ACTA APOSTOLICAE SEDIS

Transcript

1 An. et vol. CVII 3 Aprilis 2015 N. 4 ACTA APOSTOLICAE SEDIS C O M M E N T A R I U M O F F I C I A L E Directio: Palazzo Apostolico Città del Vaticano Administratio: Libreria Editrice Vaticana ACTA FRANCISCI PP. LITTERAE APOSTOLICAE I Venerabili Dei Servo Antonio Franco caelitum Beatorum tribuitur dignitas. FRANCISCUS PP. Ad perpetuam rei memoriam. «Mandatum novum do vobis, ut diligatis invicem; sicut dilexi vos, ut et vos diligatis invicem. In hoc congnoscent omnes quia mei discipuli estis: si dilectionem habueritis ad invicem» (Io 13, 34-35). Domini Iesu verba, quae Evangelium secundum Ioannem nobis tradidit, summa fuerunt norma, cui congruenter Dei Servus Antonius Franco se aequavit: altam solidamque cum Deo coniunctionem in fide communicare cum proximo valuit, cum per perfectam in fratres caritatem pervaderet sui operis intellectus pastorisque fructus. In se negligendo ac sacramentis ministrandis regulam invenit cui vitam suam, communitati inservientem, aequaret, plane de laborioso animarum pastoris officio conscius. Dei Servus die XXVI mensis Septembris anno MDLXXXV Neapoli ex nobili patricio Orlando Franco et Anna Pisano, baronis Pascarellae filia ortus est. Intra familiam, quae fide christianaque pietate eminebat, solida religiosa

2 320 Acta Apostolicae Sedis Commentarium Officiale disciplina est institutus, quae severa operositate distinguebatur et magna in pauperiores caritate. Humanitatis absolutis curriculis, in quam peculiarem in modum inclinabatur, apud Neapolitanam studiorum Unversitatem iuris disciplinae operam dedit atque in utroque iure lauream est consecutus, cum interea sacerdotalis vocationis compos fieret, unde circiter anno MDCVII sacro Ordine est auctus. Unum et viginti annos natus Romam se contulit, ubi aptum invenit locum, ut ultra intellectum spiritumque alere posset. Anno MDCXI Philippus III, Hispaniae rex, suam apud regiam cappellanum eum elegit. Dei Servus, huius muneris dignitatem suscipiens, ad tempus Matritum se contulit, ubi meditate solliciteque suum officium exercuit, sacramenta ministrando pauperioribus corporaliter spiritaliterque subveniendo, per continuatum evangelicae caritatis exercitium suam spiritalitatem perficiendo. Tanta virtus Regem non latuit, qui, permagni Dei Servum faciens Cappellanum Maiorem Regni Siciliae, ut Abbatem ac Praelatum Praelaturae Nullius Sanctae Luciae, iisdem servatis privilegiis quae praedecessoris fuerunt, eum constituit. Die VIII mensis Maii anno MDCXVII Antonius Franco, a Summo Pontífice Paulo V per breve confirmatus, sollemniter in munus est ingressus. In Praelatura moderanda Dei Servus clara sapientique prudentia eminuit, qua ipse egit, Concilii Tridentini doctrinam et pastoralia recipiens indicia. Ad sancti Caroli Borromeo exemplum, communitatis vitam in ordinem redegit, suo e clero probos mores apostolicumque fervorem exquirens. Ipse porro vitae exemplar fuit: multa de suis commodis cum detraheret, eius pastoralis actio in Evangelio inter pauperes, scilicet pastores et agricolas, diffundendo vera et efficax evasit. Dioecesim reformavit, super corporis spiritusque Sacerdotum religiosorumque institutionem vigilando; liturgiam roboravit veluti spiritalis unitatis partem atque communem vitam animavit per annuas pastorales visitationes, synodos et complura subventionis caritatisque opera. Eius spiritales divitiae in indigentiorum necessitates continenter sunt conversae, per severa decreta feneratores coercendo atque omnimodis indigentibus, infirmis debilibusque subveniendo. Die II mensis Septembris anno MDCXXVI, paenitentia et diuturnis abstinentiis, in aegrotum corpus illatis, consumptus, Dei Servus e vita excessit, amore et communitatis animis gratis circumdatus. Subsequentes recognitiones eius corpus incorruptum reppererunt.

3 Acta Francisci Pp. 321 Propter eius sanctitatis famam apud Messanensem Sedem Inquisitio dioecesana constituta est. Cardinales Patres Episcopique in Sessione Ordinaria coadunati eius virtutes heroum in modum exercitas iudicarunt. Heroicae tales virtutes per Benedicti PP XVI Decretum die XIV mensis Ianuarii anno MMXI sunt agnitae. Idem Summus Pontifex Decreto die XX mensis Decembris anno MMXII miraculum agnovit a Deo per intercessionem Antonii Franco patratum atque statuit ut beatificationis ritus Messanae die II mensis Septembris anno MMXIII celebraretur. Hodie igitur de mandato Nostro Venerabilis Frater Noster Angelus S.R.E. Cardinalis Amato, Congregationis de Causis Sanctorum Praefectus, textum Litterarum Apostolicarum legit, quibus Nos in Beatorum numerum Venerabilem Dei Servum Antonium Franco adscribimus: Nos, vota Fratris Nostri Calogeri La Piana, S.D.B., Archiepiscopi Metropolitae Messanensis-Liparensis-Sanctae Luciae, necnon plurimorum aliorum Fratrum in Episcopatu multorumque christifídelium explentes, de Congregationis de Causis Sanctorum consulto, auctoritate Nostra Apostolica facultatem facimus ut Venerabilis Servus Dei Antonius Franco, Praelatus Ordinarius et Abbas Sanctae Luciae, pastor secundum cor Christi, evangelicae caritatis fervidus testis, Beati nomine in posterum appelletur, eiusque festum die secunda mensis Septembris, qua in caelum ortus est, in locis et modis iure statutis quotannis celebrari possit. In nomine Patris et Filii et Spiritus Sancti. Haec vero quae hodie statuimus firma usquequaque esse volumus ac valida fore iubemus, contrariis quibuslibet rebus minime obstantibus. Datum Romae, apud Sanctum Petrum, sub anulo Piscatoris, die II mensis Septembris, anno MMXIII, Pontificatus Nostri primo. De mandato Summi Pontificis loco Secretarii Status c Petrus Parolin Archiepiscopus tit. Aquipendiensis Loco G Plumbi In Secret. Status tab., n

4 322 Acta Apostolicae Sedis Commentarium Officiale II Venerabili Servae Dei Mariae Bolognesi Beatorum honores decernuntur. FRANCISCUS PP. Ad perpetuam rei memoriam. «Sed, quemadmodum communicatis Christi passionibus, gaudete, ut et in revelatione gloriae eius gaudeatis exsultantes» (1 Pe 4, 13). Tota vita Venerabilis Servae Dei Mariae Bolognesi constans et mirabile exercitatio fuit ad dolorem passionemque, cui ipsa sereno animo amoreque obveniebat, se aliis offerens omnino seipsam oblita. Passionibus Christi communicatio omnibus momentis replevit cor eius tali amore et solacio, quod divina gratia tantummodo infundere valet. In oppido Bosaro apud Rhodigium, proximum Venetiis, die XXI mensis Octobris anno MCMXXIV nata est. Uti puella et iuvenis extremam paupertatem est experta, quae ob nativitatem septem aliorum fratrum gravior facta est, quaeque familiae condiciones oeconomicas magis instabiles reddidit. Praeter inopiam ipsa gravibus ex morbis laboravit, quibus per totam vitam affecta est. Rudimenta tantum elementaria frequentare potuit. Avia materna simplicis et verae fidei exemplis ei magnos religiosos et morales valores communicavit: amorem in Iesum, proximum et naturam. Devotionis nexus, quem Serva Dei a pueritia cum Christo instauravit, omne eius spirituale iter distinguit. Altus officii sensus amorisque erga familiam compulit iuvenem puellam ad magnum responsalitatis pondus mature sumendum, inducens eam ut sive campos coleret sive fratres educaret. Ad quos agmen aliorum puerorum mox adiunctum est ipsi a matribus concreditorum, quae duro opere in campis detinebantur. Nam eam, etiamsi iuvenilis aetatis, ob indolem eius fortem et magnanimam, unicum certum, fidum et amans auxilium considerabant. Haec eius naturalis inclinatio ad amorem in proximum, potissimum indigentiorem, cito in ea vera voluntas facta est pauperiorum aegrotantium et derelictorum ministerio sese dicandi. A iuventute quidem ipsa admodum conscia fuit maximi esse momenti nexum cum Ecclesia, quapropter ab Episcopo postulavit sibi patrem spiritualem, ad quem ipsa humiliter posset vertere ac oboedienter illi parere in christianae perfectio-

5 Acta Francisci Pp. 323 nis itinere calcando. Praematura doloris experientia in ea concitavit erga Christum patientem devotionem, singularem generans communionem cum Eius Passione, cuius claram habuit visionem atque participationem ab anno MCMXLIV, ut ipsius vulnera in se receperit. Haec coniunctio eius cum Christo patiente effecit ut Eum in plurimis vultibus hominum patientium agnosceret, quibus ministrare quosque consolari cum amore ac totali deditione conata est usque ad postremum diem vitae suae, omnibus amabilis soror et mater facta. Confestim Venerabilis Serva Dei claram vocationem suam habuit, non tantum ad sponsalem cum Christo coniunctionem, sed etiam ad oblationis, orationis et paenitentiae opus. Anno MCMXLIX pro fratrum bono ac praesertim sacerdotum victima se obtulit; haec peculiaris condicio secum ferebat tacitam acceptationem omnium mentis et corporis aerumnarum, quae revera fere rituali numero in Mariam se refundebant. Cito vitam suam mutari vidit in quoddam genus «passionis liturgiae», quam ipsa vixit sensu magnanimae participationis Passionis Domini, in clara, constanti et conscia meditatione de morte, cui omni ictu serene se parabat et offerebat. Progrediente aetate eius valetudo in peius usque versa est, quod tamen multiformi et magnanimae beneficae suae navitati minime obsistit, quam nempe explicabat aegrotos visitando, noctu eis in valetudinariis et sanatoriis assidendo, pecuniam et primae necessitatis genera pro multis familiis pauperibus colligendo ac praecipue pupillos apud instituta vel familias accipiendo. Firma fides eius in gravioribus quoque difficultatibus eiusque vis consolationis valebant ad serenitatem iniciendam et fiduciam in divina misericordia infundere etiam iis qui gravibus condicionibus moralibus affligebantur, morbis haud curabilibus, et moribundis. Augescens cardiopathia, quae anno MCMLXXI grave infartum provocavit, eiusque valetudo in peius versa actuosam eius industriam imminuerunt. Vixit in infirmitatis et difficultatis condicione, cui additae sunt incomprehensiones quas ipsa serena indulgentia tulit. Post menses gravium passionum noctu XXX mensis Ianuarii anno MCMLXXX Rhodigii animam suam Deo reddidit. Augescente fama sanctitatis, in dioecesi Adriensi-Rhodigiensi effecta est Inquisitio dioecesana super virtutibus heroicis, cuius validitas agnita est per Decretum Congregationis de Causis Sanctorum die XXV mensis Maii anno MMI. Consultores theologi congregati in Sessione Peculiari die XXIV mensis Iunii anno MMXI faverunt huic sententiae; idemque iudicarunt Patres Car-

6 324 Acta Apostolicae Sedis Commentarium Officiale dinales et Episcopi in Sessione Ordinaria die VI mensis Martii insequentis anni. Deinde praebita est quaedam sanatio mirabilis habita, quam Consultores medici die V mensis Iulii anno MMXII censuerunt scientifice inexplicabilem. Consultores theologi in Congresu Peculiari die XIX mensis Novembris eiusdem anni hanc sanationem intercessioni Venerabilis Servae Dei adscripserunt; eandem sententiam tulerunt Paires Cardinales et Episcopi in Sessione Ordinaria die IX mensis Aprilis anno MMXIII. Exinde facultatem fecimus Congregationi de Causis Sanctorum ut hac de re Decretum ederet atque decrevimus ut beatificationis ritus die VII mensis Septembris eiusdem anni Rhodigii perficeretur. Hodie igitur Rhodigii de mandato Nostro Venerabilis Frater Noster Angelus S.R.E. Cardinalis Amato, S.D.B., Praefectus Congregationis de Causis Sanctorum, textum Litterarum Apostolicarum legit, quibus Nos Venerabilem Servam Dei Mariam Bolognesi in Beatorum numerum adscribimus: Nos, vota Fratris Nostri Lucii Soravito de Franceschi, Episcopi Adriensis-Rhodigiensis, necnon plurimorum aliorum Fratrum in Episcopatu multorumque christifidelium explentes, de Congregationis de Causis Sanctorum consulto, auctoritate Nostra Apostolica facultatem facimus ut Venerabilis Dei Serva María Bolognesi, laica, quae, caritatis Evangelio fulta, in corpore spirituque dolentium serva facta est, Iesum Crucifixum imitata, Beatae nomine in posterum appelletur, eiusque festum die tricesima mensis Ianuarii, qua in caelum nata est, in locis et modis iure statutis quotannis celebrari possit. In nomine Patris et Filii et Spiritus Sancti. Quod autem decrevimus, volumus et nunc et in posterum tempus vim habere, contrariis rebus quibuslibet non obsistentibus. Datum Romae, apud Sanctum Petrum, sub anulo Piscatoris, die VII mensis Septembris, anno MMXIII, Pontificatus Nostri primo. De mandato Summi Pontificis loco Secretarii Status c Petrus Parolin Archiepiscopus tit. Aquipendiensis Loco G Plumbi In Secret. Status tab., n

7 Acta Francisci Pp. 325 III Emmanueli Borrás Ferré, Agapito Modesto Pamplona Falguera et CXLV Sociis Beatorum Martyrum honores decernuntur. FRANCISCUS PP. Ad perpetuam rei memoriam. «Trademini autem et a parentibus et fratribus et cognatis et amicis, et morte afficient ex vobis, et eritis odio omnibus propter nomen meum» (Lc 21, 16-17). Haec Iesu verba saepenumero per historiam Ecclesiae impleta sunt, praesertim quoties effusus est sanguis in testimonio fidei. Ecclesia quidem Cataloniae, quae anno MCMXXXVI atrocem subiit persecutionem, iuncta permansit cum Iesu Christo. Eo tempore, odium fidei christianae nefarios duxit ad necem sacerdotum, religiosorum et religiosarum necnon iuvenum seminaristarum. Enimvero hi martyes fuerunt qui fideles Christo ac Ecclesiae Eius manere voluerunt usque ad effusionem sanguinis. Ii sunt: ex clero dioecesano: 1. Emmanuel Borrás Ferré, Episcopus, natus in La Canonja in provincia et archidioecesi Tarraconensi, die IX mensis Septembris anno MDCCCLXXX. Muneribus functus est Notarii in Curia dioecesana et in Tribunali metropolitano, Confessarii in Seminario et Vices Gerentis Apostolatus pro Oratione. Die II mensis Iulii anno MCMXXXIV ordinatus est Episcopus titularis Bisicensis et Auxiliaris Archidioecesis Tarraconensis, Francisco de Asís Cardinale Vidal y Barraquer Archiepiscopo regnante. Vita huius Servi Dei summatim sic describi potest: «puer pius, adulescens examplaris, seminarista imitandus, sacerdos et canonicus studiosissimus, moriturus sanctus». Die XII mensis Augusti anno MCMXXXVI, captus a militibus, ab illis necatus est ob odium fidei. 2. Maginus Albaigés Escoda, sacerdos, natus die XXIII mensis Maii anno MDCCCXCIX in Albi (Ilerdae), martyr factus est Tarracone die XX mensis Augusti anno MCMXXXVI.

8 326 Acta Apostolicae Sedis Commentarium Officiale 3. Raimundus Artiga Aragonés, sacerdos, natus die XI mensis Octobris anno MDCCCLXXX in Montroig, martyr factus est die XIII mensis Augusti anno MCMXXXVI in Borjas del Campo. 4. Iosephus Badía Minguella, sacerdos, natus die XVIII mensis Septembris anno MDCCCLXIII in Salomó, martyr factus est die XXVI mensis Iulii anno MCMXXXVI in Reus. 5. Ioachimus Balsells Bosch, sacerdos, natus die XVI mensis Septembris anno MCM in Espluga Calva, martyr factus est die XIII mensis Novembris anno MCMXXXVI in Fontscaldes. 6. Paulus Bertrán Mercadé, sacerdos, natus die XXV mensis Ianuarii anno MDCCCLXXV in Creixell (Tarracone), martyr factus est die VI mensis Augusti anno MCMXXXVI in Torredembarra. 7. Iucundus Bonet Mercadé, sacerdos, natus Tarracone die X mensis Martii anno MDCCCLXXV, martyr factus est die XIV mensis Augusti anno MCMXXXVI in Reus. 8. Iosephus Brú Boronat, sacerdos, natus die XVI mensis Iunii anno MDCC- CLXXX in in Montroig, martyr factus est die XXVII mensis Iulii anno MCMXXXVI in Reus. 9. Iosephus Maria Brú Ralduá, sacerdos, natus die XXVII mensis Octobris anno MDCCCLXX, martyr factus est die XI mensis Novembris anno MCMXXXVI in Torredembarra. 10. Thomas Capdevila Miquel, sacerdos, natus die XXII Ianuarii anno MCMIII in Forés, martyr factus est die VI mensis Septembris anno MCMXXXVI in Solivella. 11. Ioannes Baptista Ceró Cedó, sacerdos, natus die XX mensis Octobris anno MCMVIII in Flix, martyr factus est die XVI mensis Augusti anno MCMXXXVI Barcinone. 12. Maginus Civit Roca, sacerdos, natus die IV mensis Iulii anno MDCCCLXXI in Conesa, martyr factus est die XVII mensis Augusti anno MCMXXXVI in Maspujols. 13. Iosephus Civit Timoneda, sacerdos, natus die XXI mensis Decembris anno MDCCCLXXIV in Omells de Nagaya, martyr factus est die XXVI mensis Iulii anno MCMXXXVI in Reus.

9 Acta Francisci Pp Iosephus Colom Alsina, sacerdos, natus die X mensis Augusti anno MCMVI, martyr factus est die IV mensis Augusti anno MCMXXXVI in Vallmoll. 15. Franciscus Company Tarrellas, sacerdos, natus die XXIII mensis Octobris anno MDCCCLXXXVI in Rocallaura, martyr factus est die II mensis Augusti anno MCMXXXVI. 16. Aloisius Domingo Mariné, sacerdos, natus die X mensis Maii anno MCMXI in Morell, martyr factus est die V mensis Augusti anno MCMXXXVI. 17. Hieronymus Fábregas Camí, sacerdos, natus die V mensis Decembris anno MCMX in Espluga Calva, martyr factus est die XX mensis Ianuarii anno MCMXXXIX in Santa Coloma de Queralt. 18. Isidorus Fábregas Gils, sacerdos, natus die VII anno MDCCCLXXVIII in Puigpelat, martyr factus est die XXVIII mensis Augusti anno MCMXXXVI in Reus. 19. Petrus Farrés Valls, sacerdos, natus die XIII mensis Maii anno MCMIII in Santa Coloma de Queralt, martyr factus est die XXV mensis Augusti anno MCMXXXVI in Valls. 20. Ioannes Farriol Sabaté, sacerdos, natus die III mensis Octobris anno MDCC- CLXVIII in Montblanch, martyr factus est die XXII mensis Augusti anno MCMXXXVI in Montblanch. 21. Narcisus Felíu Costa, sacerdos, natus die XV mensis Ianuarii anno MDCC- CLXXVII in Pineda ibique martyr factus est die XXVIII mensis Iulii anno MCMXXXVI. 22. Paulus Figuerola Rovira, sacerdos, natus die IX mensis Decembris anno MDCCCLXX in Espluga de Francolí, martyr factus est die XII mensis Augusti anno MCMXXXVI in Espluga Calva. 23. Iosephus Gassol Montseny, seminarista, natus die XXX mensis Aprilis anno MCMXV in Solivella, martyr factus est die XII mensis Februarii anno MCMXXXVII in Sarreal. 24. Iosephus Garriga Ferré, sacerdos, natus die XIII mensis Martii anno MDCC- CLXXII in Cabra del Campo, martyr factus est die XXIV mensis Iulii anno MCMXXXVI in Reus.

10 328 Acta Apostolicae Sedis Commentarium Officiale 25. Ioannes Gibert Galofré, sacerdos, natus die IV mensis Maii anno MDCC- CLXXX in La Riera et martyr factus est die V mensis Augusti anno MCMXXXVI in El Pla de Santa María. 26. Paulus Gili Pedrós, sacerdos, natus die XXIX mensis Februarii anno MCMXII in Omellons (Ilerdae), martyr factus est die XXVI mensis Iulii anno MCMXXXVI in Francolí. 27. Henricus Gispert Domenech, sacerdos, natus die VIII mensis Novembris anno MDCCCLXXIX in Riudoms, martyr factus est die VI mensis Aprilis anno MCMXXXVII in Riudoms. 28. Iosephus Gomis Martorell, sacerdos, natus die XVII mensis Decembris anno MDCCCXCIV in Reus, martyr factus est die VI mensis Aprilis anno MCMXXXVII in Riudoms. 29. Agapitus Gorgues Manresa, sacerdos, natus die IV mensis Iunii anno MCMXIII in Cerviá (Ilerdae), martyr factus est die XXIII mensis Octobris anno MCMXXXVI in Cerviá. 30. Michael Grau Antolí, sacerdos, natus die XXII mensis Novembris anno MDCCCLXIX in Herbés, martyr factus est die XXV mensis Augusti anno MCMXXXVI in Valls. 31. Augustinus Ibarra Anguela, sacerdos, natus die II mensis Martii anno MCMXI in Alió, martyr factus est die XV mensis Augusti armo MCMXXXVI Barcinone. 32. Aloisius Janer Riba, sacerdos, natus die IV mensis Martii anno MDCCCLXXX in Pontils ibique martyr factus est die XXIII mensis Iulii anno MCMXXXVI. 33. Dalmatius Llebaría Torné, sacerdos, natus die V mensis Octobris anno MDCCCLXXVII in Falset (Tarracone), martyr factus est die XXII mensis Augusti anno MCMXXXVI Tarracone. 34. Iosephus Mañé March, sacerdos, natus die XXIV mensis Octobris anno MDCC- CLXXVI in Morell, martyr factus est die XVII mensis Augusti anno MCMXXXVI in Reus. 35. Raimundus Martí Amenós, sacerdos, natus die I mensis Novembris anno MCMV in Vallbona (Ilerdae), martyr factus est die XII mensis Augusti anno MCMXXXVI in Torre de Fantaubella.

11 Acta Francisci Pp Raphael Martí Figueras, sacerdos, natus die IV mensis Decembris anno MDCCCLXXVIII Tarracone ibique martyr factus est die XXX mensis Iulii anno MCMXXXVI. 37. Iosephus Masquef Ferrer, sacerdos, natus die XI mensis Maii anno MDCC- CLXXII Tarracone, martyr factus est die XXVI mensis Iulii anno MCMXXXVI Tarracone 38. Franciscus Mercadé Rendé, sacerdos, natus die XXV mensis Martii anno MDCCCLXXXI in Roda, martyr factus est die IV mensis Augusti anno MCMXXXVI in Barbera. 39. Iosephus Mestre Escoda, sacerdos, natus die XII mensis Februarii anno MDCCCXCIX in Dosaiguas, martyr factus est die XVII mensis Martii anno MCMXXXVII Barcinone. 40. Alexius Miquel Rosell, sacerdos, natus die XI mensis Octobris anno MDCC- CLXXXII in Pla de Cabra, martyr factus est die XXVI mensis Iulii anno MCMXXXVI Tarracone. 41. Ioannes Montpeó Masip, seminarista, natus die XXXI mensis Octobris anno MCMXVIII in Borjas del Campo, martyr factus est die XV mensis Maii anno MCMXXXVIII in Riudecols. 42. Antonius Nogués Martí, sacerdos, natus die XX mensis Ianuarü anno MDCCCLXXVI in Montroig, martyr factus est die XII mensis Augusti anno MCMXXXVI in Torre de Fontaubella. 43. Iosephus Padrell Navarro, sacerdos, natus die VIII mensis Martii anno MDCCCXCVIII in Robla de Mafumet, martyr factus est die VII mensis Septembris anno MCMXXXVI Barcinone. 44. Iosephus Maria Panadés Tarré, sacerdos, natus die IV mensis Septembris anno MDCCCLXXII Tarracone, martyr factus est die XXV mensis Augusti anno MCMXXXVI in Valls. 45. Antonius Pedró Minguella, sacerdos, natus est die XXII mensis Martii anno MDCCCLXXIV in Guimerá, martyr factus est die XIX mensis Augusti anno MCMXXXVI in Belianés.

12 330 Acta Apostolicae Sedis Commentarium Officiale 46. Helladius Perés Bori, sacerdos, natus die XXVI mensis Aprilis anno MDCC- CLXXXIII in Malde, martyr factus est die XXVIII mensis Augusti anno MCMXXXVI in Reus. 47. Andreas Prats Barrufet, sacerdos, natus die VII mensis Augusti anno MDCCCLXXXVI in Selva del Campo, martyr factus est die XIII mensis Augusti anno MCMXXXVI in Reus. 48. Antonius Prenafeta Soler, sacerdos, natus est die VII mensis Aprilis anno MDCCCLXXIV in Vilosell, martyr factus est die XXV mensis Augusti anno MCMXXXVI in Valls. 49. Ioannes Roca Vilardell, sacerdos, natus die XIII mensis Augusti anno MCMV in Gurb, martyr factus est die XI mensis Novembris anno MCMXXXVI in Torredembarra. 50. Petrus Rofes Llauradó, sacerdos, natus die XXXI mensis Maii anno MCMIX Tarracone, martyr factus est die XIII mensis Augusti anno MCMXXXVI in Borjas del Campo. 51. Ioannes Rofes Sancho, sacerdos, natus die XXVIII mensis Februarii anno MDCCCLXXVI in Fontaubella, martyr factus est die XII mensis Augusti anno MCMXXXVI in Torre de Fontaubella. 52. Paulus Roselló Borgueres, sacerdos, natus die IX mensis Maii anno MDCCCXCV in Vimbodi, martyr factus est die XXVI mensis Iulii anno MCMXXXVI Tarracone. 53. Iosephus Roselló Sans, sacerdos, natus die XXIV mensis Septembris anno MDCCCLXXXIII in Montblanch ibique martyr factus est die XXII mensis Augusti anno MCMXXXVI. 54. Michael Rué Gené, sacerdos, natus die XIII mensis Decembris anno MCMIX in Cerviá, martyr factus est die XVII mensis Augusti anno MCMXXXVI in Maspujols. 55. Michael Saludes Ciuret, sacerdos, natus die XXVI mensis Aprilis anno MDCCCLXVII in Alforja, martyr factus est die XI mensis Novembris anno MCMXXXVI in Torredembarra. 56. Pius Salvans Corominas, sacerdos, natus die II mensis Ianuarii anno MDCCCLXXVIII in S. María de La Guardia, martyr factus est die XIII mensis Novembris anno MCMXXXVI in Mollerusa.

13 Acta Francisci Pp Ioesphus Maria Sancho Toda, sacerdos, natus die XX mensis Martii anno MCMIX in Torre de Fontaubella, martyr factus est die XII mensis Augusti anno MCMXXXVI in Torre de Fontaubella. 58. Iacobus Sanromá Solé, sacerdos, natus die IV mensis Novembris anno MDCCCLXXIX in Villavert, martyr factus est die XXIV mensis Iulii anno MCMXXXVI in Solivella. 59. Stanislaus Sans Hortoneda, sacerdos, natus die VIII mensis Iunii anno MDCCCLXXXVII in Maspujols, martyr factus est die XXIII mensis Augusti anno MCMXXXVI in Montbrió del Campo. 60. Aloisius Sans Viñas, sacerdos, natus die XXII mensis Iunii anno MDCC- CLXXXVII in Montblanch, martyr factus est die X mensis Augusti anno MCMXXXVI in Coll de Lilla. 61. Sebastianus Tarrago Cabré, sacerdos, natus die XXI mensis Iulii anno MDCCCLXXIX in Vinaixa, martyr factus est die I mensis Augusti anno MCMXXXVI in La Morera. 62. Iacobus Tarrago Iglesias, sacerdos, natus die XIX mensis Decembris anno MDCCCLXVIII in Solivella, martyr factus est die XXVIII mensis Augusti anno MCMXXXVI in Torredembarra. 63. Ioannes Tomás Gibert, sacerdos, natus die XVIII mensis Novembris anno MCMII in Valls, martyr factus est die XXVIII mensis Augusti anno MCMXXXVI in Salardú. 64. Isidorus Torres Balsells, sacerdos, natus die XXVII mensis Novembris anno MDCCCLXXIV in Blancafort, martyr factus est in Montblanch die XXIV mensis Augusti anno MCMXXXVI. 65. Ioannes Vernet Masip, sacerdos, natus est die XXVIII mensis Maii anno MDCCCXCIX in Vilella Alta, martyr factus est die XX mensis Augusti anno MCMXXXVI in Juncosa (Ilerdae). 66. Franciscus Vidal Sanuy, sacerdos, natus est die VII mensis Septembris anno MDCCCLXVII in Montpalau, martyr factus est die XXV mensis Iulii anno MCMXXXVI in Francolí.

14 332 Acta Apostolicae Sedis Commentarium Officiale 67. Michael Vilatimó Costa, sacerdos, natus est die XXIV mensis Octobris anno MDCCCLXXXVIII in Vich, martyr factus est die XXVI mensis Iulii anno MCMXXXVI Tarracone. 68. Paulus Virgili Monfá, sacerdos, natus est die VIII mensis Augusti anno MDCCCLXIX, martyr factus est die V mensis Augusti anno MCMXXXVI in Pla de Cabra. 69. Franciscus Vives Antich, sacerdos, natus est die XXII mensis Martii anno MDCCCLXXVI in Valls, martyr factus est die VI mensis Augusti anno MCMXXXVI in Torredembarra. ex fratribus Carmelitanorum Discalceatorum: 70. Frater Angelus a Sancto Ioseph, (Ioannes Font Rius), natus die XX mensis Octobris anno MDCCCXCVI in Espluga de Francolí (Tarraco). Mortem martyrii obiit die XXV mensis Iulii anno MCMXXXVI Tarracone. 71. Frater Carolus a Iesu Maria (Carolus Barrufet Tost Carlos), natus est die IX mensis Aprilis anno MDCCCLXXXVIII. Mortem martyrii obiit die XII mensis Augusti anno MCMXXXVI in La Selva del Camp (Tarraco). 72. Frater Damianus a Sancta Trinitate (Damianus Pablo Rodríguez), natus die XVIII mensis Maii anno MDCCCLXXXVI. Mortem martyrii obiit die XI mensis Novembris anno MCMXXXVI in Torredembarra. 73. Pater Alypius a Sancta Teresia (Alypius Arce Fernández), sacerdos, natus die XVI mensis Octobris anno MDCCCLXXVIII. Mortem martyrii obiit die XI mensis Novembris anno MCMXXXVI in Torredembarra. 74. Frater Iosephus Caecilius a Iesu et Maria (Iosephus Alberich Lluch), natus die VII mensis Februarii anno MDCCCLXV. Mortem martyrii obiit die XI mensis Novembris anno MCMXXXVI in Torredembarra. 75. Pater Petrus a Sancto Elia (Petrus Hériz y Eguiluz), sacerdos, natus est die XXII mensis Februarii anno MDCCCLXVII. Mortem martyrii obiit die XI mensis Novembris anno MCMXXXVI in Torredembarra. 76. Pater Vincentius a Cruce (Vincentius Gallen Ibáñez), sacerdos, natus die XXIX mensis Septembris anno MCMVIII. Mortem martyrii obiit die X mensis Novembris anno MCMXXXVI Tarracone.

15 Acta Francisci Pp. 333 ex Ordine Sancti Benedicti a Monte Serrato: 77. Fulgentius Albareda Ramoneda, O.S.B., natus die XIII mensis Iunii anno MDCCCLXXXVIII Barcinone. Martyrium subiit die XIX mensis Decembris anno MCMXXXVI in carcere Sancti Eliae. 78. Leo (Aloisius Gonzaga) Alesanco Maestro, O.S.B, natus die XXIII mensis Iunii anno MDCCCLXXXII in San Millán de la Cogolla. Martyrium subiit die XXX mensis Novembris anno MCMXXXVI. 79. Ambrosius Maria Busquets Creixell, O.S.B., natus die VII mensis Iunii anno MCMIII in San Ginés de Torrella de Montgrí. Martyrium subiit die XIX mensis Augusti anno MCMXXXVI Barcinone. 80. Hildrebrandus Casanovas Vilá, O.S.B., natus die XXI mensis Ianuarii anno MCMXVIII in Hostalets de Balenyá (Ausona). Martyrium subiit die XVIII mensis Iulii anno MCMXXXVI in Monte Serrato. 81. Hildefonsus Civil Castellví, O.S.B., natus die XI mensis Ianuarii anno MDCC- CLXXXIX. Martyrium subiit die XXV mensis Iulii anno MCMXXXVI in Molins de Rey. 82. Ioannes Maria Costa Canal Odilón, O.S.B., natus est die XIII mensis Decembris anno MCMV in Urbe Sancti Dominici (Ausona). Martyrium subiit die XVIII mensis Iulii anno MCMXXXVI Barcinone. 83. Eugenius Maria Erausquín Aramburu, O.S.B, natus die XXI mensis Octobris anno MCMII Victoriae (Ipuscoa). Martyrium subiit die XX mensis Augusti anno MCMXXXVI in Cruz de Término de Pedralbes. 84. Placidus Maria Felíu Soler, O.S.B., natus die VI mensis Novembris anno MCMIV. Martyrium subiit die XIX mensis Augusti anno MCMXXXVI Barcinone. 85. Iosephus Maria Fontseré Masdeu, O.S.B., natus die XXX mensis Octobris anno MDCCCLIV in Vingolas de Orés (Ausona). Martyrium subiit die XIX mensis Augusti anno MCMXXXVI in Ronda de San Pedro. 86. Dominicus González Millán, O.S.B, natus die XVI mensis Septembris anno MDCCCLXXX in La Losilla (Lucronium). Martyrium subiit die XIX mensis Augusti anno MCMXXXVI in Monte Serrato.

16 334 Acta Apostolicae Sedis Commentarium Officiale 87. Robertus Grau Bullich, O.S.B., sacerdos, natus die IV mensis Aprilis anno MDCCCXCV in Coll de Nardó (Ilerda). Martyrium subiit die V mensis Ianuarii anno MCMXXXVII in Monte Serrato. 88. Aemilianus Maria Guilá Ximénes, O.S.B., natus die IV mensis Aprilis anno MCMXIV in Mataró. Martyrium subiit die XIX mensis Augusti anno MCMXXXVI Barcinone. 89. Iosephus Maria Jordá Jordá, O.S.B, natus die XX mensis Novembris anno MDCCCLXXXIV Tarracone. Martyrium subiit die XXVI mensis Iulii anno MCMXXXVI in Pont Negre. 90. Aloisius Palacios Lozano, O.S.B, sacerdos, natus die XVII mensis Augusti anno MDCCCXCIII in Agés (Burgum). Martyrium subiit die XXX mensis Novembris anno MCMXXXVI Barcinone. 91. Ioannes Roca Bosch, O.S.B., sacerdos, natus die XIII mensis Iulii anno MDCCCLXXXIV. Martyrium subiit die XX mensis Augusti anno MCMXXXVI Barcinone. 92. Angelus Maria Rodamilans Canals, O.S.B., sacerdos, natus die I mensis Maii anno MDCCCLXXIV in Sabadell (Barcino). Martyrium subiit die XXVII mensis Iulii anno MCMXXXVI Barcinone. 93. Franciscus Maria Sánchez Solé, O.S.B., natus die XXX mensis Augusti anno MDCCCLXXX Barcinone. Martyrium subiit die XXV mensis Iulii anno MCMXXXVI in Monte Serrato. 94. Petrus Vallmitjana Abarca, O.S.B., sacerdos, natus die XIX mensis Maii anno MDCCCLXXV Barcinone. Martyrium subiit die XV mensis Februarii anno MCMXXXVII in Sardañola. 95. Bernardus Vendrell Olivella, O.S.B., natus die XXIX mensis Iunii anno MDCCCLXXVIII in S. Esteban de Ordal (Barcino). Martyrium subiit die XXV mensis Iulii anno MCMXXXVI in Gelida. 96. Narcissus Maria Vilar Espona, O.S.B. natus die IX mensis Augusti anno MCMXVI in Balenyá (Ausona). Martyrium subiit die XXVIII mensis Iulii anno MCMXXXVI in Ausona.

17 Acta Francisci Pp. 335 ex Ordine Fratrum Minorum Cappuccinorum: 97. Henricus Salva Mistral, in vita religiosa Carmelus de Colomés, natus die XXI mensis Martii anno MDCCCLXXIV in Colomes (dioecesis et provinciae Gerundae), vestem religiosam Cappuccinorum induit in Arenys de Mar (Barcino) die XIII mensis Ianuarii anno MCMIII. Martyrium passus est die XXV mensis Augusti anno MCMXXXVI Tarracone. ex Congregatione Missionariorum Filiorum Immaculati Cordis B.M.V.: 98. Fridericus Vila Bartolt, C.M.F., natus in Brull (Barcino) die III mensis Martii anno MDCCCLXXXIV. Martyr factus est die XI mensis Novembris anno MCMXXXVI apud coemeterium in Torredembarra. 99. Iacobus Mir Vime, C.M.F., natus in Ciutadilla (Ilerda) die XXI mensis Decembris anno MDCCCLXXXIX, martyr factus est die XXII mensis Iulii anno MCMXXXVI Tarracone Antonius Vilamasana Carulla, C.M.F., natus in Masoteras (Ilerda) die XXVIII mensis Ianuarii anno MDCCCLX, martyr factus est die XXV mensis Augusti anno MCMXXXVI in Valls Paulus Castellà Barbera, C.M.F., natus in Selva del Campo (Tarraco) die III mensis Maii anno MDCCCLXI, martyr factus est die XXVI mensis Septembris anno MCMXXXVI in Reus Andreas Feliu Bartolomeu, C.M.F., natus in Selva del Campo (Tarraco) die XV mensis Septembris anno MDCCCLXX, martyr factus est die XXVI mensis Septembris anno MCMXXXVI in Reus Sebastianus Balsells Tonijuàn, C.M.F., natus in Fuliola (Ilerda) die III mensis Decembris anno MDCCCLXXXV, martyr factus est die XV mensis Augusti anno MCMXXXVI in Sierra de Almenara Antonius Capdevila Balsells, C.M.F., natus in Espluga Calva (Ilerda) die XXVII mensis Februarii anno MDCCCXCIV, martyr factus est die XXIV mensis Iunii anno MCMXXXVI in Vimbodí.

18 336 Acta Apostolicae Sedis Commentarium Officiale ex Instituto Fratrum Scholarum Christianarum: 105. Agapitus Modestus, in saeculo Modestus Pamplona Falguera, natus die XVII mensis Iunii anno MCMVII, martyrium subiit die XXVIII mensis Augusti anno MCMXXXVI Tarracone Albertus Ioachimus, in saeculo Albertus Linares de la Pinta, natus die XXVII mensis Augusti anno MCMXIII, martyrium subiit die XIX mensis Maii anno MCMXXXVII in Castillonroy Alexander Antonius, in saeculo Alexander Arraya Caballero, natus die XXX mensis Maii anno MCMVIII, martyrium subiit die XXX mensis Iulii anno MCMXXXVI Tarracone Alexander Ioannes, in saeculo Firminus Gellida Cornelles, natus die VI mensis Octobris anno MDCCCLXXXIX, martyrium subiit die XVII mensis Augusti anno MCMXXXVI in Viñaroz (Barcino) Alphaeus Barnabas, in saeculo Barnabas Núñez Alonso, natus die XI mensis Iunii anno MCMII, martyrium subiit die XXX mensis Iulii anno MCMXXXVI Tarracone Anastasius Lucas, in saeculo Lucas Martín Puente, natus die XX mensis Septembris anno MCMVIII, martyrium subiit die XVIII mensis Septembris anno MCMXXXVI Tarracone Andreas Sergius, in saeculo Andreas Pradas Lahoz, natus die XXX mensis Novembris anno MCMVIII, martyrium subiit die XVIII mensis Augusti anno MCMXXXVI in Tortosa (Tarraco) Angelus Amatus, in saeculo Maximianus Peréz Fierro, natus die XXI mensis Augusti anno MCMV, martyrium subiit die I mensis Septembris anno MCMXXXVI in Tortosa (Tarraco) Anselmus Felix, in saeculo Modestus Godo Buscató, natus die XII mensis Ianuarii anno MDCCCLXXIX, martyrium subiit die XXVIII mensis Augusti anno MCMXXXVI Tarracone Antonius Aegidius, in saeculo Alexander Gil Monforte, natus die IX mensis Februarii anno MCMIII, martyrium subiit die XXII mensis Septembris anno MCMXXXVI in Mosqueruela (Terulium).

19 Acta Francisci Pp Aristides Marcus, in saeculo Petrus Cano Cebrián, natus die I mensis Iunii anno MCMVI, martyrium subiit die XIV mensis Augusti anno MCMXXXVI in Benicarló Arnoldus Cyrillus, in saeculo Ioannes Font Taulat, natus die I mensis Iulii anno MDCCCXC, martyrium subiit die XXI mensis Ianuarii anno MCMXXXVII Ilerdae Augustus Maria, in saeculo Arsenius Merino Miguel, natus die XII mensis Decembris anno MDCCCXCIV, martyrium subiit ad finem mensis Octobris anno MCMXXXVI in Molnas (Tarraco) Benildus Iosephus, in saeculo Franciscus Casademunt Ribas, natus die V mensis Februarii anno MDCCCLXXII, martyrium subiit die XXVI mensis Augusti anno MCMXXXVI Tarracone Benedictus Ioannes, in saeculo Ioannes Baptista Urgell Corna, natus die V mensis Octobris anno MCMVI, martyrium subiit die VII mensis Augusti anno MCMXXXVI in Villalba Bonaventura Plus, in saeculo Pius Ruiz de la Torre, natus die IX mensis Iulii anno MCMIX, martyrium subiit die I mensis Septembris anno MCMXXXVI in Tortosa (Tarraco) Claudius Iosephus, in saeculo Emmanuel Mateo Calvo, natus die V mensis Octobris anno MCMII, martyrium subiit die I mensis Septembris anno MCMXXXVI in Tortosa (Tarraco) Clemens Adolfus, in saeculo Ioannes Clemens Vea Balaguer, natus die IX mensis Iunii anno MDCCCXCVIII, martyrium subiit die XV mensis Augusti anno MCMXXXVI in S. Mateo (in provincia Castellionensi) Clemens Faustinus, in saeculo Iosephus Fernández Sáenz, natus die VI mensis Aprilis anno MCMXV, martyrium subiit die XVIII mensis Septembris anno MCMXXXVI Tarracone 124. Daniel Antoninus, in saeculo Nicolaus Rueda Barriocanal, natus die X mensis Septembris anno MDCCCXCIV, martyrium subiit die XXVIII mensis Augusti anno MCMXXXVI Tarracone Helladius Vincentius, in saeculo Caesarius España Ortiz, natus die XXV mensis Februarii anno MDCCCLXXXVI, martyrium subiit die XXVIII mensis Augusti anno MCMXXXVI Tarracone.

20 338 Acta Apostolicae Sedis Commentarium Officiale 126. Elias Paulinus, in saeculo Xaverius Pradas Vidal, natus die XXI mensis Martii anno MDCCCXCVI, martyrium subiit die XXVIII mensis Augusti anno MCMXXXVI Tarracone Elmus Michaël, in saeculo Petrus Ioannes Iosephus Sisterna Torrent, natus die XXI mensis Martii anno MDCCCLXXVIII, martyrium subiit die XXVI mensis Augusti anno MCMXXXVI Tarracone Exsuperius, in saeculo Michaël Alberto Flos, natus die XII mensis Novembris anno MDCCCLXXXI, martyrium subiit die XV mensis Augusti anno MCMXXXVI in Benicarló Faustus Aloisius, in saeculo Iosephus Maria Tolaguera Oliva, natus die XIV mensis Martii anno MCMIV, martyrium subiit die XXVI mensis Augusti anno MCMXXXVI Tarracone Felix Hadrianus, in saeculo Franciscus Vicente Edo, natus die XXXI mensis Iulii anno MCMIII, martyrium subiit die XXII mensis Septembris anno MCMXXXVI in Mosqueruela 131. Fulbertus Iacobus, in saeculo Iacobus Jardí Vernet, natus die VII mensis Maii anno MCMI, martyrium subiit die X mensis Augusti anno MCMXXXVI in Tivisa (Tarraco) Gilbertus a Iesu, in saeculo Iosephus Boschdemont Mitjavila, natus die XI mensis Augusti anno MDCCCLXXX, martyrium subiit die XI mensis Novembris anno MCMXXXVI in Torredembarra Honorius Sebastianus, in saeculo Sebastianus Obeso Alario, natus die XII mensis Decembris anno MCMX, martyrium subiit die XVIII mensis Septembris anno MCMXXXVI Tarracone Hugo Barnabas, in saeculo Franciscus Trullén Gilisbarts, natus die XX mensis Ianuarii anno MDCCCXCV, martyrium subiit die I mensis Septembris anno MCMXXXVI in Viñols Hyacinthus Georgius, in saeculo Iosephus Camprubí Corrubí, natus die XXII mensis Februarii anno MDCCCLXXX, martyrium subiit die XXVIII mensis Augusti anno MCMXXXVI Tarracone.

21 Acta Francisci Pp Ianuarius, in saeculo Marianus Navarro Blasco, natus die III mensis Decembris anno MCMIII, martyrium subiit die XI mensis Novembris anno MCMXXXVI Tarracone Iustinus Gabriel, in saeculo Gabriel Albiol Plou, natus die XXIII mensis Aprilis anno MCMX, martyrium subiit die XI mensis Augusti anno MCMXXXVI in Peñiscola Leontius Ioachimus, in saeculo Ioachimus Pallerola Feu, natus die II mensis Iulii anno MDCCCXCII, martyr factus est die I mensis Septembris anno MCMXXXVI in Viñols Aloisius Albertus, in saeculo Ildephonsus Alberto Flos, natus die XXVI mensis Februarii anno MDCCCLXXX, martyrium subiit die XV mensis Augusti anno MCMXXXVI in Benicarló Maginus Petrus, in saeculo Franciscus Salla Saltó, natus die III mensis Septembris anno MCMXVIII, martyr factus est die XXIX mensis Iulii anno MCMXXXVIII in Juncosa (Ilerda) Marcianus Paschalis, in saeculo Paschalis Escuín Ferrer, natus die XXX mensis Martii anno MCMVII, martyr factus est die XIX mensis Augusti anno MCMXXXVI in Tortosa Nicolaus Hadrianus, in saeculo Ioannes Pérez Rodrigo, natus die XXVII mensis Ianuarii anno MCMXIV martyr factus est die XVIII mensis Septembris anno MCMXXXVI Barcinone Raphaël Iosephus, in saeculo Patricius Gellida Llorach, natus die XVI mensis Martii anno MDCCCLXXI, martyr factus est die XVIII mensis Augusti anno MCMXXXVI in Peñíscola. ex Tertio Ordine Carmelitarum a Magisterio: 144. Iulius Alameda Camarero, natus die XXVIII mensis Maii anno MCMXI in Castroceniza (Burgum), martyr factus est die XI mensis Novembris anno MCMXXXVI in Torredembarra Aloisius Domingo Oliva, natus die XI mensis Ianuarii anno MDCCCXCII in Reus (Tarraco), martyr factus est die XI mensis Novembris anno MCMXXXVI in Torredembarra.

22 340 Acta Apostolicae Sedis Commentarium Officiale 146. Isidorus Tarsá Giribets, natus die III mensis Februarii anno MDCCCLXVI in Fontanet (Ilerda), martyr factus est die XI mensis Novembris anno MCMXXXVI in Torredembarra Bonaventura Toldrá Rodón, natus est die XXXI mensis Martii anno MDCCCXCVI in Pla de Cabra (Tarraco), martyr factus est die XI mensis Novembris anno MCMXXXVI in Torredembarra. Fama earum martyrii tam late inter Populum Dei propagata est ut archidioecesis Tarraconensis iniret Processum Informativum. Parata Positione, Consultores Theologi, in Congressu Peculiari die III mensis Iunii anno MMXI acto, hoc probaverunt. Deinde Patres Cardinales et Episcopi, in Sessione Ordinaria diei V mensis Iunii anni MMXII, necem Servorum Dei verum fuisse martyrium sunt fassi. Denique die XXVIII mensis Iunii anno MMXII Benedictus XVI iussit ut Congregatio de Causis Sanctorum Decretum super martyrio rite promulgaret et statuit deinde ut beatificationis ritus Tarracone in Hispania celebraretur die XIII mensis Octobris anno MMXIII. Hodie igitur, Tarracone in Hispania, de mandato Nostro, Venerabilis Frater Noster Angelus S.R.E. Cardinalis Amato, Praefectus Congregationis de Causis Sanctorum, textum Litterarum Apostolicarum legit, quibus Nos Servos Dei Emmanuelem Borrás Ferré, Agapitum Modestum Pamplona Falguera et CXLV Socios in Beatorum numerum adscribimus: Nos, vota Fratrum Nostrorum Iesu García Burillo, Episcopi Abulensis, Alfonsi Milián Sorribas, Episcopi Barbastrensis-Montisonensis, Aloisii S.R.E. Cardinalis Martínez Sistach, Archiepiscopi Barcinonensis, Marii Iceta Gavicagogeascoa, Episcopi Flaviobrigensis, Iosephi Emmanuelis Lorca Planes, Episcopi Carthaginensis in Hispania, Antonii Angeli Algora Hernando, Episcopi Civitatis Regalensis, Demetrii Fernández González, Episcopi Cordubensis, Iosephi Mariae Yanguas Sanz, Episcopi Conchensis, Raimundi del Hoyo López, Episcopi Giennensis, Ioannis Piris Frígola, Episcopi Ilerdensis, Antonii Mariae S.R.E. Cardinalis Rouco Varela, Archiepiscopi Matritensis, Iesu Stephani Catalá Ibáñez, Episcopi Malacitani, Salvatoris Giménez Valls, Episcopi Minoricensis, Attilani Rodríguez Martínez, Episcopi Seguntini-Guadalaiarensis, Iacobi Pujol Balcells, Archiepiscopi Tarraconensis, Iosephi Angeli Saiz Meneses, Episcopi Terrassensis, Caroli Emmanuelis Escribano Subías, Episcopi Terulensis et Albarracinensis, Braulii Rodríguez

23 Acta Francisci Pp. 341 Plaza, Archiepiscopi Toletani, Henrici Benavent Vidal, Episcopi Dertosensis, Caroli Osoro Sierra, Archiepiscopi Valentini, necnon plurimorum aliorum Fratrum in Episcopatu multorumque Christifidelium explentes, de Congregationis de Causis Sanctorum consulto, auctoritate Nostra Apostolica facultatem facimus ut Servi Dei Iosephus Maximus Moro Briz et IV Socii, presbyteri dioecesani; Maurus Palazuelos Maruri et XVII Socii, ex Ordine Sancti Benedicti; Iacobus Puig Mirosa et XVIII Socii, e Congregatione Filiorum Sacrae Familiae Iesu, Mariae et Ioseph, necnon Sebastianus Llorens Telarroja, laicus; María a Monte Serrato (in saeculo: Iosepha María Columnaris García Solanas) et VIII Sociae, religiosae professae Instituti Minimarum Discalceatarum Sancti Francisci de Paula, necnon Lucretia García Solanas, laica et vidua; Mauritius (in saeculo: Alexander) Íñiguez de Heredia Alzóla et XXIII Socii, religiosi professi ex Ordine Hospitalario Sancti Ioannis de Deo; Iosephus Guardiet Pujol, presbyter dioecesanus; Raimundus Ioachimus Castaño González et Iosephus María González Solís, presbyteri professi ex Ordine Fratrum Praedicatorum; Antonius Faúndez López, presbyter, et unus Socius, professi ex Ordine Fratrum Minorum, necnon duo presbyteri dioecesani; Hermenegildus ab Assumptione B.M.V. (in saeculo: Hermenegildus Iza y Aregita) et V Socii, ex Ordine Sanctissimae Trinitatis; Carmelus Maria Moyano Linares et IX Socii, presbyteri professi ex Ordine Carmelitarum; Iosephus Xavier Gorosterratzu et Socii, e Congregatione Sanctissimi Redemptoris; Emmanuel Basulto Jiménez, Episcopus Giennensis, necnon III presbyteri dioecesani, unus seminarii alumnus et unus laicus; Victoria a Iesu (in saeculo: Francisca Agnes Maria ab Antiqua) Valverde González, religiosa Pii Instituti Calasanctiani Filiarum a Divina Pastora; Salvius Huix Miralpeix, Episcopus Illerdensis; Iosephus Nadal y Guiu et Iosephus Jordán y Blecua, presbyteri dioecesani; Ioannes a Iesu (in saeculo: Vilaregut Farré) et III Socii, ex Ordine Fratrum Discalceatarum Beatae Mariae Virginis de Monte Carmelo, necnon Paulus Segalá Solé, presbyter dioecesanus; Marianus Alcalá Pérez et XVIII Socii, ex Ordine Beatae Mariae Virginis de Mercede Redemptionis Captivorum; Chrysanthus (in saeculo: Casimirus González García), Aquilinus, Cyprianus Iosephus et LXIII Socii, ex Instituto Fratrum Maristarum a Scholis, necnon Raimundus Aemilianus Hortelano Gómez et Iulianus Aguilar Martín, laici; Emmanuel a Sacra Familia (in saeculo: Emmanuel Sanz Domínguez), presbyter professus et reformator Ordinis Sancti Hieronymi; Andreas a Palazuelo (in

24 342 Acta Apostolicae Sedis Commentarium Officiale saeculo: Michaël Franciscus González González) et XXXI Socii, ex Ordine Fratrum Minorum Capuccinorum; Theophilus Fernández de Legaria Goñi et IV Socii, presbyteri professi e Congregatione Sacrorum Cordium Iesu et Mariae necnon adorationis perpetuae Ss. Sacramenti altaris; Albertus Maria Marco Alemán et VIII Socii, ex Ordine Carmelitarum ab Antiqua Observantia, necnon Augustinus Maria García Tribaldos et XV Socii, ex Instituto Fratrum Scholarum Christianarum; Orentius Aloisius (in saeculo: Antonius Solá Garriga) et XVIII Socii, ex Instituto Fratrum Scholarum Christianarum, necnon Antonius Mateo Salamero, presbyter dioecesanus, et Iosephus Gorostazu Labayen, laicus; Melchiora ab Adoratione Cortés Bueno et XIV Sociae, e Societate Filiarum a Caritate Sancti Vincentii de Paul; Aurelia (in saeculo: Clementina) Arambarri Fuente et III Sociae, religiosae professae Congregationis Servarum Mariae Ministrantium Infirmis; Maria Assumpta (in saeculo: Iulianna González Trujillano) et II Sociae, religiosae professae Congregationis Missionariarum Franciscalium a Matre Divini Pastoris; Ioannes Huguet y Cardona, presbyter dioecesanus; Iosephus Maria Ruiz Cano, Iesus Hannibal Gómez Gómez, Thomas Cordero Cordero et XIII Socii, e Congregatione Missionariorum Filiorum Immaculati Cordis B.M.V.; Emmanuel Borrás Ferré, Episcopus Auxiliaris Tarraconensis, Agapitus Modestus (in saeculo: Modestus Pamplona Falguera), ex Instituto Fratrum Scholarum Christianarum et CXLV Socii, presbyteri et Seminarii alumni dioecesani necnon religiosi ex Instituto Fratrum Scholarum Christianarum, ex Ordine Fratrum Discalceatorum Beatae Mariae Virginia de Monte Carmelo, ex Ordine Sancti Benedicti, ex Ordine Fratrum Minorum Capuccinorum, e Congregatione Missionariorum Filiorum Immaculati Cordis B.M.V., e Tertio Ordine Carmelitarum a Magisterio; Fortunatus Velasco Tobar et XIII Socii e Congregatione Missionis; Ioachimus Jovaní Marín et XIV Socii e Sodalitate Sacerdotum Operariorum Dioecesanorum Cordis Iesu; Richardus Gil Barcelón, presbyter professus e Congregatione Parvi Operis a Divina Providentia, necnon Antonius Arrué Peiró, laicus; Iosepha Martínez Pérez et XI Sociae e Congregatione Filiarum a Caritate, necnon Dolores Broseta Bonet, laica qui in Hispania vicesimo saeculo sanguinem suum effuderunt ad testimonium perhibendum Domino Iesu, Beatorum nomine in posterum appellentur, eorumque festum die sexta Novembris in locis et modis iure statutis quotannis celebrari possit. In nomine Patris et Filii et Spiritus Sancti.

25 Acta Francisci Pp. 343 Quae vero per has Litteras decrevimus et nunc et in posterum firma esse volumus, rebus quibuslibet contrariis non obstantibus. Datum Romae, apud Sanctum Petrum, die tertio decimo mensis Octobris, anno Domini bis millesimo tertio decimo, Pontificatus Nostri primo. De mandato Summi Pontificis loco Secretarii Status c Petrus Parolin Archiepiscopus tit. Aquipendiensis Loco G Plumbi In Secret. Status tab., n

26 344 Acta Apostolicae Sedis Commentarium Officiale EPISTULA APOSTOLICA AD EPISCOPOS NIGERIAE Dear Brother Bishops, While we walk this Lenten journey towards the Resurrection of the Lord united with the whole Church, I wish to extend to you, dear Archbishops and Bishops of Nigeria, a fraternal greeting, which I extend to the beloved Christian communities entrusted to your pastoral care. I would also like to share some thoughts with you on the current situation in your country. Nigeria, known as the «African giant», with its more than 160 million inhabitants, is set to play a primary role, not only in Africa but in the world at large. In recent years, it has experienced robust growth in the economic sphere and has again reasserted itself on the world stage as an attractive market, on account of its natural resources as well as its commercial potential. It is now considered officially the single largest African economy. It has also distinguished itself as a political player widely committed to the resolution of crisis situations in the continent. At the same time, your nation has had to confront considerable problems, among them new and violent forms of extremism and fundamentalism on ethnic, social and religious grounds. Many Nigerians have been killed, wounded or mutilated, kidnapped and deprived of everything: their loved ones, their land, their means of subsistence, their dignity and their rights. Many have not been able to return to their homes. Believers, both Christian and Muslim, have experienced a common tragic outcome, at the hands of people who claim to be religious, but who instead abuse religion, to make of it an ideology for their own distorted interests of exploitation and murder. I would like to assure you and all who suffer of my closeness. Every day I remember you in my prayers and I repeat here, for your encouragement and comfort, the consoling words of the Lord Jesus, which must always resound in our hearts: «Peace I leave with you; my peace I give to you». 1 Peace as you know so well is not only the absence of conflict or the result of political compromise or fatalistic resignation. Peace is for us a gift which comes from on high; it is Jesus Christ himself, the Prince of Peace, who has made of two peoples one. 2 And only the man or woman 1 Jn 14: Cf. Eph 2: 14.