Lescha da vischnancas dal chantun Grischun

Transcript

1 Lescha da vischnancas dal chantun Grischun dals (versiun dals ) acceptada dal pievel ils 8 d'avrigl 974 ). Disposiziuns generalas Art. * I. Champ d'applicaziun e da regulaziun A questa lescha èn suttamessas las vischnancas politicas, las vischnancas burgaisas sco er las corporaziuns regiunalas e las corporaziuns da vischnancas. La lescha regla principalmain ils princips da l'organisaziun, da l'urden da finanzas, da la collavuraziun intercommunala, da la fusiun da vischnancas e da la surveglianza chantunala. Art. * II. Autonomia communala En in sectur spezial è la vischnanca autonoma, sch'il dretg chantunal na regla betg definitivamain quest sectur, mabain al surlascha a la vischnanca per al reglar dal tuttafatg u per part e la conceda ina libertad da decider relativamain considerabla en quest connex. En il rom da sia autonomia è la vischnanca libra areguard la legislaziun ed areguard l'administraziun. Art. * III. Incumbensas Las vischnancas exequeschan las incumbensas che resultan per il bainstar public e che na vegnan betg ademplidas unicamain da la confederaziun u dal chantun. Ellas promovan il svilup cultural, social ed economic e relaschan las disposiziuns legalas necessarias. En il rom da la collavuraziun intercommunala transcunfinala èn las vischnancas autorisadas da far en chaussas localas contracts cun vischnancas vischinas extrachantunalas ed estras. Quests contracts ston vegnir communitgads a la regenza. ) M dals 8 da zercladur 97, ; PCG 97/74,, 7, 46 (emprima lectura), 489 (segunda lectura); cf. latiers l'art. 40 da la constituziun chantunala, DG 0.00 * tabellas da las modificaziuns a la fin dal relasch

2 Art. 4 * Art. 4a * IV. Utilisaziun da terren public * Manifestaziuns sin terren public basegnan ina permissiun da la vischnanca cumpetenta. Las vischnancas èn obligadas da consultar la polizia chantunala avant che dar ina permissiun, sch'i sto vegnir fatg quint cun in'acziun da la polizia. La permissiun po vegnir colliada cun cundiziuns e cun pretensiuns. Art. 5 V. Pussanza penala * Las vischnancas èn autorisadas da smanatschar cun multa en cas da cuntravenziuns cunter lur leschas, cunter lur ordinaziuns e cunter lur reglaments. Resalvadas restan las disposiziuns penalas dal chantun e da la confederaziun. Multas dastgan vegnir pronunziadas mo sin basa da smanatschas penalas ch'èn fixadas expressivamain en la lescha. Las disposiziuns generalas che valan per il dretg penal chantunal vegnan applitgadas confurm al senn er per las disposiziuns penalas da las vischnancas. * 4 La procedura sa drizza tenor la lescha introductiva tar il cudesch da procedura penala svizzer ). * Art. 5a * Egualitad da las schlattainas Las indicaziuns davart las persunas e davart las funcziuns en questa lescha sa refereschan ad omaduas schlattainas uschenavant ch'i na resulta nagut auter or dal senn da questa lescha.. Organs communals Art. 6 * I. Disposiziuns generalas Las persunas cun dretg da votar furman en lur totalitad l'organ communal suprem. Ellas exerciteschan lur dretgs en la radunanza communala u uschenavant che la constituziun communala prevesa quai a l'urna. Ulteriurs organs communals ordinaris èn la suprastanza communala sco er la cumissiun da gestiun. Las vischnancas pon prevair ulteriurs organs communals. Nua che las relaziuns giustifitgeschan quai, pon tras la constituziun communala: a) cumpetenzas da decisiun, che ston vegnir fixadas e ch'èn per ordinari chaussa da la radunanza communala, vegnir delegadas ad in parlament communal; b) la decisiun da la radunanza communala vegnir remplazzada tras la votaziun a l'urna e la deliberaziun vegnir delegada da la radunanza communala ad in parlament communal. ) DG 50.00

3 Art. 7 * II. Dretg da votar Per il dretg da votar en chaussas communalas è decisiva la lescha davart ils dretgs politics en il chantun Grischun ). Art. 8 * III. Radunanza communala e votaziun a l'urna. en general En la radunanza communala u a l'urna vegn decidì davart tut las fatschentas che ston vegnir suttamessas tenor il dretg communal e tenor la legislaziun chantunala a la totalitad da las persunas cun dretg da votar. Mintga radunanza communala che vegn convocada confurm a l'urden è abla da decider. Art. 9. cumpetenzas intransmissiblas a) vischnancas senza parlament communal * En vischnancas senza parlament communal na dastgan las suandantas cumpetenzas betg vegnir privadas da la radunanza communala u da la votaziun a l'urna: a) * eleger la suprastanza e la cumissiun da gestiun; b) acceptar e midar la constituziun communala e las leschas communalas, cun excepziun da disposiziuns executivas respectivas; c) approvar il preventiv ed il quint communal sco er fixar il pe da taglia; d) far novs emprests da daners e surpigliar garanzias; e) * acquistar, alienar ed impegnar proprietad funsila sco er conceder e schliar servituts e grevezzas funsilas; per disposiziuns realas da gener subordinà, per rectifitgar cunfins sco er per mesiras en il rom da la politica funsila e da la politica da terren da construcziun da las vischnancas po la cumpetenza vegnir delegada a la suprastanza; f) * dar e midar essenzialmain concessiuns per utilisar las auas, conceder auters dretgs d'utilisaziun speziala ed exequir il dretg da scadenza da la concessiun en il senn da la legislaziun davart il dretg da las auas ) ; g) conceder expensas e spesas che n'èn betg previsas en il preventiv e che surpassan las cumpetenzas finanzialas d'auters organs; h) conceder emprests da daners, sche quai surpassa la cumpetenza finanziala da la suprastanza e sche l'utilisaziun da daners da fond confurm a l'intent na sa chatta betg entaifer il rom da l'autoritad cumpetenta; i) * deliberar la furmaziun d'ina corporaziun da vischnancas u d'ina corporaziun regiunala u la participaziun ad ina tala; k) * deliberar la fusiun cun autras vischnancas. ) DG ) cf. latiers en spezial la lescha davart il dretg da las auas dal chantun Grischun per construir ovras idraulicas, DG 80.00, e la OECG respectiva, DG 80.0

4 Art. 0 b) vischnancas cun parlament communal * En vischnancas cun parlament communal na dastgan las suandantas cumpetenzas betg vegnir privadas da la radunanza communala u da la votaziun a l'urna: * a) * eleger il parlament communal e la suprastanza, sche quai n'è tenor la constituziun communala betg chaussa da las persunas cun dretg da votar da fracziuns; b) * acceptar e midar la constituziun communala; c) conceder expensas che surpassan ina summa che sto vegnir fixada en il dretg communal; d) * dar e midar essenzialmain concessiuns per utilisar las auas, conceder auters dretgs d'utilisaziun speziala cun ina durada da passa 0 onns sco er exequir il dretg da scadenza da la concessiun en il senn da la legislaziun davart il dretg da las auas ) ; e) * deliberar la furmaziun d'ina corporaziun da vischnancas u d'ina corporaziun regiunala u la participaziun ad ina tala; f) * deliberar la fusiun cun autras vischnancas. Las leschas communalas, il preventiv, il pe da taglia ed il quint annual sco er las fatschentas tenor l'artitgel 9 litera a ston vegnir suttamess al referendum facultativ u obligatoric. Art.. dretgs politics Il dretg d'iniziativa, il dretg da far propostas ed il dretg da petiziun en la vischnanca èn garantids a norma da la lescha davart ils dretgs politics en il chantun Grischun ). * En la radunanza communala po mintga persuna cun dretg da votar pretender da la suprastanza scleriment davart il stadi u davart la liquidaziun d'ina fatschenta communala. Il scleriment sto vegnir dà il pli tard en la proxima radunanza communala. Il scleriment po vegnir spustà, sche quel stat en cuntradicziun cun interess considerabels da la vischnanca u da terzas persunas. La vischnanca infurmescha periodicamain ed en moda adequata la populaziun davart sia activitad. * Art. 4. procedura La procedura da votaziun en chaussas communalas sa drizza tenor il dretg da la vischnanca. En moda subsidiara valan las prescripziuns da la lescha davart ils dretgs politics en il chantun Grischun ). * I dastga vegnir concludì mo davart objects da tractativa che figureschan sin la glista da tractandas ch'è vegnida communitgada almain tschintg dis avant la radunanza communala. ) cf. latiers en spezial la lescha davart il dretg da las auas dal chantun Grischun per construir ovras idraulicas, DG 80.00, e la OECG respectiva, DG 80.0 ) DG ) DG

5 Art. 5. reponderaziun In conclus da la radunanza communala u da la votaziun a l'urna po vegnir suttamess da tut temp a quella per al reponderar. Resalvads restan dretgs da terzas persunas. Avant la scadenza d'in onn dapi l'entrada en vigur d'in conclus sto vegnir entrà en ina reponderaziun mo, sche quella vegn concludida cun ina maioritad da dus terzs dals votants. Art. 4 IV. Suprastanza. cumpetenzas, cumposiziun La suprastanza è l'autoritad d'administraziun e da polizia da la vischnanca. Ella ha tut las cumpetenzas che na vegnan betg delegadas ad in auter organ tras il dretg federal u chantunal, tras la constituziun communala u tras leschas communalas. Ella consista per regla d'almain tschintg commembers. * Art. 5. represchentanza da la vischnanca vers anor La suprastanza represchenta la vischnanca visavi terzas persunas e davant dretgira. Ensemen cun in auter commember da la suprastanza u cun il chanzlist communal dat il president communal la suttascripziun giuridicamain valaivla per la vischnanca. Art. 6 *. predeliberaziun da las fatschentas La suprastanza ha da predeliberar tut las fatschentas che ston vegnir suttamessas a la radunanza communala ed eventualmain al parlament communal u a la votaziun a l'urna ed ha da far ina proposta. Art. 7 V. Delegar cumpetenzas Tras la constituziun communala u tras leschas communalas po l'execuziun da singulas cumpetenzas, ch'èn per ordinari chaussa da la suprastanza, vegnir delegada ad autoritads spezialas, a giuntas spezialas u a cumissiuns spezialas. Art. 8 VI. Organs da controlla Il pli tard suenter mintga conclusiun dal quint annual controllescha la cumissiun da gestiun la contabilitad e la gestiun da tut ils uffizis communals e d'eventualas cassas spezialas. Ella sto rapportar en scrit e far ina proposta a la vischnanca. * Cun la controlla da la contabilitad e da la gestiun po la vischnanca ultra da quai incumbensar l'inspecturat chantunal da vischnancas ) u experts privats. ) ussa uffizi da vischnancas 5

6 Art. 9 VII. Votaziuns ed elecziuns En cas da votaziuns e d'elecziuns che vegnan fatgas da la suprastanza, d'autoritads spezialas, d'ina giunta u d'ina cumissiun, è mintga commember obligà da votar. Resalvadas restan las disposiziuns davart la recusaziun. Art. 0 * Art. * IX. Incumpatibilitad d'uffizis communals In emploià communal stabel na dastga betg appartegnair a l'autoritad, a la quala el è suttamess directamain. El po dentant vegnir convocà cun vusch consultativa a las tractativas. Commembers da la suprastanza na pon betg esser commembers da la cumissiun da gestiun. Art. X. Motivs d'exclusiun Parents e quinads en lingia directa, fragliuns, conjugals e persunas che vivan en partenadi registrà u che mainan facticamain ina communitad da vita na dastgan betg far part a medem temp da la medema autoritad communala. * En la constituziun communala pon vegnir previs ulteriurs motivs d'exclusiun. Art. * XI. Motivs da recusaziun In commember d'ina autoritad communala sto prender recusaziun en cas ch'i vegn tractà u votà davart ina fatschenta, da la quala el sez u ina persuna che stat cun el en ina relaziun d'exclusiun en il senn da l'artitgel ha in interess persunal direct. Commembers da la cumissiun da gestiun ston prender recusaziun en connex cun la controlla da la contabilitad e da la gestiun d'ina autoritad, d'ina cumissiun u d'in uffizi, a la quala els appartegnan sezs u a la quala appartegna ina persuna che stat cun els en ina relaziun d'exclusiun en il senn da l'artitgel. En il sectur da la giurisdicziun sa drizza la recusaziun tenor las disposiziuns da la lescha davart la giurisdicziun administrativa ). * Art. 4 XII. Responsabladad dals organs communals La responsabladad dals organs communals per donns ch'els chaschunan exequind lur uffizi sa drizza tenor la lescha chantunala davart la responsabladad da las autoritads, dals funcziunaris e da las corporaziuns da dretg public ). ) DG ) DG

7 Art. 5 XIII. Protocols. protocollaziun Per la radunanza communala, per la suprastanza communala e per mintga ulteriura autoritad communala ston vegnir fatgs protocols separads che infurmeschan almain davart ils conclus e davart ils resultats da las elecziuns. Ils protocols ston vegnir suttascrits dal protocollist e suenter l'approvaziun dal parsura. Art. 6. invista Ils protocols da la radunanza communala e da las sesidas publicas dal parlament communal stattan a disposiziun a mintga persuna cun dretg da votar per prender invista. * L'invista dals protocols da la suprastanza e da las ulteriuras autoritads communalas vegn permessa mo, sch'i pon vegnir fatgs valair interess degns da vegnir protegids. Il dretg da prender invista po vegnir ademplì cun consegnar in extract dal protocol.. Proprietad ed administraziun da la facultad communala Art. 7 * I. Cumposiziun La facultad communala sa cumpona: a) da las chaussas destinadas al diever general; b) da la facultad administrativa; c) da la facultad d'utilisaziun; d) da la facultad finanziala. Art. 8 II. Proprietad Cun resalva da l'artitgel 79 appartegna la proprietad da la facultad communala a la vischnanca politica. Art. 9 * III. Administraziun La vischnanca procura per ina buna administraziun da sia facultad tenor ils princips renconuschids da l'economia da finanzas. Tras amortisaziuns sistematicas sto la bilantscha vegnir messa sin ina basa solida. * Art. 0 IV. Facultad d'utilisaziun. intent e dretg d'utilisaziun A norma da las relaziuns localas serva la facultad d'utilisaziun da la vischnanca a garantir il provediment da la populaziun cun laina e la cultivaziun da las pastgiras tras ils manaschis agriculs. Ils burgais communals che abitan en la vischnanca ed ils burgais svizzers ch'èn domiciliads en la vischnanca han ils medems dretgs d'utilisaziun. 7

8 Art.. utilisaziun da las pastgiras en spezial Per l'utilisaziun da dretgs da pastgira è decisiv il dumber dals animals che l'usufructuari ha envernà cun il pavel racoltà sin il territori communal. Sch'i pon vegnir admess dapli animals, regla la vischnanca il dretg d'utilisaziun confurm a sias relaziuns. * Art. * Art. 4. taxas d'utilisaziun e contribuziuns als custs Per conceder las utilisaziuns incassescha la vischnanca taxas d'utilisaziun u tschains da fittanza. * Areguard l'autezza da las taxas d'utilisaziun vegnan ils burgais e las persunas domiciliadas tractads egualmain. * * 4 * 5 Ultra da quai po la vischnanca incassar da las persunas autorisadas autras contribuziuns als custs per las utilisaziuns ch'els han effectivamain retratg. 8

9 Art alienaziun Bains immobigliars che appartegnan a la facultad d'utilisaziun da la vischnanca na duain betg vegnir alienads, sche quai restrenscha considerablamain la totalitad da las utilisaziuns publicas da medem gener. Resalvadas da questa restricziun èn alienaziuns per ademplir incumbensas publicas u per realisar ovras d'interess public. Disposiziuns, per las qualas i basegna il consentiment da la vischnanca burgaisa tenor l'artitgel 8 litera d, dastgan vegnir registradas en il register funsil pir 0 dis suenter ch'igl è vegnì dà il consentiment. * Art dretgs d'utilisaziun permanents La medema posiziun sco l'alienaziun ha la constituziun da dretgs da construcziun e da funtauna sco er d'auters dretgs d'utilisaziun reals u persunals cun ina durada da 0 onns u passa. Art impegnaziun Per constituir dretgs da pegn vi da la facultad d'utilisaziun da la vischnanca politica e da la vischnanca burgaisa basegni la permissiun da la regenza. La decisiun da la regenza è definitiva. Impegnaziuns senza permissiun èn nunvalaivlas. * Resalvadas restan las disposiziuns da la lescha federala davart la scussiun cunter vischnancas ed autras corporaziuns da dretg public chantunal ). Art. 7 * Art conto per il retgav or da la vendita da terren Il retgav da l'alienaziun da la facultad d'utilisaziun va sin in conto per il retgav or da la vendita da terren; quest conto è per regla destinà per procurar per ina cumpensaziun reala e per meglierar alps, pastgiras e manaschis da chasa Meds finanzials che derivan d'alienaziuns da facultad d'utilisaziun da la vischnanca burgaisa u per ils quals i basegna il consentiment da la vischnanca burgaisa tenor l'artitgel 8 litera d, dastgan vegnir retratgs dal conto per il retgav or da la vendita da terren mo sin basa d'in conclus concordant dals organs cumpetents da la vischnanca politica e da la vischnanca burgaisa. * Il conto per il retgav or da la vendita da terren vegn administrà da la vischnanca politica. ) CS 8. 9

10 4. Lavur cumina, taglias ed autras taxas Art. 9 I. Princip La vischnanca cuvra ses basegn finanzial en spezial cun taglias, cun retgavs da facultad sco er cun contribuziuns e cun taxas. * Las taglias ston vegnir fixadas uschia che las finanzas communalas restan a la lunga en equiliber. Prestaziuns spezialas ston uschenavant che quai è pussaivel e raschunaivel vegnir finanziadas tenor il princip dal chaschunader tras taxas causalas. Expensas dastgan vegnir fatgas mo uschenavant ch'ellas èn necessarias, economicas e supportablas. * * 4 * Art. 40 * Art. 4. regulaziun Igl è chaussa da la vischnanca d'introducir e da reglar la lavur cumina. * Art. 4 * Art. 4 * Art. 44 * Art. 44a * Art. 45 * Art. 46 * Art. 47 * Art. 48 * 5. Finanzas 0

11 Art. 49 Contabilitad e quint annual Las vischnancas èn obligadas da manar ina contabilitad davart tut lur finanzas e da render quint mintga onn. * La contabilitad vegn fatga tenor las normas renconuschidas per las finanzas publicas. Per las vischnancas politicas valan las prescripziuns da la lescha chantunala da finanzas ), nun ch'i sajan avant maun disposiziuns chantunalas divergentas. * Per las corporaziuns regiunalas e per las corporaziuns da vischnancas sco er per las vischnancas burgaisas valan las prescripziuns da la lescha chantunala da finanzas confurm al senn, nun ch'i sajan avant maun disposiziuns spezialas. * 4 Entaifer in onn suenter la finiziun da l'onn da gestiun ston vegnir tramess al departament il quint annual ch'è vegnì approvà da la radunanza communala u dal parlament communal ed il rapport da la cumissiun da gestiun. * 6. Collavuraziun intercommunala Art. 50 * I. Princip, furmas e dretg applitgabel * Per ademplir tschertas incumbensas pon vischnancas s'unir sco suonda: a) * sco corporaziun regiunala; b) * sco corporaziun da vischnancas; c) sco colliaziun da vischnancas senza persunalitad giuridica; d) sco instituziun communabla; e) sco colliaziun da vischnancas da dretg privat. Las vischnancas pon delegar tschertas incumbensas al circul. Incumbensas d'impurtanza regiunala ston vegnir ademplidas d'ina corporaziun regiunala. * 4 * 5 Las prescripziuns da questa lescha vegnan applitgadas confurm al senn per las furmas da las colliaziuns da vischnancas. Art. 5 * II. Colliaziuns da vischnancas cun persunalitad giuridica. disposiziuns communablas a) noziun e furmaziun Corporaziuns regiunalas e corporaziuns da vischnancas èn corporaziuns da dretg public. Ellas survegnan la persunalitad giuridica cun l'approvaziun da la regenza, suenter che las vischnancas commembras han acceptà ils statuts. Er tut las midadas posteriuras ston vegnir approvadas da la regenza. La decisiun da la regenza è definitiva. * ) DG 70.00

12 Art. 5 * b) statuts Ils statuts cuntegnan disposiziuns davart: a) il num, la sedia e l'intent da la corporaziun; b) ils organs necessaris e lur cumpetenzas; c) la moda, co che las vischnancas vegnan represchentadas en ils organs da la corporaziun; d) la represchentanza da la corporaziun vers anor; e) la procedura per conclus da natira generalmain impegnativa ed en spezial da natira finanziala per fixar il preventiv ed il quint sco er per controllar tals; f) la finanziaziun da las incumbensas, en spezial tras las prestaziuns che ston vegnir furnidas da las vischnancas; g) la participaziun e l'extrada da vischnancas sco er la procedura per constatar dretgs ed obligaziuns d'ina vischnanca extranta envers la corporaziun; h) la responsabladad per obligaziuns da la corporaziun; i) * la schliaziun da la corporaziun, che po en cas da fusiuns da vischnancas avair lieu en mintga cas il mument da la fusiun observond in termin da desditga d'almain mais, sco er l'utilisaziun da la facultad ed il pajament da debits; k) il dretg d'iniziativa da las vischnancas e da las persunas cun dretg da votar; l) il referendum da las vischnancas e da las persunas cun dretg da votar cunter conclus da la radunanza regiunala u da la radunanza da delegads, en spezial cunter conclus che surpassan sias cumpetenzas finanzialas. Ils statuts pon dal rest cuntegnair ulteriuras prescripziuns che servan ad ademplir l'intent da la corporaziun. Art. 5 * c) cumpetenzas intransmissiblas da las persunas cun dretg da votar Las suandantas cumpetenzas na dastgan betg vegnir privadas da la totalitad da las persunas cun dretg da votar: a) relaschar ils statuts, sche quai basegna il consentiment da tut las vischnancas; b) midar ils statuts. Per quest intent èsi necessari areguard l'intent ed areguard las incumbensas da la corporaziun che tut las vischnancas dettian lur consentiment, sch'i sa tracta da la corporaziun da vischnancas, e che la maioritad dals votants sco er la maioritad da las vischnancas commembras dettian lur consentiment, sch'i sa tracta da la corporaziun regiunala; c) conclus davart expensas che surpassan las cumpetenzas finanzialas d'auters organs. En quest connex pon ils statuts er prevair il referendum facultativ. Relaschs sin il stgalim da lescha ston vegnir suttamess almain al referendum facultativ. Per auters relaschs e conclus pon ils statuts prevair in'autra procedura.

13 Art. 54 * d) posiziun giuridica En la dimensiun da lur incumbensas entran las corporaziuns regiunalas e las corporaziuns da vischnancas en la posiziun dal chantun u dal circul respectivamain da las vischnancas associadas ed han lur dretgs e lur obligaziuns en quest sectur, inclusiv il dretg d'incassar taxas e contribuziuns e da pretender eventualas subvenziuns. Ellas relaschan ils decrets generals abstracts ch'èn necessaris per ademplir las incumbensas e fan ils contracts necessaris. Art. 55 * e) disposiziun da participaziun Sche la soluziun da las incumbensas publicas ch'èn delegadas ad ina corporaziun regiunala u ad ina corporaziun da vischnancas è mo pussaivla, sche er vischnancas coopereschan che na fan betg part da questa corporaziun, po la regenza ordinar lur participaziun, premess che dus terzs da las vischnancas appartegnian gia a questa corporaziun. Medemamain po la regenza ordinar la participaziun d'ina vischnanca, sche quella vegn refusada da la corporaziun senza motivs suffizients. La corporaziun e las vischnancas pertutgadas ston l'emprim vegnir tadladas. 4 La disposiziun da participaziun da la regenza è definitiva. * Art. 56 * f) quint annual e rapport da gestiun Mintga onn ston las corporaziuns regiunalas e las corporaziuns da vischnancas render quint davart tut lur finanzas e suttametter in rapport da gestiun davart lur activitad. Il preventiv, il quint ed il rapport da gestiun ston vegnir exponids publicamain. Entaifer in onn suenter la finiziun da l'onn da gestiun ston il quint annual ed il rapport da gestiun vegnir tramess al departament. Art. 57 *. corporaziuns regiunalas a) commembranza, cunfinaziun Mintga vischnanca sto appartegnair ad ina corporaziun regiunala. Exceptadas da quai èn vischnancas che adempleschan en moda autonoma las incumbensas regiunalas. Tranter auter tenor il dumber da las vischnancas e da lur abitants, tenor l'extensiun territoriala sco er resguardond las relaziuns localas ed economicas sto ina corporaziun regiunala vegnir cunfinada uschia, ch'ella po ademplir sias incumbensas en moda adequata e raziunala. En cas excepziunals po ina vischnanca s'unir cun in'autra corporaziun regiunala per ademplir tschertas incumbensas, e quai cun ils dretgs e cun las obligaziuns che sa restrenschan a quest champ d'incumbensas.

14 Art. 58 * b) collavuraziun ed integraziun d'organisaziuns existentas Ils statuts reglan la collavuraziun cun autras corporaziuns regiunalas sco er ils detagls en connex cun l'integraziun da colliaziuns da vischnancas e d'autras instituziuns ch'èn responsablas per incumbensas publicas. Ils statuts da differentas corporaziuns ston eventualmain vegnir accordads in cun l'auter. Art. 59 * c) organisaziun Ils organs ordinaris da la corporaziun èn: a) la totalitad dals abitants da la corporaziun cun dretg da votar; b) la radunanza regiunala; c) il president regiunal; d) la suprastanza regiunala; e) la cumissiun da gestiun. Da la radunanza regiunala fan part almain ils presidents communals dal territori da la corporaziun u in auter commember da la suprastanza communala. La radunanza regiunala po vegnir remplazzada tras in parlament regiunal che vegn furmà en libra elecziun da tut ils abitants da la corporaziun cun dretg da votar. La moda d'elecziun vegn reglada en ils statuts. 4 Ils statuts pon prevair che la suprastanza regiunala vegnia elegida da la totalitad dals abitants da la corporaziun cun dretg da votar. 5 Tar l'elecziun dals organs da la corporaziun ston ils differents territoris parzials vegnir resguardads adequatamain. Art. 60 * III. Colliaziuns da vischnancas senza persunalitad giuridica Per colliaziuns da vischnancas senza persunalitad giuridica valan las disposiziuns davart la relaziun da dretg civil correspundenta sco dretg public subsidiar. Art. 6 * IV. Circuls La constituziun cirquitala regla la cumposiziun dal cussegl cirquital. Art. 6 * 7. Excorporaziun d'incumbensas communalas * Art. 6 * I. Instituziuns responsablas excorporadas. furmas La vischnanca po delegar l'adempliment da tschertas incumbensas a corporaziuns da dretg public u da dretg privat, ad instituts, a fundaziuns u a persunas privatas. 4

15 Las parts da la facultad ch'èn colliadas cun l'incumbensa delegada po ella delegar a l'instituziun responsabla excorporada en las furmas dal dretg public u dal dretg privat. Las incumbensas pon vegnir attribuidas u delegadas tras in relasch, tras ina disposiziun u tras in contract. Art. 64 *. statuts Ils statuts da l'instituziun responsabla excorporada ston reglar en spezial: a) il gener e la dimensiun da la prestaziun che sto vegnir furnida; b) ils tratgs fundamentals da l'organisaziun; c) ils princips da la finanziaziun. Art. 65 *. surveglianza Las instituziuns responsablas excorporadas respectivamain l'adempliment da lur incumbensas vegnan survegliads da la vischnanca. Art. 66 * Art. 67 * Art. 68 * Art. 69 * Art. 70 * Art. 7. furmas e posiziun giuridica Sche la constituziun communala na fixescha nagut auter, èn las fracziuns organisaziuns administrativas communalas senza persunalitad giuridica. Ellas pon dentant furmar corporaziuns da dretg public en il senn da questa lescha. * Excepziunalmain pon fracziuns vegnir constituidas er sco corporaziuns territorialas. * 4 La proprietad che appartegna cumprovadamain ad ina fracziun e la persunalitad giuridica ch'è colliada cun quella vegnan renconuschidas. Art. 7 *. surveglianza L'administraziun da la fracziun vegn survegliada e controllada da la suprastanza communala. Quella decida en emprima instanza davart recurs cunter la radunanza da la fracziun e cunter la suprastanza da la fracziun. 5

16 Per esser valaivels ston tut ils relaschs da las fracziuns vegnir approvads da la vischnanca. Art fracziuns sco corporaziuns territorialas a) obligaziun da la vischnanca Sche fracziuns existan en ina vischnanca sco corporaziuns territorialas, sto la legislaziun communala fixar en spezial lur incumbensas sco er la moda da finanziar l'adempliment da quellas incumbensas. * Las prescripziuns da questa lescha da vischnancas vegnan applitgadas per las fracziuns confurm al senn. Art. 74 * Art. 75 * c) furmaziun da novas fracziuns Igl è mo admess da furmar novas fracziuns sco corporaziuns territorialas en cas d'ina fusiun da vischnancas. Quai sto vegnir approvà da la regenza. La decisiun da la regenza è definitiva. Art. 76 d) schliaziun Sch'i n'èn avant maun nagins motivs suffizients per mantegnair ina fracziun u sch'ina fracziun n'ademplescha betg endretg sias incumbensas, po ella vegnir schliada: a) tras conclus concordants da la vischnanca e da la fracziun; u b) * tras la regenza sin proposta da la suprastanza da la vischnanca u da la fracziun; la decisiun da la regenza è definitiva. 8. Vischnanca burgaisa e corporaziuns burgaisas ) Art. 77 I. Vischnanca burgaisa. posiziun giuridica La vischnanca burgaisa è ina corporaziun da dretg public. Per la vischnanca burgaisa pon vegnir applitgadas confurm al senn las disposiziuns da questa lescha da vischnancas, uschenavant che questa part na cuntegna naginas prescripziuns spezialas. En vischnancas cun in parlament communal èn las vischnancas burgaisas autorisadas da relaschar disposiziuns che divergeschan da l'artitgel 9 litera e. * 4 Ils statuts da la vischnanca burgaisa ston vegnir approvads dal departament. La decisiun dal departament è definitiva. * 5 La fundaziun da novas vischnancas burgaisas è exclusa. * ) cf. latiers l'art 40 al. 9 da la constituziun chantunala, DG

17 Art. 78. organisaziun Ils organs da la vischnanca burgaisa èn la radunanza da burgais, la suprastanza da burgais ed ils revisurs da quints. Sch'ils commembers da la suprastanza communala èn commembers da la vischnanca burgaisa, pon els vegnir designads tras ils statuts sco commembers da la suprastanza da la vischnanca burgaisa. * Sch'i n'exista nagina vischnanca burgaisa, ademplescha la vischnanca politica sias incumbensas. * Art. 79. proprietad La vischnanca burgaisa è proprietaria: a) * dals bains immobigliars e dals instituts che servan a l'agid social dals burgais, sche la vischnanca burgaisa ademplescha sezza las incumbensas dal provediment dals burgais u paja contribuziuns correspundentas a la vischnanca politica; b) da las sorts dals burgais ch'èn vegnidas distribuidas gia il. da settember 874; c) dals bains immobigliars ch'ella ha acquistà dapi il. da settember 874 cun agens meds; d) da la facultad d'utilisaziun, sche la vischnanca burgaisa è gia inscritta en il register funsil federal sco proprietaria da tala u sche sia proprietad vi da tala è stada renconuschida ed incontestada dapi 0 onns en moda giuridicamain suffizienta. La facultad burgaisa serva exclusivamain ad ademplir incumbensas che stattan en l'interess public. Igl è scumandà da distribuir u da reparter il retgav u la facultad als commembers da la vischnanca burgaisa. * Cun excepziun da l'artitgel 89 alinea èsi scumandà d'externalisar la facultad ad auters subjects giuridics che la vischnanca politica. * Art utilisaziun da las sorts dals burgais Uschenavant ch'i vegn fatg diever da las sorts dals burgais, è l'utilisaziun da talas resalvada als commembers da la vischnanca burgaisa. * Il retgav da la vendita da sorts dals burgais sto per regla vegnir attribuì ad in fond da reservas e duai servir en emprima lingia a procurar per ina cumpensaziun reala. Art cumpetenzas Sche almain set burgais cun dretg da votar abitan en la vischnanca burgaisa e sch'els èn organisads sco vischnanca burgaisa en il senn da l'artitgel 78, decida quella davart: * a) la recepziun en il dretg da burgais communal; b) l'administraziun dals bains burgais poverils e da las sorts dals burgais; 7

18 c) l'alienaziun, l'impegnaziun e la grevezza permanenta da la facultad ch'è en sia proprietad; d) il consentiment per alienar, per impegnar e per engrevgiar permanentamain bains immobigliars che han appartegnì gia il. da settember 874 a la facultad d'utilisaziun da la vischnanca u ch'èn vegnids acquistads sco cumpensaziun reala per tals bains immobigliars; e) la fixaziun da las taxas per la congiudida da la facultad d'utilisaziun da la vischnanca; f) * la fusiun cun la vischnanca politica. Art. 8a * 6. quint annual e rapport da gestiun Mintga onn ston las vischnancas burgaisas render quint davart tut lur finanzas, sche quai na vegn betg fatg da la vischnanca politica. * Entaifer in onn suenter la finiziun da l'onn da gestiun ston vegnir tramess al departament il quint annual ed il rapport da la cumissiun da gestiun. Art. 8 Associaziuns burgaisas * Nua ch'igl existan associaziuns burgaisas cun atgna facultad entaifer la vischnanca, han quellas da duvrar questa facultad unicamain per ademplir incumbensas publicas. * Ellas èn obligadas d'administrar questa facultad confurm a la destinaziun, e quai en medema moda sco la vischnanca politica e sco la vischnanca burgaisa. Mintga repartiziun da summas da daners tranter ils commembers che quai sajan renditas dal chapital u retgavs da la vendita da bains immobigliars u d'autras valurs da facultad è scumandada ad ellas gist uschia sco a las vischnancas burgaisas. 9. Cunfins communals e fusiun da vischnancas politicas * Art. 8 I. Cunfins communals. obligaziun da cunfinaziun e da termaziun Las vischnancas han da cunfinar ina cun l'autra lur territori e da termar ils cunfins ). Sin dumonda da la vischnanca vischina è mintga vischnanca obligada da cooperar per quest intent. Sch'ina vischnanca n'ademplescha betg questa obligaziun, fixescha la regenza ils cunfins communals, sch'ina tala fixaziun s'impona per motivs impurtants. La decisiun da la regenza è definitiva. * ) cf. latiers ils art. 6 ss. da l'ordinaziun davart la mesiraziun uffiziala en il chantun Grischun, DG

19 Art. 84. cunvegna da cunfin Cunvegnas da las vischnancas davart la fixaziun e davart la midada da lur cunfins territorials ston vegnir approvadas da la regenza per esser valaivlas. Art. 85 * Art dispitas Sche las vischnancas na pon betg sa cunvegnir davart la lingia da lur cunfins territorials, decida la dretgira administrativa. Art. 87 * II. Fusiun. noziun Tras conclus concordants da las vischnancas participadas pon quellas fusiunar, sa schliar u midar lur territori. Art. 88 *. entrada en vigur La fusiun entra en vigur tras il conclus dal cussegl grond. Il conclus è definitiv. Art. 89 *. vischnanca burgaisa e dretg da burgais Sche duas u sche pliras vischnancas politicas fusiuneschan, ston er las vischnancas burgaisas fusiunar en moda congruenta. * Il dretg da burgais sa drizza tenor la vischnanca politica. * Sche las vischnancas burgaisas sa schlian en il rom d'ina fusiun da las vischnancas politicas, po la facultad burgaisa vegnir externalisada en associaziuns burgaisas. * Art. 90 * 4. appartegnientscha a circuls ed a corporaziuns regiunalas En cas d'ina fusiun da vischnancas che chaschuna ina midada da la repartiziun dal territori dals circuls e da las corporaziuns regiunalas, ston l'emprim vegnir tadlads ils circuls pertutgads respectivamain las corporaziuns regiunalas pertutgadas. Sch'i na s'opponan nagins motivs impurtants per la nova vischnanca respectivamain per la vischnanca ch'è vegnida engrondida tras la fusiun, è decisiva l'appartegnientscha cirquitala respectivamain regiunala vertenta da la vischnanca cun il dumber d'abitants il pli grond. Sch'i na dat naginas cunvegnas, decida la regenza definitivamain. Art. 9 * 5. cunvegna Las vischnancas participadas reglan las novas relaziuns giuridicas en ina cunvegna. * Quella sto vegnir approvada da la regenza. La decisiun da la regenza è definitiva. * 9

20 Sche las vischnancas na pon betg sa cunvegnir, decida la regenza definitivamain. Art. 9 * 6. votaziuns consultativas e votaziuns da quorum En il rom da projects e da tractativas davart ina fusiun da vischnancas pon er vegnir fatgas votaziuns consultativas e votaziuns da quorum. Art. 9 * 7. promoziun tras il chantun Il chantun promova la fusiun da vischnancas. El sustegna la fusiun cun ina contribuziun da promoziun. Il gener e la dimensiun vegnan reglads en la legislaziun davart la gulivaziun da finanzas. Nua che las relaziuns giustifitgeschan quai, po il chantun garantir a singulas da las vischnancas pertutgadas il gener e la dimensiun da prestaziuns vertentas per in temp transitoric adequat u furnir prestaziuns ad investiziuns supplementaras. 4 La decisiun davart la contribuziun da promoziun è definitiva. * Art. 94 * 8. disposiziun tras il cussegl grond Il cussegl grond po disponer la fusiun d'ina vischnanca cun ina u cun pliras vischnancas, sche: a) ina vischnanca n'è permanentamain betg en cas da satisfar a las pretensiuns da la lescha e d'ademplir sias incumbensas pervia d'in pitschen dumber d'abitants e pervia da forzas persunalas mancantas u pervia d'atgnas forzas finanzialas (resursas) insuffizientas; b) la cooperaziun da vischnancas refusantas è indispensabla per la cunfinaziun sco er per ademplir las incumbensas d'ina nova vischnanca, premess ch'ina maioritad da las autras vischnancas pertutgadas haja approvà la fusiun. Las vischnancas pertutgadas ston l'emprim vegnir tadladas. Il conclus dal cussegl grond è definitiv. * 0. Surveglianza * Art. 95 * I. Princip En il senn da la constituziun chantunala ) surveglia la regenza las vischnancas e las instituziuns ch'èn responsablas per la collavuraziun intercommunala. Decisiuns da la regenza tenor questa part èn definitivas cun resalva da las decisiuns tenor l'artitgel 00 alinea. * ) DG

21 Art. 96 II. Cumpetenzas spezialas da surveglianza. approvaziun da relaschs communals Il relasch e la midada da constituziuns communalas ston vegnir suttamess a la regenza per l'approvaziun. * * Resalvadas restan prescripziuns spezialas da la legislaziun chantunala davart l'approvaziun da relaschs communals ). 4 L'approvaziun n'excluda betg ch'ina prescripziun possia vegnir contestada tras in recurs. Art. 97 *. surveglianza da las finanzas La regenza deleghescha la surveglianza da l'administraziun finanziala da vischnancas al departament. En il rom da la surveglianza da las finanzas vegn controllà en spezial, sch'ils princips dals artitgels 9, 9 ss. e 49 da questa lescha vegnan observads. Sch'ils princips d'ina administraziun finanziala confurma a l'urden na vegnan betg observads, ordinescha il departament cumpetent las retschertgas necessarias e propona a la regenza las mesiras necessarias. 4 A vischnancas en la gulivaziun da finanzas po la regenza far ulteriuras pretensiuns. Art. 98. curatella, premissa, consequenzas Sche ordinaziuns da la regenza u sche cundiziuns e pretensiuns sin basa da la lescha davart la gulivaziun da finanzas intercommunala ) na bastan betg u na vegnan betg observadas, po la regenza metter ina vischnanca per in tschert temp sut curatella. La regenza po limitar la curatella er a tscherts secturs da l'administraziun communala u a l'execuziun da las cumpetenzas da singulas autoritads communalas. * Cun ordinar la curatella vegnan las cumpetenzas dals organs communals delegadas al curatur che vegn nominà da la regenza u a la cumissiun da curatella che vegn nominada da la regenza. * 4 La regenza surveglia il curatur u la cumissiun da curatella. * 5 La vischnanca sto restituir al chantun ils custs da la curatella. * Art delegaziun d'in cumissari da la regenza La regenza po delegar in cumissari da la regenza per exequir singulas mesiras da controlla, per liquidar dispitas a la buna, per restabilir l'urden disturbà, per sclerir in fatg dispitaivel sco er per sustegnair e per cussegliar autoritads communalas concernent la liquidaziun da fatschentas difficilas. ) cf. latiers en spezial ils art. 4 e 77 da questa lescha ) DG 70.00

22 Sch'ina autoritad communala n'è betg abla da decider u betg abla d'agir en il cas singul, po il cumissari da la regenza prender ina decisiun en atgna cumpetenza empè da l'autoritad communala. * Ils custs pon vegnir adossads a la vischnanca. * Art sancziuns La regenza po relaschar sias ordinaziuns a las autoritads communalas cun renviar a la smanatscha penala da l'artitgel 9 dal cudesch penal svizzer ). En cas che l'obligaziun d'uffizi vegn violada grevamain u en cas ch'i vegn refusà permanentamain d'observar ordinaziuns da las instanzas chantunalas da surveglianza, ha la regenza il dretg da destituir commembers d'autoritads communalas da lur uffizi. Art. 0 III. Agid d'execuziun Sin dumonda da las vischnancas conceda il chantun sche necessari agid d'execuziun a quellas. En spezial pon ils organs da la polizia chantunala vegnir mess a disposiziun a las vischnancas. *. Disposiziuns finalas Art. 0 I. Dretg abolì Cun l'entrada en vigur da questa lescha vegnan abolidas tut las disposiziuns dal dretg chantunal che stattan en cuntradicziun cun quella, en spezial: a) ils artitgels, e 4 da la lescha davart il domicil da burgais svizzers dals da zercladur 874 ) e las disposiziuns executivas respectivas dals d'october 99 ) e dals 7 da matg 958 4) ; b) l'artitgel 60 da la lescha introductiva tar il cudesch civil svizzer dals 5 da mars 944 5) ; c) l'artitgel 5 da la lescha davart il diever dals dretgs politics en il chantun Grischun dals 7 d'october 96 6). ) CS.0 ) vdg 8 ) vdg 4) CUL 958, 86 ( e ) 5) vdg 60 (LItCCS vesair DG 0.00) 6) CUL 96, 86 (lescha vesair DG 50.00)

23 Art. 0 II. Zavrada da la proprietad La zavrada giuridicamain suffizienta da la proprietad che appartegna tenor l'artitgel 79 a la vischnanca burgaisa sto vegnir fatga entaifer 0 onns suenter l'entrada en vigur da questa lescha. La proprietad che na vegn betg attribuida a la vischnanca burgaisa entaifer quest termin appartegna a la vischnanca politica. Ils ulteriurs fonds burgais poverils sco er ils bains immobigliars ed ils instituts che servan a l'agid social dals burgais van en la proprietad da la vischnanca politica, sche la vischnanca burgaisa n'ademplescha betg sezza las incumbensas dal provediment dals burgais u na paja naginas contribuziuns correspundentas a la vischnanca politica. * Art. 0a * III. Disposiziuns transitoricas tar la revisiun parziala dals d'avust 006 Entaifer dus onns a partir da l'entrada en vigur da questa lescha ston ils circuls reglar en la constituziun la cumposiziun dal cussegl cirquital. Art. 0b * Corporaziuns burgaisas Las corporaziuns burgaisas existentas suttastattan a las disposiziuns da l'artitgel 8. Art. 0c * V. Disposiziuns transitoricas tar la revisiun parziala dals d'avrigl 04 concernent las corporaziuns regiunalas. dretg valaivel Las corporaziuns regiunalas dastgan ademplir las incumbensas surdadas ad ellas anc durant maximalmain onns suenter l'entrada en vigur da la divisiun dal chantun en regiuns. Uschè ditg che questas corporaziuns regiunalas existan, valan per ellas las disposiziuns dals artitgels e 50 fin 59 respectivamain las ulteriuras disposiziuns decisivas per las corporaziuns regiunalas. Corporaziuns regiunalas che n'adempleschan pli naginas incumbensas vegnan schliadas per quest termin, uschia che la disposiziun tenor l'alinea daventa obsoleta per ellas. Art. 0d *. facultad ed obligaziuns Sche la corporaziun posseda eventualmain anc ina facultad u sch'i èn avant maun eventualas obligaziuns, sto quai vegnir repartì sin las vischnancas da la corporaziun regiunala tut tenor lur participaziun als custs respectivamain tut tenor lur obligaziun da pajar contribuziuns, premess ch'ils statuts na prevesian betg insatge auter u che las vischnancas da la corporaziun regiunala na chattian betg in'autra enclegientscha. Las corporaziuns regiunalas communitgeschan a la regenza la terminaziun da la procedura da liquidaziun ed uschia gist er lur schliaziun.

24 Art. 0e *. lavurs da schliaziun Er suenter il mument che las corporaziuns regiunalas èn vegnidas schliadas, èn ils ultims organs da las corporaziuns regiunalas responsabels che las lavurs da schliaziun vegnian manadas a fin confurm a l'urden. Els èn autorisads ed obligads da far ils acts giuridics e las decleraziuns ch'i dovra per quest intent. Il quint per l'ultim onn da las corporaziuns regiunalas schliadas vegn prendì giu da la regiun correspundenta respectivamain da quella regiun, a la quala è vegnida attribuida la gronda part dal territori da las anteriuras vischnancas da la corporaziun regiunala. Il quint da la corporaziun regiunala dal Grischun dal nord vegn prendì giu da la regiun Plessur. Art. 0f * 4. archivs Ils ultims organs da las corporaziuns regiunalas èn responsabels ch'ils documents vegnian archivads e surdads confurm a l'urden. Art. 0g * 5. meds da lavur, mobigliar e bains immobigliars Las corporaziuns regiunalas surlaschan gratuitamain a la regiun ils meds da lavur, il mobigliar sco er ils bains immobigliars ed ils dretgs reals limitads ch'èn avant maun il mument da la surdada e che vegnan duvrads da la regiun. L'inscripziun en il register funsil vegn fatga gratuitamain sin annunzia da la regiun. Sche la corporaziun regiunala e la regiun na chattan nagina enclegientscha davart l'attribuziun da bains immobigliars e da dretgs reals limitads, decida la regenza definitivamain. Art. 0h * 6. regiun Ils presidents da las vischnancas da la regiun furman in organ transitoric che procura che la regiun funcziunia il mument che la divisiun dal chantun en regiuns entra en vigur. Els èn autorisads ed obligads da far ils acts giuridics e las decleraziuns ch'i dovra per quest intent. Ils statuts ston vegnir relaschads a norma da l'artitgel 6e. Fin il pli tard l'ultim mais avant che la divisiun dal chantun en regiuns entra en vigur ston ils statuts vegnir inoltrads a la regenza per l'approvaziun. Art. 04 IV. Entrada en vigur * La regenza fixescha il termin da l'entrada en vigur. ) ) messa en vigur cun CR dals 0 da zercladur 974 per il. da fanadur 974 4

25 Tabella da las modificaziuns - tenor conclus Conclus Entrada en vigur Element Modificaziun Publicaziun en la CUL relasch emprima versiun Art. 79 al., a) midada Art. 0 al. integraziun Art. 9 al., f) midada Art. 0 al., d) midada Art. 5a integraziun Art. 0 al., b) midada Art. 0 aboliziun Art. 7 revisiun totala Art. 9 revisiun totala Art. al. midada Art. aboliziun Art. al. midada Art. al. midada Art. al. aboliziun Art. al. 4 aboliziun Art. 4 al. midada Art. 7 aboliziun Art. 8 al. midada Art. 9 al. midada Art. 9 al. midada Art. 9 al. aboliziun Art. 9 al. 4 aboliziun Art. 40 aboliziun Art. 4 al. aboliziun Art. 45 aboliziun Art. 46 aboliziun Art. 47 aboliziun Art. 48 aboliziun Art. 49 al. midada Art. 50 revisiun totala Art. 6 aboliziun Titel 7. midada Art. 6 revisiun totala Art. 64 revisiun totala Art. 65 revisiun totala Art. 66 aboliziun Art. 67 aboliziun Art. 68 aboliziun Art. 69 aboliziun Art. 70 aboliziun Art. 7 al. midada Art. 7 al. midada Art. 7 revisiun totala Art. 7 al. midada Art. 74 aboliziun Art. 85 aboliziun Art. 89 revisiun totala Art. 9 revisiun totala Art. 96 al. aboliziun Art. 4a integraziun Art. 0 al. midada Art. revisiun totala Art. revisiun totala Art. revisiun totala Art. 4 aboliziun Art. 4a midada dal titel Art. 5 midada dal titel Art. 6 revisiun totala Art. 7 revisiun totala Art. 8 revisiun totala - 5

26 Conclus Entrada en vigur Element Modificaziun Publicaziun en la CUL Art. 9 midada dal titel Art. 9 al., a) midada Art. 9 al., e) midada Art. 9 al., i) integraziun Art. 9 al., k) integraziun Art. 0 midada dal titel Art. 0 al. midada Art. 0 al., a) midada Art. 0 al., e) integraziun Art. 0 al., f) integraziun Art. al. midada Art. al. integraziun Art. al. midada Art. 4 al. integraziun Art. 6 revisiun totala Art. 8 al. midada Art. revisiun totala Art. al. midada Art. revisiun totala Art. 6 al. midada Art. 50 midada dal titel Art. 50 al., a) midada Art. 50 al., b) midada Art. 50 al. integraziun Art. 5 revisiun totala Art. 5 revisiun totala Art. 5 revisiun totala Art. 54 revisiun totala Art. 55 revisiun totala Art. 56 revisiun totala Art. 57 revisiun totala Art. 58 revisiun totala Art. 59 revisiun totala Art. 60 revisiun totala Art. 77 al. midada Art. 8 al., f) integraziun Art. 8a integraziun Titel 9. midada Art. 87 revisiun totala Art. 90 revisiun totala Art. 9 al. midada Art. 9 revisiun totala Art. 94 revisiun totala Titel 0. midada Art. 95 revisiun totala Art. 96 al. midada Art. 97 revisiun totala Art. 98 al. midada Art. 98 al. midada Art. 98 al. 4 integraziun Art. 98 al. 5 integraziun Art. 99 al. midada Art. 99 al. integraziun Art. 6 al. midada 006, Art. 4 aboliziun Art. 4 aboliziun Art. 44 aboliziun Art. 44a aboliziun Art. 5 al. midada 006, Art. 55 al. 4 integraziun 006, Art. 6 revisiun totala 006, Art. 75 revisiun totala 006, Art. 76 al., b) midada 006, Art. 8 al. midada 006, Art. 88 revisiun totala 006, Art. 9 al. midada 006, 0 6