Protocoll raduonza generala dil Chor Surselva. Venderdis, ils 26 d october 2012, las 20:00. Hotel Rätia Glion

Transcript

1 Protocoll raduonza generala dil Chor Surselva Venderdis, ils 26 d october 2012, las 20:00 Hotel Rätia Glion Gliesta da tractandas: 1.Beinvegni 2. Elecziun da dus dumbravuschs 3. Protocoll (pagina d internet) 4. Rapport dalla presidenta Maria Venzin 5. Rapport dil president dil comité organisaziun las stagiuns Erwin Ardüser 6. Rapport dil dirigent, Rest Giusep Tuor 7. Rendaquen, repport dils revisurs e approbaziun dil quen 8. Finanzas dil Chor 9. Elecziuns 10. Contribuziun annuala per commembers 11. Entradas / extradas 12. Proxim project 13. Varia 1.Beinvegni La presidenta Maria Venzin arva la raduonza generala cun in cordial beivegni en romontsch. Ella fa attent, ch ella vegn a discuorrer il rest dalla radunonza en tudestg. (Presents 36 persunas) Perstgisas: Pascal Flury, Madleine ed Alfred Domenig, Ernst Keller, Marionna Lombriser, Giuliana Gienal, Barbara de Giorgi, Duri Foppa, Paloma Degonda, Augustin Beeli, Gaudi Coray e Domenica Spescha. La gliesta da presents cursescha: Maria suplichescha da nudar cun in p sch ins ei projectant el Chor Surselva. Maria informescha che Gaby Degonda scriva il protocoll enstagl da Manuel Lombris. Ella informescha ch ei vegn offeriu in puschegn e l aua. Il rest dallas bubrondas surpen mintga singul. 2.Elecziuns dumbravuschs Ursi Cobler e Silvana Caviezel vegnan eligidas unainm sco dumbravuschs. 36 presents

2 3.Approbaziun dil protocoll en la reit Ei vegn desistiu da prelegier il protocoll damai che quel stat a disposiziun en la reit. 4.Rapport dalla presidenta A caschun dalla davosa radunonza generala hai jeu surpriu miu post da presidenta, quei- empua sco la Purschala Maria cu ella ha survegniu siu affon.aschia ha Maria Venzin entschiet siu rapport annual. El davos onn da lavur eisi stau da manterner e tgirar la buna collavuraziun cun ils consupprastonts. Nus vein sclariu tgi che scriva ils protocolls dallas sesidas e tgi che fa la cassa. Nus setenin denton buc dil tuttafatg vid las directivas dallas statutas. Gaby scriva ils protocolls da sesidas, vul denton buc daventar ufficialmein actuara, damai che quei muntass era da daventar vicepresidenta. Esther Perl meina exemplaricamein la contabilitad vul denton buc esser cassiera ed esser commembra da suprastonza. Aschia eisi pussseivel da ademplir las lavurs per il Chor. Tschun sesidas grondas havein nus giu. En quellas havein nus era tractau il sustegn dil comité d organisaziun per Las Stagiuns, sco era la participaziun alla fiasta da cant cantunala a Trun zercladur Cun gronda satisfacziun havein nus saviu raccoltar arbagias cun il predicat eccellent. Grazia al comite d organisaziun cun Erwin Ardüser alla testa eisi stau pusseivel a mi da ademplir vinavon miu pensum da lavur e tgirar mia famiglia. Jeu sun zun cuntenta d haver anflau en Erwin Ardüser in capavel menader da project. Ensemen cun Rest Tuor (musica), Armin Spescha (reclama), Esther Perl (finanzas) e Robert Candinas (logistica) ha il Comite d organisaziun prestau zun buna lavur. Engraziel! Engraziar vi jeu era als ver 20 commembers dil chor che han dau suatientscha agl invit per cantar duront igl aperitiv da nozzas da Simona Gienal. Ils spusai han giu gornd plascher. Engraziel. 5.Rapport da Erwin Ardüser president dil commite d organisaziun las stagiuns Erwin Ardüser presenta la gliesta da donaturs e sponsurs e constattescha che ei va adina pli vess da rimnar daners da sponsurs e donaturs. Postiv: Buna collavuraziun en la grppa da lavur cun 3 sedutas Buna collavuraziun cun communicaziun.ch (Armin Spescha) Bien sustegn dil chor en connex cun lavurs d infrastructura Negativ: Memia pauc temps da preparaziun- 1.seduta cun suprastonza settember 2011 Diember d auditurs als concerts Liug da concert, temps da presentaziun, collisiuns da termins cun auters chors Remarcas: in carnet da program che cuntegn il text dall ovra fussi stau pli elegant che in in fegl accumpignont. Entscheiver in concert da tala lunghezia pér la sera las 20:00 ei buc ideal. Havessi fatg senn da far in plaid da beinvegni? 5. Finanzas project las stagiuns

3 Tenor Erwin Ardüser ha ei dau entradas da 135`000.- e per la medema summa expensas. Plinavon cusseglia Erwin da sanar la cassa dil chor cun ina u autra acziun. Erwin engrazia per la confidonza viers el e sia lavur. El giavischa al chor vinavon success e metta ad acta Las Stagiuns. Per damondas resta el vinavon a disposiziun. Grond plascher fa, che Erwin ha procurau che mintga commember survegn in disc cumpact cun si l ovra las stagiuns. La presidenta Maria surdat in present da renconuschientscha ad Erwin per siu grond engaschi. 6. Rapport dil dirigent Rest Giusep Tuor fa beinvegni. El engrazia ad Erwin Ardüser per siu grond sustegn e per sia gronda lavur, Erwin seigi staus la persuna clav pil beinreussir dil project Las Stagiuns. Rest supplichescha per applaus per Erwin Ardüser. Rest ei dil meini che mintga participont hagi sentiu il project Las Stagiuns vid la pial, quei project mereti quei engaschi. Rest engrazia a tut ils cantaduras e cantadurs per igl engaschi, per la perseveronza ed ei satisfatgs che tut las vuschs han adempliu lur pensum. Rest Giusep accentuescha las fermas petgas che han possibilitau da realisar las stagiuns : La presidenta Maria, il comité d organisaziun cun mintga singul gidonter per tribunas, reparter fegls organisar l infrastrdtura, cantaduras e cantadurs dil chor, Ursi Colber sco vicedirigenta, Ursicin Gion Gieli Derungs per la translaziun, il sustegn che Gion Balzer Casanova ha dau cun sustener emprovas e finessas, La Kammerfilharmonie dil Grischun, ils solists e la solista. A tuts in stagn e cordial engraziel. Grazia a mintga singula persuna, hagi ei dau in bi mosaic da collavuraziun ed in bi resultat final. Ursicin Gion Gieli Derungs che ei staus al concert a Vella, hagi scret ina brev a Rest ed exprimiu sia cordiala gratulaziun per la biala e pretensiusa prestaziun. Tuttavia sincerescha Rest Giusep, ch ei hagi dau muments da disfidonza. Mo cun agid da tuts hagi el la finala stuiu conceder : bein ei va! Engraziel! Trumpaus ei Rest Giusep Tuor dalla pintga preschientscha da publicum al concert a Vella en baslegia Plaif. Quei fetschi reponderar ed analisar certs facturs per il futur. Plinavon porta Rest Giusep il laud als organisaturs dalla fiasta da cant a Trun. Ei seigi stau ina bellezia fiasta da cant, organisada cun bia carezia pil cant e pil dettagl. Maria Venzin engrazia a Rest Giusep Tuor per siu grond engaschi era - per buc haver quintau tut ils exercezis da cant. Rest Giusep survegn in grond applaus da renconuschientscha ed admiraziun da tut ils presents. 7. Rendaquen, Rapport dils revisurs Esther Perl presenta e declara il quen. Ella concluda ch il Chor Surselva ha fatg ina sperdita da frs. e siarra il quen annual cun la facultad effectiva da frs. Roland Vincenz revisur da quen confirma che tut las quittanzas ein avonmaun e che la cassa ei vegnida menada a moda exemplarica. El sutlingiescha il meini da Erwin Ardüser da procurar per finanzas. Ins savessi dumandar sustegn ils Romontschs ella Bassa che han nostalgia per la patria. Roland gartulescha

4 era a Maria per sia gronda lavur sco presidenta incarnad. La presidenta Maria fa la tscharna per l approbaziun dil quen. Quel vegn approbaus unanimanein. 8. Finanzas dil Chor Maria Venzin ei era dil meini che la la summa en cassa dil Chor stoppi crescher per saver garantir la continuitad dil Chor. Maria giavischa ideas dils commembers e lantschescha lavurs da gruppa. En gruppas da 8 persunas vegn rimnau ideas. Las gruppas secusseglian duron 10 minutas e rimnan ideas creativas co far cassa per il chor: Sissum la gliesta da giavischs: Lotto ni Benissimo Maria dat la pusseivladad da vuschar cun far strehs sin las propostas tochen alla find alla radunonza. 9. Elecziuns Flurin Tuor annunzia siu giavisch d abdicar siu pensum sco cassier en il comité dil Chor Surselva. Maria engrazia per siu grond e fidau engaschi e surdat in bi canaster da delicatessas a Flurin. Maria annunzia che Pascal Flury stetti a disposiziun sco successura da Flurin. Malgrad che Pascal Flury ei buc presenta vegn ella elegida unanimamein cun in grond applaus. Maria informescha che en la proxima sesida dil comité vegnien ils pensums concrets reparti. 10. Contribuziuns annualas La supprastonza fa la proposta: Commembers contribuziun annuala: Contribuziun annuala per il project: pariciponts da project, buca commembers: La proposta vegn approbada dils presents. 11. Entradas ed extradas Maria Venzin fa a mogna als participonts da project da daventar commembers dil Chor. Entradas: Andrea Colber, Christina Bischof, Petra Heini Maria fa in cordial beinvegni allas novas commembras e giavischa plascher e sattisfacziun. Extradas: Paloma Degonda e Duri Foppa. 12. niev Project Las 21:41 uras presenta il dirigent Rest Giusep Turor sia nova musa : in project cun orchester pign. Musica classica dalla America Latina, denter auter era Tango dalla Argentina. Rest Giusep declara ch el hagi 2 ghitarrist a disposiziun. Il project duess consister da plirs elements: Chor - ghitarras cant a capella

5 Temps d emprova entschatta november Sia finamira ei da luvrar dapli en registers. Luvrar cumpact ed efficient senza grondas pausas. Plinavon ei era Rest dil meini da rinforzar la cassa dil chor. El di che cantar messas en vitgs che han negin Chor fussi era ina pusseivladad da far cassa. Las 21:53 uras concluda Rest Giusep Tuor sia presentaziun dil project. 13. Varia Maria prelegia la brev digl expert Johannes Meister che ha giudicau las presentaziuns a caschun dalla fiasta da cant a Trun. Maria las davosas suandontas frasas digl expert:..und ich hoffe euch am nächsten Eidgenössischen zu sehen und zu hören im Jahr 2015 in Mairingen.- Maria di ch ei fussi da tener en egl quella fiasta. Flurin Tuor pren il plaid per prender cumiau: Flurin engrazia ad Esther Perl per la gronda lavur ed il sustegn per menar la cassa dil chor cun tonta perseveronza ed exactadad ed el engrazia a Pascal Flury ch ella surpren quei pensum dad el. Arranschament communabel cun il Chor: Rest Giusep ei dil meini ch ins stuessi far ina u l autra activitad cun ils commembers activs dil Chor. Tscheina, grillada, mirar steilas etc. Gaby Degonda fa la propsta da visitar communablamein il festival acapella ils 11 da matg 2013 a Domat. La proposta plai a commembers ed al dirigent Rest Giusep ed ei vegn decidiu da nudar quest termin en las agendas. Maria fa attents da vuschar per las propostas co augmentar la cassa. Las propstas vegnan lu evaluadas a caschun dalla proxima sesida da comité. 22:03 uras, Maria Venzin siara la raduonza generala. Ei dat in bien puschegn, ei vegn cantau da cumpignia. Glion, uost 2013 Gaby Degonda

6