Cu e introduccion di e poster Kico por spera di bo dokter di cas? HAVA (Asociacion di

Transcript

1 Salud nutricional cerca e hende muhe na estado pulso Aruba, maart Edicion 35 HEADLINES 2 kico por spera di bo Dokter di cas 3 Sali for di silencio 4 Cera conoci cu Epilepsia 6 Baxter mashin Ami ta dicidi Enfocando riba calidad Noticianan Internacional Hookah mas saludabel cu sigaria? Tayer intergeneracional di Fundacion Siñami Paso pa Paso Aruba Kico bo por spera di bo dokter di cas? Cu e introduccion di e poster Kico por spera di bo dokter di cas? HAVA (Asociacion di Dokternan di Cas di Aruba) hunto cu AZV ta spera di informa comunidad di Aruba y specialmente e aseguradonan di AZV tocante kico bo por spera di bo dokter di cas ora bo ta yama of acudi pa haya un cita. Tambe pa duna informacion tocante algun punto importante pa e pashent tene cuenta cu ne por ehempel kico bo por haci ora tin un urgencia of kico ta nifica triage. Otro novedad cu nos kier comparti cu boso ta e baxter mashin un mashin masha sofistica cu ta percura pa e pildonan di nos grandinan wordo paketa corecto y sigur. Aruba ey tambe ta unico ya cu nos ta un di e poconan den region cu tin dicho mashin. Anto si ainda bo ta pensa cu Aruba ta atrasa manera cu algun ta critica wel bo a faya! Check e articulo di Stichting BOB Aruba pa bo haya sa con bon e programa di screening di cancer di pecho ta bayendo na Aruba y kico expertonan di afo ta bisa. Un programa cu sigur nos tur por ta orguyoso di dje. Pues no ta keda nos nada otro cu invita bo atrobe pa un sin fin di articulo interesante y cu sigur lo habri bo wowo pa hopi cos. Salud!

2 2 3 Sali for di silencio door di Solange Tchong Tur aña tin alrededor di 1400 asegurado (pashent) ta haya aprobacion di AZV pa bay exterior y haya cuido medico. E cuido medico cu ta wordo ofreci ta riba e tereno di cardiologia, oncologia, cirugia compleho, oftalmologia y cuido neonatal (babynan naci prematuro). E gran mayoria di e aseguradonan ta wordo manda pa Colombia. E resto ta bay Corsow, Hulanda of Merca. Deseo di AZV Ora un asegurado bay exterior pa ricibi cuido medico, mas cu claro AZV ta haya importante pa e haya un bon experiencia. No solamente e cuido medico mester ta bon pero tur otro factor rond di esaki tambe. Pa menciona algun ehempel; mester tin bon comunicacion cu e dokternan den exterior y mester por keda na un luga cu ta limpi. Y asina por menciona mas punto cu ta hunga un rol den e experiencia di e asegurado. Compra di cuido medico AZV ta cumpra e cuido medico den exterior for di hospitalnan cu ta renombra. Esaki no ta paso AZV ta bisa esey, pero paso e hospitalnan aki (e gran mayoria) ta pasa den sondeonan intensivo pa medio di comisionan of organisacionnan independiente tocante topiconan manera calidad, servicio, higiena, hospitalidad y mucho mas. Continuamente AZV ta monitoria e resultado di e tipo di sondeonan aki. Na mes momento, e hospitalnan ta percura pa nan keda demostra nan calidad y esaki ta sosode entre otro pa medio di nan certificacionnan (acreditación) ricibi. Experiencia di pashent Tin asegurado cu ta bin conta nos nan experiencia. E gran mayoria ta informa AZV cu nan tabata tin un bon experiencia y cuido den exterior. Pero no tur ora cos ta bay mes bon manera cu tabata planifica of palabra. Unda cu cosnan no ta cana bon, AZV ta haci su esfuerzo pa mehora loke no a bay bon. Ta papia cu e partnernan den exterior tocante e reclamonan ricibi cu e meta pa evita pa esaki no ripiti. Otro cultura, otro custumber Un ehempel di un experiencia desagradabel ta ora un asegurado fayece den exterior, vooral na Colombia. Colombia no ta un pais cu e mesun custumbernan cu nos. Den nan cultura, nan ta dera nan ser keri di biaha. Practicamente dentro di 1 te maximo 2 dia. Como tal, nan no tin hospital of funeraria cu freezer special pa warda curpa di e fayecido. Pa motibo cu e custumber y ley ta otro cu di nos, esaki ta trece consecuencia fastioso pa nos. Por surgi e situacion unda cu instancianan oficial Colombiano ta tarda pa procesa e documentonan di transporte di un defunto. Esaki ta causa cu e defunto por yega den un mal estado (di descomposicion) na Aruba. Esaki ta algo cu nos di AZV ta lamenta. E no ta leuk pa e famia cu ta pasa den e experiencia aki. AZV ta purba evita e situacion aki door di pidi cooperacion di autoridadnan di Colombia pa procesa e documentonan di e defunto mas lihe. Pero no tur ora ta logra y den algun caso, AZV mester recomenda un cremacion (den exterior mes) pa asina evita e experiencia traumatico pa famia di e fayecido. Kico AZV ta cubri? Ora ta trata di fayecimento den exterior, AZV ta percura pa cubri e gastonan di preparacion y transportacion di e fayecido te na yegada na aeropuerto na Aruba. Gastonan di transportacion local y di entiero ta pa cuenta di e famia di e fayecido. Loke AZV ta tende Ta bon tambe pa nos di AZV comparti cu boso loke nos ta tende di e hospitalnan for di Colombia, Corsow, Hulanda y Merca. Tur medaya tin dos banda. Y tin ora ta net e cosnan cu nos no kier tende. AZV a yega di haya keho tocante comportacion, vooral e comportacion di algun acompañante social. Tin acompañante social hopi atento y pendiente di nan ser keri. Pero otro ta yega, interna e pashent y despues bo no ta mir e nunca mas. Nan a bay haci compras henter dia of keiro henter dia sin bin puntra pa e pashent. Hopi biaha un decision medico mester wordo tuma y net e momento ey, e pashent mester di su acompañante social pa yud e tuma un decision. Comportacion ta sali fo i man Otro problema cu e hospitalnan sa enfrenta cu nos Arubianonan ta e topico di alcohol. Tin algun pashent ta haya tratamento y despues nan ta bebe bebidanan alcoholico. Consecuentemente tur e tratamento of parti di e tratamento ta bay perdi. Humamento of otro forma di uzo di marihuana den hospitalnan tampoco no mag. Lastimamente AZV a yega di haya su mes confronta cu e situacion aki unda pa motibo cu no kier sigui e reglanan di e instituto, cosnan ta sali fo i man y polis mester wordo yama pa interveni. E ta un berguensa pa e nomber di AZV pero primordialmente pa e imagen di Aruba ya cu nos hendenan ta laga un experiencia mahos atras na Colombia, Corsow, Hulanda of Merca. Algun caso ta comprendibel, otro no! Mas cu claro, AZV no ta papia di un pashent of acompañante social cu kisas kier bebe un glas di biña pa celebra su cumpleaños. Of kier celebra cu porfin mag bay cas bek despues di 8 of 9 siman di tratamento. No, esey nos no kiermen. Tin ora hasta e dokternan ta recomenda e pashentnan pa bay dal un keiro un rato. Relaha e mente. Pone preocupacion un banda. E salud mental/emocional tambe mester atencion. Loke nos ta referi na dje ta e casonan extremo. Casonan di abuso. Y aunke kisas nan no ta pasa hopi (Danki Dios) pero toch net suficientemente pa nos papia tocante e banda di medaya di AZV. Casonan unda e acompañante social ta bandona e pashent por completo, unda e pashent a caba di opera su cachete pero no ta cuida y ta haya su mes den un bringamento cu ta finalisa cu polis. Y pa colmo.e cachete kibra atrobe. AZV ta hay e cu dobbel gasto paso e hospital ta mester bolbe opera e pashent siendo cu por a evita esaki si e pashent a percura pa cuida. Pero tambe e caso unda e mama ta laga su baby pa bay shop y no ta regresa na ora bek na e hospital anto AZV ta haya e yamada. E yamada bergonzoso pa AZV interveni. Pa yama y puntra unda e mama a keda paso un decision tocante e yiu mester wordo tuma. Esaki ta situacionnan unda e palabra responsabilidad practicamente a bay perdi Te unda AZV mester acepta esaki? Reto Pa AZV e tipo di ehempelnan cu nos a trece dilanti di loke ta sosode den exterior ta keda keto bay un reto. Nos ta pidi e colaboracion di tur persona cu ta pashent y posiblemente pronto lo mester bay via AZV pa haya cuido medico den exterior, pa porfabor wak bon cu ken bo ta bay biaha. E acompañante social mester ta un persona serio, di confianza, responsabel y dispuesto pa yuda e pashent na cualkier momento. Nos di AZV ta haci nos mes e pregunta diario: den ki caso por of mester tuma accion? Y por duna sanccion?

3 4 5 Cera conoci cu Epilepsia door di Stichting Epilepsie Aruba Atake di epilepsia ta sosode pa gran parti inespera, e atakenan di epilepsia por wordo clasifica den dos grupo. Un cu ta sosode den un parti so di e cerebro atake parcial y esun cu ta sosode den henter e celebro atake generalisa. Un parti so so den e cerebro Den henter e cerebro E dos tipo di atake generalisa mas conoci ta: Ausencia(petit mal). Mayoria bes e ta cerca mucha. E mucha pa un par di seconde ta keda wak leu, kinipi cu so wowonan y e no sa kico ta pasando. Tin biaha e situacion aki ta wordo confundi cu drumi lanta (dagdromen) of cu e mucha a bay drumi laat. E otro tipo di atake generalisa (grand mal): ta cuminsa simultaneamente den full e cerebro. E persona ta haya convulsion tonico generalisa, musculonan ta bira stijf, temblamento, e atake por dura 1 pa 4 minuut. No tin control riba urina of afmento. Despues di e atake e persona ta sinti su mes cansa cu dolor di cabes y un poco bruha. SEA ta preparando pa celebra Purple Day dia 26 maart, un dia special cu desde 2012 SEA ta celebra. Kico ta Purple Day? Purple Day ta un evento internacional cu e meta pa conscientisa e comunidad riba epilepsia. Tur aña e ta wordo teni riba 26 di maart. E evento aki a wordo organisa pa prome biaha na 2008 na Nova Scotia, Canada door di Cassidy Megan di 9 aña cu sosten di e organisacion di epilepsia di Nova Scotia. Cu esaki Cassidy cu tabata sufri di epilepsia, kier a logra cu e persona cu tin epilepsia, no kere of sinti cu e ta su so. Pa asina e por combersa cu otro persona y informa otro tocante epilepsia. Ta asina por elimina mito- y taboenan riba e condicion di salud aki. Union Na 2009 e organisacion di epilepsia di Nova Scotia y esun di New York na Merca a uni forsa y asina e Purple Day a bira internacional. A scoge pa e color biña (lavendel) bira e color internacional pa epilepsia y p esey ta pidi pa mas tanto posibel hendenan bisti na biña riba e fecha menciona. Celebracion di Aruba pa prome biaha SEA a celebra e fecha aki pa prome biaha na 2012 na Skol Briya di Solo, na 2013 na Colegio Arubano Oranjestad, na 2014 na Colegio San Nicolas, IPA y na Dokter Horacio Oduber Hospital. Na 2015 na Skol Preparatorio Washington, na 2016 na skol Preparatorio Nos Paraiso y 2017 na skol preparatorio Rayo di Solo. E aña aki SEA lo celebra Purple Day 26 di maart na Skol Practico pa Ofishi na Santa Cruz. SEA ta pa pidi tur hende pa bisti biña dia 26 maart pa sostene e personanan cu tin epilepsia. Skol Preparatorio Rayo di Solo 2017 Skol Preparatorio Nos Paraiso 2016 E ta dushi e receta di Lucy soup anyone? Ken no ta gusta un dushi sopi pa calenta e stoma. Awe mi ta presenta bo un dushi sopi, super simpel, super lihe pero tambe super dushi. Un noodle soup, pero no un noodle soup di bleki pero traha na cas. Sopi di bok choy cu noodle. Ingrediente: 4 ciboyo largo 1 taki di lemongrass (torohil) 2 teenchi knoflook red chilli na gusto(of habanero, pero tambe por keda sin pone chili aden) cilantro na gusto 1 liter di vegetable stock (por uza chicken stock tambe) 1 bok choy 225gram cabaron grandi (shrimps di freezer of fresco) 300 gram di vermicelli 1 poco soy sauce ½ lamunchi Preparacion: Corta e ciboyo largo y e lemongrass, e knoflook, e chili y tambe e cilantro. Pone e vegetable of chicken stock herbe den un weya y despues baha e candela. Separa e blachi di e bok choy for di otro, laba nan y hinke den e weya hunto cu e shrimp, ciboyo largo, lemongrass y knoflook. Lag e cushina pa algun minuut te ora cu e shrimp bira roos y e bok choy bira poco moli. Parti e vermicelli den 4 diferente bowl y basha e sopi aribe dje. Strooi e chili y cilantro ariba e sopi cu un tiki soy sauce y lamunchi. Si ta desea por pone un pa dos pida pan di knoflook acerca. Bon appétit! Lucy Lacle Strijdhaftig

4 6 7 tin malesa neurologico y personanan special cu ta biba riba nan mes. Aunke cu na momento e opcion aki no ta wordo ofreci ainda na pashentnan na cas e ta algo cu Botica di Servicio ta trahando riba dje pa por brinda e servico adicional aki na aseguradonan di AZV. e caha di remedi pa ta sigur cu ta trata di e remedi y dosis husto y e ora ey e cartridge por wordo yena. Baxter mashin E motibo pa e articulo aki tawata un encuentro pasahero den gang di edificio di AZV cu un empleado di Botica di Servicio. Bo sa kico lo ta bon pa skirbi un articulo over di dje? Nos Baxter mashin. E expresion riba mi cara tabata suficiente pa e sigui splica mas. E ta un aparato sofistica cu ta surti, paketa y controla e remedinan pa e habitante di e casnan di cuido. Wel, e ora ey m a bira caweta. Un robot cu ta traha den botica, esey mi kier a wak cu mi propio wowo. door di Joost van de Kamp Farmaceutico drs. Ralph Brion di Botica di Servicio Maria a invita mi pa duna un demonstracion di e Baxter mashin. Ela splica cu Botica di Servicio ta e organisacion cu pa mas cu 10 aña caba ta encarga cu otorgamento di remedi pa e casnan di cuido manera San Pedro paviljoen, Sint Michael paviljoen, Maris Stella y Centro di Cuido San Nicolas. E servicio ey ta existi di prepara e pildonan cu cada persona ta uza den un siman. Antes e preparacion aki a bay manualmente door di dos assistent di botica bou guia di e farmaceutico, pero for di aña pasa e ta wordo haci door di un Baxter mashin cu ta produci un medicatierol. E marca di e mashin, un ATDPS, ta JVM, como cu e prome mashin cu tabata yena remedi di e forma aki tabata di e marca Baxter e mashin ta wordo referi na dje como un Baxter mashin y e proceso di paketa remedi aki ta conoci como baxteren. E Baxter mashin cu ta algo comun na Europa no ta hopi conoci ainda den nos region. Y esun aki apenas ta di dos baxter mashin di e marca JVM den region di Caribe. Pashentnan den casnan di cuido di S.A.B.A. ta bou di cuido di tres specialista di cuido pa hende grandi; drs. Nienke Gonzales Diaz-Smits, drs. Earl Johanns y recientemente drs. Hanna Lanting. Despues cu e dokter haci bishita riba e afdeling e cambionan den medicamento ta wordo comunica na botica unda nan ta wordo procesa y un ordo ta wordo traha pa e Baxter mashin. E aparato ta traha un medicatierol cu ta consisti di saconan cu e pildonan cu cada persona mester bebe durante dia. Dus ta pone e remedi cu mester wordo tuma mainta den un diferente saco cu esun di merdia y anochi (en total tin opcion pa 6 diferencia momento riba 1 dia). Esaki ta haciele mas facil pa e nurse den cas di cuido y tambe mas sigur. Riba e potret por wak e parti di e aparato cu ta yena cu cartridges yena cu diferente pildo. E farmaceutico y su assistentnan ta responsabel pa yena e cartidge y esaki ta bay via un otro computer. Cada paso den e proceso di yena remedi ta rekeri un identificación por medio di un token electronico. Despues ta scan Via un touch screen por cuminsa e proceso y e pildonan ta wordo poni den un saco y informacion ta wordo imprimi riba dje. E sakitonan ta sali for di e mashin manera un cadena tras di otro y ta forma un rol parecido na un rol di film di antes Riba e prome saco ta print e nomber di pashent, su adres (cas di cuido), fecha di nacemento. Riba e siguiente saconan, cu tin remedi den dje ta skirbi e datonan di e patient, cua remedi e ta, ki dosis y ki dia y ora e tin cu wordo bebi. Tambe tin un descripcion con e pildo ta mustra. Ora e remedi ta wordo entrega na e cas di cuido e persona encarga eynan ta warda e remedi na un lugar adecua y e pashentnan ta ricibi e dosis correcto na e momento corecto durante e siman. Asina ki e chens pa haci fout ta minimal. Pero prome cu e remedinan ta sali di e botica tin un control extra ta wordo haci. E rol cu ta sali di e baxter mashin ta wordo poni den un otro aparato cu ta scan tur e saconan individualmente. E ta saca potret di cada saco y controla a base di imagen y midi di e pildonan, si e contenido ta correcto. Si e no ta correcto segun e mashin, e apothekersassistent mester controla esaki hasta e forma y color di e pildo e por reconoce. Si no ta correcto e aparato ta duna un signal y e apothekersassistent tin cu check kico ta robes. Riba e potret akibou por wak un ehempel di un mensahe di eror di e mashin. Si ta wak bon riba e potret por mira cu ela reconoce 3 pildo, pero ful abou banda drechi a wak algo cu no mester ta den e saco. Ta un pida di un pildo cu a kibra. Door cu e aparato a ripara e por wordo drecha. Banda di e casnan di cuido di S.A.B.A. tin e casnan di cuido priva, Cas Cristelle, H.O.P.E., Cas di Machi, Stichting Thuiszorg Aruba y Tehuis Zorg met Liefde cu tambe ta haya nan remedi via e sistema aki. Na hulanda y otro paisnan ademas di casnan di cuido e servicio di paketa remedi aki tambe ta wordo ofreci na hendenan na bibando cas y cu mester ayudo pa maneha nan remedinan. E gruponan cu ta bin na remarca ta hende grandi riba 65 aña cu mas cu 5 remedi cronico, persona cu tin malesa psiciatrico, personanan cu tin problema cu memoria, personanan cu tin problema cu addiccion, personanan cu

5 8 9 Calidad di e dieta durante e embarazo ta relaciona cu e estado di salud di e recien naci. Investigacion ta mustra cu un hende muher na estado cu tin un bon nutricion y e peso adecua por yuda preveni problemanan di salud di e yiu na edad adulto. E necesidadnan energetico di e hende muhe na estado ta aumenta cu un promedio di 300 caloria pa dia. E aporte energetico adicional mester consisti di alimentonan cu ta forma parti di un alimentacion saludabel y balansa. Esaki ta inclui alimentonan natural, entre otro fruta, berdura, cerealnan integral y vetnan saludabel. Introduccion di alimento y nutricion desde infancia Den e prome lunanan di bida lechi di pecho di e mama ta ofrece e alimentacion ideal y completo na e recien naci. Esaki tin beneficio pa e salud di tanto e mama y e baby. E ta e alimentacion optimal pa e prome 6 luna di bida. Y esaki ta sigui di ta asina durante e prome 2 añanan den combinacion cu (otro) alimento. E lechi di pecho ta adapta su mes segun rekerimento nutricional y inmunologico (defensenan) durante cu e mucha ta crece y desaroya. E lechi formula (di bleki) tambe ta duna e nutricion esencial na e mucha ora cu no por duna lechi di mama of ora, cu e mama, ta scoge pa duna esaki enbes di e lechi di pecho. su smaak. Ta bon pa ofrece na un otro momento (atrobe). No ta necesario pa duna cuminda di potchi pero por prepara e alimento herbi den awa sin salo of steamed te ora e bira moli. Despues ta machica esaki pa e obtene consistencia moli cu ta facil pa e baby guli. E baby di 6 of 8 luna Despues di 6 luna por aumenta e cantidad un poco (paar di telep) y combina alimento conoci dunando un textura un poco mas espeso. Desde 8 luna e cuminda tin un valor nutricional adicional pa cubri e necesidad nutricional di e baby. Semper ta recomenda pa no agrega salo na e cuminda. No ta necesario of recomendabel pa e baby bebe lechi di baca of bebida cu sucu prome cu e baby cumpli un aña. Despues di un aña e mucha por come huntu cu e famia y tin mester di 2 copi chikito so di lechi regular of di pecho. Cuminsa custumbra e baby cu e alimentacion adecua ta yuda preveni sobrepeso y obesidad y asina tambe (otro) complicacion pa e salud. Tambe esaki ta aumenta e aceptacion pa cuminda saludabel y cu menos sucu, salo y vet. No uza cos dushi como un forma di recompensa pa e mucha. Nunca forza pa come mas Nunca forza e mucha di come mas di loke e kier. Dependiendo di su desaroyo y necesidad energetico y nutricional e mucha mes ta duna señal di e cantidad di cuminda cu e tin mester. E mucha mes ta duna indicacion ora e ta sinti yen. Como mayor bo ta dicidi kico, unda y ki ora e mucha ta come pero laga e mucha mes dicidi cuanto e ta come. Habito alimentario y di actividad fisico ta comportacion cu por wordo siña y tin influencia grandi riba e transcurso di e bida y ta preveni malesanan cronico. Salud nutricional cerca e hende muhe na estado Beneficio adicional di lechi di pecho Beneficionan adicional di e lechi di pecho ta inclui entre otro cu e recien naci ta custumbra cu e smaak di e lechi cu ta cambia dependiendo di locual e mama ta come. Esaki por yuda stimula e aceptacion y custuma e mucha cu diferente sabor di alimento manera fruta y berdura. Por cuminsa custumbra e lactante (e baby cu ta bebe lechi) cu sabor di alimento individual - manera diferente fruta y berdura durante promer 4 pa 6 luna di edad di e baby. Investigacion reciente ta mustra cu e periodo aki ta esun ideal pa e introduccion di alimento pa asina yuda preveni alergia di cierto tipo di cuminda. Bon nutricion ta esencial pa hende sobrevivi. Esaki ta esencial pa crecemento fisico, desaroyo mental, productividad, salud y bienestar durante cada etapa di bida. Pues desde e inicio, cuminsando na e periodo gestacional te nacemento y den infancia. Durante e niñez, adolescencia, edad adulto y adulto mayor. Cuminsando na e inicio cu e desaroyo gestacional tin hopi aspecto di e estado nutricional y e variacion den e peso di e hende muhe, cu ta na estado, cu tin influencia riba e curso y resultado di e embarazo. Ta hopi importante cu e nutrientenan necesario ta disponibel pa e feto den cantidadnan rekeri. Durante e periodo ki esaki ta importante pa cu e crecemento y desaroyo di e feto ta optimal. Ta probabel cu e nutricion di e mama durante e embarazo tin relacion cu e riesgo di enfermedadnan cronico manera malesa cardiovascular, diabetes, obesidad y otro problemanan di salud cu ta presenta na edad adulto. Algun recomendacion Por cuminsa cu e introduccion di alimento inidividual (manera fruta, berdura, batata dushi, etc.) pa custumbra e baby cu e smaak. E prome 2 luna ora di introduci alimento ta 1 pa 2 telep so e baby mester purba. P esey nos ta yama esaki oefenhapjes. Tin ora ta parce cu e baby no gusta e smaak pero cu cierto alimento ta necesario pa e baby purba esaki 10 pa 15 biaha prome e acepta

6 10 11 Ami ta dicidi door di Famia Planea Aruba Den e edicion aki, Famia Planea Aruba kier a para keto na un campaña nobo cu a wordo lansa e aña aki titula: AMI TA DICIDI. Despues di 5 aña ehecutando e campaña di I Love My Body Famia Planea Aruba ta introduci un campaña nobo pa asina aporta na crecemento y desaroyo di nos comunidad. Campaña Ami Ta Dicidi Ami Ta Dicidi ta un campaña di conscientisacion pa asina motiva tur hende pa tuma decisionnan responsabel pa cu nan bida. Un campaña cu internacionalmente ta wordo ehecuta door di 146 otro pais rond di mundo cu sosten di International Planned Parenthood Federation (IPPF), cual Famia Planea Aruba tambe ta forma parti di dje. Internacionalmente e campaña ta hiba e nomber di I Decide Campaign y na Aruba Ami Ta Dicidi, aportando asina na nos idioma Papiamento y na nos cultura, norma y balornan. Meta Ami Ta Dicidi E campaña Ami Ta Dicidi tin como meta pa conscientisa, informa, educa, motiva y guia tur mucha, hoben y adulto pa tuma decisionnan responsabel pa cu nan bida. No solamente riba e aspecto di nan salud sexual pero tambe pa cu nan futuro, estudio y mucho mas. E campaña Ami Ta Dicidi, tambe ta introduci, implementa y traha hunto cu e comunidad riba e metanan mundial pa desaroyo sostenibel (SDG-Sustainable Development Goals), pa asina na aña 2030 nos por tin un comunidad mas consciente riba diferente area p.e.: inovacion, educacion, salubridad, etc. Un campaña cu na final lo yuda aporta na e crecemento y desaroyo di cada ser humano. Grupo meta Ami Ta Dicidi E campaña Ami Ta Dicidi tin como grupo meta, mucha-, hoben- y adultonan di tur edad. Nos ta kere cu conscientisacion y motivacion pa logra diferente metanan den bida ta cuminsa na un edad relativamente hoben. Nos ta enfoca riba e aspecto aki den diferente forma, manera: via consulta individual of den grupo, infromacion pa mayornan/educadornan y charlanan informativo pa scolnan di diferente nivel. Temporada y contenido Ami Ta Dicidi E campaña Ami Ta Dicidi ta un proyecto cu su duracion y enfoke no ta solamente temporada di Carnaval pero durante e aña completo. Pa Famia Planea Aruba ta importante pa por keda educa, informa y motiva e comunidad. Por ultimo ta importante pa menciona cu Ami Ta Dicidi no solamente ta un logo, propaganda educativo cu articulonan promocional manera cu por a tuma nota, pero e proyecto aki ta mara tambe na un un workshop informativo y interactivo. Un workshop pa tur scol na Aruba, unda cu no solamente ta pone enfasis riba tuma decisionnan responsabel pero tambe ta pone enfoke riba otro topiconan manera: crecemento y desaroyo, comportacion, salud sexual, importancia di stima y cuida curpa y introduccion di nos aporte como persona na e metanan mundial pa desaroyo sostenibel (SDG). Atrobe adapta na edad, conocemento y necesidad di cada un scol. Asina yudando tur persona logra nan capacidad maximo como ser humano y tambe yudando nos pais pa sigui bay dilanti pa un Aruba 2030 mas sostenibel y duradero. Nos ta invita Aruba completo pa keda pendiente pa mas di e campaña Ami Ta Dicidi. Paso ta nos curpa, nos bida y nos decision. #AMITADICIDI! Pa mas informacion por pasa of yama libremente na oficina di Famia Planea Aruba situa na Bilderdijkstraat 16 Unit 4 na Oranjestad for di dialuna pa diabierna di 8or am te cu 4or pm, telefon Y na Resedastraat 7-G riba diahuebs for di 8or am te cu 4or pm, telefon Tambe por manda mail na famiaplanea@hotmail.com of bishita nos website of Facebook Hookah mas saludabel cu sigaria? door di Fundacion Anti Droga Aruba Hookah E uzo di hookah a cuminsa siglosnan atras na India. Asina mes hookah ta birando popular bek bou di e hobenan. Hookah of pipa di awa ta un aparato pa huma un tabaco special cu yama Shisha.Tin por lo menos 200 sorto di sabor di shisha manera appel, cherry, menta, chuculati, coco, cappuccino y patia. Otro nombernan pa hookah ta narghile, hubblebubble y goza. Hookah of pipa di awa ta wordo uza den restaurantnan, cafes of na cas. E tabaco ta wordo keinta cu ayudo di carbon, e huma ta pasa door di un slang via awa y ta wordo filtra pa wordo inhala. E humado por inhala 50 pa 200 biaha na e pipa. Mayoria biaha e uzo di hookah ta sosode den grupo cu un pipa cu ta wordo pasa di persona pa persona. Tin un percepcion robes tocante hookah. Hookah ta wordo mira como un alternativa mas safe cu sigaria. Esaki ta completamente falso. E awa no ta filtra e toxiconan cu tin presente den e shisha. En realidad e huma cu ta sali di e hookah ta contene concentracion mas halto di toxico manera: carbon monoxide, nicotina, tar y metal cu ta mes of mas halto cu esun den un sigaria. Nos ta repasa e riesgonan pa salud: Cancer E carbon uza pa keinta e tabaco por aumenta e riesgo di cancer, e ta produci un nivel halto di carbon monoxide, metal y kimiconan cu ta causa cancer. Ora cu e huma di hookah wordo filtra via e awa e ta contene ainda un nivel halto di toxico. E toxico cu tin den e huma di hookah y e tabaco (shisha) ta contene kimiconan cu ta causa cancer di pulmon, blaas y cancer oral. Otro riesgonan E tabaco di hookah ta contene toxiconan cu por plok e adernan y causa problema di curason. Tin substancia den e shisha cu ta drenta e sanger y ta haci cu bo condicion ta bay atras. Bo spiernan, bo organonan y bo cuero ta empeora. Den shisha tin nicotina cu por causa adiccion. Hookah ta hopi uza bou di e hobennan y hopi biaha e humamento ta sosode den un grupo di persona. Esey kiermen cu e pipa ta pasa di boca pa boca y por pega otro cu bacteria, virus y te hasta e malesa di herpes. Uzo di tabaco durante embaraso por causa cu e baby ta nace cu peso mas abou cu lo normal y tambe ta core riesgo pa problemanan respiratorio. E- Pen Vapes, vaporizers, vape pens, hookah pens, electronic cigarettes (e-cigarettes or ecigs), ta algun di e cantidad di terminonan cu ta wordo uza pa describi E-Pen ( Electronic Nicotine Delivery Systems, den corto ENDS ). E productonan aki ta uza un likido cu por contene nicotine y otro demas composicionan di sabornan, propylene glycol, vegetable glycerin y otro ingredientenan. E likido ta wordo keinta den un aerosol cu e uzado ta inhala. E aparatonan aki (ENDS) ta wordo fabrica di tal forma cu nan ta parecido of similar na sigaria, ciga of otro pipanan. Mayoria ENDS ta funcciona cu bateria, den bateria tin kimiconan peligroso cu si esaki muha of lek e por afecta e salud. Tin e mesun percepcion robes tocante e ENDS, cu esaki ta menos peligroso cu huma shisha for di un aparato di hookah of huma sigaria. E percepcion aki ta robes. Ora di inhala for di un ENDS tin kimiconan cu ta wordo inhala manera: propyleneglycol, glycerol y glycerintriacetate. Popyleneglycol ta un kimico cu ta wordo uza den cosmetica, farmacia y industria di plastico. E kimico aki ta wordo uza den e-pen of shisha pen pa mantene e tabaco muha. E kimico aki por causa iritacion di garganta, wowonan y cancer. Secondhand smoke/humado involuntario Secondhand smoke ta e mescla di 2 tipo di huma cu ta sali for di un tabaco cu ta sendi. Huma principal: e huma cu e humado ta exhala. Huma secundario: huma cu ta bin directamente for di un sigaria, pipa, ciga of tabaco cu ta kimando den un hookah. E tipo di huma aki tin e concentracion di mas halto di kimiconan cu ta causa cancer. E huma secundario aki tin mas toxico cu den e huma principal y ta drenta e pulmon y celnan di un humado involuntario cu mas facilidad. Na momento cu un persona cu no ta huma (humado involuntario: secondhand smoker) wordo exponi na e huma aki e ta inhala mesun hopi toxico y nicotina cu un humado. Pa e motibo aki un persona cu no ta huma y ta den cercania di un humado ta core e mesun riesgo pa desaroya cancer. Akibou nos ta repasa e riesgo/riesgonan di secondhand smoke pa e salud: Mucha: Infeccion di orea. Atake di astma mas frecuente y severo. Problema di respiracion (tosamento,nister,cortamento di rosea). Infeccionan respiratorio (bronkitis y pulmonia). Adulto: Adultonan cu nunca a huma secondhand smoke por causa lo siguiente: Problema cardiaco: pa humadonan involuntario secondhand smoke ta haci daño inmediato na e curason y adernan. Cancer di pulmón. Stroke. Pa mas informacion por tuma contacto cu F.A.D.A. na number di telefon of por mail nos na fadaaruba@gmail.com. Tambe por bishita nos facebook page FadaAruba. Fuente di informacion:

7 12 13 Enfocando riba calidad door di Stichting BOB Aruba Na januari cu a pasa Stichting Bevolkingsonderzoek Borstkanker Aruba a haya bishita di e Landelijk Referentie Centrum Bevolkingsonderzoek (LRCB) di Hulanda. LRCB ta e centro di experticio pa sondeo di pueblo encuanto cancer di pecho y tuberculosis. Nan ta experto ariba elevacion di calidad pa programanan di sondeo di pueblo, ta duna training na profesionalnan, y ta supervisa calidad den screening. Den un forma multidisciplinario nan ta desaroya sistemanan pa drecha y maneha calidad di deteccion tempran y ta stimula pa hisa nivel den e maneho pa detecta cancer na pecho mas tempran. Control y charla Dos bes pa aña nan expertonan ta bin controla e ekiponan di fundacion BOB Aruba y ta duna charla na laborantnan. Un bes den tres aña nan ta visiteer e fundacion cu ta encera un control y evaluacion di calidad riba tur nivel profesional y di ekipo di e fundacion y esaki a sosode aworaki na januari. Nan a combina nan biahe entre Fundacion Prevenshon na Corsow y Stichting BOB Aruba. Dos laborant di Aruba a biaha bay Corsow pa un curso y e expertonan a bini Aruba pa hunto cu e radiologonan tambe tene consulta y evaluacion di nan calidad di trabao. Potret E presidente di e comision di visitatie, Profesor dr. Ruud Pijnappel (para prome na man drechi) a remarca di ta: masha impresiona pa e prome resultadonan y e calidad halto. E expertonan cu a bishita Aruba tabata, Profesor dr. R.Pijnappel (CEO) y drs. F.Jansen (radiologonan), sra. C.van Landsveld (senior trainer di laborantnan den sceening), sra. T.Geertse (facilitadora di e proceso di visitatie ), ir. H.Lelivelt (ingeniero controlado di e hardware) y drs. P.van Kalken CEO di LRCB. Di Aruba tabata presente drs. V.Williams y drs. V.Loefstop (radiologonan), laborantnan y manager sra. E.Werleman. Resultado Na 2016 un cantidad di 10,973 invitacion a ser manda y 3,802 persona a acudi pa haci nan screening; pues 34,6%. Pa 2017 esaki ta 41,3%. Un cantidad di 54 resp. 59 persona a keda verwezen pa mas chekeo via nan huisarts. E resultado final, lastimamente ainda no ta ful conoci pa Stichting BOB Aruba; loke si ta conoci ta 85% di e resultadonan final di 2016, cu ta mustra cu 21 caso tabata trata di cancer na pecho. Diferente aspecto di e calidad di potretnan cu e laborantnan ta saca a ser compara cu Hulanda y puntonan cu tabata mester atencion a ser atendi den nan encuentro cu tur laborant di screening na Corsow. Mester remarca cu e calidad tabata bastante comparabel cu Hulanda y riba algun punto, te hasta miho. E calidad di e monitornan pa mira e potretnan a wordo controla riba calidad y nan a conclui cu diferente aspecto remarca den nan control di mey aña (juli 2017) riba aparato, a ser drecha cu a resulta den aprobacion total di calidad di e monitornan na e momento aki. Evaluacion E radiologonan tambe a ser evalua riba tur e 113 clientenan cu nan a verwijs (referi) comparando si e dos radiologonan di e comision tambe lo a verwijs y cu cua clasificacion; a resulta cu lo ta prudente pa añadi un clasificacion mas na e sistema cu tin caba. Y por cierto Stichting BOB Aruba ta bezig caba cu e compania di software, pa implementa esaki for di casi un aña pasa; sperando cu esaki por ser finaliza pronto. Nan a lamenta cu no tur resultado final di e clientenan cu a ser manda pa mas investigacion, tabata conoci y a enfoca pa Stichting BOB Aruba finaliza su palabracionnan cu hospital y mammapoli pa asina e efecto corecto di screening por ser monitorea. Ta importante pa e registracion di cancer na Aruba y Stichting BOB Aruba combina nan informacionnan cu otro pa por logra e meta final, cu ta baha mortalidad a consecuencia di cancer na pecho na Aruba.

8 14 15 Tayer intergeneracional di Fundacion Siñami Paso pa Paso Aruba Salud Santé Gezondheid Noticianan Internacional compila door di Diandra Alders Un proyecto di dimension humano, social y conscientisacion riba medio ambiente. door di Fundacion Siñami Paso pa Paso Aruba Den edicion 31 di Pulso (na maart 2017), nos di Pulso a presenta boso e prome proyecto intergeneracional di Fundacion Siñami Paso pa Paso Aruba (F.S.P.P.A). Segun nos e fundacion aki ta haciendo un trabou bunita pa nos comunidad y a continua cu e proyecto intergeneracional; esta mucha, hoben y hende grandi trahando hunto den un proyecto di artesania (obra di man) cu material recicla. Participacion den e proyecto Nos grupo di profesional esta medico, psicologo, logopedista, terapista y boluntario a keda encarga pa ehecuta e proyecto. E otro fundacionnan cu a participa den e proyecto aki ta: SABA: Clientenan adulto y algun persona discapacita. Imelda Hof: Mucha y adolescente. F.S.P.P.A : Mucha y adulto cu algun discapacidad. Aureus University: Boluntarionan, studiante di medicina. Intergeneracional Nos ta trahando den e continuacion di e proyecto intergeneracional, teniendo na cuenta e exito y bon resultado cu tabata tin den e prome fase. E tayernan aki ta e expresion di varios cultura, edad y idioma, e ta un proyecto social, artistico, creativo, educativo y ambiental. Na nivel di grupo intergeneracional, e proyecto aki ta busca no solamente pa traha obra di man (artesania) sino tambe pa promove e motivacion, tolerancia, respet, solidaridad, compromiso y creatividad den e grupo participante. Nos di F.S.P.P.A a bin na vanguardia na 2016, aplicando den nos tayernan un estudio y programa intergeneracional cu a wordo proponi na Merca y Europa for di aña Nan a reconoce e rol activo pa e hendenan grandi of personanan cu algun discapacidad den e tipo di tayernan aki. ECO-PASCO Den e aña 2011 y 2012 nos tabata tin tayernan di arte pa personanan cu algun discapacidad. Den e aña 2013, nos tabata tin e prome exposicion di obra di man na Aruba. Nos a mustra obra di man cu tabata traha cu material recicla door di un grupo di persona cu algun discapcidad. Den e aña 2014 y 2015 nos a a bin cu otro proyecto y esaki tabata pa traha cu hende grandi; esta clientenan di SABA y personanan cu algun discapacidad, clientenan di F.S.P.P.A y boluntarionan di Aureus University. Desde aña 2016 te cu awe 2018, nos ta aplica den nos tayernan e programa intergeneracional, treciendo diferente fundacionnan hunto manera SABA, Imelda Hof, Aureus University y F.S.P.P.A. Aceptacion positivo E edadnan di e participantenan ta varia di 5 aña pa 99 aña. Den e tayernan aki nos ta mustra e impacto positivo cu un actividad asina tin tanto pa e participantenan como pa e comunidad. Un pilar hopi importante pa realiza e proyecto aki ta nos participantenan, nos team profesional, e grupo boluntario di Aureus University, esta e hobennan studiante di medicina di diferente pais di mundo cu ta dedica nan tempo valioso pa duna servicio boluntario cerca nos. Nos ta gradici CEDE Aruba cu ta apoya nos y ta financia e proyecto aki. Si ta desea di haya mas informacion en cuanto e articulo aki of di nos proyectonan, por tuma contacto libremente cu: Fundacion Siñami Paso pa Paso Aruba Adress : Van Leeuwenhoekstraat 2. Oranjestad, Aruba, San Pedro di Verona (Ex Hospital), Afdeling Cayena Tel : f.s.p.p.a@live.com Facebook : Fundacion Siñami Paso pa Paso Aruba Hapon REMEDI PA GRIEP: E ministerio di salubridad publico di Hapon a duna permiso pa e remedi Baloxavir Marboxil subi riba mercado Hapones. Aparentemente e remedi aki por elimina griep tipo A y B den un dia, aunke cu cierto sintomanan lo keda. Tambe, e remedi aki ta preveni e plamamento di griep den un forma diferente. Contrario na otro remedi existente, e remedi nobo aki mester tuma djis un dosis di dje pa e ta efectivo, irrespecto e edad di e pashent. E remedi aki lo no drenta mercado Mericano prome cu Merca BERDURA PAKETA: Ora cu bo come berdura paketa den saco, e tin propiedadnan nutritivo ainda? Segun Mario Feruzzi, profesor di departamento di cuminda y sciencianan nutritivo na North Carolina State University, e berduranan cu bo ta wak den saco a perde cierto propiedadnan nutritivo door di e hopi labamento cu e berduranan ta haya ora nan wordo procesa. Pero, tur ora cu ta corta, laba, of cushina berdura tin un perdida di nutricion. Pero, si e ta cumbini e consumidor pa come berdura paketa, esaki no mester wordo descurasha. Profesor Feruzzi ta sugeri pa tur hende uza nan wowo pa huzga e frescura di e berdura, pa asina haya e mas hopi nutricion posibel. Irlanda CONSCIENTISACION DI HPV: Un mayoria di e poblacion Irlandes no ta na altura di e vinculo entre HPV (human papilloma virus) y cancer. Tampoco nan ta na altura cu ta existi un vacuna cu ta combati e virus aki. Tur cancer cu ta relata na HPV por wordo elimina cu e vacunacion. Un encuesta haci door di e compania farmaceutico MSD bou di mil hende ta duna como resultado cu 87% no sa di e vinculo entre cancer y HPV. Mayoria hende, ora nan bira sexualmente activo, lo wordo expone na e virus aki y un fraccion di e casonan lo yega di desaroya den cancer. Na Irlanda anualmente 130 hende ta muri di e tipo di cancernan aki. Hulanda UN APP PA MUCHANAN CU AUTISMO: Muchanan cu ta riba e spectrum di autismo por tin dificultad pa expresa nan mes verbalmente. Un desaroyado Hulandes, David Niemeijer, ta splica cu e app ta laga mayornan añadi palabra cu ta wordo papia den un bos di mucha. Na Hulanda e app ainda no a haya mucho acogida, compara cu Merca, na unda un 175 mil hende a download e app. Merca Diferencia den temperatura y atake di curazon: Un estudio nobo ta sugeri cu cambionan drastico den temperatura ta hisa e riesgo di haya un atake di curason. E riesgo ta subi cu 5% pa cada 5 gradonan di diferencia (Celsius) den temperatura. Esaki ta pasa mas ora ta calor. E scientificonan ta specula cu ora cu ta haci frieuw, hendenan ta keda paden y no ta experiencia hopi cambio den temperatura. E scientificonan di University of Michigan ta pone enfasis cu a descubri un asociacion, pero no necesariamente un causante di atake di curazon.

9 16 Pssst Hey! Bo no sa nunca ki ora malesa por yega Cu bo paspoort den bo man Dokter y AZV lo percura pa tur cos bay lihe Colofon: Pulso ta un proyecto di departamento di Informacion & Comunicacion di Organo Ehecutivo AZV. E ta un corant gratis cu tin como meta pa informa y conscientisa e aseguradonan riba nan seguro AZV. Tambe e tin como meta pa informacion yega na e aseguradonan tocante diferente topico di salud na Aruba y internacionalmente. Bo tin algun comentario, pregunta of sugerencia? Comunica cu nos na: info@uoazv.aw Tambe bo por yama nos na: Organo Ehecutivo AZV Rumbastraat 21 Tel. (297) Pa mas informacion bo por bay: Redaccion: Diandra Alders Joost van de Kamp Lucy Lacle-Strijdhaftig Solange Tchong Magaly Tobel Colaborado: Fundacion Anti Droga Aruba (FADA) Famia Planea Aruba (FPA) Fundacion Siñami Paso pa Paso Aruba (F.S.P.P.A) Fundacion Epilepsie Aruba (SEA) Kidneys 297 Stichting BOB Aruba Redaccion final: Solange Tchong Fotografo: Contribucion di e fundacionnan Joost van de Kamp Solange Tchong Diseñador: Gerardo Perdomo Imprenta: Interprint N.V. Van Leeuwenhoekstraat 26 Oranjestad Aruba Siguiente edicion: 15 di juni 2018 Derecho di autor Tur derecho reserva. Ningun parti di e edicion aki por wordo multiplica, copia y/of publica sin e aprobacion previo y por escrito di e redaccion di Pulso. Aunke e edicion aki a wordo compila cu hopi cautela, e redaccion di Pulso y colaboradonan, no ta acepta responsabilidad pa daño causa pa motibo di eror y/of imperfeccion den e edicion aki. Opinionnan vocifera den e articulonan no necesariamente ta refleha e opinion di gerencia di AZV.