PROTOCOL da la radunanza generala dals Marsöl, Cuira, 10:00

Transcript

1 VIA DA MASANS 2 CH-7000 CUIRA TEL srg.r@rtr.ch Radunanza generala SRG.R 2016 PROTOCOL da la radunanza generala dals Marsöl, Cuira, 10:00 Tractandas 1. Bainvegni Salids da 2. a) Tina Gartmann-Albin, presidenta dal cussegl communal da Cuira b) Barbara Janom Steiner, cussegliera guvernativa 3. Fatschentas statutaras 3.1 Elecziun dals dumbravuschs 3.2 Protocol da la radunanza generala dals 30 da matg 2015 a Turitg 3.3 Rapport annual, quint e bilantscha 2015 da la SRG.R; rapport dal revisurat; distgargia da la suprastanza 3.4 Elecziuns gremis SRG.R, perioda d uffizi Ladina Heimgartner, directura RTR: sguard enavos enavant 5. Surdada dal Premi SRG.R 2016 a Clà Riatsch, professer per lingua e cultura rumantscha. Laudatura: Esther Krättli 6. Cumià da commembras e commembers dals gremis 7. Varia 1/9

2 1. Bainvegni Il president, Oscar Knapp, avra la radunanza. El dat in cordial bainvegni a las commembras ed als commembers da la societad purtanta SRG.R e salida ils giasts e tut ils preschents. Salids spezials van a dunna cussegliera guvernativa Barbara Janom Steiner ed a la presidenta dal cussegl communal da Cuira, dunna Tina Gartmann- Albin. Ellas portan ils salids da la regenza e da la chapitala. Plinavant salida il president il pli aut Grischun, signur Vitus Dermont sco era Dr. Viktor Baumeler (president CA SRG SSR), Andreas Schefer (president SRG.D), Dr. Johannes Flury (president LR); dr. Luregn Mathias Cavelty e Duri Bezzola, ils dus anteriurs presidents da la SRG.R. In cordial salid va era a prof. dr. Clà Riatsch, undrà cun il Premi SRG.R 2016 ed ad Esther Krättli, la laudatura. Il president surdat il pled per il bainvegni a dunna Tina Gartmann-Albin e suenter a dunna Barbara Janom Steiner. 2. Salids da Tina Gartmann-Albin, presidenta dal cussegl communal da Cuira Dunna Gartmann-Albin salida ils preschents en num dal cussegl communal e dal cussegl da la citad da Cuira. Dunna Gartmann enclegia rumantsch, ma na discurra betg la lingua e fa sia intervenziun en tudestg. Cuira è la citad svizra cun la pli lunga istorgia da culegna senza interrupziun. Dapi il 13avel tschientaner è Cuira abitada, en il 15avel tschientaner han ils Romans manà il rumantsch en la citad. Ils midaments sut Karl il Grond e la nova organisaziun da la baselgia han gì influenza sin il svilup da la lingua tant sco era il grond incendi da 1464, che ha manà blers lavurers d autras linguas en la citad per la reconstrucziun. Oz discurran a Cuira ca. 18% dals abitants rumantsch. La citad porscha ina scolina rumantscha e scola bilingua rumantschtudestga. Igl è necessari da sustegnair las linguas minoritaras chantunalas, il rumantsch ed il talian. Quai prevesa era la lescha da linguas chantunala dal Dunna Gartmann-Albin suttastritga l impurtanza da la SRG SSR per il mantegniment ed il svilup da la lingua e cultura rumantscha. Il president engrazia a dunna Tina Gartmann-Albin e surdat ad ella in pitschen regal da reconuschientscha. Barbara Janom Steiner, cussegliera guvernativa Dunna Barbara Janom Steiner porta il megliers salids da la regenza ed engrazia a RTR per la fitg buna collavuraziun. Ella descriva il triangul che la politica furma ensemen cun las medias ed il public. Las medias tschertgan eveniments, dals quals ellas pon rapportar cun success. Ils politichers dovran medias per publitgar lur temas, ed il public spetga contribuziuns correctas e enclegentaivlas. Dunna Janom Steiner accentuescha che la concordanza cun collavuraturas e collavuraturs da RTR reussescha fitg bain e persvada. La cussegliera guvernativa sco Rumantscha persvasa consumescha era gugent sezza regularmain las contribuziuns da RTR. 2/9

3 En la regenza grischuna actuala pon ins sco na-rumantsch quasi sa sentir en ina rolla da minoritad. Dunna Janom Steiner appellescha a tuttas e tuts menziunond la votaziun dals 5 da zercladur d avair quità dal service public ch è ina instituziun ch ins sto tgirar. Era las differentas linguas e culturas èn enritgintas, in chant polifon che resplenda la Svizra en sia diversitad. Senza il rumantsch mancass la quarta vusch en il chor svizzer. Il president engrazia cordialmain a dunna Barbara Janom Steiner e surdat era ad ella in pitschen regal. Suenter ils salids da la citad da Cuira e da la regenza s adressescha il president a la radunanza cun observaziuns a reguard la situaziun en la discussiun politica da la SRG SSR: Igl è normal che la pli gronda interpresa da medias è en discussiun. La prestaziun, la finanziaziun e las incumbensas da quest interpresa èn suenter la votaziun sur da la LRTV da l onn passà en il center da debattas publicas e politicas. Il SCHI dal chantun Grischun a la nova LRTV ha satisfatg e mussa reconuschientscha per la purschida da RTR. Ma la debatta sur dal service public ha mo cumenzà. Ella vegn ad esser anc pli intensiva suenter la publicaziun dal rapport dal Cussegl federal sur dal service public e las medias en il proxim mais. L incumbensa da la SRG SSR è formulada en la concessiun dal Cussegl federal. Questa concessiun vala enfin la fin dal 2017 e sto vegnir renovada. Sper quai è era la finanziaziun in tema. Actualmain sa basa ella sin las contribuziuns da la Billag ed entradas da publicitad da la SRG SSR. Acceptar las ideas da l iniziativa No Billag fiss il medem sco no SRG SSR ubain nagin RTR. Uschia enavant n essan nus betg anc, manegia il president. En noss pajais cun quatter linguas naziunalas ha la SRG SSR ina funcziun centrala da sustegnair e da sviluppar il contact e la chapientscha tranter las quatter regiuns linguisticas. E la contribuziun respectiva da la SRG SSR en quests ultims decennis è stada immensa. Quai en emprima lingia grazia a sia organisaziun che sa basa sin il federalissem e la solidaritad. Per l engaschament da mintgina e mintgin a favur da la SRG SSR Svizra Rumantscha engrazia il president cordialmain. 3. Fatschentas statutaras 113 persunas èn preschentas, tranter quellas 92 commembras e commembers. Mintga commembra e mintga commember ha il dretg da votar. 3.1 Elecziun dals dumbravuschs Il president propona a Maurus Dosch, Theo Haas e Gaby Thomann sco dumbravuschs. A Toni Hess, mediatur da la SRG.R, propona il president sco parsura dals dumbravuschs. Ils dumbravuschs vegnan confermads cun acclamaziun. 3/9

4 3.2 Protocol da la radunanza generala dals 30 da matg 2015 a Turitg Il president metta en discussiun il protocol da la radunanza generala dals a Turitg. Nagin giavischa il pled. Il protocol vegn approvà cun engraziament a la redactura Anna Maria Ratti. 3.3 Rapport annual, quint e bilantscha 2015 da la SRG.R; rapport dal revisurat; distgargia da la suprastanza a) Rapport annual 2015 Il president tira endament ch'il rapport annual da la SRG.R è per l emprima giada separà da quel da RTR. El dat ina curta survista dal rapport e da las fatschentas impurtantas tractadas durant il 2015 e menziuna il rapport dal president dal cussegl dal public, Michael E. Spescha (pag. 10/11). Il rapport annual da la SRG.R e las Cifras e fatgs da RTR èn vegnids separads per motivs da buna guvernanza. Ils rapports da RTR dal service public e da la qualitad èn sin la rait ( ed era sin fegls distribuids sin las maisas da la radunanza. Il president avra la discussiun davart il rapport annual da la SRG.R. Nagin na dumonda il pled ed il rapport annual 2015 vegn silsuenter approvà unanimamain. b) Quint e bilantscha 2015 da la SRG.R; rapport dal revisurat; distgargia da la suprastanza Il quint e la bilantscha èn publitgads sin las paginas 16 e 17 dal rapport annual. Il quint serra cun in pitschen plus. En la bilantscha ves ins che la facultad da la societad sa munta a radund fr , per fr pli aut che la fin dal La differenza correspunda al gudogn fatg dal Il president dat il pled al revisur Giachen Caduff. Il rapport dals revisurs è publitgà sin pagina 18. Giachen Caduff conferma che il quint 2015 è manà da moda correcta ed ils revisurs proponan d acceptar quel. Il president avra la discussiun sur dal quint e la bilantscha Nagin na dumonda il pled. La radunanza approva il quint e la bilantscha per 2015 senza cuntravuschs. Ella dat era unanimamain la distgargia a la suprastanza. 3.4 Elecziuns dals gremis SRG, perioda d uffizi Il president menziuna la broschura tramessa ensemen cun l invit che dat in survista da las elecziuns e las propostas da la suprastanza. Tenor statuts èn elecziuns secretas, sch ina commembra u in commember pretenda quai. L emprima giada vala la maioritad absoluta. Na vegn quella betg cuntanschida, vala la maioritad relativa. En cas d egualitad decida la sort. Ils statuts na dattan nagina definiziun da la maioritad absoluta. La lescha davart ils dretgs politics dal chantun Grischun dals vegniss applitgada sche necessari. 4/9

5 a) Elecziun dal president/da la presidenta SRG.R Per l elecziun dal president surdat Oscar Knapp il pled al vicepresident, Duri Blumenthal. Il vicepresident constatescha che Oscar Knapp maina la SRG.R cun empatia e scharm. El era ambassadur en differentas parts dal mund, oz è el quai per il rumantsch a Berna. La suprastanza propona da reeleger Oscar Knapp per in ulteriura perioda, vul dir per ulteriurs dus onns. Tenor statuts sto O. Knapp alura sa retrair causa limita da vegliadetgna per l uffizi (70 ans). I na dat naginas autras propostas. Nagin giavischa il pled u scrutin. Oscar Knapp vain elegì cun acclamaziun sco president da la SRG.R per la perioda b) Elecziun da la suprastanza SRG.R Per la suprastanza sa mettan a disposiziun la candidata ed ils dus candidats actualmain en suprastanza: 1. Beatrice Baselgia, Domat dapi Gion Cola, Riom dapi Donat Nay, Zignau dapi 2009 Duri Blumenthal na po per motivs statutars betg vegnir reelegì ina terza giada. Sco nov quart commember da suprastanza propona la suprastanza Gion Lechmann da Falera. Il president preschenta il candidat. I na dat naginas cuntrapropostas. Il president propona d eleger la nova suprastanza en globo. La nova suprastanza proponida vegn elegida unanimamain. La suprastanza per la perioda sa cumpona da - Beatrice Baselgia, Domat - Gion Cola, Riom - Gion Lechmann, Falera - Donat Nay, Zignau c) Elecziun dal president dal cussegl dal public SRG.R Per il presidi dal cussegl dal public sa metta a disposiziun Roger Tuor da Mustér, actualmain vicepresident dal cussegl dal public. Il president preschenta Roger Tuor curtamain. Nagin na giavischa il pled. Il president propona l elecziun cun acclamaziun. Elegì per la perioda vegn unanimamain - Roger Tuor, Mustér 5/9

6 d) Elecziun dal cussegl dal public Trais commembers ed ina commembra dal cussegl dal public actual sa mettan a disposiziun per ina reelecziun: 1. Alexi Nay, Vella 2. Ursina Schmed, Trun 3. Curdin Tuor, Trun 4. Adrian Viletta, Scuol Trais ulteriuras persunas sa mettan a disposiziun per in elecziun en il cussegl dal public: 1. Selina Caduff, Laax 2. Pascal Gian Caminada, Cuira 3. Gianna Sonder, Tinizong Il president propona l elecziun averta da tuts set candidats e candidatas. Elegids vegnan per la perioda unanimamain: - Selina Caduff, Laax - Pascal Gian Caminada, Cuira - Alexi Nay, Vella - Ursina Schmed, Trun - Gianna Sonder, Tinizong - Curdin Tuor, Trun - Adrian Viletta, Scuol e) Elecziuns dal cussegl regiunal Sis commembras e commembers dal cussegl regiunal sa mettan a disposiziun per ina reelecziun: 1. Gian Peder Gregori, Panaduz 2. Barbara Riedhauser, Ziràn 3. Jan Sedlacek, Sent 4. Annaleta Semadeni-Kaiser, Andeer 5. Ruth Sonder, Salouf 6. Patric Vincenz, Savognin Quatter ulteriuras persunas sa mettan a disposiziun per in elecziun en il cussegl regiunal: 1. Andreas Cadonau, Vuorz 2. Vitus Dermont, Laax 3. Michael E. Spescha, Cuira/Cumbel 4. Linard Weidmann, Champfèr 6/9

7 Il president propona l elecziun averta da tuts 10 candidats e candidatas. Elegids vegnan per la perioda unanimamain: - Andreas Cadonau, Vuorz - Vitus Dermont, Laax - Gian Peder Gregori, Panaduz - Barbara Riedhauser, Ziràn - Jan Sedlacek, Sent - Annaleta Semadeni-Kaiser, Andeer - Ruth Sonder, Salouf - Michael E. Spescha, Cuira/Cumbel - Patric Vincenz, Savognin - Linard Weidmann, Champfèr - f) Elecziun dal post da revisiun Ils revisurs, il suppleant e la suppleanta vegnan confermads da la radunanza generala per la perioda : - Giachen Caduff, Castrisch - Andri Lansel, Sent Suppleant e suppleanta - Flavio Murer, Mustér - Antonia Wasescha Cavegn, Panaduz Il president gratulescha anc ina giada a tuttas e tuts elegids dals differents gremis per la perioda Ladina Heimgartner, directura RTR: sguard enavos enavant En sia preschentaziun mussa Ladina Heimgartner, directura RTR, che RTR gudogna vi e pli public cun las purschidas multimedialas e sin ils chanals da medias socialas. Ultra da quai annunzia ella che RTR emetta durant la stad en la televisiun in magazin d actualitad sut il titel Sil punct. RTR correspunda uschia ad in giavisch che vegn exprimì gia dapi onns regularmain dal public. Premiera per questa emissiun da test è glindesdi, ils 4 da fanadur, a las sin SRF1. Sin fundament da las experientschas vegn lura decidì sche Sil punct vegn realisà en l avegnir sco element fix dal program da RTR. La directura da RTR menziuna la Microlotta, ils bus che maina RTR tar ses public, al puls dal Grischun era tar Rumantschas e Rumantschs en las regiuns ch èn betg regiuns rumantschas da tschep. Ella accentuescha che RTR vul ultra da quai porscher in bun clima da lavur ed incumbensas interessantas sco fatschenta attractiva per emploiadas ed emploiads. 7/9

8 Ladina Heimgartner regorda a la reducziun finanziala da la SRG SSR che pertutga era RTR. En il ravugl politic sa tracti da sa preparar sin l iniziativa no Billag dal 2018/19. Questa iniziativa fiss la fin per RTR. La preschentaziun da la directura è da chattar sin la pagina internet Il president engrazia a Ladina Heimgartner per la purschida impurtanta da RTR per la lingua e cultura rumantscha. 5. Surdada dal Premi SRG.R 2016 a Clà Riatsch, professer per lingua e cultura rumantscha. Laudatura: Esther Krättli Il president salida l undrà e sia dunna Irma Haussner, e surdat il pled ad Esther Krättli per la laudatio. Esther Krättli raquinta en moda eloquenta da l uffanza da Clà Riatsch, plinavant dal leger, da scola, studi, viagiar, lavurar, scriver e lavur tar il radio. La laudatio cumpletta è da chattar sin la pagina Clà Riatsch engrazia per la laudatio e per il Premi SRG.R. El drizza pleds accentuads a l auditori e demonstrescha sia virtuusitad linguistica persvadenta. Il president gratulescha en num da la suprastanza e da la SRG.R anc ina giada a Clà Riatsch per ses premi ed al surdat sper in regal era la pergiamina cun il text da l undraziun. La surdada dal Premi SRG.R è vegnida enramada da musica cun Domenic Janett e ses uffants Anna Staschia e Gian Andri. 6. Cumià da commembras e commembers dals gremis Il president engrazia a commembras e commembers dals gremis che bandunan lur uffizis per la fin dal 2016 per lur engaschament prezià per la SRG.R e per il service public. Dal cussegl regiunal - Mathias Bundi, Zignau - Oscar Duschletta, Mastrils - Gian-Duri Ratti, Madulain Dal cussegl dal public Da la suprastanza - Augustin Beeli, Sagogn - Letizia Sonder, Lantsch - Vito Stupan, Sta. Maria - Duri Blumenthal, Vella 8/9

9 Il president menziuna spezialmain la contribuziun critica, constructiva ed engaschada dal vicepresident Duri Blumenthal prestada dapi bunamain 12 onns en la suprastanza SRG.R. Ti vegns a mancar a nus, manegia il president. 7. Varia Il president dat anc ina giada la pussaivladad a las preschentas ed als preschents da prender il pled per inqual tema. Da quai na vegn betg fatg diever, ed uschia engrazia el a commembras, commembers e giasts ch èn vegnids a la radunanza. El engrazia plinavant ad Anna Maria Ratti per l organisaziun da la radunanza generala sco era a las collavuraturas da RTR (Esther Bigliel, Tamara Deflorin, Andrina Luzio e Marina Morgenthaler) per lur grond agid ed a la tecnica da RTR che metta adina a disposiziun l infrastructura necessaria da moda zunt cumpetenta. Il program cuntinuescha sco suonda: a. Gentar communabel al Marsöl b. Davent da las program accumpagnant en chasa RTR: La distribuziun dals programs RTR: co, nua e cun tge apparats fa RTR ses programs? Café e dessert servids en chasa RTR. La radunanza generala vegn serrada a las 12:30. Per il protocol: Oscar Knapp President SRG.R Anna Maria Ratti-Duschletta Manadra dal post SRG.R Cuira, ils /9