diever. Aschia siara il president Adelrich la radunonza generala giavischond a tuts in bien appetit al puschègn che suonda. Avrel 2017 Actuar President René Epp Adelrich Berther Protocol dalla 21avla radunonza generala da Spitex Cadi Seite 6 von 6