PROTOCOL DALLA RADUNONZA GENERALA DILS 13 D'AVREL 2012

Transcript

1 PROTOCOL DALLA RADUNONZA GENERALA DILS 13 D'AVREL 2012 EL HOTEL SAX A MUSTÉR Presents: 25 Perstgisas: 15 Extradas: Raffael Lozza, Ramona Giger, Sandro Bleuler, Patrick Giger Tractandas: 1. Beinvegni ed appel 2. Elecziun da dus dumbravuschs 3. Approbaziun dil protocol dils 13 da matg Rapport annual dil president 5. Rendaquen e rapport dils revisurs 6. Preventiv 2012/ Fixaziun dallas contribuziuns annualas per ils commembers 8. Elecziuns, reelecziuns 9. Rapports dils trenaders 10. Orientaziuns e decisiuns 11. Varia 1. Beinvegni ed appel Il president Tomas Schmed arva allas uras la radunonza generala e fa in cordial beinvegni a tuts presents. 2. Elecziun da dus dumbravuschs Sco dumbravuschs vegnan Tamara Cavigelli e Rony Zanin elegi unanimamein /04/2013

2 3. Approbaziun dil protocol dils 13 da matg 2011 Il protocol ei vegnius termess tier a tut ils commembers e vegn aschia buc prelegius. Damondas dat ei neginas. Il protocol vegn approbaus unanimamein. 4. Rapport dil president Suenter 5 onns d'uffeci ei il president per l'emprema gada buc cuntents cun la sesiun, quei cunzun sin basa sportiva. Las damas stevan avon ina sesiun senza trenaders. Suenter ditg tschercar ha quei post saviu vegnir remplazzaus cun las anteriuras giudaduras Angelina Giossi e Sonja Schmed. Ellas hagien fatg fetg buna lavur e la finala cuntonschiu il 4 rang cun 16 puncts. Ad ellas in grond engraziament per la lavur. Suenter la demissiun da Corsin Bisquolm sco trenader dils umens, han Corsin Deflorin e Flavio Steger surpriu quell'incumbensa. Dar activ e trenar la medem'equipa ei buc adina stau aschi sempel. Flavio e Corsin hagien denton fatg buna lavur. Il president engrazia era ad els p igl engaschi. Las junioras ch'ei vegnidas trenadas da Beat Flepp e Carmen Wetzel han puspei giu ina greva sesiun. Ellas han giu fermas adversarias en sia gruppa. Era sch'ellas han buc giu success als campiunadis, il spert d'equipa sco era il svilup ein adina stai fetg buns. In grond engraziament a Beat Flepp e cunzun a Carmen Wetzel che trenescha gia entgins onns quell'equipa. Cun ils juniors A ha ei buc funcziunau sco giavischau. La fin dalla sesiun vargada ha il president survegniu ina gliesta dil trenader cun ils giugadurs che dattan vinavon. Nov da quels giugadurs eran dall'annada 94/95, aschia ch'els ein vegni annunziai per dar Juniors A. Suenter ditg encurir in trenader, ei Raffael Lozza sedeclaraus prompts da surprender quell'incumbensa. Cu el leva lu entscheiver ils trenaments eran els mo en quater, treis da quels han lu dau vinavon cun ils umens. La finfinala han lu 5 giugadurs novs entschiet a dar unihoc. Quels giuvens havevan denton la vegliadetgna da giugar Juniors B. Els han adina stuiu dar encunter equipas pli fermas ed han giu paucas schanzas. Vitier vegn aunc, ch'ei ha adina dau problems d'anflar persunas che fan transport cun els. Aschia ch'els han fatg part mo a quater rundas dad otg ed ina da quellas era a casa. Ils giugs munchentai ein vegni dai forfait ed ei suonda aunc in castitg digl SUHV. Tomas Schmed spera ch'il club vegn da megliurar quella situaziun, quei ei igl avegnir dil club. El engrazia a Raffael Lozza per sias breigias. Ils seniors han giu ina buna sesiun. Per ils trenaments la mesjmana sera ha Ronny Zanin giu il comando. Els ein adina stai denter 12 e 16 giugadurs. Il president engrazia ad el per siu engaschi. La sesiun dils Kids ha cuzzau entschatta october entochen fin mars. Florian Zanin e Milena Albin han trenadu ils 35 affons. Aschia han els saviu far duas gruppas. Milena Albin ha lu abdicau siu Post sin la fin d'igl onn. Tomas Schmed ha lu surpriu -2-23/04/2013

3 quei post. Igl ei stau ina super sesiun ed ins ha viu suenter mintga trenament il svilup da mintga affon. Uonn ha ei puspei inagada dau ina gruppa da senioras. La participaziun ei denton buc stada aschi buna. Tuttina han ellas dau entochen la fin dalla sesiun e giu entgins bials muments sil plaz. Il president engrazia a Rahel Albin e sias gidontras per l'organisaziun. Era uonn ha il club luvrau alla cuorsa dil rein, alla cuorsa da Downhill e menau atras il turnier da notg. Il turnier da notg ei inagada dapli staus in success cumplein. Quei sa il club engraziar all'excellenta lavur ed organisaziun da Flavio Steger. Era ils commebers dil club ein segidai a moda exemplarica. Vinavon less il president era engraziar als 4 arbitters: Silvana Cabernard, Claudia Flury, Romano Candinas e Sandro Bleuler. Sco davos engrazia il president a sias consuprastontas per las numerusas uras ch'ellas han unfriu per il club d'unihoc. Il rapport dil president vegn approbaus unanimamein. 5. Rendaquen e rapport dils revisurs Tenor il quen dalla cassiera Angelina Giossi ha il club fatg in gudogn da CHF. La situaziun finanziala dall'uniun ei fetg buna. Ils Desertina Bulls han el mument in capital da 34' Il sponsur prinzipal dalla GKB ha dau giu. Gia dabia onns ha la Banca Cantunala susteniu il club. Cunquei che la GKB ha in Budget limitau less ella era inaga sustener autras uniuns. Ils revisurs da quen Sonja Schmed e Beat Hosang han examinau il rendaquen 2011/2012 ed han constattau ch ils mussaments necessaris ein avon maun e ch el corrispunda als statuts. Els proponan d approbar il quen ed engrazian alla suprastonza per la lavur. Il rendaquen vegn approbaus unanimamein. 6. Preventiv 2012/2013 Ternor il preventiv 2012/2013 che la cassiera ha fatg, fa il club in gudogn. Ei vegn quintau cun entradas ca 20'000 CHF ed extradas da 19'900 ord quei seresulta in gudogn da 100 CHF. Ronny Zanin damonda daco che la suprastonza quenta far aschi in pign gudogn cu il club hagi igl onn avon fatg n gudogn da bunamein 6000 CHF? Beat Hosang aschunta ch'ins metta las extradas plitost ault e las entradas plitost cun posiziuns pli bassas /04/2013

4 La motivaziun dil president sin la damonda da Ronny ei che il club sappi buc tgei cuosts che spetgan aunc, cunzun era con aults ch'il quen digl SUHV vegn ad esser. Il preventiv vegn approbaus unanimamein. 7. Fixaziun dallas contribuziuns annualas per ils commembers La suprastonza propona da schar las contribuziuns sco era ils honoraris dils arbitters sco igl ei vegniu fixau a la davosa radunonza. Commembers activs Kids 50.- JuniorAs Seniors Arbiters cuors e schular Per runda ch els van a schular 50.- Damondas aviartas ni auters meinis dat ei negins. La proposta vegn approbada unanimamein. 8. Elecziuns, reelecziuns Ils suandonts posts ein aunc fixai per in ulteriur onn: L'actuara Carmen Wetzel L'organisatura dils giugs da casa Andrea Giger Responsabels pil sponsoring Silvio Candinas e Silvana Cabernard Il president Tomas Schmed sco era la cassiera Angelina Giossi demissiuneschan lur posts. Il revisur da Quen Beat Hosang ha buc abdicau, e stat aschia a disposiziun per dus ulteriurs onns. Els vegnan reelegi en globo unanimamein. La suprastronza damonda sch'enzatgi fuss interessaus da suprender il post dalla cassiera sco era quel dil president. Cunquei che negin s'annunzia propona la suprastonza Daniela Albin sco cassiera, e Flavio Steger sco president. Omisdus fussen promts da surprender quellas incumbensas. Il president e la cassiera vegnan medemamein elegi en globo unanimamein /04/2013

5 9. Rapports annuals dils trenaders Equipa dallas damas: Entschiet han las damas la sesiun cun 21 giugaduras e calau cun 17. Il trenament da condiziun ha giu liug el fenadur entochen fin uost. Silsuenter han ellas entschiet cun ils trenaments en halla. Per las trenadras Sonja Schmed ed Angelina Giossi ei quei stau ina sfida da star avon in equipa sco trenadras e buca pli sco giugaduras. Ellas hagien denton tschappau en quei pensum plein motivaziun. La sesiun ei stada tut en tut buna. L equipa dallas damas ha serrau giu la sesiun sil quart rang. Las trenadras Angelina Giossi e Sonja Schmed ein stadas cuntenzas cugl engaschi dall equipa ed engrazian allas giuvnas per quella sesiun. Equipa dils umens: ils umens han dau uonn senza trenaders. Flavio Steger e Corsin Deflorin han lu surpriu quell incumbensa. Ils mardis han els mintgamai saviu trenar cun las damas. Aschia savevan els era far buns trenaments sin plaz grond. Els han giu ina sesiun mediocra, gudignavan encunter las equipas fermas e sperdevan encunter pli fleivlas. Junioras: Beat Flepp ha trenau las junioras cun agid da Carmen Wetzel. Igl ei stau ina greva sesiun. Omisdus trenaders han giu pauc temps per las giuvnas motivadas. Puspei han ellas giu in niev goli, e novas giugaduras che han stuiu rimnar experientschas Aschia ch igl ei stau grev da tener la basa digl onn avon. Cunquei ch ils juniors han giu breigias da far trenaments ein ils trenaders dils Juniors e dallas junioras sedecidi da far ensemen ils trenaments, aschia han els saviu midar giu in denter l auter cun trenar ed han adina giu avunda gleud sil plaz. Allas giuvnas ha quei denton buc plaschiu aschi fetg, perquei ch ils giuvens havevan buc tonta motivaziun sco ellas. Carmen Wetzel che dat giu siu post, giavischa denton allas giuvnas tut bien per la proxima sesiun, e ch ellas hagien in bien trenader- /trenadra. Juniors B: Raffael Lozza ha surpriu da trenar ils juniors. Els han entschiet la sesiun cun nov giugadurs, treis da quels giugadurs havevan el medem mument era la lizenza per dar cun ils umens. Igl ei adina stau fetg complicau. Els havevan stedi negins autos ed han la finala saviu far part mo a quater dad otg rundas da campiunadi. Ins stoppi midar cheu enzatgei, pertgei senza juniors hagi il club negin futur. Kids: Florian Zanin ha trenau ensemen cun Milena Albin 33 affons fetg vivs. Aschia han els saviu partiu si la gruppa. Ei ha lu dau ina gruppa da pigns ed ina gruppa da gronds. Ils affons vegnevan da Sedrun, Curaglia, Sumvitg, Rabius e Mustér. Milena ha dau giu siu post sin fin december. Naven da lu ha Tomas Schmed surpriu quell -5-23/04/2013

6 incumbensa. Per la proxima sesiun stuessins mirar ch ils gronds savessen dar cun ils juniors, ni far sez ina gruppa juniors. Ils juniors ei il futur dil club. Seniors Ronny Zanin ha manau ils seniors tras la sesiun. Els ein stai ina super equipa, tgunsch la gronda el club. Ils giugadurs derivan da divers loghens dalla Surselva. Els han giu ina super sesiun e lessigas seras, era sche buc tuts stattan mintgamai entochen la fin. Donn ei ch ei han aunc buc saviu organisar in giug amicabel encunter ils activs. Persuenter fa Ronny Zanin attents, ch els hagien in giug amicabel encunter ils seniors da Cuera, ils allas uras el center da sport. Per tgi che hagi queidas da vegnir a mirar. Senioras Rahel Albin e sias gidontras han surpriu d organisar ina sera dad unihoc. Il bia eran ei mo sis tochen siat e negin goli. Ellas han denton tuttina empruau vinavon da trenar inagada ad jamna. Deplorablamein ha quei buc funcziunau sco giavischau. Ellas han tuttina giu entginas bialas seras ensemen. Per la proxima sesiun san ellas aunc buc sch ei dattan. Aschia sco igl ei stau uonn lessen ellas buc dar vinavon. Tomas Schmed engrazia a tut ils trenaders e las trenadras per la lavur ed igl engaschi. 10. Orientaziuns e decisiuns Umens Corsin Deflorin e Flavio Steger restan sco trenaders dils umens. Damas Angelina Giossi e Sonja Schmed abdicheschan sco trenadras dallas damas. Juniors Raffael Lozza abdichescha sco trenader dils juniors. Junioras Beat Flepp e Carmen Wetzel abdicheschan sco trenaders dallas Junioras. Kids Florian Zanin abdichescha sco trenader dils Kids. SeniorAs Ronny Zanin e Rahel Albin organiseschan vinavon ils trenaments. Informaziun : Cunquei che tons trenaders han demissiunau ha la suprastonza mess ensemen in comitée ch'enquera trenaders. Responsabels per quel ei Corsin Bisquolm. Cun el segidan Beat Hosang, Sonja Schmed, Corsin Deflorin, Claudia Flury, Flavio Steger sco era la suprastonza /04/2013

7 Plan da lavur : Il President prelegia las incumbesas che mintga post egl organigram ha, ed appelescha las persunas responablas. Quei funcziuna era buc adina aschi bein. Quels posts duessen sustener la suprastonza e buc caschunar per dapli lavur. Mintgin duess execuir sias lavurs a moda diligenta, per damondas san tuts sevolver a la suprastonza. Turnier da notg: Vegn organisaus da Flavio Steger e Severino e Silvan Giger Cuorsa dil rein: Responsabels pil plan da lavur ein Sonja Schmed e Beat Hosang Ok 20 onns club d unihoc Desertina bulls. Dapli sut varia. 11. Varia Fiasta da giubileum 20 onns Desertina Bulls Il comitée d'organisaziun per la fiasta ein: Corsin Deflorin, Daniela Albin, Sonja Schmed, Angelina Giossi, Florian Zanin, Flavio Steger, Tomas Schmed e Carmen Wetzel. Ei dat in pign carnet A5 il qual vegn termess ora miez uost. La fiasta da giubileum ha liug fin uost. Ei vegn a dar 2 giugs denter giugadurs activ ed anteriurs. Il preident engrazia al Flavio per la lavur ch'el fa mintgamai vid la Homepage. El engrazia era alla cassiera Angelina Giossi per igl engaschi e tut quei ch'ella ha fatg per il club. Angelina Giossi e Carmen Wetzel engrazian en num da tuts al president per sia excellenta lavur e tut quei ch'el ha fatg per il club. Las siara il president Tomas Schmed sia davosa radunonza Mustér, ils 21 d'avrel 2012 Per il club d unihoc UHC Desertinabulls L actuara Carmen Wetzel -7-23/04/2013