AUTORE ORAZIO ABBATE

Transcript

1 AUTORE ORAZIO ABBATE 1

2 VITA I CAMPUSANTU! Un gruppo di scheletri appoggiati al muretto di un piccolo Cimitero di Montagna conversano a voce alta guardando un grosso incendio che lambisce proprio quel muretto e: Primo Scheletro Anonimo Minchia Cumpari chi culu chi èbbimu: ancora n autra picca e finìumu tutti morti bruciati. Cumpari Pira Sangazzu di lu munnu; Ma vaddati comu sta bruciannu i sutta a nnui! mancu o campusantu si pò stari chiù o sicuru e in paci ora! Cumpari Brasi Non mi nni parrati Cumpari Pira. E io chi mi nni vinni propriu ccà pi stari o sicuru i me mugghieri e luntanu i ddu focu i testa d a so lingua! Cumpari Murittu Mi sariunu tutti chisti i guai d a morti, caru Cumpari Brasi. Pi furtuna, chi c è sempri u peggiu. Non viditi comu, a fini a fini, puru stu focu non vinni sulu pi rrùstiri e bruciari? Cumpari Brasi Chi vulistu diri cu sti paroli, Cumpari Murittu? Ch u focu, oltri chi bruscari pila e bruciari ossa, pò fari puru occa opera i beni? 2

3 Cumpari Murittu Propriu chistu vulìa diri caru Cumpari! U focu quannu si senti rispittatu e vaddatu a distanza comu stamu facennu nui, senza mi si struzza; fa sulamenti òpiri i beni e a tutti! E sta vota arrivòi u nostru turnu binificatoriu pirchì cu sta bedda caluredda tosta chi stamu sintennu, è a vota bona chi nni sciuga i supra e i botta tutta dd umidità siculari ch avemu ntrasuta ntall ossa! Cumpari Brasi A Nira Fimmina mi vvi senti Cumpari Murittu! Speriamu propriu mi è comu dicìti vui e mi s avvera pi ddavèru << st asciugatura siculari>> chi ddicìti! Propriu un pugnu d ossa chinu d attrosi sugnu jò a via i stari nta ddu me umidu purtusu. Nta ddu disgraziatu bucu assumigghianti sempri i chiù a cella du càrciri chinu i muffa, unni stava prima da vivu! Cumpari Nofriu. E cc a diri jò, puvirazzu i mia, ch u me purtusu è puru tuttu spurtusatu i supra e quannu gghiovi, mi gghiovi puru d intra! Autru chi umidità n coddu. Jò sugnu propriu un pugnu i fracidumi a via i stari sempri cull ossa a mmoddu ntall acqua. Vaddati inveci com è bedda parata addritta è sciutta dda cappiddazza davanti e nostri murtuarii ricoveri, cari Cumpari; Chidda sì, chi è na vera murtuaria Villuna signurili! Cumpari Minicu Comu haviti ragiuni Cumpari Nofriu. Autru chi misirabili e stritti purtusa com e nostri. Chista sì chi è na vera casa pi ccui vali puru a pena i mòriri. Haiu n invidia ogni vota ch a squatrìu chi mi maciniria c a me dintera, puru tutti l ossa chi mmi ristaru. 3

4 Cumpari Catinu Santi paroli Caru Mìnicu; o gghiovi o nivica, stu disgraziatu chinu i soddi du Baruni Ruffillu, sta sempri c u culu all asciuttu, Iddu. Cumpari Spina Tantu pi modu i diri u termini Disgraziatu, veru Cumpari Catìnu? Puru vui i viditi e i sintìti ddi nutturni schelitri party ch ogni sira teni dda intra u baruni Ruffillu, non è veru? Cumpari Catinu Certu ch i vidu e i sentu. Chi mi pigghiastu pi ddu babbasuni i Bastianu Molla, forsi? Chiddu chi ccadennu d a naca murìu sbattennu a testa? Cumpari Spina Ma chi diciti Cumpari Catinu! Non mi pirmittiria mai i pinzari na cosa i chista, i Vui! Vui, comu quannu eru vivu, siti scattruni puru da mortu, anzi chiossài! Cumpari Catinu Cusì va megghiu Cumpari Spina! E poi, vulennu rispunniri a vostra dumanna, comu putirìa fari a menu i vìdiri e i sèntiri ddu ciuri ciuri i tutti ddi nobili fimmini du nostru Campusantu e puru ill èstiru i fora, chi mmi passunu in cuntinuazioni davanti a cella, annannu e vinennu i ddu Palazzu comu tanti jaddini chi starnazzunu facennu l ova! 4

5 Cumpari Spina E supra a ddi cannili ddumati, c a spregu, sbigghiunu a notti facennula divintari jornu; non vulìti diri nenti supra a chisti,cumpari Catinu? Non cridu chi n e viditi tutti sti sirali incindiamenti! Pi quanta luci e focu c è dda intra, sembra i essiri nta na cuntinua prucissioni Quarisimali. Cumpari Catinu Io vi dicu sulu, chi havi avìri na brutta malanova dda picciriddazza d a Sorti! Chista, sta Fimmina ; Sta scunchiuduta e disgraziata puddicinedda chi cc è unni vidi bonu e si strinci comu na babba; e unni inveci nn òrba completamenti e non ti dugna nudda cunfidenza! Cumpari Sparra Avìti raggiuni caru Cumpari! A Chista, si unu n a pigghia a braccettu e i cursa quannu passa poi, mancu cu nu sceccu si pò ffirrari chiù! Cumpari Saggiu È propriu veru ddu dittu: << Cu nasci quadratu poi non pò mòriri.. rrutunnulu! >> e ppi cciò, c è cu nasci sempri chinu i cannili e quannu mori è sempri atturniatu i cannili e c è cu nasci c a sula luci di stiddi e murennu s havi accuntintari d a cira squagghiata chi cula d i cannili ill autri! 5

6 Cumpari Pacenza Santi paroli, Cumpari Saggiu! Santi paroli! Cu nasci o scuru havi purtroppu nu sulu distinu: chiddu i campari e mòriri sempri da servu sutt a luci di cannili ill autri! Cumpari Dottu E puru all umbra di sò banneri Caru Cumpari! Quanta saggizza c è nta sti vostri paroli. Puru ddi prufissuruni vivi chi dicunu chi ccà semu tutti i stissi Cuntinuanu a sbagghiari, non sapennu i sbagghiari! Puru ccà c è, inveci, cu havi tuttu a disposizioni e ccu, a malappena, s havi accuntintari i nu luminu russu ddumatu sulamenti o jornu i tutti i morti e pi cciò, puru pi iddu mortu pizzenti! Cumpari Scuta Puru vui, sintennuvi parrari mi simbrati saggiu caru Cumpari Dottu. Si penzu chi si sbagghiòi puru ddu gran Prìncipi i Totò quannu c a so puetica livedda Napulitana scrivìu chi, murennu, Prìncipi, Rignanti o misirabili Scupa Strati, erunu esattamenti i stissi, mi veni na raggia chi non sacciu chiddu chi farìa! Cumpari Dottu Mutu Cumpari, stati attentu a non parrari forti, ch u Principi, si ssenti sti paroli, s incazza comu na bestia! Havi i quannu du sò munnu trapassòi nto nostru, chi sta nuda e cruta virità murtuaria ancora ci brucia. 6

7 Cumpari Scuta E pirchì s avirìa ncazzari u prìncipi Totò? S allura sbagghiòi f ù, pirchì, era un vivu! E dunqui chi nni putìa sapiri a ddi tempi un vivu i chiddu chi poi facìa da mortu! Inveci, caru Cumpari, ora chi trapassammu, a virità a sapèmu tutti, e tutti a putèmu diri vuci forti: puru ccà, comu quannu èrumu in saluti, l annamentu o l annazzu non cancia: pirchì, chiddu ch avìa ricchizzi da vivu cuntinua ad avirli puru da mortu e ccu nenti havìa da vivu cuntinua mi si mangia u figu eeeeh mi si rrùmica l ossa puru ccà vardannu e nvidiannu a chiddi ch u chiossài l hannu sempri avutu! Cumpari Climintinu Pirchì n a smittiti cu sta scuntata filusufia genti affusuluta e senza un filu i rassu! Basta cu sta scuntata saggizza campusantera siculari! Mi sembra ch arrivoi l ura i canciari discursu e i girari puru fogghiu! Pirchì non pinzati inveci a comu ringraziari a ddu cristianu chi ddumòi stu calurusu e ginirusu focu! A Chiddu chi rrinisciù dopu tantu tempu a fari chiddu ch a nostra morti, chi dividi sempri, non fà mai. U miraculu i mintìrici tutti assemi n autra vota ossa cu ossa e comu si fùssimu ssittati o bar! Tantu pi fari n esempiu, Cumpari Franciscu, propriu cu vvui, dicìtimi, quantu tempu era chi no nni parràumu chiù o n incuntraumu fora puru si semu stinnuti nta stissa fila murtuaria i na vita? 7

8 Cumpari Franciscu Veramenti, Caru Cumpari Climintinu, ora chi mmi stati facennu risaltari sta cosa, è propriu ncridibili da quantu tempu havi chi, assèmi, no nni pigghiamu na salutari sprimuta i Crisantemu aromatizzatu Geraniu all Obitorium Bar du nostru campusantu! Forsi, si non mi ricordu mali, da quannu ni fìcimu dda briscula o Paisi di vivi, nta putìa i Micu l Orbu! V a ricurdati dda partitedda Cumpari? Cumpari Climintinu Comu nò, cumpari Franciscu, certu chi mm a ricoddu! F u dda vota quannu vi tirài ddi Cartuzzi Napulitani nta facci. Quannu a mmìa chi era u vostru cumpagnu o tavulu, mi dastu dda scartina chi non cuntava nenti inveci i dàrimi l asu i bastuni supr a me briscula vincenti! Cumpari Franciscu Minchia, veru è! Pi curpa i dda me strammata giucata pirdemmu a partita p un puntu e cu idda, puru cinquanta pisanti surdazzi i ramu, d a sacchetta! Maaaatri! Ma vardati comu da Mortu e mutu, mutu, passa u tempu! A ntràsiri e nnèsciri allura, havi comu minimu cent anni chi no n ni parramu chiù! Mancu si nostri purtusa fussiru unu ccà e unu o campusantu monumintali i Taurmina a Roma! Cumpari Siriusu Eh sì! Caru Cumpari Climintinu È propriu veru dd anticu dittu chi dici: si voi pèrdiri l amicu fallu mòriri. Ad ogni modu, chi ffacèmu ora; Annamu e nni cuccamu? O vulemu stari tutt u jornu rusbigghiati cusì poi, a notti, inveci d annàri in giru, semu tutti ntrunati comu tanti mbriachi vivi! 8

9 Cumpareddu Agneddu Nò! Nò! No schirzamu! È megghiu mi nni cuccamu e puru i cussa, anzi! Tra pocu spacca l alba e non vurrìa chi occa me parenti mi spizzassi puru na iamma vidennumi rientrari o me bucu cusì i matìna e a gghiornu già fattu! Cumpari Vuppi Hai ragiuni figghittu! Tu, troppu carusu si ancora pi stari cusì tantu rusbigghiatu i jornu! E megghiu mi ti nni vai tu! Tardu è pi ttìa! E poi, ricorditi sempri: ch u jornu è fattu pi vivi e sulu a notti e ppi nnui morti! Cumpareddu Agneddu Ma allura, si è cusì, pirchì Vui vi stati sempri rusbigghiati puru i jornu? Cumpari Vuppi Ma chi stai dicennu figghittu? Ti stai già nzunnannu senza ancora annari a cuccàriti, forsi? Cumpareddu Agneddu Jò non zzònnu nenti! Chi pinzati chi n o sacciu chiddu chi facìti duranti o jornu! Tutti ddi girati chi vvi facìti celli celli nte vialuni du campusantu a mmucciuni di vivi e puru ill autri morti ch avirrìunu a ripusari ognunu nte so buca? 9

10 Cumpari Spettu Ueeeiih!..Figghiu i nu pugnu d ossa, anonimu! Parra chiù picca e porta rispettu a chiddi chi hannu chiù anni i sipultura i tia! Chi vulisti diri cu stu a mmucciuni? Forza, parramu! Spremiti a fàriti capiri! Cumpareddu Agneddu Cusì vuliti? Puru vui vi puncistu? E allura sprimennumi megghiu vi staju dicennu chi vui, o iornu, inveci i dòrmiri, vv inn annati in giru a sfarfalliari sutta i gunnelli i ddi scunzulati fimmini calati a culu a ponti, a chianciri supra i muntarozza di so trapassati parenti! Cumpari Vuppi Testa completamenti vacanti i nu schelitru scunchiututu ma chi stai dicennu? Chi tti stai nvintannu? Cumpareddu Agneddu Nenti mi staju nvintannu jò. Vui u sapìti chi staju dicennu a verità! Cumpari Vuppi Ancora? Bastasazzu, tu e tutta a tò sèttima ginirazioni i figghi i patri e matri senza nomi! Chi nni sai tu, i sti cosi! Parra figghiu i na Stratunera i passeggiu e senza mancu Fissu Pagghiaru! Rispunnimi, gran figghiu i tanti N-N-N i passaggiu? 10

11 Cumpari Spettu Ma Cumpari, chi vvuliti mi vvi rispunni chistu? Si, comu dicistu vui, stu menzu schilitrottu è figghiu i patri anonimu, voli diri puru chi è nu gran figghiu i Butt.. i bona Matri! E allura, si unu chiù unu fa ddui, jò vi dicu chi chistu non sulu ni sapi chiossài i mia e i vui e mintùti assemi ma, nta stu campu, ni pò fari puru a scola ill università! Patri Ballitta Basta cusì, prima mi vi scumunicu a tutti Razza i Piccaturi senza dignità, murali e sacramentu chi non siti autru! Ma vardati chiddu chi mi tocca sèntiri nto me Campusantu! Cumpari Spettu Oh Matri bedda: Patri Ballitta in pirsuna u Parrinu! Ruvinati pi ssempri semu! A sintitilu ora a chistu! Patri Ballitta Sissignuri! Jò sugnu! U Parrinu in pirsuna! Patri Ballitta! Chiddu chi custrincistu a vvèniri ccà mi cci ricordu a ddu morti nvicchiaruti senza calciu nta testa chi chistu è ancora un postu sacramintatu e, pirtantu, m avissiru a cumpiacenza i non fari certi discursi ccà intra! Cumpari Vuppi Sicuramenti si, caru Patri Ballitta. Certu ch u facemu! Anzi, scusatici pi stu comportamentu villanicu e CampusanPopolari ma a curpa, non f ù certu a nostra, ma, pi comu havistu modu i vìdiri e i sèntiri puru vui, f ù i stu menzu strunzittu ccà prisenti chi, criscennu a cuntattu i tanti paisani i passaggiu non ebbi modu d avìri dd educazioni civilizzanti e Spartanicula ch avemu nui! 11

12 Patri Ballitta Veramenti, chiù chi Spartanicula o Spartanazza a vostra mi sembra n educazioni Siculu-Latinu-Italica chidda chi privilegia u pinzari sulu e fìmmini pi ppoi fari tanti figghi i..eeeh.tanti guerri i Troja. Cumpari Piciu Oh, vaddati! Vaddati tutti! U focu, u focu si sta stutannu! Sulu fumu e ccìnniri si vidi in giru! Chi piccatu! Propriu ora chi nni stàumu abituannu a so bedda calura supra i stu muru! Cumpari Micu Cumpari Piciu, ma quantu pinzavati chi putìa durari stu focu! Si stutòi a nostra vita chi simbrava cusì llonga figurativi quantu putìa durari ancora sta svampata i focu! Cumpari Piciu Pirò, Cumpareddu, vardati chi macellu chi fici! Nenti resta d a natura i prima! Erba, àrbiri, fogghi, rami virdi e ciuruti: tuttu bruciatu! Cumpari Micu Veru è, unni si varda varda, si vidi sulamenti munzeddi i cìnniri ch u ventu scamina e occa niru truncu ch ancora fumìa! Cumpari Sciurtinu Povira natura, comu sumigghia a nnui stu so distinu! Prima virdi e china i vita e ora arsa e morta comu fussi u nostru stissu campusantu! 12

13 Cumpari Saggiu Ma chi ddicìti, caru Cumpari Sciurtinu! Nui semu diffirenti i chista! A nostra vita non f ù livata du focu ma du tempu chi nni passòi annannu lentu, lentu ma i cursa! Propriu iddu, fici i nui chiddu chi semu ora e pricisamenti: Sanizzi Ossa ancora ncuddati assèmi grazii a na frisca murtuaria sipultura o puru Purbiri Siculari oramai scurdata dall òmini e da ddu stissu tempu chi continua a caminari rittu p a so strata! Barbagallu Mackttòsci Basta cusì, cumpagni i tutta na morti! A malinconia ntall ossa mi facistu vèniri cu sti discursi! Pirchì non pinzamu inveci a diri grazii A dda nostra Murtuaria Rigina Nira pi tuttu chiddu chi nni dugna da trapassati. P a Luna chi all Alba i tutti i Siri si jazza e nni rusbigghia. P u scuru sempri chiù niru chi nni dugna annannu avanti a nuttata. P i cucchi e pi ll autri aceddi comu a nnui sunnambuli chi nni manna a fàrici cumpagnia cu ddi beddi canti funirarii! Pi non avìri chiù fami e chiù siti! Pi non aviri chiù bisognu i travagghiari pi manciari o bìviri! Pi non sèntiri chiù né cauddu e nè friddu! Pi non pruvari o sèntiri chiù fami sbuca stomucu! Pi. Cumpari Sciarra Basta cusì,prufissuri Barbagallu MaKttòsci. Basta cusì, ora! stuppati st elencu pi favuri! U sapemu tutti ch a vui non vi dispiacivu mòriri a diffirenza i nui chi, inveci, ni piaciva campari. Vui, da Scuzzisi purusangu quali siti i patri e matri sta GRATIS << VITA I CAMPUSANTU >>, da mortu non vi sembra mancu veru veru? 13

14 Barbagallu Mackttòsci Caru Cumpari Sciarra! Dati a Cèsiri chiddu chi è di Cèsiri e dati a morti chiddu chi è d a morti! Avìti mai pinzatu chi tipu i pagamentu ci putiriumu mai dari a chista si na nuttata si jazzirìa cu fucigghiuni stortu e vulirìa havìri pagatu u sirviziu siculari murtuariu chi nni sta dandu? Chi tipu i cumpenzu ci putirìumu mai dari a chista? Pirchì non pinzati a ringraziarla, inveci, p u tantu ciatu chi vi sta facennu risparmiari cuntinuannu a farivi fari u mortu! Cumpari Sciarra Caru Barbagallu pi èssiri Scuzzisi mi sà chi sta vota havìti propriu raggiuni i vìnniri! A fini di cunti sta Rigina Nira si cuntenta SULU d avìri a nostra curta vita in cambiu d a so longa è etenna VITA I CAMPUSANTU! Barbagallu Makttòsci Megghiu arruvari in ritardu chi mai caru Cumpari Sciarra! Finalmenti capistu quant è ranni, caritatevuli e misiricuddiusa sta MORTI! Patri Ballitta MaKttòsci, è megghiu mi nni stinnemu tutti a dòrmiri ora! Si pristati attenzioni o celu, ntra pocu sta briscennu e u suli vi putirìa spaccari dda testa i craniu senza capiddi ch avìti! 14

15 Barbagallu Makttòsci Minchiuna, veru è. Haviti raggiuni Patri Ballitta. Vui, avennu u cuppulicchiu nta testa, non havìti stu pobblema com a nnui, veru? Patri Ballitta Basta cusì, arrividecci a tutta sta cumpagnia e a Cùrcarisi, i cussa! Binidizioni a sti vostri quattru ossa murtuarii e ringraziamenti puru a tutti sti vivi chi èbbiru a a pacienza i scutarici e speriamo senza tuccarisi mai a nudda parti! Di novu Arrividecci a tutti sti morti e Addiu a tutti sti vivi! L AUTORE ORAZIO ABBATE 15