statuts dil district da musica Surselva 2003

Transcript

1 statuts dil district da musica Surselva 2003

2 Nua ch'il text dils statuts dil district da musica Surselva drova ord motivs d'ina simplificaziun linguistica mo la fuorma masculina ei la fuorma feminina cumprida el senn dall'egualitad.

3 statuts dil district da musica Surselva 2003 I. Num, sedia e structura artechel 1 Il district da musica Surselva fuorma il district IV dall'uniun cantunala da musica dil Grischun. El ei in'uniun organisada en fuorma da corporaziun tenor art. 60ss dil Cudisch civil svizzer cun sedia ed instanza giuridica mintgamai en il liug da domicil dil president districtual. Arisguard politica e confessiun ei il district da musica neutrals. artechel 2 Il district da musica Surselva cumpeglia tuttas societads da musica dalla Surselva (naven da Trin ensi) che sesuttamettan als statuts dall'uniun cantunala da musica. num e sedia structura II. Finamira ed intent artechel 3 Il district da musica Surselva ha la finamira da: a) promover e sustener las societads da musica da siu territori b) esser gideivels ella scolaziun da musicants e dirigents c) gidar ad organisar fiastas da musica districtualas d) mantener bunas relaziuns cull'uniun cantunala da musica e culs auters districts da musica e) risguardar en tuttas activitads statutas e reglaments dall'uniun cantunala f) cooperar tenor pusseivladad cullas scolas da musica artechel 4 Las finamiras dil district dueien vegnir contonschidas entras: a) l'organisaziun e la realisaziun da cuors per dirigents ed instrumentalists b) activitads da tut gener che surveschan alla formaziun ed al perfecziunament e che promovan la musica instrumentala c) la promoziun dils contacts denter suprastonza dil district e las societads da musica d) l'organisaziun d'ina fiasta da musica districtuala mintga tschun onns tenor in reglament special e) la collaboraziun culs mieds da massa finamira intent

4 III. Commembradi recepziun artechel 5 Mintga societad da musica e mintga musica da giuvenils ord la Surselva ch'ein commembers dall'uniun cantunala da musica ein automaticamein commembers dil district Surselva. La recepziun succeda tenor ils artechels 5 tochen 10 dallas statutas dall'uniun cantunala. IV. Commembers d'honur artechel 6 Commembers d'honur dalla UCM ein automaticamein era commembers d'honur dil district da musica Surselva. Persunas che han merets specials en connex cun la musica instrumentala dalla Surselva pon vegnir commembers d'honur dil district Surselva tras la radunonza da delegai sin proposta dalla suprastonza dil district. Ils commembers d'honur ein d'envidar allas radunonzas da delegai ed a fiastas da musica districtualas. A caschun d'ina fiasta da musica districtuala survegnan els dil comité d'organisaziun ina carta da fiasta sin quen dalla societad organisonta. V. Organisaziun organs artechel 7 Organs dil district da musica Surselva ein: a) la radunonza da delegai b) la suprastonza c) il revisurs da quen VI. La radunonza da delegai radunonza da delegai artechel 8 La radunonza da delegai ei il suprem organ dil district da musica. Ella cumpeglia: a) ils delegai dallas societads da musica b) la suprastonza districtuala c) ils revisurs dalla societad da controlla da gestiun d) ils commembers d'honur dil district

5 artechel 9 Mintga societad da musica ha il dretg da delegar mintgamai dus delegai. Mintga delegau ha mo ina vusch. L'elecziun dils delegai ei caussa dallas societads. Ellas surprendan era ils cuosts per la delegaziun. Ils commembers dalla suprastonza ed ils commembers d'honur han mintgamai ina vusch a la radunonza da delegai. Sco delegai dallas societads da musica san vegnir elegi commembers activs ni commembers d'honur. artechel 10 La radunonza da delegai ha per regla liug mintga dus onns la secunda sonda dil meins november. Radunonzas da delegai extraordinarias vegnan convocadas dalla suprastonza districtuala per liquidar fatschentas urgentas. Ina radunonza da delegai extraordinaria sa era vegnida convocada sch'ina tiarza dallas societads dil district pretendan quei cun il diember da suttascripziuns necessari. artechel 11 La radunonza da delegai ei cumpetenta da decider senza risguard sil diember dallas persunas cun dretg da vuschar presentas. Era las societads buca presentas alla radunonza da delegai ston sesuttametter allas decisiuns dalla radunonza da delegai. artechel 12 Damondas e propostas dallas societads da musica per mauns dalla radunonza da delegai ston vegnir formuladas a scret claramein e motivadas. Ellas ein d'inoltrar al president dil district sil pli tard 10 dis avon la radunonza da delegai. Damondas che corrispundan buca a quellas pretensiuns san buca vegnir tractadas dalla radunonza da delegai. artechel 13 La radunonza da delegai ha da deliberar suandontas fatschentas: a) elecziun dils dumbravuschs b) approbar il protocol dalla davosa radunonza da delegai c) approbar il quen sin fundament dil rapport dils revisurs d) eleger il president e 4 ulteriurs suprastonts per ina perioda d'uffeci da dus onns e) eleger il liug dalla fiasta da musica districtuala f) fixar il datum ed il modus da fiastas da musica districtualas g) decider davart reglaments h) prender conclus e far propostas per mauns dalla radunonza da delegai cantunala cumpetenza da decider damondas incumbensas

6 i) prender posiziun e decider partenent propostas inoltradas entras singulas ni pliras societads da musica j) fixar la contribuziun annuala k) eleger commembers d'honur dil district elecziuns e votaziuns artechel 14 Elecziuns e votaziuns vegnan fatgas cun maunpli cun execpziun dil president districtual, dils ulteriurs commembers dalla suprastonza e dil liug da fiasta sch'ei ha dapli candidaturas che quei ch'ei drova. La radunonza sa pretender ina votaziun per scrutini era per autras tractandas. En l'emprema votaziun ni elecziun decida la majoritad absoluta, en la secunda la majoritad relativa. En cass da paritad dallas vuschs vala la fatschenta sco refusada; tier elecziuns decida la sort. VII. La suprastonza suprastonza constituziun sedutas incumbensas artechel 15 La suprastonza dil district secumpona da tschun commembers. In representant dalla suprastonza dil district da musica Surselva duess far part alla suprastonza cantunala dalla UCM. El ha il pensum dad esser persuna da contact denter uniun cantunala e district. Alla suprastonza dil district dueien sche pusseivel dus dirigents activs appartener. artechel 16 La suprastonza seconstituescha sezza cun excepziun dil president. Il president vegn elegius dalla radunonza da delegai. artechel 17 La suprastonza dil district seraduna tenor basegns sin ordinaziun dil president ni sin giavisch da silmeins dus commembers da suprastonza. artechel 18 La suprastonza ha las suandontas incumbensas: a) preparar la radunonza da delegai b) procurar che directivas e conclus dalla radunonza da delegai vegnan exequi c) encurir il liug per la fiasta da musica districtuala en cass ch'ei dat neginas annunzias per quella d) eleger ils experts per la fiasta da musica districtuala e) eleger ils tocs generals per la fiasta da musica districtuala f) organisar cuors e dietas

7 g) menar il quen h) exequir tuttas fatschentas che vegnan surdadas ad ella entras la radunonza da delegai i) nominar commembers d'honur per mauns dalla radunonza da delegai artechel 19 Per la participaziun allas sedutas han ils presents il dretg d'in daner da sesida e d'ina indemnisaziun dallas spesas da viadi ord la cassa dil district. Las spesas cumprovadas (porto, telefon, etc.) vegnan pagadas als commembers dalla suprastonza. artechel 20 Il president dil district presidiescha la radunonza da delegai e las sedutas dalla suprastonza e meina las tractativas. Allas sedutas dalla suprastonza rapporta el davart eveniments dapi la davosa sesida. El survigilescha l'execuziun dallas decisiuns pridas. artechel 21 En cass dad impediment dil president surpren il vice-president sias incumbensas cun tut ils dretgs e duers. Ultra da quei ei el secretari e redegia aschia las actas necessarias e fa la correspondenza dalla suprastonza tenor directivas dil president. artechel 22 Igl actuar scriva ils protocols dalla radunonza da delegai e dallas sedutas dalla suprastonza. Ils protocols ston vegnir suttascrets digl actuar e vegni approbai dils organs cumpetents. In exemplar dil protocol ei da deponer egl archiv. artechel 23 Il cassier procura per ils pagaments e la contabilitad. La suprastonza sa dumandar da tut temps informaziuns pertuccont situaziun finanziala. Vinavon ha ella il dretg da controlla. Il quen dil district vegn serraus giu sils digl onn avon la proxima radunonza da delegai ordinaria. Il cassier procura ch'il quen vegn presentaus ad uras alla societad da controlla da gestiun per la revisiun. artechel 24 Igl assessur surpren pensums specials. indemnisaziun president vice-president e secretari actuar cassier assessur

8 incumbensas specialas artechel 25 Ils commembers dalla suprastonza han da surprender las suandontas incumbensas: tgira digl archiv cumissiun da musica contacts cun autras organisaziuns relaziuns culs mieds da massa VIII. Ils revisurs da quen revisurs artechel 26 La suprastonza elegia la societad da controlla da gestiun per la perioda dil quen. Per ordinari ei quei quella societad che ha organisau la davosa radunonza da delegai. Quella ha da controllar ils pagaments ed il quen annual formalmein e materialmein e sto seperschuader dall'existenza dalla facultad attestada. Ella ha da far in rapport ed ina proposta a scret alla radunonza da delegai. IX. Fiasta da musica districtuala fiasta da musica artechel 27 La fiasta da musica districtuala vegn surdada dalla radunonza da delegai ad in comité d'organisaziun che organisescha e realisescha en collaboraziun cun ina delegaziun dalla suprastonza dil district la fiasta tenor ils reglaments valeivels. artechel 28 La fiasta da musica districtuala duei haver liug mintga tschun onns. Ils onns dalla fiasta da musica cantunala ni federala astga vegnir realisau negina fiasta da musica districtuala.

9 X. Finanzas artechel 29 Las entradas dil district consistan ord: a) ina contribuziun annuala per commember activ dallas societads da musica b) dil recav dils tscheins dalla facultad c) da contribuziuns facultativas, regals e legats d) d'ulteriuras contribuziuns eventualas, decididas dalla radunonza da delegai e) dallas contribuziuns da sponsurs Las expensas dil district resulteschan da sia lavur. Quei ein: a) daners da sesida e spesas per ils commembers dalla suprastonza b) stampats e lavurs da biro c) contribuziuns eventualas per cuors da dirigents e d'instrumentalists d) expensas per dietas da scolaziun e perfecziunament finanzas XI. Revisiun dils statuts artechel 30 Ina revisiun dils statuts sto vegnir approbada da duas tiarzas dils delegai presents. Sche la revisiun ei decidida, lu drov'ei per las singulas midadas mo la majoritad dallas vuschs. revisiun XII. Dissoluziun da l'uniun artechel 31 Davart la dissoluziun da l'uniun decida la radunonza da delegai. Per la decisiun ston esser presents treis quartas da tut ils commembers che pagan ina contribuziun e che han il dretg da vuschar. La dissoluziun sto vegnir decidida cun ina majoritad da treis quartas dallas persunas presentas cun dretg da vuschar. En cass d'ina dissoluziun da l'uniun sto la facultad eventuala vegnir messa en salv tier in uffeci adattau. Sch'ei vegn fundau enteifer diesch onns negina nova uniun dil district, va la facultad a l'uniun cantunala da musica sco proprietad. dissoluziun

10 XIII. Disposiziuns finalas lungatg entrada en vigur artechel 32 Ils statuts dil district da musica Surselva ed ils reglaments vegnan screts en lungatg romontsch e tudestg. En cass da dubi ei la versiun romontscha dils statuts decisiva. Ils protocols vegnan per ordinari screts per romontsch. artechel 33 Quels status van en vigur immediat suenter ch'els ein vegni approbai dalla radunonza da delegai. Els remplazzan las directivas d'organisaziun dils 15 da december 1990 a Glion. Decidiu dalla radunonza da delegai ils 17 da matg 2003 a Glion. En num dalla radunonza da delegai Il president: La vice-presidenta e secretaria: Robert Casanova Paula Berni-Derungs