La promozion de Salût par Furlan: La esperience de A.S.S. n 5 Basse Furlane par cure de Dot.e Silla Stel de ASS 5 di Palme Publicât su Sot la Nape n 2/2011 La Basse Furlane La lenghe furlane in dutis lis sôs variantis e jê simpri stade doprade cuant che si veve di discori di di mâi e di malstà e ben lu savevin lis comaris che, ancje se forestis a bardascjavin sù in Furlan pur di fâsi ben capî des feminis che a lavin a viodi e ancje i miedis forescj a vevin almancul di savê ce che al jere il girli, lis aìnis, il stiçon, il varuscli e vevin di savê alc de lenghe dal puest, in timps no tant lontâns cuant che la int tentant di talianotâ e diseve il comedone (che nol è il comèdone ven a stai une sorte di pont neri de piel) e che il gomito nol jere il comedon, ma cuant che e ven di butâ fûr. Chist par dî che in Furlan no mancjin lis peraulis o i mûts di dî rivuart a lis malâtiis, ai sintoms e ai jenfrisegns. Chel che al mancjave al jere al Furlan scrit e la cussience e la consapevolece che esprimisi par Furlan tal mâl nol jere dome un dirit, ma ancje un vantaç. Ma in dì di vuê, cuant che nessun al dîs plui comedone par dî gomito, cuant che ducj a san a dî no dome TAC e nausea, ma ancje day hospital, screening, check-up a ce coventie il Furlan te sanitât? Al covente parce che nol è dome un dirit, ma un imprest di plui par inmaneâ miôr chê aleance necessarie jenfri malât e operadôr sanitari par frontâ il mâl e vuarî miôr e prime. Al covente parce che- al è provât scientificamentri - la marilenghe e je une lenghe specjâle, la prime che si impare, la ultime che si dismentee; dure di distudâsi ancje tal decadiment neurologjic. La marilenghe e jê une lenghe speciale parce che e rive tal cerviel passant no dome pes orelis, ma acncje pal cûr. Vè alore che doprâ il Furlan te sanitât al è un valôr zontât, massime intun moment di crisi, cuant che si devi doprâ lis risorsis miôr che si pues par vuarî miôr e prime. Par ducj chiscj mutîfs tal teritori de ASS 5 Basse Furlane si veve fat cualchi tentatîf tai agns stâts cualchi serade sanitarie in Marilenghe pe popolazion cui Donadôrs di sanc e in cualchi
Cumun su lis problematichis dai zovins di vuê, cualchi tentatîf di voltâ par Furlan sfueuts informatîfs di argoment sanitari, ma pocje robe chel che e à gambiât dut e jê stade la Leç 482/1999 Normis pe tutele des minorancis linguistichis storichis che e à dât la pussibilitât di vê ancje un jutori economic par meti in vore progjets in marilenghe ancje pes aziendis sanitariis Cun chiste gnove aure o vin podût meti adun un Grup promozion de Lenghe furlane de ASS 5 di Palme istituît cun decret dal Diretor Gjenerâl tal 2003, cumò passât te Comission Promozion de Salût, e realizâ cetancj progjets. Calchi iniziative si rive a fâle ancje cence la poie de 482/99 come la pagjine bilengâl sul gjornalin aziendâl in ogni jessude dal 2008 in ca Dificoltâts cjatadis: tante burocrazie, si scugne fa un band par ogni robe, mancje il timp, mancjanze di sensibilitât, fin tramai a segns di intolerance. Dut chist però no nus à fermât e chist al è ce che o vin fat in mancul di dîs agns. Cors di lenghe furlane: fin in dì di vuê o vin inmaneât cors di base e avanzâts a Palme e Tisane par un totâl di cuasi 250 partecipants in cinc agns par miorâ lis capacitâts relazionâls tra i operadôrs sanitaris e cui utents dai servizis, ancje par passâ lis barieris linguistichis Il plui biel coment che al pues sintetizâ il benefici dai cors lu à fat un miedi croat che al à frecuentât il cors di base e che nus à dit: No podi dî, dopo dal cors, di savê il Furlan, ma se cumò un pazient mi fedele par Furlan o stoi a sintîlu, lì che prime i disevi invezi di fevelâmi talian Grande visibilitât a pro dal Furlan in sanitât al à vût le cunvigne di sensibilizazion e di promozion su lis ativitâts inmaneadis cul jutori de 482/99 te ASS5 viart a dutis lis Aziendis Sanitariis dal Friûl cun preseâts relatôrs e cun plui di 200 iscrits Une altre iniziative innovative a je stade la realizazion di un Videozuc par furlan pe prevenzion dal alcolisim e tabagismi, un esempi di come il Furlan si adate benon ancje cui gnûfs mûts di comunicâ.
Cussì come il progjet dal Web Grande difusion a àn avût i libruts de Midisine, dal Centri Trasfusionâl, dal Dipartiment di Prevenzion, de Chirurgje di Palme che àn tocjât svariâts argoments:
Une biele iniziative a je stade chê di meti i cartei ancje par Furlan tal gnûf Distret di Sant Zorç, parce che une lenghe e va ancje viodude : dal sigûr nessun si piert se a nol è scrit ambulatori neurologjic ancje par Furlan, ma viodi la tô lenghe ti dâ un sens di sigurece e di fiducie.
Altris esemplis di publicazion a son i sfueuts informatîfs de Equipe Multidissiplinâr Teritoriâl, un servizi sanitari public e gratuit indreçât a lis fameis cui minôrs cun problemis: di disvilup psicologjic e inteletuâl, di compuartament, des emozions e dai afiets, di aprendiment scuelastic, di comunicazion e di lengaç, dal disvilup neuromotori e psicomotori e par ducj i minôrs cun disabilitâts e i sfueuts pe gjestion dai reclams e des propuestis, che e je une azion tant impuartante e fondamentâl pe Aziende pai Servizis Sanitaris n 5 Basse Furlane par diviersis resons: prin di dut, cheste e consint di miorâ il servizi su la base des considerazions che a vegnin dai utents, destinant rimiedis e azions coretivis o preventivis; dopo al permet di miorâ la sodisfazion e il consens ator de stesse organizazion e dai servizis/prodots erogâts, deventant cussì un mût par miorâ e monitorâ plui in gjenerâl la cualitât dai servizis. Par solit il materiâl fat cu la poie de 482/99 al è simpri doprât par rinfuarçâ percors e progjets, come il Disegne la salût 1 e 2 lì che o vin realizât cui disens dai fruts di scuole doi libruts par instradâ la zoventût suntun stîl di vite coret, cussì come i manifescj cui sprocs dai fantacins.
Il materiâl al à coventât une vore par rinfuarçâ campagnis, come chê colôr di rose par promovi i screening pes feminis, che pal alatamene, chê par molâ di fumâ, chê pe prevenzion de malatiis che si passin cu lis mans, chê pal cjaminâ, chê pe prevenzion dai incidents domestics. Chescj materiâi a àn tirât la atenzion dai furlanofons cu la curiositât di cualchi peraule gnove o dismenteade e ancje l atenzion chei che a àn une cognossince plui limitade de lenghe scrite o fevelade e cussì o vin podût pandi ancje cuntun altri imprest il messaçs di salût,