PCD dil Grischun: Presentaziun dallas candidatas ed ils candidats per las elecziuns naziunalas 2019

Elecziuns naziunals 2019 PCD dil Grischun: Presentaziun dallas candidatas ed ils candidats per las elecziuns naziunalas 2019 liug: Hotel Chur, Cuera datum: 15 da mars 2019 uras: 09.30 uras Preziai representants dallas medias Nus beneventein vus alla presentaziun dallas candidatas ed ils candidats dalla PCD dil Grischun per las elecziuns naziunalas 2019. Ablauf: 1. Beinvegni Kevin Brunold, deputau e menader da campagna per la PCD dil Grischun 2. Presentaziun dallas finamira d elecziun dalla PCD dil Grischun Stefan Engler, cuseglier dils cantuns e president dalla PCD dil Grischun 3. Presentaziun dallas candidatas ed ils candidats per il cussegl naziunal Martin Candinas, cusseglier naziunal Carmelia Maissen, deputada e president communala Yvonne Brigger-Vogel, meinagestiun dalla ITG Grischun Franz Sepp Caluori, deputau Gianna Luzio, secretaria generala PCD Svizra 4. Presentaziun dil candidat per il cussegl dils cantuns Stefan Engler, cuseglier dils cantuns e president PCD dil Grischun 5. Damondas Ulteriuras informaziun: Stefan Engler, president PCD Grischun, 079 400 30 25, englerstefan@bluewin.ch Kevin Brunold, menader da campagna PCD Grischunn, 078 847 62 68, kevin.brunold@icloud.com 1

Beinvegni Kevin Brunold, deputau e menader da campagna per la PCD dil Grischun 2

Pertgei che nus s'engaschein da Stefan Engler, cusseglier dils cantuns e president PCD Grischun PCD dil Grischun: Gie alla singularitad dil Grischun (ei vala il plaid plidau) Buns e segirs plazs da lavur era sil spazi campester. L'egualitad concernent las relaziuns da viver vegn garantida tras investiziuns en ina infrastructura da gronda prestaziun, en viafier e vias, en ina vasta cumpilaziun digitala. Nus vulein dar ina gronda attenziun politica al svilup digital da nies cantun, sinaquei che tuttas valladas dil cantun profiteschien dil progress. Nun contribuin aschia per rinforzar il turissem ed il mistregn pigl avegnir. Cun scolas aultas professiunalas, cun rinforzar la scolaziun professiunala e l'ulteriura formaziun ed aschia cun ina pli gronda appreziaziun dils menaschis che formeschan emprendists, vulein nus mantener e crear novs plazs da lavur el cantun. Nos KMUs ein la basa pil progress e per innovaziuns e duein crear novs plazs da lavur. Marcau e campagna - maun en maun ei nies recept pil success; curaschusamein lein nus era acceptar las povocaziuns dalla digitalisaziun. In ulteriur giavisch che nus lein nudar sin nossa gliesta da pensums e che duei contribuir a mantener bunas relaziuns da viver egl entir Grischun ei in Survetsch public che mereta quei num - seigi quei concernent il traffic public, il provediment medicinal, la tgira dils attempads, la posta, ils mieds da massa e la purschida culturala. Ch'ina tala purschida fundamentala caschuna cuosts per burgheisas e burgheis savein nus: la cuntervaleta da quei lein nus denton bugen prestar. L'agricultura vulein nus appreziar e nezegiar sco garanzia per la creaziun da valur. Vivonda sanadeivla dil bein puril, tener animals da nez a moda correcta per quels, la tgira dalla cultira, la cultivaziun da nossas alps e las fuormas aschi variontas digl agroturissem lein nus sustener vinavon ed engaschadamein ton sin plaun federal sco cantunal. Nies quitau vala era pil clima e per la cuntrada ed el colligia aschia era ina ulivaziun commensurada dils interess dalla societad, dall'ecologia e dall'economia. Nus essan la partida dil federalissem. La regla che las decisiuns politicas duein vegnir pridas il meglier leu nua ch'ils pertuccai ein tangai il pli ferm, lein nus suandar ton el cantun sez sco sin plaun federal. Ch'ei setracti lu da damondas pertuccont ils fatgs da scola, digl uorden spazial ni eventualmein dalla damonda, nua che las cumpetenzas duein esser per 3

survigilar e reglar il diember memia grond da selvaschinas da rapina. Enteifer il Grischun ein vischnauncas vitalas la clav per solidaritad e qualitad da viver. Concernent la DNA dalla PCD ed aschia era dalla PCD dil Grischun s'auda il quitau per nossa reha ierta culturala veseivlamein en la plurilinguitad, en las isonzas vividas ed en il viver da cuminonza e cul respect vicendeivel. Nua, sche buc en la segirtad dalla famiglia, sentin e gudin nus dapli dallas valurs sco senn per la cuminonza, fidonza e sustegn vicendeivel? Era egl avegnir vulein nus s'engaschar cun tuttas forzas per cundiziuns da basa favoreivlas per las famiglias, seigi quei en scola, el mund dalla lavur ni en cass da tgira da confamiliars. 4

Cuors da veta Martin Candinas Num/Prenum Adressa Candinas Martin Berninaweg 13, 7000 Cuera Via Caho 8, 7172 Rabius Telefon +41 78 841 66 86 E-Mail martin.candinas@parl.ch Annada 1980 Professiun Cusseglier naziunal e spezialist Partner e Key Account Management tier Helsana Assicuranzas SA Cumissiuns Cumissiun per traffic e telecommunicaziun Cumissiun da gestiun Delegaziun da survigilonza dalla NEAT Partida Commember dil presidi dalla PCD Svizra Commember dalla giunta dalla PCD dil Grischun Mandats President dalla Litra (Survetsch d informaziun per il traffic public) President Swiss Helicopter Association Vicepresident dall Associaziun svizra per las regiuns da muntogna President Cuminonza d interess Aua minerala Cussegl consultativ Federaziun svizra dil turissem Cussegl consultativ WOHNEN SCHWEIZ Commember cussegl da scola dalla Scola Aulta Professiunala dalla Svizra Orientala Commember dalla suprastonza dalla ibw Höhere Fachschule Südostschweiz President dalla cumissiun cantunala Pro Infirmis Grischun Commember dil cussegl da fundaziun dall ANR (Agentura da Novitads Rumantscha) 5

Persunal Commember dil cussegl da fundaziun dalla ARGO President Fundaziun per giuvens svizzers a l ester, comite cantunal Grischun Cussegl consultativ Associaziun d Alzheimer secziun Grischuna President Uniun Pro Lucmagn Commember dil cussegl da fundaziun dalla Fundaziun Svizra dalla Greina Commember dil cussegl da fundaziun dalla Casa sogn Giusep Cumpadials Commember dil cussegl da fundaziun Casa da vegls e da tgira Glion Burgheis da Sumvitg maridaus, 3 affons (annadas 2010, 2013 e 2015) Formaziun Gimnasi Scola cantunala Cuera ibw Höhere Fachschule Südostschweiz Cuera, spezialist da segiradas socialas cun certificat federal Experienzas professiunalas Menader da vendita dall agentura generala Cuera tier Helsana Assicuranzas SA (menader dils posts da vendita da Cuera, Samedan e Glaruna cun 8 emploiai) Activitads politicas Confundatur e president dalla PCD giuvna Surselva (2001 2007) Commember da suprastonza dalla PCD giuvna Svizra (2006 2008 + 2011 2014) Commember da suprastonza dalla PCD giuvna dil Grischun (1999 2004) Vicepresident PCD Cadi (2007 2014) Commember da suprastonza dalla PCD dil Grischun (2004 2008) Commember da suprastonza dalla Regiun Surselva, departament da sanadad, socialesser, cultura e sport (2008 2015) 6

Deputau dil cumin dalla Cadi (2006 2011), avon suppleant da deputau pil cumin dalla Cadi (2003 2006), President dalla cumissiun da sanadad e fatgs socials dil cussegl grond (2010 2011) Elecziun el Cussegl naziunal: 23 d october 2011 Hobis Famiglia, natira e sport 7

Mia candidatura sco cusseglier naziunal da Martin Candinas, cuseglier naziunal Per regiuns da muntogna attractivas (ei vala il plaid plidau) Sco cusseglier naziunal s engaschel jeu per plazs da lavur segirs e per in bein prosperar dallas regiuns da muntogna. La depopulaziun ei ina gronda sfida per las regiuns da muntogna. In dils motivs principals ei la munconza da perspectivas economicas. Il focus sto pia esser tier la domiciliaziun da fatschentas da survetsch. La digitalisaziun ei ina gronda schanza per las regiuns da muntogna che nus stuein nezegiar. Las regiuns muntagnardas ein predestinadas sco reservuar da datas, denton grazia a noss aulta qualitad da viver era sco liug per in patertgar e luvrar creativ. Ella planisaziun dil territori vala ei da sminuir las restricziuns per ch in svilup seigi insumma pusseivels. La birocrazia en connex cun la lescha da secundas habitaziuns e dalla planisaziun dil territori ei enorma e blocchescha in saun svilup dallas regiuns da muntogna. La finamira dalla politica svizra sto esser da rinforzar las valladas e la muntogna. Per in vast survetsch public Sco cusseglier naziunal s engaschel jeu per in ferm survetsch public che mereta era quei num. Il survetsch public ei in element central dalla concepziun dil stadi svizzer ed ei part dall identitad naziunala. In vast survetsch public d aulta qualitad ei ina fermezia da nies stadi e cunzun da grond impurtonza per igl avegnir dallas regiuns da muntogna. In ferm survetsch public scaffescha unitad en nossa tiara. Per vias e viafier Sco cusseglier naziunal s engaschel jeu per in extensiun dall infrastructura da vias e da viafier e per in augment dall efficienza dad omisdus mieds da traffic. Per noss economia ei in excellenta infrastructura da vias e viafier fundamentala. Via e viafier astgan buc vegnir opponi in a l auter. L economia e la societad spetgan oz dapli flexibilitad ella mobilitad. Igl augment dalla populaziun e dalla mobilitad ha per consequenza che nus 8

stuein extender l infrastructura da vias e da viafier. Il medem mument sto l efficienza dad omisdus mieds da traffic vegnir migliurada. In tact da mes ura en tuttas regiuns ed in tact d in quart d ura denter ils centers economics augmentan la capacitad dalla viafier. Sco cantun economic e turistic duvrein nus per omisdus mieds da traffic aschi bunas cundiziuns sco pusseivel. La confederaziun sto esser cunscienta da quei era egl avegnir. El cumbat da repartiziun che regia denter muntogna e vallada profiteschan las regiuns muntagnardas mo sch ei vegn mess a disposiziun avunda mieds finanzials per la viafier e las vias. Per igl access alla digitalisaziun Sco cusseglier naziunal s engaschel jeu per in infrastructura digitala adattada al temps e quei en tuttas regiuns. Las perspectivas da svilup dallas regiuns da muntogna dependan considerablamein digl access all infrastructura digitala. In internet spert ei per lavurs da survetsch en adina dapli secturs ina premissa elementara. L infrastructura digitala ei per la creaziun da novs, denton era centrala per il manteniment da plazs da lavur existents ellas regiuns da muntogna. Gest fatschentas da survetsch savessen cun in infrastructura digitala moderna mantener e scaffir dapli plazzas da lavur ellas regiuns muntagnardas. Ils mieds da communicaziun moderns lubeschan ina lavur independenta dil liug! L infrastructura necessaria persuenter sto denton star a disposiziun. Nus stuein dumignar ellas regiuns da muntogna il pass dalla via da funs digitala tier l autostrada moderna da datas per aschia dumignar cun success las sfidas economicas e turisticas. Per la varietad mediala e linguistica Sco cusseglier naziunal s engaschel jeu per la varietad mediala e linguistica en nossa tiara cun quater lungatgs naziunals. Nossa Svizra cun sia democrazia directa e cun ses quater lungatgs naziunals drova ina cuntrada mediala varionta ed independenta. Leutier s auda ina ferma purschida da radio e televisiun davart dalla SSR e dils emitturs privats ed in vasta purschida da pressa. Nossa cuntrada mediala semida cuntinuadamein. La pressa stampada piarda muntada, la sparta digitala crescha. Nus duvrein era egl avegnir fermas medias svizras e negina dominanza da gigants d internet digl exteriur. Nossa Svizra cun ses 26 cantuns viva oz dalla diversitad e da ses quater lungatgs naziunals. Era la pli pintga communitad linguistica dils Romontschs sto vegnir respectada a Berna. 9

Per in rinforzament dil turissem Sco cusseglier naziunal s engaschel jeu per in turissem svizzer innovativ e ferm. Era sch ei va actualmein ensiviars cun il turissem regia bia malsegirtad. Aschia drova la branscha da turissem clars segns e perspectivas. Igl access als mieds da promoziun per projects innovativs sto vegnir pli sempels e meins birocratics. Impurtont ein era infrastructuras variontas che corrispundan als basegns actuals. Gest las pendicularas piteschan fermamein sut il squetsch da concurrenza digl exteriur e la midada dil clima. Adina dapli destinaziuns piteschan muort munconza da neiv e las midadas da temperatura e vegnan a liunga vesta buc a saver subsister sulettamein cun il sport d unviern. Novas purschidas ston vegnir sviluppadas e vegnir sin fiera. L informaziun che biaras valladas e regiuns dalla Svizra vivan surtut dil turissem sto vegnir intensivada. Per ina politica d energia e da clima a favur digl ambient Sco cusseglier naziunal s engaschel jeu per in rinforzament dalla forza hidraulica e per la promoziun dalla mobilitad neutrala al clima. La megliera energia, la pli favoreivla ed ecologica, ei l energia ch ins drova buc. Perquei beneventel jeu sistems finanzials che stimuleschan sanaziuns da baghetgs ed el traffic public la midada da bus da diesel sin bus ecologics e neutrals al clima. Nus stuein sminuir nossa dependenza digl exteriur. Per nies cantun ein nossas ovras hidraulicas da muntada existenziala. La forza hidraulica sto vegnir promovida. Las regiuns da muntogna duein saver far diever da quella resursa e saver profitar finanzialmein da tala. Tscheins d aua ein ina recumpensa per ina resursa dallas regiuns muntagnardas che astga ni vegnir reducida ni messa en damonda. 10

Cuors da veta Carmelia Maissen Num/Prenum Maissen Carmelia Adressa Via Casut 30, 7126 Castrisch Telefon +41 79 213 90 27 E-Mail carmelia.maissen@bluewin.ch Annada 1977 Professiun presidenta communala Ilanz/Glion Persunal Burgheisa da Disentis/Mustér En buns mauns Formaziun Matura d economia al gimnasi dalla scola claustrala Mustér Diplom d architectura alla scola politecnica Turitg Doctorat en historia d art e d architectura all universitad da Turitg Experienzas professiunalas Dapi 2018 presidenta communala en uffeci cumplein dalla vischnaunca Ilanz/Glion Dapi 2019 commembra dil cussegl da fundaziun «Schweizerisches Forschungsinstitut für Hochgebirgsklima und Medizin Davos», sco representanta dil cantun Grischun Dapi 2019 commembra dil cussegl cussegl consultativ pils fatgs da baghegiar, HTW Cuera Dapi 2017 commembra dalla suprastonza dall Associaziun grischuna pil svilup da territori Dapi 2018 commembra dil cussegl d administraziun dalla Surselva Turissem SA Dapi 2017 commembra dalla suprastonza SanaSurselva Menadra da project ell economia privata sil sectur svilup regiunal Sviluppadra regiunala dalla regiun Viamala Commembra dil cussegl d administraziun dalla banca Raiffeisen Surselva Collaboratura scientifica tiels survetschs da parlament dil parlament federal a Berna Activitad sco scienziada d architectura independenta Commembra dil cussegl da fundaziun dil Museum Regiunal Surselva, Glion 11

Docenta alla HTW Cuera ed assistenta per instrucziun e retscherca alla scola politecnica a Turitg Activitads politicas Presidenta communala Ilanz/Glion dapi 2018 Deputada dil cumin dalla Foppa dapi 2018, commembra dalla cumissiun per economia e taxas Commembra dil parlament communal Ilanz/Glion 2013 2017 (2013 2016 presidenta) Commembra dil parlament regiunal Surselva 2008 2015 (2013 presidenta) Commembra dalla suprastonza dalla PCD Foppa dapi 2012 12

Mia candidatura sco cussegliera naziunala da Dr. Carmelia Maissen Per ina politica da clima che pren finalmein si slonsch (ei vala il plaid plidau) Sco cussegliera naziunala semettessel jeu en per ina politica da clima activa che mereta quei num. Ils novissims scenaris da clima per la Svizra demuossan cun tutta claradad tgei ch ein las con-sequenzas dalla midada da clima per nossa tiara: pli liungas periodas da schitgira, stads pli cauldas, pli pauca neiv e dapli plievgias intensivas. Las regiuns alpinas ein pertuccadas spezi-almein. Denton fa la politica da clima actuala in impressiun targlinonta. Era la damonda dall adattaziun allas midadas da clima vegn pauc, memia pauc tematisada. Dasperas savess ina politica da clima activa esser ina schanza per ina tiara innovativa sco la Svizra ed effectuar ina dinamica nova ell economia. Ina relaziun da partenari denter cuolm e val El cussegl naziunal s engaschassel jeu che las regiuns muntagnardas san vinavon sur-prender ina rolla suverana e prestar ina contribuziun ferma per il futur dalla Svizra. La varietad culturala e dalla cuntrada en Svizra ei enrihonta. Ella munta denton era che las cundiziuns e las perspectivas economicas ein fetg differentas. El parlament federal drova ei dapli capientscha per las prestaziuns dallas regiuns muntagnardas sco factur economic, sco liug da recreaziun e sco furnituras da ressursas natiralas per ina societad urbana. Perquei drov ei in dialog da partenari denter marcau e campagna. Mo lu dat ei per l ulivaziun da finan-zas, la politica da turissem, il service public ni per la damonda davart ils tscheins d aua sli-giaziuns fairas e soluziuns che promovan il svilup e rinforzan la coesiun. 13

Duvrar spazi e ressursas natiralas cun quitau e responsabladad Sco cussegliera naziunala mettessel peisa sin in diever persistent da tut nossas ressur-sas natiralas. Societad ed economia han il duer da duvrar las ressursas natiralas sco cuntrada, biodiversitad, aua ni terren sin tala moda e maniera ch ellas stattan era a disposiziun alla proxima generaziun. Quei connex ei vegnius ignoraus ditg, dapli svilup muntava automaticamein era dapli consum da ressursas. L economia e la societad ein denton habels da s adattar. La via instradada ella planisaziun da territori ei perquei la dretga. Vietier saudan denton era in agricultura che producescha da moda e maniera biologica ni l execuziun dalla strategia d energia 2050. Federalissem e vischinonza sco facturs da success per la Svizra Sco commembra dil cussegl naziunal s engaschassel jeu per il federalissem sco ferma petga da nies stadi e per ina vera subsidiaritad. Il federalissem e la subsidiaritad sauden tier ils facturs da success dalla Svizra. Las soluziuns vegnan sviluppadas ed examinadas sin lur resistenza politica leu nua ch il problem ei, datier dils carstgauns. Las sfidas globalas ein denton in prighel per quels principis e smanatschan che sligiaziuns centralisadas fussien la megliera via. Ei vala denton da giudicar objectivamein, en tgei situaziun che l execuziun centralisada d ina incumbensa ei la suletta via, e cura ch igl ei vinavon ina plivalur da schar tier la soluziun federalistica che promova vischinonza e l atgna responsabladad. 14

Cuors da veta Yvonne Brigger- Vogel Num/Prenum Yvonne Brigger-Vogel Adressa im Schlossbungert 16, 7205 Zizers Telefon F +41 81 254 24 20 E-Mail yvonne.brigger@bluewin.ch Annada 1971 Professiun Meinagestiun dalla Cuminonza d interess Grischun Tourismus ITG Persunal Da casa a Zezras Maridada cun Hanspeter Brigger, 2 affons (annadas 2007 resp. 2011) Formaziun Diplom federal da commerci Studium sco specialista da turissem HF, Lucerna Studi supplementar en mediaziun per ecoconmia, ambient e social, FH Svizra nord-vest Experienzas professiunalas Dapi 2011 interprendidra independenta en las spartas svilup turistic, management da qualitad e da communicaziun Commembra dil cussegl d administraziun da Lenzerheide Marketing und Support AG Delegada dalla associaziun dalla Mobiliar per il Grischun Meinaproject per la controlla da qualitad Grischun, sin incumpensa digl Uffeci per economia e turissem Grischun Menadra dil project general Enjoy Switzerland tier Svizra Turissem a Turitg Meinaproject Enjoy Switzerland a Lenzerheide Docenta alla scola internaziunala da turissem a Turitg Menadra Produkt Management und Sales e commembra dalla direcziun da Grischun Vacanzas Menadra dil Inflight Departement s tier la Crossair a Basilea Flight Attendant tier la Crossair a Basilea Practicum sco referendaria tier la Dertgira federala a Lausanna 15

Activitads politicas Suppleanta dil cussegl da vischnaunca da Zezras (dapi 2016) Commembra dalla PCD da dunnas dil Grischun Hobis Tut quei che ha da far cun sport (cuorer, skis, cuors liunga, mountain bike, tennis) Coordinatura dil temps liber dalla famiglia Hortulana da hobi 16

Mia candidatura sco cussegliera naziunala da Yvonne Brigger-Vogel, meinagestiun ITG La PCD sco partida dil dialog (ei vala il plaid plidau) La Svizra ei ina tiara da success ed ina tiara attractiva per habitar e luvrar. Il cantun Grischun porscha cun sias rihezias natiralas e cun sia buna infrastuctura per famiglias e carstgauns attaschai alla natira in aulta qualitad da viver. Cun sia politica precauta contribuescha la PCD massivamein a nies beinstar. Il beinesser dalla famiglia, ina economia da marcau positiva e la segirtad dils habitonts stattan el center da quei agir. La politica dalla PCD ei purtada dil dialog, dil consens, dalla responsabladad e dil respect. Ella metta en damonda critic ils fatgs, agescha cunscienziusamein ed enquera schligiaziuns pragmaticas. Quei ein valurs ed in agir ch ein a mi sco dunna, mumma, turisticra e grischuna empurtontas. Sco dunna fatschenta mei la tematica sco l egualitad denter um e dunna. Schegie che l egualitad stat scretta dapi il 1981 ella constituziun federala ei la realitad tutt in autra. Egualitad munta per mei, sche um e dunna: ein representai egaulmein en posiziuns claf dall economia, dalla scienzia e dalla politica gudognan per la medema lavur il medem la lavur da famiglia e da professiun sa vegnir repartgida fair enteiffer la relaziun Sco mumma astgan affons buca esser in risico per paupradad. La bremsa dils cuosts da sanadad muntan per famiglias dil stan miez ina enorma descargada, la quala sa effectuar positiv sil temps liber dalla famiglia. Segirar e rinforzar il sistem dual da formaziun en Svizra possibilitescha a nos affons impurtontas experientschas e schanzas. L economia drova muort la transformaziun digitala glieud bein scolada. 17

Sco turisticra... schai il rinforziment dil Grischun sco metropola da natira dallas alps a cor a mi. Indirect e direct vegn mintga tierz franc el grischun gudignaus entras il turissem. Quella existenza da viver sto era vegnir segirada sin palancau naziunal. Nus duvrein perquei: ina politica da sustegn efficienta che remunerescha promptadad da risico circumstanzas conformas al turissem, las quallas promovan la capacitad da concurrenza dapli udida sinaquei che nus vegnien pri ver sco branscha da tagl traversal Sco grischuna Vesel jeu il foss da rösti buca tier ils resultats d elecziuns denter la Svizra tudestga ed ils Romands mobein denter ils marcaus ch ein economics ferms e las regiuns periferas cun strucuturas economicas fleivlas. Jeu less sengaschar sco construidra da punts denter las differentas pretensiuns e svilupps ed aschia rinforzar il Grischun sco regiun attractiva da luvrar e habitar per indigens e jasters. Miu Credo secloma: Metter en damonda criticamein, agir cunscienziusamein ed anflar schligiaziuns pragmaticas. 18

Cuors da veta Franz Sepp Caluori Num/Prenum: Caluori Franz Sepp Adressa: Heroldstrasse 17, 7000 Chur Telefon: P 081 284 42 92 / G 081 252 10 55 Mobile: 079 159 93 88 E-Mail: seppo.caluori@hotmail.com Annada: 1959 Persönliches Burgheisa da Panaduz e Curea Formaziun ed experienza professiunala Scola primara a Ponaduz Scola cantunala a Cuera cun examen Emprendissadi sco conditor confiseur Proprietari Cafe Confiserie Caluori a Cuera dapi 35 onns Activitads politicas Vizepräsident CVP Kreispartei Chur Mitglied des Grossen Rates für den Kreis Chur Mitglied Kommission für Gesundheit und Soziales im Grossen Rat Mitglied der Wirtschaftsgruppe des Grossen Rates Vizepräsident Interessengemeinschaft Tourismus Graubünden ITG Spartas specialas Gastronomia e turissem Politica da sandad Federaziuns ed organisaziuns President da GastroGrischun cun ca. 100 commembers President dalla cassa da cumpensaziun per famiglias da GastroGrischun Commember dil cussegl da scola dalla scola professiunala a Cuera Commember dalla cumissiun da gestiun dalla baselgia catolica cantunala 19

Temps liber Famiglia Sport Viagiar 20

Mia candidatura sco cusseglier naziunal da Franz Sepp Caluori, deputau Economia/turissem (ei vala il plaid plidau) Il turissem ei da grond impurtonza per nossa tiara. Biaras vals e regiuns en l entira Svizra vivan per gronda part dil turissem. Da quei ein denton memia paucs burgheis cunscients. Exact cheu stuein nus vegnir activs, per che tuts daventan puspei cunscients da l impurtonza dil turissem. Per quei vul jeu s engaschar. La reclama astga buca mo seconcentrar sin las fieras el lontan sco per exempel China, India e Brasilia. Nus stuein puspei seconcentrar dapli sin ils hosps dalla Svizra e da nossa tiaras vischinontas sco per exempel Tiara Tudestga, Italia e.a.v. Er quei publicum stuein nus cudezzar cun bunas purschidas per ch els fan puspei pli savens vacanzas en nossa tiara. Las circumstanzas per haver success ein vinavon avon maun, denton stuein nus haver quitau da nossa natira ed investar aunc pli fetg en l aulta qualitad da nos hotels e nos menaschis gastronomics. Per che quei ei pusseivel sto la politica procurar per bunas cundiziuns da basa. Tier quellas dumbra era ina buna infrastructura. Vinavon sto igl access a mieds finanzials da promoziun daventar pli sempla. Per quei vul jeu sengaschar. Famiglia La famiglia ei la basa da nossa societad. Independent sch in pèr ei maridaus ni buc, astga nies cantun e la confederaziun buca disavantagiar fuormas viver. Perquei stuein nus era s exprimer encunter il castitg da maridaglia. Nossas famiglias duein buca stuer pagar vinavon dapli taglia e haver in disavantatg tier las rentas mo pervieda lur stadi zivil. Jeu vul bugen scaffir meglieras cundiziuns da basa per las famiglias, per che geniturs han sper la famiglia era la pusseivlada da saver luvrar. Grazia a quei savein nus dar damogn alla munconza da collaboraturs spezialisai. La politica ha l incumbensa da scaffir ils endretgs instruments. 21

Scola / formaziun professiunala La scola professiunala dat la pusseivladad a 65% dalla giuventetgna en Svizra d entrar sur la scolaziun professiunala duala en la veta professiunala. La promoziun ed il rinforz dalla scolaziun duala schai a mi fetg a cor. Mo grazia ad ella savein nus esser segirs da saver occupar era en futur las plazzas en nos menaschis cun collaboraturs spezialisai. Per che nus savein contonscher quella finamira eis ei indispensabel che nus scaffin ulteriurs impuls per ils patruns entras sustegns finanzials dil stadi. Sanadad Igl ei indispensabel da megliurar il provediment dalla sanadad en nossa tiara per la classa mesauna. Perquei vegn jeu a sengaschar per pli bassas premias dallas cassas da malsauns, per deducziuns da taglia tier la tgira da confamiliars e per discargar las famiglias el sistem dil provediment dalla sanadad. Ils cuosts da sanadad ston vegnir reduci. Mia politica en fuorma concisa: Jeu sun comunicativs. Jeu sai realisar spert ideas e propostas. 22

Cuors da veta Gianna Luzio Num/Prenum Luzio Gianna Telefon: 079 662 85 62 E-Mail: luzio@cvp.ch annada: 1980 Gianna Luzio in Graubünden verwurzelt, in Bundesbern bestens vernetzt Seit Oktober 2018 wirkt Gianna Luzio als Generalsekretärin der CVP Schweiz in Bern. Zuvor verantwortete sie als Fachreferentin für Bundesrat Alain Berset finanz-, wirtschafts- und gesundheitspolitische Dossiers. Die 38-jährige Wirtschaftsgeographin war auch für die Finanzdelegation der eidg. Räte und für die Regionalpolitik des Bundes im Staatsekretariat für Wirtschaft (SECO) tätig. Gianna Luzio wurde 2006 als Stellvertretende Grossrätin der Jungen CVP ins Bündner Parlament gewählt. In ihrem Heimatkanton Graubünden hat sie das «Festival Cultural Origen» mitbegründet und über zehn Jahre als Vizepräsidentin des Regionalen Naturparks «Ela» gewirkt. Heute ist sie Vizepräsidentin des Stiftungsrats des Alpinen Museums in Bern. Gianna Luzio ist in Savognin aufgewachsen, spricht alle vier Landessprachen und lebt mit ihrem Mann in Bern. 23

Mia candidatura sco cussegliera naziunala da Gianna Luzio, secretaria generala PCD Svizra (ei vala il plaid plidau) Als Nationalrätin will ich mich für Graubünden in Bern einsetzen für tragfähige Lösungen, die die Schweiz weiterbringen «Als Nationalrätin würde ich mich für eine starke, konstruktive Politik der Mitte einsetzen. Wir brauchen wieder tragfähige Lösungen für die Schweiz, statt polemisierende Blockadepolitik.» Wir leben in bewegten Zeiten und drehen uns im Kreis. Die Schweizer Politik vermag es immer weniger, tragfähige Lösungen für unser Land zu erarbeiten. Nur mit einer konstruktiven Politik der Mitte und einem starken gesellschaftlichen Zusammenhalt können wir die Errungenschaften der Schweiz verteidigen. Unser Wohlstand gründet auf wirtschaftlichem Wachstum, ja. Aber auch auf verantwortungsvollem, solidarischem, nachhaltigem Handeln. für eine gute und finanzierbare medizinische Versorgung, auch in den Regionen «Als Nationalrätin würde ich mich dafür einsetzen, dass wir alle unabhängig von Einkommen, Alter oder gesundheitlichem Risiko auf eine gute und finanzierbare medizinische Versorgung zählen dürfen.» Wir haben ein gutes Gesundheitssystem. Kompetente Fachkräfte geben täglich unter schwierigen Umständen ihr Bestes, um zu helfen. Aber seit über zwanzig Jahren steigen die Prämien und Gesundheitskosten ungebremst an. Entwickeln sich unsere Löhne wie bisher, werden sich in Zukunft nur wenige Menschen ihre Gesundheit leisten können. Das darf nicht sein. Wir brauchen eine gute und finanzierbare medizinische Versorgung für alle, auch in den Regionen. 24

für eine nachhaltige, regionale Wirtschafts- und Umweltpolitik, die ein Gleichgewicht zum raschen Wachstum urbaner Zentren bildet «Als Nationalrätin würde ich mein Netzwerk und meine Praxiserfahrung in Bundesbern nutzen, um attraktive Rahmenbedingungen für innovative und nachhaltige Geschäftsmodelle in Bergregionen zu sichern.» Graubünden ist eine Schweiz im Kleinen. Wir Bündnerinnen und Bündner wissen um unsere intakte Natur und unser reiches kulturelles Erbe, sichtbar in der Mehrsprachigkeit, im gelebten Brauchtum und im respektvollen Miteinander. Und wir tragen Sorge dazu. Stadt und Land, Berg und Tal dürfen sich nicht gegeneinander ausspielen lassen, sondern können sich gegenseitig ergänzen und bereichern. In der Bundespolitik sind die Weichen zu stellen, damit lokale Wertschöpfung nicht nur symbolische, sondern auch finanzielle Wertschätzung erfährt. In der Landwirtschaft, im Tourismus, in Industrie und Gewerbe. 25

Mia candidatura sco cusseglier dils cantuns da Stefan Engler, cusseglier dils cantuns (ei vala il plaid plidau) Jeu sestentel e sperel che las Grischunas ed ils Grischuns elegien mei puspei sco cusseglier dils cantuns. Ils giavischs e basegns dallas Grischunas e dils Grischuns creiel jeu d'enconuscher fetg bein sco anteriur cusseglier guvernativ. Dapi duas legislaturas (da 2011 tochen 2019) hai jeu giu il privilegi e l'honur d'aver giu ina dalla duas vuschs dil Grischun el cussegl dils cantuns ed hai aschia cun plascher ed engaschament astgau gidar a formar il futur da nossa tiara. Sche jeu vegn reelegius ils 20 d'october 2019 sco cusseglier dils cantuns, empermettel jeu da s'occupar vinavon dils temas e problems relevants da nies cantun e da nossa tiara e da representar quels cun tut mias forzas. Ensemen cun mia dunna Martina e nossas duas feglias Noëmi e Timea habiteschel jeu a Cuera, passentel denton ina gronda part da miu temps liber a Surava en Val d'alvra. Leu sund' jeu carschius si ed hai era viviu leu sco pendulari tochen avon treis onns. Sch'ei resta a mi temps liber sper la lavur politica e professiunala, gaudel jeu era ordeifer il temps da catscha igl uaul e las muntognas, visetel bugen ils giugs dil HCD, legel gasettas e cudischs e s'engaschel per projects ed instituziuns d'interess public. Ultra da mia activitad sco cusseglier dils cantuns s'occupesch' jeu professiunalmein sco president dil cussegl d'administraziun dalla Viafier Retica, exequeschel dus mandats en la branscha da current electric (EWD, Grischelectra SA) ed appartegnel sco commember alla cumissiun administrativa dall' Assicuranza da baghetgs dil Grischun. L'activitad per nossa viafier dat a mi speciala cuntentientscha, quei da cuminonza cun in team engaschau che fixescha las finamiras pil futur e formescha aschia igl avegnir da nossa Viafier Retica. Grazia a mia experientscha sai jeu co ins contonscha en tractativas sur las partidas ora bunas sligiaziuns solidas e resultads stabils. Grazia a mia provegnientscha politica e mia lavur professiunala sund' jeu bein cudischius cun nies cantun e sias regiuns. Era sund' jeu el cass da discuorer cun burgheisas e burgheis en tuts treis lungatgs cantunals. Cun l'experientscha da duas legislaturas el cussegl dils cantuns hai jeu empriu co e cu ins sa presentar siu meini cul meglier effect e cun tgi ch'ins sto tschercar allianzas che portan in gudogn. Jeu enconuschel pia il menaschi el Palaz federal, las isonzas el contact cun il cussegl federal e cun l'administraziun sco era las atgnadads dil sistem da duass combras legislativas. Duront otg onns hai jeu astgau collaborar vid gronds projects politics da divers secturs ed astgau prender decisiuns adina cun la vesta sils effects pil Grischun. Miu collega el cussegl 26

dils cantuns, dr. Martin Schmid, ed jeu cumplettein in l'auter oreifer e sch'ei mava inagada pil Grischun, havein nus adina tratg fermamein pil medem sughet. Il center da mia lavur politica a Berna resulta dalla appartenenza en las suandontas quater cumissiuns dil cussegl dils cantuns: Economia, taglias e taxas: Politica regiunala, turissem ed agricultura Traffic e fatgs da telecommunicaziun: Mobilitad, medias, posta, infrastructura digitala, survetschs publics Politica da stadi: Federalissem, dretg dils jasters, dretgs politics Dretg: Dretg da famiglia, dretg d'aczias, dretg penal Pertuccont mias intervenziuns, il grond diember da votums el cussegl dils cantuns sco era davart colligiaziuns d'interess obtenis vus informaziuns detagliadas dalla pagina dil parlament https://www.parlament.ch/de/biografie/stefan-engler/4055. Politica ei per mei in survetsch al model da success Svizra. Suenter che jeu sun staus activs en la vischnaunca ed engaschaus sco cusseglier guvernativ pil cantun Grischun, vegn jeu respectaus ed appreziaus (quei creiel jeu) per mia contribuziun el cussegl dils cantuns pil manteniment d'ina Svizra politicamein ed economicamein ferma e habla d'agir. Il cussegl dils cantuns ei il liug nua ch'ei vegn sviluppau cumpromiss e sligiaziuns en situaziuns difficilas. En quella lavur sesentel jeu bein, era perquei che jeu profiteschel cheu da mia activitad politica sil camp communal, regiunal e cantunal. Solidas enconuschientschas dils dossiers e buna lavur en in team ein adina la basa per in success cuzzeivel. Cheu schai mia motivaziun per semetter a disposiziun per ina ulteriura perioda d'uffeci sco cusseglier dils cantuns. 27