Ordinaziun davart l'integraziun sociala e professiunala da persunas cun impediments (ordinaziun d'integraziun da persunas cun impediments, OIPI)

Transcript

1 Ordinaziun davart l'integraziun sociala e professiunala da persunas cun impediments (ordinaziun d'integraziun da persunas cun impediments, OIPI) dals (versiun dals 0-0-0) sa basond sin l'art. 5 al. da la constituziun chantunala ) relaschada da la regenza ils 7 da favrer 0. Organisaziun Art. Regenza La regenza è l'autoritad chantunala da surveglianza. Cun la planisaziun da la purschida fixescha ella la direcziun strategica ed il svilup da la purschida ambulanta, parzialmain staziunara e staziunara per persunas cun impediments. Art. Departament Il departament d'economia publica e fatgs socials (departament) è cumpetent per: a) conceder e retrair permissiuns e renconuschientschas; b) conceder e far incaricas da prestaziun; c) fixar las pauschalas per l'assistenza e las pauschalas per l'object; d) reducir e pretender enavos contribuziuns. El examinescha mintga onn il svilup da la purschida ambulanta, parzialmain staziunara e staziunara per persunas cun impediments e po, sche necessari, far midadas marginalas da la planisaziun da la purschida. Art. Uffizi L'uffizi dal servetsch social (uffizi) è cumpetent per: a) dar il consentiment per entrar en instituziuns extrachantunalas; b) approvar ils acquists da mobiglias. ) DG 0.00 * tabellas da las modificaziuns a la fin dal relasch

2 Tut las dumondas ston vegnir inoltradas a l'uffizi tenor sias directivas. L'uffizi fa l'analisa dal basegn ed il controlling. El garantescha la planisaziun da la purschida a curta vista. L'uffizi fixescha ils indicaturs ed ils standards da qualitad. Quels s'orienteschan vi da las directivas da la CDAS ost+ (conferenza da las directuras e dals directurs chantunals dals affars socials) e da la cunvegna interchantunala davart las instituziuns socialas (CIIS).. Permissiuns da manaschi e renconuschientschas Art. Limitaziun temporara Las permissiuns e las renconuschientschas vegnan concedidas per maximalmain onns. Art. 5 Premissas per la permissiun. gestiun Las furnituras ed ils furniturs da prestaziuns disponan d'in model directiv sco er d'in concept da gestiun e d'assistenza e realiseschan quels. En il concept da gestiun ston vegnir declerads las finamiras, la direcziun dal manaschi e las prestaziuns, la situaziun actuala, las influenzas externas ed il svilup futur sco er la planisaziun da las finanzas. En il concept d'assistenza sto vegnir preschentà, co che l'integraziun, la participaziun e l'assistenza da persunas cun impediments vegnan garantidas, sin tge gruppa en mira che las prestaziuns sa concentreschan e tge princips d'assistenza sco er tge terapias che vegnan applitgadas. Art. 6. qualitad Il persunal è adattà en quai che concerna las abilitads professiunalas e persunalas. La structura dal persunal e las qualificaziuns professiunalas correspundan al basegn d'assistenza da la gruppa en mira. Ils dretgs e las obligaziuns da las persunas cun impediments assistidas èn fixads. Lur dretgs persunals vegnan protegids, en spezial il dretg da pudair decider sez, da la sfera privata, da la promoziun individuala, da contacts socials ordaifer l'instituziun, da vegnir protegì cunter abus e cunter maltractament sco er il dretg da cooperaziun da la persuna cun impediments e da sias confamigliaras e da ses confamigliars. Las furnituras ed ils furniturs da prestaziuns lavuran en moda interdisciplinara cun organisaziuns ch'èn impurtantas per ellas ed els. Ultra da quai èn las furnituras ed ils furniturs da prestaziuns preschents en la publicitad. La cuntentientscha da las persunas cun impediments assistidas e da lur confamigliaras e confamigliars sto vegnir controllada en ina moda standardisada.

3 5 Las furnituras ed ils furniturs da prestaziuns garanteschan la qualitad e ses svilup. Els lavuran cun in sistem per il manaschament da la qualitad ch'è orientà al process. Art. 7. infrastructura L'infrastructura, l'equipament ed il lieu correspundan a l'intent ed a la clientella. Il concept da spazi ed il lieu èn accordads cun il concept da gestiun e d'assistenza. L'infrastructura correspunda a las pretensiuns dal construir tenor ils basegns da persunas cun impediments, a la norma SIA 500 "Edifizis senza obstachels" sco er a las pretensiuns dal chantun concernent las localitads ed ils implants al liber. En il cas singul e per accumpagnaments d'abitar poi vegnir devià da quai. Art. 8. furma d'organisaziun Las furnituras ed ils furniturs da prestaziuns han ina direcziun strategica ed ina direcziun operativa ch'èn separadas tant en dumondas da l'organisaziun sco er dal persunal. La direcziun strategica fixescha tge orientaziun ch'il manaschi duai avair ed è cumpetenta per la surveglianza. Las commembras ed ils commembers èn independents. La direcziun operativa ha la cumpetenza professiunala en ils secturs finanzas, persunal, assistenza/tgira, infrastructura, communicaziun e dretg. Ultra da quai ha ella ina cumpetenza sociala ed ina cumpetenza da manar glieud. Ella posseda scolaziuns renconuschidas u equivalentas en ils secturs numnads. Las relaziuns finanzialas èn cumprovadas en moda transparenta ed ellas vegnan controlladas d'in post da revisiun admess. 5 Las cundiziuns d'engaschament dal persunal vegnan cumprovadas avertamain. Il persunal vegn scolà vinavant regularmain. 6 La procedura da mediaziun en cas da conflicts tranter persunas cun impediments e furnituras e furniturs da prestaziuns è reglada. In post da mediaziun extern ed independent è designà. Las persunas cun impediments, las represchentanzas legalas sco er las collavuraturas ed ils collavuraturs enconuschan quest post.. Plazzas d'abitar, da lavur e da structuras dal di protegidas sco er accumpagnaments d'abitar e da lavur Art. 9 Pauschalas da prestaziun Las pauschalas per l'assistenza vegnan fixadas mintga onn sin basa da l'ultima calculaziun dals custs controllada, da las categorisaziuns dal basegn d'assistenza actualas e da la cumparegliaziun da las calculaziuns dals ultims onns. Las pauschalas per l'object vegnan fixadas mintga onn sin basa da l'ultima calculaziun dals custs controllada e da la cumparegliaziun da las calculaziuns dals ultims onns.

4 La chareschia e la quota da la summa totala dals salaris per ils svilups individuals dals salaris vegnan resguardadas tar la fixaziun da las pauschalas per l'assistenza e per l'object. Art. 0 Rentabilitad La rentabilitad da las furnituras e dals furniturs da prestaziuns vegn determinada a maun da cumparegliaziuns chantunalas ed extrachantunalas. Furnituras e furniturs da prestaziuns che lavuran en moda economica ston ultra da quai: a) ademplir ils criteris da qualitad pretendids sco er las prescripziuns davart il rendaquint; b) esser occupads cumplainamain cun lur purschida; c) garantir per lur persunal ina salarisaziun ch'è usitada en la branscha. Quella sto esser cumparegliabla cun la salarisaziun chantunala. Art. Basegn d'assistenza Il basegn d'assistenza da las persunas cun impediments vegn eruì cun l'instrument "basegn d'assistenza individual BAI" da la CDAS ost+. Il basegn d'assistenza vegn eruì per regla ina giada per onn tras las furnituras ed ils furniturs da prestaziuns. Sch'il grad dal basegn d'assistenza sa mida en moda considerabla e permanenta, po la categorisaziun dal basegn d'assistenza vegnir adattada ordaifer l'eruida annuala. L'uffizi controllescha en moda selectiva la categorisaziun dal basegn d'assistenza. Art. Tips da purschida Tar las plazzas da lavur e tar las plazzas da structuras dal di protegidas vegnan las purschidas e las pauschalas da prestaziun differenziadas tenor tips da purschida. Il departament fixescha ils tips da purschida resguardond las branschas. Art. Documents che ston vegnir inoltrads e termins Las furnituras ed ils furniturs da prestaziuns renconuschids ston inoltrar a l'uffizi: a) il quint annual revedì cun la contabilitad da la facultad investida, il rapport dal post da revisiun e la calculaziun dals custs; b) ils documents ch'èn necessaris per controllar las pretensiuns a la qualitad da l'onn da contribuziun; c) il dumber da las unitads da prestaziun ch'èn vegnidas furnidas per categoria da basegn d'assistenza. Ils documents tenor l'alinea literas a e b ston vegnir inoltrads mintgamai fin ils 0 da zercladur da l'onn suandant, quels tenor la litera c fin 0 dis suenter la fin dal mais. L'uffizi po pretender ch'i vegnian inoltrads ulteriurs documents.

5 Art. Unitads da prestaziun Il rendaquint da las pauschalas da prestaziun vegn fatg mintga mais. Alura vegnan ellas pajadas ora. En cas d'ina extrada nunprevisibla u en cas d'ina absenza nunprevisibla pli lunga d'ina persuna cun impediments vegnan las pauschalas da prestaziun pajadas fin la fin dal mais. Sche l'extrada u sche l'absenza pli lunga è previsibla, vegnan las pauschalas da prestaziun pajadas proporziunalmain. Art. 5 Reservas. intent e furmaziun Reservas pon vegnir duvradas per purschidas en il senn da la lescha. Las reservas vegnan furmadas cun in fond da fluctuaziun e cun reservas da fluctuaziun. Art. 6. fond da fluctuaziun En cas da plazzas d'abitar e da structuras dal di protegidas importa il fond da fluctuaziun maximalmain 0 pertschient dals custs nets tenor CIIS d'ina instituziun, en cas da plazzas da lavur protegidas 0 pertschient. L'utilisaziun tenor l'intent dals meds finanzials dal fond da fluctuaziun è restrenschida a l'instituziun. Las furnituras ed ils furniturs da prestaziuns ston documentar il fond da fluctuaziun, che vegn furmà da contribuziuns da gestiun, en moda separada en la bilantscha. Art. 7. reservas da fluctuaziun Reservas da fluctuaziun vegnan furmadas, sch'il plafond dal fond da fluctuaziun è cuntanschì. Ina mesadad dals surplis vegn attribuida a las reservas da fluctuaziun e l'autra restituida al chantun. Entaifer ina instituziun purtadra pon las reservas da fluctuaziun vegnir duvradas per in tschert intent. Sche furnituras e furniturs da prestaziuns fan reservas da fluctuaziun, vegn examinada l'autezza da las pauschalas da prestaziun. 5 Las furnituras ed ils furniturs da prestaziuns ston documentar las reservas da fluctuaziun, che vegnan furmadas da contribuziuns da gestiun, en moda separada en la bilantscha. 5

6 Art. 8 Contribuziuns da cumpra e da construcziun ad immobiglias. princip Contribuziuns da cumpra e da construcziun ad immobiglias vegnan concedidas mo, sche l'investiziun è adattada a las relaziuns, architectonicamain irreproschabla sco er necessaria per il manaschi e sch'il basegn da spazi satisfa a las pretensiuns dal chantun concernent las localitads ed ils implants al liber. Art. 9. accumpagnament da projects L'uffizi sa participescha cun vusch consultativa vi da la planisaziun e vi da la projectaziun dals edifizis subvenziunads ed accumpogna e surveglia la direcziun dal project. Art. 0. custs imputabels Sco custs imputabels valan: a) ils custs per construcziuns novas permessas e per engrondiments permess sco er per midadas permessas e per renovaziuns permessas, inclusiv ils onuraris da las architectas e dals architects sco er da las spezialistas e dals spezialists per la planisaziun, per la projectaziun e per la realisaziun da la construcziun; b) ils custs per l'acquist da bains immobigliars e da stabiliments ch'èn necessaris per il manaschi a cundiziuns ch'èn usitadas al lieu. Sco custs d'indriz imputabels valan ils custs dals indrizs e dals equipaments ch'èn indispensabels per il manaschi, e quai en ina versiun simpla ed adequata. Betg imputabels èn spezialmain: a) custs per assicuranzas sco assicuranzas per il temp da construcziun ed assicuranzas spezialas, resalvas persunalas en cas da donns sco er custs da reconstrucziun en cas da donns betg cuvrids; b) custs da finanziaziun; c) prestaziuns da la patruna u dal patrun da construcziun; d) ulteriurs custs da construcziun accessorics sco custs per expertisas, spesas da viadi, custs per metter il crap da fundament, custs per festas da ventschidas, inauguraziuns, reclamas da construcziun sco er custs d'advocatas e d'advocats e da dretgiras; e) reservas per la chareschia e per chaussas imprevisas. Art. Contribuziuns da promoziun Per contribuziuns da promoziun fixescha l'uffizi ina quota e criteris da selecziun. 6

7 Art. Participaziun als custs da plazzas d'abitar. taxa da preschientscha Per plazzas d'abitar protegidas correspunda la taxa per la participaziun als custs en cas da preschientscha a l'autezza da la taxa da l'onn 007, resguardond eventualas adattaziuns: a) da las prestaziuns da la AI; b) da l'import per persunas che vivan sulettas a chasa, fixà en la lescha federala davart las prestaziuns supplementaras tar l'assicuranza per vegls, survivents ed invaliditad ) per ils bains generals necessaris per viver, e da l'import maximal per il tschains da locaziun; c) da las premias ch'èn decisivas per la reducziun da las premias; d) da las contribuziuns minimalas da la AVS; e) da l'indemnisaziun a persunas dependentas d'agid; f) da l'import per expensas persunalas, fixà en la lescha davart las prestaziuns supplementaras chantunalas tar l'assicuranza da vegls, survivents ed invalids ). Betg cuntegnids n'èn ils custs che vegnan chaschunads da malsognas e d'impediments fin a l'import maximal fixà en la lescha davart las prestaziuns supplementaras chantunalas tar l'assicuranza da vegls, survivents ed invalids. La taxa da preschientscha è ina taxa mensila a 0 unitads per di. In di da preschientscha è dà, sch'ina persuna profita da prestaziuns da la plazza d'abitar protegida durant in di chalendar. Art.. taxa d'absenza Per plazzas d'abitar protegidas correspunda la taxa per la participaziun als custs en cas d'absenza ad in terz da la taxa da preschientscha exclusiv l'indemnisaziun a persunas dependentas d'agid. Sch'ina persuna cun impediments è absenta, sto la furnitura u il furnitur da prestaziuns metter a quint a questa persuna la taxa d'absenza per mintga di ch'ella è absenta. La taxa d'absenza po vegnir messa a quint per maximalmain 0 dis. Art. Participaziun als custs da l'alimentaziun Persunas che vivan a chasa e che profitan da prestaziuns d'ina plazza da lavur u d'ina plazza da structuras dal di protegida ston sa participar als custs da l'alimentaziun tenor las tariffas da la AVS davart il giudicament dal salari en natiralias sco er als custs per l'assistenza durant ils pasts. ) CS 8.0 ) DG

8 Per persunas che tiran a niz ina plazza d'abitar protegida e che profitan da prestaziuns d'ina plazza da lavur u d'ina plazza da structuras dal di protegida ston las furnituras ed ils furniturs da prestaziuns da la plazza d'abitar protegida transferir las contribuziuns tenor l'alinea a las furnituras ed als furniturs da prestaziuns d'ina plazza da lavur u d'ina plazza da structuras dal di protegida. La contribuziun als custs per l'assistenza durant ils pasts dependa dal basegn d'assistenza e da l'import fixà en las disposiziuns executivas tar la lescha chantunala davart las prestaziuns supplementaras ) per indemnisar custs che vegnan chaschunads da malsognas e d'impediments.. Ulteriuras purschidas e disposiziuns Art. 5 Purschidas da cussegliaziun e d'integraziun Las contribuziuns vegnan pajadas en furma da pauschalas per unitad da prestaziun definida. Las contribuziuns vegnan pajadas mintga mez onn sin basa da las unitads da prestaziun annunziadas. Las furnituras ed ils furniturs da prestaziuns ston inditgar a l'uffizi mintgamai entaifer 0 dis suenter la fin da mintga mez onn il dumber da las prestaziuns furnidas. Art. 6 Plazzas da lavur integrativas en manaschis da l'emprim martgà da lavur. contribuziuns Las contribuziuns vegnan pajadas sin basa d'in concept che l'uffizi fa per promover plazzas da lavur integrativas. Ellas vegnan pajadas per mintga persuna cun impediments assistida en furma d'ina pauschala da prestaziun. Las pauschalas da prestaziun dependan dal grad dal basegn d'assistenza. La pauschala da prestaziun s'orientescha als custs da las plazzas da lavur protegidas e dals accumpagnaments da lavur. Art. 7. renconuschientscha La renconuschientscha vegn concedida, sche la plazza da lavur integrativa è adequata per ina persuna cun impediments e sche l'assistenza tras la patruna u il patrun è garantida. L'uffizi po fixar ina quota da renconuschientscha e criteris da selecziun. ) DG 5.0 8

9 Art. 8 Prestaziuns interchantunalas La necessitad d'ina prestaziun extrachantunala po esser avant maun pervia da l'impediment, per motivs professiunals u per motivs linguistics. L'uffizi fa in controlling da las prestaziuns extrachantunalas. Art. 9 Contribuziuns d'innovaziun A la dumonda per survegnir contribuziuns d'innovaziun ston vegnir agiuntads en spezial: a) la dumonda da project; b) la motivaziun dal project; c) la finamira e l'effect intenziunà; d) la definiziun da la gruppa en mira; e) l'analisa da las cundiziuns generalas; f) la descripziun da la moda da proceder; g) l'organisaziun dal project; h) indicaziuns davart la durada dal project; i) indicaziuns davart las resursas persunalas e finanzialas ch'èn necessarias durant il project; j) indicaziuns davart la realisaziun dal giudicament qualifitgà da l'effect. 5. Planisaziun e gestiun da las contribuziuns Art. 0 Analisa dal basegn, planisaziun da la purschida En l'analisa dal basegn vegnan resguardadas las infurmaziuns davart las utilisadras ed ils utilisaders, davart las furnituras ed ils furniturs da prestaziuns sco er davart las purschidas chantunalas ed extrachantunalas. Cun la planisaziun da la purschida vegnan fixads ils tips da purschidas, la quantitad da purschidas e las furnituras ed ils furniturs da prestaziuns che han il dretg da survegnir contribuziuns. La planisaziun da la purschida vegn fixada mintga onns. Art. Gestiun e contabilitad La structuraziun dal plan dals contos per la bilantscha e per il quint da gudogn e da perdita sa drizza tenor las directivas da la CIIS. Il quint da gestiun sto vegnir preschentà tenor la norma dal princip brut. Ils cudeschs da fatschenta (contabilitad, quint) da las instituziuns ston vegnir serrads la fin da l'onn confurm a la perioda. Las instituziuns ston manar ina calculaziun dals custs tenor las directivas da l'uffizi. 9

10 5 Amortisaziuns vegnan calculadas tenor ils princips da l'economia da manaschi en moda lineara sin basa da la valur d'acquisiziun minus las subvenziuns. I valan las suandantas tariffas d'amortisaziun: a) per investiziuns materialas immobilas:, pertschient; b) per mobiglias, maschinas, vehichels: 0 pertschient; c) per sistems d'informatica e da communicaziun: 0 pertschient. 6. Disposiziuns finalas Art. Aboliziun dal dretg vertent Cun l'entrada en vigur da questa ordinaziun vegn abolida l'ordinaziun per promover l'integraziun da persunas creschidas cun impediments ). Art. Entrada en vigur Questa ordinaziun entra en vigur retroactivamain per il. da schaner 0. ) CUL 007, FUC 0

11 Tabella da las modificaziuns - tenor conclus Conclus Entrada en vigur Element Modificaziun Publicaziun en la CUL relasch emprima versiun -

12 Tabella da las modificaziuns - tenor element Element Conclus Entrada en vigur Modificaziun Publicaziun en la CUL relasch emprima versiun -