Triage. Siguiendo nos meta pa yega mas cerca HEADLINES. pulso. Schildklier. Hospice 3Atardi

Transcript

1 7 Aruba, HEADLINES 2 4 Hospice 3Atardi Mild Cognitive impairment: Speranza pa stabilidad, plania pa progresion Solo solo 10 Aña di Fundacion Siñami Paso pa Paso Aruba Triage na e oficina 8 di dokter di cas Preparando pa mi cita cu mi dokter di cas 910 Punto importante di Famia Planea Aruba cu kisas bo no tabata sa! Vaping 13 Schildklier Alimentacion di mucha den temporada di vakantie juni Edicion 40 pulso Triage Siguiendo nos meta pa yega mas cerca di cada asegurado awor atrobe nos ta trece pa boso un edicion yena di informacion valioso. Den edicion 40 nos ta pone atencion na e topico triage ya cu nos ta kere cu esaki lo yuda hopi pashent compronde mas miho pakico e ta wordo confronta cu algun pregunta ora e yama na e oficina di dokter di cas. Pa keda mantene e atencion, nos ta laga bo keiro y conoce Hospice Atardi, un luga nobo, pariba di brug, unda lo bo haya sa cuanto trabou bunita ta wordo haci pa nos clientenan. Anto mas grandi nos ta bira, mas hopi e reto pa corda cos. Haya sa na ki momento ta papia di lubida cos normal y lubida cos mas biaha algo a pasa? Y e humamento moderno aki? Tin hasta e celebracion di 10 aña di Fundacion Siñami Paso pa Paso Aruba. Pone atencion y Aruba su mundo di cuido medico ta habri pa bo. Salud!

2 2 3 Mild Cognitive impairment: Speranza pa stabilidad, plania pa progresion Hospice Atardi door di Solange Tchong Cu un entrada bunita, cuadronan den colornan briyoso y un espectacular hardin, di bida ta menos 3 luna. Esaki kisas ta zona duro unda tin un malesa incurabel y unda e expectativa Hospice Atardi ta un luga special unda bo of fastioso, sin embargo Hospice Atardi ta un cas por bay pasa bo ultimo fase di bida eynan. cu ambiente di hogar, casi manera nos mes cas. Di Despues di hopi trabou realisa door di un grupo un banda Hospice Atardi ta ofrece trankilidad pa e grandi bao di maneho di dokter Peter Paul Hermans huesped pa medio di bon cuido cu hopi cariño. Di cu a kere den e idea di habri un hospice, Aruba tin su otro banda e ta ofrece e famia un paz y trankilidad prome hospice desde november ya cu e tarea di cuido pa e persona ta wordo haci conhuntamente cu e famia. Importante dentro di e proceso aki ta cu boluntarionan, enfermeronan y dokternan di cas conhuntamente ta respeta autonomia di e huesped y cu espacio y duna atencion ta na prome luga. Si e huesped kier pa un hende lesa buki p e, of por ehempel e cliente ta desea un cierto cuminda, nos lo crea espacio pa esey. Cuido paliativo Hospice Atardi ta un luga unda por ricibi cuido paliativo esta cuido di un malesa cu (ya) no tin cura. E meta principal di cuido paliativo ta dirigi riba mantene e calidad di bida y unda ta posibel mehora esaki. Tambe ta enfoca riba reduci sufrimento di e persona, maneha e sintomanan di e malesa. Hospice Atardi kier duna cuido na e huespednan na un manera mas respectoso y cariñoso posibel. Pues e cuido tin atencion pa diferente aspecto, esta e parti fisico, social, emocional y spiritual. E cuido generalmente ta wordo duna door di boluntarionan, enfemeronan y dokternan di cas. Banda di tur esey, e cuido ta dirigi riba guia pa e famia tambe, unda ta yuda nan den aceptacion di e malesa sin cura y ta yuda e famia door di haci e tarea di cuido pa nan ser keri hunto. Algo bunita ya cu e persona mes y su famia por sinti nan mes mucho mas trankil. Ta sinti un alivio di por pasa tempo hunto, di por ofrece e miho cuido na nan ser keri. Pa bin na remarca Un persona cu kier bin na remarca pa Hospice Atardi, ta e persona cu ta den su ultimo fase di bida, Proceso Na e momento cu un persona den su fase final kier keda na su cas pero pa cualkier motibo esaki no ta posibel, por opta pa bin cerca nos casi cas. Despues palabracion cu e persona concerni, specialista y dokter di cas, e specialista of dokter di cas lo haci un peticion cerca e coordinadornan di e hospice. E hospice ta habri pa tur hende no obstante e edad, karakter di e malesa of e moda di bida. Lo tene un intake cu e huesped. Durante e intake aki ta haci diferente pregunta pa haya un bon bista riba e situacion y deseonan di e persona, y ta duna informacion tambe. Enfermeronan di Hospice Atardi ta informa e huesped di e reglanan di cas. E huesped mester bay di acuerdo cu e reglanan di cas. Gastonan di cuido dentro di Hospice Atardi ta 35 florin pa dia. Materialnan di cuido manera remedi y of medionan auxiliar e huesped ta keda ricibi como sifuera cu e ta na (su mesun) cas, via e dokter di cas y segun proceduranan vigente di AZV. Team E team di Hospice Atardi ta consisti di boluntarionan, enfermeronan y un dokter di cas. Hunto nan tin e bunita tarea di cuida pa e huesped. Un di e boluntarionan ta conta cu e semper tabata tin hopi amor pa hende y ora el a tende di Hospice Atardi tabata mas cu logico pa e busca e conexion. E ta contento awor di ta traha pa hende y ta saca hopi satisfaccion di esaki. E team mes ta traha segun un schedule di warda (cada warda ta maximo 5 ora) pa asina cubri tur 24 ora di cada dia den siman. Hospice Atardi ta invita tur persona cu ta interesa den trabou boluntario (serio), pa tuma contacto cu nan na Sigur nan lo por uza algun man extra pa tur tipo di trabou, por ehempel pa traha den cura, pa yuda haci compras, pa cuido di e huespednan, pa mantene e luga limpi y mucho mas. Tur esnan cu solicita pa trabou como boluntario ta ricibi un curso di introducion for di Hospice Atardi pa asina ta bon prepara. Contacto Pa haya mas informacion of un rondleiding (cu cita), por comunica cu Hospice Atardi na of info@ hospiceatardi.com.tambe por bay riba nan nan FBpage Fundashon Hospice Atardi of riba nan website Skirbi pa Sabrina Sonensein, psicologa di Centro di Memoria Henry tin 67 aña. Pa hopi aña e ta topa su amigonan tur diadomingo pa hunga golf, pero e siman aki el a lubida. Mas y mas Henry ta haya su mes na supermercado sin por corda kico el a bay cumpra. Riba diaranzon, el a lubida e fiesta di hacimento di aña di su yiu muhe. E sa cu algo no ta bon, pero e no sa kico. Henry ta culpa e lubidamento na su edad halto. Y si e ta algo serio? Henry a wordo diagnostica cu mild cognitive impairment na Centro di Memoria. Mild cognitive impairment (MCI) kiermen deterioro cognitivo leve na Papiamento. E ta un condicion den e cual e persona ta experimenta cambionan leve pero notable den su abilidadnan mental manera memoria, pensamento, lenguahe, percepcion y huicio. E deterioro aki ta visibel pa pashent y famia pero e no ta severo suficiente pa stroba e bida diario (trabou, aseo personal, finanzas, tuma pildo, core auto, etc, etc) y no ta wordo defini como un demencia tipo Alzheimer. MCI no ta demencia pero tampoco e ta parti di enbehecimiento normal. Mayoria di persona sano ta experiencia un deterioro gradual den nan abilidadnan mental ora edad subi (biehez normal: 65 aña bay ariba). Den e caso di MCI e problemanan aki ta mas severo cu den un biehez normal. Por ehempel, ta normal pa bruha ora di rondia un adres of lubida un palabra, pero no ta normal pa perde den luganan conoci of lubida nomber di familiarnan. Aunke cu MCI ta aumenta e riesgo pa desaroya un demencia, no tur hende cu tin MCI lo bira pio of haya demencia. Hopi hende cu MCI ta keda stabiel cu tempo, otro hende ta mehora aun mas y nan no ta experiencia mas problema mental. Tur esaki ta depende di e causa di e MCI. Si e MCI wordo causa door di: depresion, anshamento/stress, malesa fisico (presion halto, sucu, constipacion, infeccion) problema di vista, oido, deficiencia di vitamina, problema cu schildklier of efecto secundario di algun medicamento) ta wordo estima cu un 40% di pashent cu tin un MCI ta bay bek na normalidad despues di 1 aña. Si e probleman di memoria y demas abilidadnan mental sigui bay atras cu tempo ta estima cu un 10%-15% di e pashentnan cu MCI lo wordo diagnostica cu Alzheimer despues di 1 aña, y 50% di e pashentnan lo wordo diagnostica cu demencia den 5 aña. Posibel sintoma di MCI: Ta lubida cosnan reciente/di tur dia cu mas facilidad of lihe. Ta lubida citanan importante (afspraak na specialista, fiesta/aniversario). No ta logra sigui un combersacion, of tin mas dificultad ora di wak pelicula of ora ta lesa un buki. Ta tuma mas tempo pa tuma un decision, planea un trabou of pa compronde un instruccion. Ta perde lihe den luganan conoci. Tin mas problema pa papia of skirbi. Ora di perde algo of pone den luga robez ta hopi dificil pa hay e bek. Amigo y famia ta nota e cambionan aki. Na e momento aki no tin ningun tratamento medico pa trata MCI y e tiki medicamento pa trata sintoma di malesa tipo Alzheimer no a mustra ningun benificio pa retrasa of preveni e progreso di MCI pa demencia. Nos di Centro di Memoria ta haya critico pa monitoria e curso di e cambionan cognitivo entre 6 pa 12 luna y asina por detecta un posibel demencia na un etapa trempan. Despues di e diagnostico nos lo ofrece un cita extra pa asina duna informacion adicional tocante MCI y tips con pa train e memoria. Un diagnostico trempan ta permiti un persona cu MCI y famia pa prepara y planifica cu anticipacion pa posibel necesidad di apoyo, areglo financiero/legal. Pa finaliza, e importante ta pa enfoca e atencion riba e aspecto di un bida saludabel y positivo. Informacion di contacto: Pa haci test na Centro di Memoria, mester consulta cu dokter di cas prome pa haya un carta di referencia. Dialuna-Diabierna 8am-4:30pm. Centro di Memoria- San Pedro S.A.B.A (Mahalia). Proximo topico: E diferente cara di demencia.

3 4 5 Solo solo door do Diandra Alders Ay mi mama, wak cuanto solo tin awe! Ta cuanto biaha nos mes no a bisa esaki den e temporada aki? Nos ta un isla na unda diariamente nos tin hopi solo. Nos tur sa cu bo mester tin cautela cu solo, ya cu e por, por ehempel, kima bo cuero. Pero, nos kier a para keto un rato na e cosnan bon di solo. Vitamina D Vitamina D ta yuda den mantene bo wesonan fuerte. Un manera cu bo curpa por absorba vitamina D ta door di e rayonan ultravioleta di solo. Pero, no mester para hopi den solo pa haya esaki. 15 minuut pa dia mes ta suficiente pa haya e beneficionan di vitamina D via solo. Drumi miho Luz di solo ta stimula bo cerebro pa traha melatonina, cu ta e substancia cu ta bisa bo cerebro ora cu ta tempo cu bo mester bay drumi. Ora cu bira scur, lo bo produci melatonina pa bo haya soño den 2 hora. Awe n dia e efecto di melatonina ta wordo perhudica door di e uzo di aparatonan electronico. Bon beis Luz di solo por drecha bo beis. Esaki ta bin door cu luz di solo ta lagabo produci mas serotonina, cu ta wordo asocia cu un miho beis. Keda hidrata bo mes durante vakantie compila y adapta door di IBISA Temporada di vakantie ta dushi pero na mesun momento e ta e temporada mas calor den aña. Den e lunanan aki por bira hopi calor y nos mester hidrata nos curpa bon. Si abo ta e persona cu ora cu bo haya sed bo ta opta pa bebe refresco, e articulo aki ta pa bo! Segun Michael Jacobson, director ehecutivo di e Centro di Sciencia den Interes Publico, e calorianan bashi cu ta den refresco ta wordo absorba lihe den bo curpa y ta contribui na sobrepeso y obesidad. Kico refresco tin hopi di dje? Sucu, cafeina, acido (zuur)? Tur esakinan tin den refresco. Sucu den refresco Refresco den bleki (12 oz) ta contene mas of menos 39 gram di sucu cu ta ekivalente na 8 telep (=5 gram) di suco. Un boter di refresco (20 oz) ta contene mas of menos 65 gram cu ta ekivalente na 13 telep (= 5 gram). Refresco y otro bebida similar ta causa mayoria bes cu bo wesonan ta bira debil (osteoporosis), caries dental y tambe hipertencion of presion halto. Den un termino largo di bebe e tipo di bebidanan aki e por conduci na problemanan mas grandi manera problema di curason, diabetes y obesidad. Cafeina Mucho cafeina den nos curpa por aumenta e producion di acido den bo stoma cu por causa diarea y ta contribui na constipacion. Acido Acido den e bebida por causa caries dental y problema cu digestion di e stoma. Refresco of awa? Riba un dia calor awa semper ta keda e miho opcion pa hidrata e curpa y kita sed. Resfresco ta un bebida cu bo por bebe menos frecuente. Si bo no gusta awa, bo por opta pa bebe soda water cu un smaak di fruta. Of infused water cu ta awa cu sea fruta, berdura of yerba den dje pa duna sabor sin agrega sucu. Por ehempel awa cu blachi di menta of gember, schijf di apelsina, anasa of lamunchi. E ta dushi, hopi refrescante y no ta contene ni sucu ni caloria! Fuente: healthyeating.sfgate.com 10 Aña di Fundacion Siñami Paso pa Paso Aruba door di F.S.P.P.A Dia 7 di Mei 1999 a wordo lanta oficialmente door di Lic. Maria Cristina Harsveld e Clinica Integral di Logopedia Aruba y dia 6 di April 2009, como contesta na e gran necesidad di ofrece mas servicio den forma integral na personanan cu algun discapacidad y nan famia a wordo constitui oficialmente F.S.P.P.A. Meta Nos meta ta pa duna orientacion y guia integral di diferente disciplina pa beneficia mucha, hoben y adulto cu algun discapacidad y nan famia. Den actualidad nos fundacion ta wordo dirigi pa un directiva hunto cu un comision di mayor y ta conta cu un team profesional boluntario cu ta consisti di 3 psicologo, un dentista, un logopedista y un terapista. Servicionan cu nos ta duna na e comunidad ta; servicio di psicologia, servicio di logopedista, programa di psicomotricidad, stimulacion tempran pa baby y mucha, tayer di reciclahe intergeneracional. Metanan adicional Durante e ultimo 4 aña nos tin un programa cu hobennan di Aureus University, e studiantenan di medicina cu ta duna nan tempo liber den nos fundacion haciendo trabou boluntario, e programa aki ta forma parti di nos proyecto intergeneracional y e participantenan ta clientenan di Imelda hof, SABA y clientenan di nos. E meta di e proyecto aki ta pa promove e relacionnan entre mucha-, hoben y grandinan, promove e reciclahe como un alternativa pa soluciona e problema cu nos medio ambiente y a la bes comberti e material aki den artesania, como tambe busca motiva e grupo di persona pa desaroya e capacidad creativo artístico di e mesun forma probecha e beneficio cu arte tin den e area (social, emocional, cognitivo y motorico). Demanda Durante e ultimo añanan e demanda pa nos servicio a bira mas grandi y e necesidad pa ricibi nos servicionan cerca gruponan vulnerabel dia pa dia ta mas grandi. Actualmente nos ta conta cu 90 cliente ricibiendo algun di nos servicionan ya sea den nos cede of pafo di nos cede y nan edad ta varia di 1 pa 96 aña. Mirando e gran demanda cu tin, nos di F.S.P.P.A a dicidi di traha algun proyectonan innovador, teniendo na cuenta e siguiente aspectonan; beneficio pa nos cliente, beneficio pa nos medio ambiente y uzo di tecnologia. E proyectonan aki ta den proceso. PAMIECOSOUVENIR, esaki lo ta un concepto di tienda, fundraising mobibel cu sponsernan por colabora mediante e compra di articulonan, artesania traha cu material recicla cu lo bay ta disponibel den e tienda, e artesanianan aki lo ta di nos fundacion como tambe di otro fundacionanan. E proyecto aki ta forma parti di e competencia di proyectonan organiza pa Pitch Time y lo wordo financia pa WEB Aruba N.V. Proyecto Telerehabilitacion, den e proyecto aki nos lo haci uzo di tecnologia y e lo forma parti di nos servicionan y lo ta un terapia alternativa cu lo beneficia un grupo mucha, hoben y adulto cu algun discapacidad. E proyecto aki ta wordo financia pa Setar N.V. y Kiwanis club. Proyecto integral pa muchanan cu discapacidad mental leve Siñami Paso pa Paso. E proyeto aki ta den proceso pa por wordo implementa cu e grupo di meta. Gradicimento Den nomber di nos clientenan, directiva, comision di mayor, team profesional nos kier duna un danki na nos boluntarionan, sponsernan y comunidad en genral pa e confianza y sosten ricibi durante 10 aña di existencia. Nos ta spera di por sigui conta cu boso sosten pa asina por sigui traha na beneficio di muchanan, hobenan y grandinan cu algun discapacidad y nan famia. Contacto Si ta desea di haya mas informacion en cuanto e articulo aki, por tuma contacto libremente cu : Fundacion Siñami Paso pa Paso Aruba Adress : Van Leeuwenhoekstraat 2. Oranjestad, Aruba, San Pedro di Verona ( Ex Hospital ), Afdeling Cayena Tel : f.s.p.p.a@live.com Facebook: Fundacion Siñami Paso pa Paso Aruba.

4 6 7 Triage na e oficina di dokter di cas Schildklier door di dr. Joost Samuels Kico ta triage? Ora bo ta yama e oficina di dokter di cas, bo ta haya un di e asistentenan na telefon. Su persona ta puntra bo e motibo cu bo a yama y ta hacibo algun pregunta pa haya sa mas miho cua cuido medico bo tin mester. Esaki ta yama triage. Mas cu claro, e asistente di e oficina di dokter ta haci tur cos den colaboracion y consulta cu e dokter di cas. Triage ta percura pa abo como pashent haya e cuido adecuado, na e momento adecuado y cerca e duna di cuido adecuado. Triage no ta encera cu e asistente lo haci un diagnostico. Absolutamente cu no. Triage ta nifica cu e asistente lo haci bo pregunta tocante bo sintoma (keho), pero tambe tocante kico tin bo preocupa y kico kisas bo mes ta pensa cu ta e causa. Haciendo pregunta, ta bira mas cla kico e sintoma (keho) ta nifica pa bo. Kico ta sosode? Pa yuda bo mas miho cu ta posibel e asistente di dokter lo haci algun pregunta pero tambe e asistente lo haci un proposicion. Esaki por ta diferente opcion: E asistente ta consulta directamente cu e dokter di cas den caso cu ta un situacion di peliger pa bida. E asistente ta traha un cita pa bishita. E asistente ta traha un cita durante e ora di consulta (spreekuur) cerca e dokter di cas of cerca e enfermera specialisa (praktijkondersteuner). E asistente ta duna bo persona un conseho; e conseho aki semper ta wordo consulta despues cu e dokter di cas. E asistente ta presenta (y consulta) bo pregunta na dokter. Bo ta wordo pidi pa yama bek of bo lo wordo yama bek. E termino pa ofrece un cita (afspraak) ta depende di e urgencia di bo sintoma (keho). Den caso cu e cita no tin urgencia, e ora por sosode cu e asistente ta propone pa bo pasa mas despues den siman. Con abo por colabora na un bon triage? Pa e orario di consulta di dokter cana bon, unda nan ta purba minimalisa e tempo di espera na minimo, e dokternan di cas ta pidi pa bo colaboracion. Ora bo persona ta traha un cita, e ta importante pa bo menciona banda di bo sintoma pa cual originalmente bo ta pidi e cita- si bo tin un of mas pregunta pa haci dokter. Di e forma ey, un cita por wordo haci na e momento corecto y suficiente tempo lo wordo reserva, y asina ta preveni cu e tempo di espera ta sali for di man pa motibo cu spreekuur a tarda mas di loke a wordo planifica. Meta di triage E meta di triage ta pa determina e urgencia di bo sintoma (keho), esey ta nifica con urgente bo sintoma mester wordo evalua door di e dokter di cas. Banda di esey, triage ta yuda pa e practica di e dokter di cas funciona eficientemente, pa e calidad di e cuido wordo manteni y pa e tempo di espera wordo minimalisa lo mas hopi posibel, aunke cu bira hopi mas druk. Cu ayudo di triage, e dokter di cas ta haya un bon bista di e situacion di bo persona como un pashent y e dokter di cas por duna a base di triage- cuido bon y responsabel. Kico ta pasa den practica? Con cos ta bay den realidad den e practica di tur dia? E mayoria di e pashentnan ta yama na e oficina di e dokter di cas pa haci un cita. E cantidad di casonan urgente ta chikito; frecuentemente ta pasa e mayoria di e dianan sin cu tin un caso di urgencia. Ta miho detecta e emergencianan aki door di haci triage cu tur persona cu ta yama na telefon pa e dokter di cas? Sin triage e accesibilidad y disponibilidad pa e oficina di dokter di cas lo por baha pa e casonan di emergencia y esaki por hustamente causa un situacion peligroso pa pashentnan cu mester wordo atendi cu urgencia. Finalmente ta resulta for di e reportahenan di encuestanan haci bou di pashentnan cu -en todo caso- tin algun persona cu ta experiencia e triage como un experiencia incomodo y un drempel ora di yama pa haci afspraak na dokter. Esaki ta un forma di resistencia di pashent cual ta comprendibel, pero ta spera cu e splicacion tocante triage por reduci e resistencia. Dus ora e liña di emergencia di e dokter di cas ta wordo yama, triage ta hopi importante, y bon afspraaknan entre e asistentenan y e dokter di cas ta necesario pa asina evalua kico ta emergencia. Haci cita via number normal Pero con awor ora bo ta yama riba e number di telefon normal pa traha cita? E ora triage tambe ta importante. No semper un sintoma (keho) mester resulta den un bishita na dokter. Estudionan ta mustra cu 10 pa 40% di e sintomanan (kehonan) por wordo atendi telefonicamente cu conseho di e asistente of e dokter di cas cu ta yama bo persona bek. E asistente di dokter cu tin un bon formacion (estudio) por duna bo persona conseho basa riba afspraaknan haci dentro di e practica (y liñanan di cuido medico). Esey por nifica cu ainda bo persona lo mester bin un consulta, pero probablemente no riba e mesun dia of lo no mester bin mas den caso cu tur sintoma kita. Kiermen, ora e asistente di dokter di cas puntra bo persona pa bo sintomanan of kehonan, awor bo persona sa kico ta e motibo pa haci esaki. door di Solange Tchong Schildklier ta un klier den e area di bo garganta. E ta masha chikito mes y tin un forma parecido na un barbulet. Su tareanan ta hopi importante y ta encera pa yuda den un bon circulacion di sanger, desaroyo y crecemento di e curpa, yuda e batimento di e curason, percura pa e temperatura di e curpa, percura pa e estado mental/emocional y e ta yuda tambe cu e sistema digestivo. Pero e schildklier su tarea mas principal ta cu e ta responsabel pa e funcionamento optimal di nos sistema metabolico (e transportacion di diferente materia y of likido den nos curpa) y nos crecemento. Esaki nos schildklier ta haci door di los hormonanan di schildklier (tri-joodthyronine (T3), thyroxine (t4) y calcitonine) constantemente. Si e schildklier no traha debidamente, e por causa tur sorto di keho y sintoma. Deteccion Problema di schildklier ta aparece regularmente pero no tur ora ta facil pa detecta pa motibo cu e tin sintomanan parecido na otro malesa. Sin embargo, malesa di schildklier por wordo detecta bastante lihe na momento cu pone suficiente atencion na e sintomanan y test si en berdad ta trata di e schildklier. Importante ta pa trata esaki si, paso malesa di schildklier por aparece di chikito y inocente (por ehempel un schildklier grandi) te cu malesa di schildklier mas peligroso (por ehempel cancer). Den e articulo aki nos ta bay enfoca riba kico ta e sintomanan di problema (malesa) cu schildklier y dos malesa di schildklier bastante comun ; esta e hyperthyreoïde y e hypothyreoïde. Sintomanan of señalnan Ora tin un escases of exageracion den e funccionamento di e schildklier esaki por duna hopi diferente sintomanan. E por nifica cu tin demasiado of tiki hormonanan di schildklier cu ta wordo traha door di e schildklier mes. Tambe e por nifica cu e procesamento den e curpa no ta bay bon of cu e guia duna via e hypofyse no ta bay bon. E sintomanan tin ora ta parecido na di otro malesa sin embargo un combinacion di e sintomanan y un test di sanger por laga bo haya sa si en berdad ta bo schildklier mes no ta funcionando debido. E sintomanan of combinacion di sintomanan ta: dolor di garganta, cabey ta cay, mannan y pianan frieu, problema cu drumimento, dolor di musculo, gulimento dificil, stem hees, boca seco, sodamento, batimento di curason lihe, ta sinti cansa, suizmento den orea, manchanan riba cara (vitíligo), menstruacion iregular, irita lihe, diarree y mucho mas. Un hyperthyreoïde Ora e schildklier ta traha demasiado lihe e ta produci demasiado hormona. Esaki ta yama un hyperthyreoïde. Door di cu e schildklier ta traha demasiado hormona e ta acelera tambe e procesonan fisico y emocional di nos curpa. E sintomanan di hyperthyreoïde ta perdida di peso lihe, batimento lihe di e curason, nerviosismo, soda hopi, sinti cansa, dolor di garganta, problema cu gulimento, sinti constantemente manera bou presion, halamento di rosea cortico, perdemento di forsa den musculo, menstruacion irregular, problema cu drumimento, temblamento di mannan, tin ora un apetit halto (gana di come constantemente), ta irita lihe y un cuero cayente. Hyperthyreoïde ta aparece mas hopi cerca hende muhe cu hende homber. E diagnostico di un hyperthyreoïde por wordo haci door di un combinacion di dos test: saminacion fisico y test di sanger. E saminacion fisico ta encera cu e dokter di cas ta wak e schildklier for di pafor. Ora bo ta guli, bo por wak y fula e schildklier bon bon. E dokter di cas ta controla e tamaño y movecion di e schildklier. Tambe e por scucha e schildklier. Bo schildklier por produci un zonido y esey por resulta di ta un schildklier cu ta traha demasiado acelera. Via e test di sanger e dokter di cas por diagnostica mas miho su sospecho. Den bo sanger por midi e concentracion di TSH cual ta stimula e schildklier. Un balor abou den TSH ta nifica cu tin hyperthyreoïdie pa motibo cu tin demasiado hormona di schildklier den e curpa cual ta haci cu e hypofyse (esta e hersenklier) ta traha tiki TSH. Tratamento di hyperthyreoïde Tratamento di un schildklier cu ta traha demasiado lihe ta depende di e gravedad di e sintomanan como tambe e origen. E tratamento mas duna ta cu remedi unda e remedi ta percura pa e hormonanan di e schildklier baha. Generalmente tratamento cu remedi ta pa tempo largo. Ora tratamento no ta yuda of yuda suficientemente por uza tratamento cu jodium radioactivo. E jodium radioactivo ta wordo den forma di likido of capsula. Door cu e jodium ta radioactivo esaki ta percura pa destrui tehido di e schildklier. Menos tehido di schildklier ta nifica cu e funccion di e schildklier lo baha. Despues di tuma e jodium radioactivo 1 pa 2 dia di isolacion di e pashent ta necesario pa motibo cu e orina y sushi temporalmente tambe ta radioactivo. Otro tratamento ta operacion. Pa medio di un operacion un (gran) parti di e schildklier ta wordo kita cual ta haci cu e funcion di e schildklier ta baha. Operacion ta wordo haci ora e tratamento cu jodium radioactivo no resulta of ora tin un struma (un schildklier hopi/demasiado grandi). E tratamento aki ta percura pa e produccion di hormona di schildklier reduci. Un hypothyreoïde Por sosode cu e schildklier ta traha slow. Esaki por tin diferente motibo, por ehempel e TSH (esaki ta e concentración hormona di schildklier) den e sanger ta mucho halto of e T4 ta mucho abou y of e antistoffen tin ora ta halto. Naturalmente un situacion no desea pa e curpa cual por resulta den diferente kehonan manera: dolor di garganta, cansancio extremo, caymento di cabey, cabey ta bira fini, dolor di cabes of migraine, cuero seco of bleek, huñanan cu ta kibra lihe y ta tarda pa crece bek, depresion, colesterol halto, hinchamento di e schildklier (esaki yama struma ), batimento di curason slow, spatader, problema pa drumi, dolor di musculo, constipacion, vocht den enkel- y mannan, problema cu menstruacion, subimento di peso. Banda di e kehonan ya menciona tin otro sintomanan tambe cu algun pashent ta sinti pero cu ta wordo considera sintomanan menos comun y mas personal. Bou di e sintomanan aki tin: duizeligheid, problema di bijnier, stress cronico, grawatamento, cambio den presion di sanger, cambio di estado emocional (rabia lihe of yora lihe), hinchamento di e lenga, suizmento di orea, dolor di orea, boca seco, garganta diki/gordo, perdida di libido, hypersensitividad, falta di hero den sanger, sodamento hopi den anochi/ora di drumi, pishi cama, dolor di lomba, stem hees, reuma, oedema y lipoedema. Tratamento di hypothyreoïde Un schildklier cu ta traha slow ta wordo trata door di agrega hormona di schildklier pa medio di remedi. Generalmente e tratamento ta pa henter bo bida pa motibo cu problema of disfunccion di e schildklier no ta recupera nunca. E funccion di e schildklier por solamente regresa ora ta trata di un inflamacion (infeccion) di e schildklier of ora cu e schildklier no ta wordo bon guia door di e hypofyse (esta e hormoonklier den e celebro). Situacion local Un dokter di cas por haci test of laga haci test di sanger pa saca afor si en verdad ta trata di un problema of malesa di schildklier. Algun tratamento e dokter di cas mes por duna pero ora ta necesario e lo referi bo pa un internista. Cifranan di AZV ta mustra cu alrededor di 400 asegurado anualmente ta haya ayudo pa schildklier.

5 8 9 Preparando pa mi cita cu mi dokter di cas door di Dennis Rasmijn y Priscilla Tjon Kon Sang 2de leerjaar Huisartsen in opleiding Aruba Pa medio di e informacion aki nos ta informa bo persona con abo por prepara bo mes,pa asina e cita cu bo dokter por cana optimalmente/lo miho posibel den comunicacion y tratamento. Prome bo traha un cita cu bo dokter, bo mes lo por busca informacion y cuminsa trata e problema na cas mes y asina recupera mas lihe of hasta spaar un cita cu bo dokter. Nos ta recomenda: den Papiamento e site di AZV: kico mi haci awo? den Hulandes e site: bo salud 2 Tin otro kehonan/ problemanan pa puntra dokter awe? Normalmente dokter tin 10 minuut pa consulta. Si tin mas cu 1 problema, laga traha un dubbel consult cerca e assistent. Menciona tur bo kehonan na comienso di e cita, cuminsando cu esun mas importante. Bo dokter lo atende esaki prome y despues e otro problemanan; si tempo laga. 1 Kico ta mi keho/ problema principal? Semper ta bon pa sa exacto kico mester puntra dokter. Scirbi tur bo preguntanan of remarkenan riba un papel prome cu e cita. Comunicacion ideal durante cita: Sea honesto (comunicacion habri) cu bo dokter. Mas informacion bo duna bo dokter di bo problema, mas miho e por trata bo. Si bo no a compronde algo, vocifera bo mes/ bisa nos pa asina nos por duna splicacion atrobe. Tambe lo por traha un cita nobo pa un splicacion mas amplio. Nos kier bo bay cas bon informa! Si bo no ta di acuerdo cu loke dokter a bisa of a prescribi, vocifera bo mes, pa asina hunto por yega na un solucion satisfactorio. Emocionnan of preocupacionnan nobo por presenta durante cita; conta nos sin berguensa! YUDA NOS YUDA BO! 4 Kico mi a purba caba pa trata e keho aki? Diferente pildonan, crema, remedi tera, otro tratamento? 3 E problema(nan) aki ta trece preocupacion cune? Hopi biaha un problema por trece diferente preocupacion of pensamentonan cune, por ehempel bo mesun idea di e posibel causa di bo kehonan. Ta importante pa nombra esakinan na bo dokter. 5 Kico mi ta desea di mi dokter pa cu e keho aki Ta importante pa bo dokter sa bo deseo, ya asina e por tene consideracion cu ne ora di dunabo tratamento of conseho. 10 Punto importante di Famia Planea Aruba cu kisas bo no tabata sa! Den e edicion aki Famia Planea Aruba kier a pone enfasis riba 10 punto cu ta di sumo importancia pa abo como cliente. E puntonan aki ta relaciona cu diferente servicio, producto, pero tambe pa bo propio salud sexual reproductivo. 1. Bo tabata sa cu Famia Planea Aruba ta ofrece 8 diferente servicio na nos comunidad? Esaki ta varia entre: Facilita workshops completamente adapta na diferente scol. Brinda guia y sosten individual na hoben como tambe na mayor. Accesibilidad na informacion y metodo anticonceptivo na clientenan nobo y existente. Provee informacion pa proyectonan di scol. Provee consulta priva na diferente scol secundario Famia Planea On the Spot. Servicio di entrega (delivery) conhuntamente cu un online store pa asina por cumpra online y nos ta entrega esaki pa bo. Provee Online counseling via nos pagina di facebook y/of instagram. Haci referencia na otro organisacionnan si esaki ta necesario. 2. Bo tabata sa cu Famia Planea Aruba ta ofrece diferente metodo anticonceptivo como tambe productonan adicional? Opcionnan encuanto metodonan anticonceptivo ta varia entre: e pildo anticonceptivo, hangua di tur luna, hangua di cada pasa tres luna, spiraal (non-hormonal) y condom. E productonan adicional ta: prueba di embaraso, pildo di emergencia y lubricante. 3. Bo tabata sa cu 70% di nos poblacion cu ta haci uzo di un metodo anticonceptivo combina ta prefera e producto cu yama microgynon? Haciendo asina e pildo anticonceptivo aki esun di mas uza bou di nos pashentnan. 4. Bo tabata sa cu no ta bon pa bebe mas cu 2 pildo di emergencia pa aña, miho conoci como e morning after pill of emergency contraceptive? Un pildo di emergencia ta consisti di e mesun cantidad di hormoon den comparacion cu un luna di e pildo combina. Kiermen tumando un exceso di dosis di e pildo di emergencia por tin consecuencia pa bo curpa y cyclo menstrual. 5. Bo tabata sa cu Famia Planea Aruba tin miembresia gratis pa hobennan? Si, si bo ta un hoben bou di 21 aña di edad y bo ta posee di un carchi di AZV valido, esaki siguramente ta posibel. Ta depende di e producto di bo escogencia, si mester di un receta di bo dokter di cas adicional of no. 6. Bo tabata sa cu Famia Planea Aruba tin un metodo anticonceptivo specialmente pa mamanan cu ta duna pecho? E producto aki ta conoci como e Mini Pill y no lo afecta e baby via e lechi di pecho. 7. Bo tabata sa cu cada consulta cu e pashent ta completamente confidencial y anonimo? Esaki ta pa establese y garantisa un relacion di confiansa cu e pashent/cliente. 8. Bo tabata sa cu metodonan anticonceptivo hormonal por yuda bo cu bo ciclo menstrual? E metodonan hormonal por yuda bo controla y disminui dolornan di menstruacion. 9. Bo tabata sa cu e pildo di emergencia NO ta un pildo abortivo (abortus pill)? E proposito di e pildo aki ta pa preveni fertilisacion, esaki kiermen cu e simia di e hende homber (spermacel) y e webo di e hende muhe (eicel) NO ta topa otro. Si acaso fertilisacion ya a tuma luga, e pildo menciona no lo tin niun efecto mas. 10. Bo tabata sa cu e unico metodo riba mercado pa e ser masculino ta e condom? E condom ta e unico producto anticonceptivo cu ta proteha no solamente contra un embaraso pero tambe contra malesanan transmiti sexualmente. Pa mas informacion por pasa of yama libremente na oficina di Famia Planea Aruba situa na Bilderdijkstraat 16 Unit 4 Oranjestad for di dialuna pa diabierna di 8or am te cu 4or pm, telefon Tambe por manda mail na famiaplanea@hotmail.com of bishita nos website of Facebook

6 10 11 Vaping door di Fundacion Anti Droga Aruba Kico ta vaping? Vaping ta e inhalacion y exhalacion di aerosol cu mayoria biaha ta wordo referi como vapor, cual ta wordo produci pa un e-cigarette of un aparato similar. E termino vaping ta wordo uza paso e e-cigarette no ta produci huma di tabacco, si no un aerosol cu frecuentemente ta wordo confundi pa vapor di awa. E-cigarette E-Cigarette ta un aparato electronico cu ta stimula e experencia di huma sigaria. E ta funciona door di keinta un likido cu ta genera aerosol of e termino mas uza vapor cu ta wordo inhala pa e usador. E uzo di E-Cigarette (sigaria electronico) generalemente ta wordo referi como vaping. Generalmente un aparto di vaping ta consisti di un bokiya, un bateria, un catridge cu ta contene e likido of E-Juice y Tipo di producto Prome Generacion (First generation) Nomber Sigaria Electronico (E-Cigarette) Sig-A-Like Minis un componente di califaccion (heating) pa e aparato cu ta wordo sendi cu bateria. E -E-liquid cu ta wordo uza den productonan pa vaporisa mayoria biaha ta contene propylene glycol of likido basa riba glycerin di berdura cu ta contene nicotina, diferente sabor, kimico y metalnan pero no tabacco. Tin hende cu ta uza e aparatonan aki pa vape THC (marihuana) of hasta droganan sintetico manera flakka en bes di nicotina. Adiccion na Nicotina Adolescentenan ta mas vulnerabel na adiccion compara cu adulto. E motibo di esaki ta cu ainda e celebro di un hoben ta den desaroyo (te cu 25 aña). Mas jong un persona purba nicotina of cualkier otro kimico adictivo, mas chens tin pa e persona aki bira adicto. Nicotina por interumpi desaroyo di e celebro y interveni cu Caracteristicanan Fisicamente similar na sigaria Ta obtenibel den forma desechabel y recargabel Ta cende luz ora usado inhala Bateria ta dura menos cu un aparato pa vape di e generacion nobo Generalmente menos costoso e funcion cognitivo. Mayoria di e apartonan pa vape ta contente cantidad halto di nicotina. E hecho ta cu un pod di e aparato mas famoso actualmente pa vape cual ta JUUL, ta contene nicotina ekivalente na 1 paki di sigaria completo. Ademas di nicotina e aparatonan aki ta contente otro kimiconan toxico cu por pone salud di un persona na riesgo. Ta berdad cu e humamento di e-cigarette ta un tiki mas safe pa uza compara cu huma sigaria pero e percepcion cu e no ta haci ningun daño ta completamente robes. Bo salud ta na riesgo! Contacto cu F.A.D.A E team dinamico di F.A.D.A. ta na bo alcanse di dialuna pa diabierna di 8:00 am te cu 4:30 pm. Pa cualkier pregunta of informacion pasa libremente na Campanastraat #5 Dakota of yama nos na door di Solange Tchong Enfoke Aña 2019 ta un aña unda AZV ta enfoca riba varios punto cu merece no solamente atencion extra pero kisas hasta un cambio. Laga nos comparti cu boso kico exactamente AZV kier nifica pa Aruba. Nos vision ta pa bira e seguro nacional lider den Caribe ofreciendo servicio profesional di e nivel di mas halto posibel riba tereno di cuido medico, na un manera eficiente y efectivo na nos miembronan y nos comunidad di Aruba completo. E vision aki nos lo yega door di constantemente boga pa e miho cuido medico posibel y pa medio di e colaboracion cu nos dunadonan di cuido y tur stakeholders den e ramo di prevencion y salud. Gastonan di cuido Hopi biaha nos ta scucha cu nos ta gasta hopi placa na cuido. Ta papia aki di un fondo di AZV unda 427 miyon florin ta bay pa gastonan di cuido). Pero na mes un momento, si nos ta compara cuanto nos ta paga na cuido cu por ehempel otro islanan of hasta compara cu Europa of Merca, bo ta wak cu nos gastonan ta relativamente abou. Esey no ta nifica cu nos no ta traha duro pa maneha e gastonan den nos trabou diario. Tampoco e ta nifica cu nos mester los laga bay. E ta keda responsabilidad di cada un di nos pa haci lo 2019 maximo posibel pa hiba un bida mas saludabel posibel. AZV mester tey como e ultimo recurso, ora malesa a bati na porta no obstante con bon nos a cuida nos mes. Aña 2019 Den 2019 nos ta enfoca riba 10 punto pa motibo cu nos ta hiba e pensamento cu ta miho enfoca riba 10 punto cu haci por ehempel 20 mita mita. Den e edicion aki lo nos duna informacion di tres punto di atencion. E prome enfoke ta prevencion. Nos ta inverti placa den por ehempel Stichting BOB Aruba esta e programa di deteccion tempran di cancer na pecho. Nos ta inverti den e introduccion y ampliacion di praktijkondersteuners. Esey ta e personanan cu a haci un estudio speciaal (HBO) pa yuda, entre otro e pashentnan diabetico. Tambe nos a inverti den diferente programa manera Biba Saludabel Awor, nos participacion na e Plataforma Promocion di Salud y nos revista Pulso cu pa casi 10 aña consecutivo ta informando nos comunidad riba e tereno di prevencion y cuido medico en general. DANKI Hunto cu Pan American Health Organisation (PAHO) y Departamento di Salud, AZV ta trahando riba un plan nacional pa e Non Communicable Diseases, esta malesanan no transmisibel manera hipertension, diabetes y obesitas. E idea lo ta pa fin di 2019 tin un plan strategico cla cu lo por wordo posiblemente ehecuta den Otro inversion ta e evento manera Aruba Health Fair, un feria di salud pa conscientisa pueblo pa biba un bida saludabel. Cuido medico den exterior E segundo punto di enfoke ta e cuido medico den exterior. AZV a tene algun session pa haya sa con e proceso ta bay y ki experiencia e aseguradonan tin na Colombia. Meta di e sessionnan aki ta pa AZV yega mas cerca y scucha kico ta bay bon y kico por mehora. Hunto cu e clinicanan di exterior lo kier yega na miho colaboracion y miho comunicacion. Cuido pa nos grandinan E tercer punto di enfoke ta e idea pa bay pasa cuido di nos grandinan bou di AZV. Actualmente esaki (asina yama intramurale verpleeghuiszorg ) no ta regla den e Ley AZV. E proyecto aki lo mester regla esaki. Ta busca e conexion cu Ministerio, DWJZ y mas cu claro tur partidonan den e ramo. E intencion ta pa cuminsa dentro di poco cu e procedura formal di cambio di ley. Den e siguiente edicion lo sigui elabora riba e otro puntonan di enfoke. Segundo Generacion Tercer Generacion Vape Pen Mid-sized-Hookah MODs (Mechanical Modified Nicotine Delivery systems) Vape MODs /personal vaporizer Afkorting pa Vaporizer pen Obtenibel den diferente size Aparencia diferente na un sigaria Fini manera un pen Obtenibel den forma desechabel y recargabel Por yena esaki bek cu E-juice/E-liquid Mas grandi den forma y size Ta inclui opcion pa modifica Bateria cu capacidad mas grandi y bateria reempazable Tipicamente recargabel Hookah Electronico Version electronico di Hookah hean y Hookah Bowl JUUL Parecido na un USB Obtenibel den diferente smaak y to wordo bendi como PODS Diseño sutil y elegante cu por sconde facilmente di mayornan of maestronan Por wordo recarga via cualkier computer of aparto cu tin un USB port.

7 12 13 Cera conoci cu dokter di cas Lea Vink Dokter Lea Vink Santa Cruz 56 T: F: Lea Vink ta bin biba na Aruba for di tempo cu e ta hopi chikito. Akinan e ta sigui tur su añanan di scol. Na 2005 e ta bay studia Medicina na Bogota, Colombia. E estudio a dura 6 aña di cual den e ultimo aña e ta bay stage na Hulanda pa 6 luna y asina prepara su mes pa e trayecto di BIG-registratie. Den e añanan di su estudio na Colombia tambe e ta cumpli den e funcion di persona di contacto entre e embahada Hulandes y tur e portadornan di paspoort Hulandes na Colombia. Na 2012 Lea ta gradua na Colombia. E ta bay biba 2 aña na Hulanda caminda e ta obtene su BIG y ta haya oportunidad di traha na diferente hospital. Ta durante e periodo ey tambe cu e ta haya e chens pa traha cu un dokter di cas na Rotterdam y ta na e momento ey cu e ta realisa cu esaki ta locual e lo kier haci pa resto di su bida. Na december 2014 e ta bolbe Aruba y ta traha pa un aña largo na Dokter Horacio Oduber Hospital como zaalarts riba departamento di cirugia. Na 2016 e ta drenta e opleiding di dokter di cas cual ta wordo duna na Aruba mes via ImSan. Un programa di 3 aña bou supervision di VuMC di Amsterdam, Hulanda. E prome aña Lea Vink ta haci su stage cerca dokter Anthony na Santa Cruz y ta acerca AZV e momento ey tambe pa vocifera su interes pa den futuro keda traha den Santa Cruz. E di dos aña tin diferente stage, entre otro na Spoed Eisende Hulp, na SABA y na PAAZ cual awor ta Respaldo. Den su di tres aña e ta stage cerca dokter Diantha de Cuba na Dakota. Asina pues 3 aña despues Lea Vink ta cla pa start riba su mes y lo cuminsa traha desde 1 di mei na oficina di dokter Edwin de Cuba, kende a yega su edad di pensioen. Lea Vink lo keda situa na e mesun lugar cual ta ideal pa e continuidad den cuido. Lea Vink cu su experiencia como medico di region kende a haci e specialisacion di dokter di cas bou di e sistema Hulandes na Aruba, ta haci cu e tin e conocimento amplio y sa di combina tur dos sistema na e momento cu e pashent su situacion ta rekeri di esaki. Finalmente, dokter Lea Vink ta bisa: Mi ta contento cu porfin despues di un trayectoria largo mi ta bek na mi pais cu e intencion pa duna bon cuido, oportuno y den mi idioma, cual ta algo crucial pa tin un bon relacion medico pashent. Esta dushi e receta di Lucy! Tur dia e mesun pregunta..kico nos ta come awe? Na Aruba nos gusta un bon sopi. Nos tin varios sopi crioyo pero de vez en cuando nos ta experimenta pa trece algo diferente na mesa. Den e edicion di Pulso aki mi ta yuda bo experimenta cu un sopi Mexicano di maishi geel. Y mas cu claro uno facil! Sopi Mexicano di Maishi Geel Ingrediente: ¼ cup azeta di oleifi 6 cup di maishi na pipita (por uza esun di bleki tambe), laga un tiki pa decoracion. 1 cup di ciboyo corta chikito 1/8 teaspoon di puiro chili (por pone ¼ si ta gusta un poco mas pika) Salo (sea salt) y black pepper na gusto 2 tenchi conoflok 4 cup di bouillon vegetal ½ cup sour creme ½ cup keeshi parmesan 1 cuchara di juice di lamoenchi 1 telep lime zest 2 cuchara di cilantro corta chikito Preparacion: Keinta e azeta y hasa e maishi, ciboyo hunto cu e puiro chili, e salo y e black pepper y cushin e pa mas o menos 10 minuut. Agrega e conoflok y cushin e pa 1 minuut. Kit e for di candela y agrega e bouillon y e maishi y despues lag e cushina riba candela abao pa 20 minuut. Agrega e sour creme y e keeshi den e sopi pa despues blender e (of por uza un food processor). Pone e sopi bek den un weya riba candela pa keint e atrobe agregando e lamoenchi, cilantro y si ta desea por pone mas salo, pepper y puiro chili. Ora di sirbi e sopi ta strooi pipita di maishi, e lime zest, cilantro y keeshi parmesan riba dje. Por sirbi e sopi aki cu stokbrood. Bon appétit! Lucy Lacle Strijdhaftig

8 14 15 Salud Santé Gezondheid Noticianan Internacional Noticia internacional compila door di S. Tchong Merca Hopi hende, vooral hende muhe, ta haci uzo awendia di e asina yama productonan pa cuido femenino y higienico manera e papelnan wipes intimo, gel pa tuma un ducha intimo y deodorante intimo cu e meta pa sinti mucho mas limpi of fresco. Pero e pregunta primordial ta si e productonan aki realmente ta yuda e higiene y salud genital? E escritora y investigadora M. Cuhut a dicidi di haci su estudio usando informacion (cifranan) di Merca. Na prome luga e ta corda e lesnan di biologia y cuido personal. Durante un di e lesnan un compañera a trece dilanti cu e ta haci uzo di e ducha intimo casi tur dia pero asina mes a haya un infeccion vaginal masha pisa. E maestra a splica e ora cu aunke e productonan aki ta riba mercado, toch nan por causa daño ora bo uzanan demasiado pa motibo cu nan ta kita e ekiliobrio di e ph di e vagina. E pregunta a keda e ora si esaki ta of no ta verdad. Estadistica Estadisticanan ta mustra cu den 2017 e productonan pa higiene genital femenino ta trece millones di dollar den economia, unda China y Merca ta lidera. Por ehempel den 2018 e bentanan pa producto pa tratamento of cuido vaginal tabata surpasa 286 miyon dollar y 41 miyon dollar tabata na producto di ducha vaginal so! Entre tanto, otro productonan pa e cuido vaginal excluyendo pantyliners, maandverband y tampons- tabata trece mas cu 309 miyon dollar den e economia. Opinion medico Sinembargo, ultimo añanan mas y mas mediconan y scientificonan a cuminsa discuti cu e cuido vaginal mester wordo considera como un cuido automatico pa motibo cu e vagina ta un self-cleaning oven. E idea ta referi na e hecho cu e vagina ta produci di su mes un descarga cu ta consisti di celulanan morto y bacteria, pues no tin ningun necesidad di uza habo, wipes of duchanan intimo. Pero segun expertonan medico, pa compronde e materia aki bon, bo mester corda cu tin un diferencia entre e vagina y e vulva. Segun terminologia medico, e vagina ta e musculo interior cu ta contrae desde e cervix te cu e buraco di e vagina. E vulva ta e parti exterior di e genital femenino, esta e lipnan chikito y grandi (yama originalmente labia minor y mayor ), e clitoris (e glans clitoris cu ta e parti di pafor) y e clitoris Hood (e capa protehando e clitoris glans), e vestíbulo (cu ta rond di e buraco di vagina) y e buraco pa pishi. Dos aspecto Pa mantene e vagina y vulva saludabel, mester tene cuenta cu dos aspecto importante cu mester ta continuamente den balance: esta e ph, cual ta un midimento pa calcula e acidez of alkaline y e balance bacterial. Estudionan ta mustra cu generalmente e ph di vulva ta varia entre mientras e ph vaginal ta varia segun e persona su edad y fase di su ciclo menstrual. Prome un persona yega e edad reproductivo y haya su menstruacion e ph vaginal ta 7 (neutral), mientras un persona cu ta den edad reproductivo lo tin un ph vaginal di Despues di menopauze, e ph vaginal ta bolbe cambia dependiendo si ta haci uzo tambe di terapianan pa reemplasa hormona. Berdad of no? Biniendo bek riba e pregunta primordial, kico tin di berdad of no berdad dentro di e higiene di vagina y vulva wel, den e vagina e populacion di bacteria ta cambia dependiendo di e fase di e ciclo menstrual y segun algun estudio, depende tambe di ki etnicidad bo ta paso esey ta pone cu tin diferente microbiota vaginal. Pa loke ta e microbiota di e vulva, expertonan a haci algun estudio pa determina cua tipo di bacterianan ta den e vulva y con esakinan ta mustra. E estudionan no tabata mucho pero esnan cu a wordo haci ta sugeri cu e vulva tin bacterianan natural igual cu tin den e vagina y hasta algun sorto cu bo ta haya den e af di persona tambe. Sinembargo, tin un solo estudio cu ta conclui cu e vulva ta hopi compleho cu loke a pensa, y cu populacionnan di bacteria den e vulva ta varia masha hopi mes bou di tur persona. Conexion Recapitulando e informacion y considerando cu no sa mucho ainda tocante e salud vulvovaginal, esaki ta nifica cu no tin un solo contesta riba e pregunta si ta verdad of no verdad cu e productonan pa higiena vaginal ta malo. Sinembargo, expertonan ta wak un conexion si entre e uzo di productonan pa higiena femenino vaginal y e desaroyo di infeccionan vaginal y aki ta unda a yega na algun conclusion fuerte tocante kico mester evita ora di cuida bo vagina y vulva. Bañamento cu ta inclui flushmento di e vagina cu awa of otro likido manera vinager ta wordo considera insaludabel. Varios estudio a conclui cu e bañamento interno aki ta altera e balance natural di e bacterianan den e vagina, haciendo e vagina mas vulnerabel pa infeccion incluyendo e riesgo pa haya cancer cervical y malesanan inflamatorio di pelvic. Mas conexion Den 2018, investigadonan di e Universidad di Guelph, na Ontario, Canada, a conclui cu e uzo di gel sanitizers tabata conecta na e crecemento di riesgo pa un persona desaroya infeccion vaginal, y casi 20 biaha mas halto e riesgo pa haya infeccion bacterial. E mesun estudio tambe a haya sa cu tin un conexion entre e uzo di e bañonan intimo y un riesgo 3.5 biaha mas halto di haya infeccion bacterial, y un riesgo dobel mas halto di haya un infeccion di e tracto urinario (UTI). E scientificonan a ripara un conexion similar entre e uzo di wipes y infeccionnan di e tracto urinario. Segun e expertonan, e productonan aki ta preveni e crecemento di bacterianan saludabel den e vagina y vulva cual ta necesario pa bringa contra infeccion. Nos sociedad a crea e idea cu e genital femenino ta sushi y e comercializacion (mercadeo) di productonan pa higiena vaginal a contribui na e idea cu hende muhenan mester di nan pa alcanza e situacion ideal mientras eigenlijk nan ta contribuyendo mas na e problema. Kico por haci? Segun e oficina Mericano pa Salud di Hende Muhe e ta miho pa laga bo vagina mes haci su trabou y pues haci su mes limpi pa medio di su descarga natural cu e ta produci. Si un hende muhe ta preocupa paso e descarga vaginal ta cambia di color of ta haya un holor straño, e ora ta recomendabel pa laga check cerca un dunado di cuido si acaso ta trata di un potencial infeccion. Aunke hopi hende ta preocupa tocante e holo di e vagina y kier elimina esaki, e ta normal pa vagina tin un holo unico. Y pa e cuido di e vulva? Kinan tambe e liñanan di cuido ta bisa pa no laba e vulva dimas (dus no mas cu 1 biaha pa dia). E vulva tambe tin su mesun funcion. Si bo laba esaki dimas cu habon, e por causa cuero seco y iritacion. Ta miho pa uza habonnan substituto manera aqueous cream y evita di frega cu spons y tur otro tipo di instrumento cu tin. Djis pat dry gentilmente mes ta suficiente. Fuente: categoria Women s Health Alimentacion di mucha den temporada di vakantie door di Kidneys297 Cuida su alimentacion. 1. Durante di vakantie un mucha por subi di peso ( ½-1 kg ) si e no come un alimentacion balansa y no haci suficiente actividad fisico. Stimula p e ta activo tur dia por lo menos 1 ora: p.e. core bicicleta, hunga bala, bula cabuya, cana den mondi, haci un speurtocht of bay lama cu ne. 2. Evita pa e mucha come dilante un screen. Esaki por haci cu e no ta come consciente y mayoria biaha di mas. 3. Si toch bo kier treat algo dushi of di smaak pa come, percura pa ofrece alimento saludabel durante e resto di dia p.e. batido di fruta y salada di berdura. 4. Ofrece mas variedad di fruta y berdura. Probecha pa haci e cuminda mas atractivo y colorido. Por haci bon uzo di fruta local y di temporada: mango, sorsaca, casho. 5. Purba di mantene orario fiho pa come: por lo menos 5 biaha pa dia di cual 3 ta e cumindanan principal y 2 pa snack saludabel entre e cumindanan (p.e. frio di mango of un man yen di druif, mini tomati, concomber corta na bloki). 6. Ora di bay come afo sea atento: e luga mester ta safe pa mucha y e cuminda prepara higienico. 7. Percura pa semper tin cuminda saludabel na cas. No tur fastfood of cuminda cumpra ta (necesariamente) malo, pero evita cu e ta bira un custumber cu ta pasa regularmente. 8. Controla porcion: Scoge semper pa e paki mas chikito di bebe (juice 100%) of di come (sakito di chips). 9. Ofrece hopi awa pa bebe na luga di juice of refresco. 10. Duna mucha tempo pa e come su cuminda, e ta bira mas consciente di kico y cuanto e ta come. Come hunto na mesa na oranan fiho.

9 16 Aruba Health Fair 2019 door di AHF team Cu un satisfaccion enorme e team di Aruba Health Fair ta wak atras na e evento aki cu a tuma luga riba diasabra 8 di juni Aruba Health Fair a ranca sali 4 or di atardi y ya e ora ey e prome bishitantenan di e feria a yega. Cu 83 tent di informacion incluyendo diferente demostracion di deporte, baile y zumba, AZV por mira bek na un evento hopi exitoso. Hopi tabata e comentarionan positivo tocante e workshopnan cu a wordo teni. Bishitantenan a haya esakinan interesante, interactivo y hopi varia. Anto pa e bishitantenan cu a pasa na e tentnan di cuminda wel, nan a haya chens pa purba e miho cumindanan vegetariano di Aruba manera un paté di berehein y taco s cu diferente ingredientenan saludabel. AZV ta convenci cu a logra su meta di yega cerca di e asegurado y ta spera cu e Aruba Health Fair a logra inspira cada bishitante pa haci e cambio den su estilo di bida; esta di pone den practica tur loke a wordo splica y demostra. Na final di dia esey ta e unico aspecto cu ta conta! AZV ta spera profundamente cu e Aruba Health Fair tabata tin un impacto positivo y cu hunto ta bay traha na un miho salud di Aruba. E team di Aruba Health Fair cu ta consisti di varios empleado di AZV y nan respectivo boluntarionan ta gradici Aruba pa su asistencia na e Aruba Health Fair. Sin boso participacion e Aruba Health Fair lo no a bira un exito. Igualmente un palabra di danki ta bay na tur patrocinador cu a yuda AZV di un manera of otro pa por a organisa Aruba su prome feria di salud. Danki! Colofon: Pulso ta un proyecto di departamento di Informacion & Comunicacion di Organo Ehecutivo AZV. E ta un corant gratis cu tin como meta pa informa y conscientisa e aseguradonan riba nan seguro AZV. Tambe e tin como meta pa informacion yega na e aseguradonan tocante diferente topico di salud na Aruba y internacionalmente. Bo tin algun comentario, pregunta of sugerencia? Comunica cu nos na: info@uoazv.aw Tambe bo por yama nos na: Organo Ehecutivo AZV Rumbastraat 21 Tel. (297) Pa mas informacion bo por bay: Redaccion: Diandra Alders Joost van de Kamp Lucy Lacle-Strijdhaftig Magaly Tobel Solange Tchong Colaborado: Centro di Memoria Fundacion Anti Droga Aruba Famia Planea Aruba Fundacion Siñami Paso Pa Paso Aruba Sheryl Croes Arends Studenten in Opleiding tot Huisarts Redaccion final: Solange Tchong Fotografo: Contribucion di e fundacionnan Team Aruba Health Fair Joost van de Kamp Solange Tchong Diseñador: Gerardo Perdomo Imprenta: Interprint N.V. Van Leeuwenhoekstraat 26 Oranjestad Aruba Siguiente edicion: 16 di september 2019 Derecho di autor Tur derecho reserva. Ningun parti di e edicion aki por wordo multiplica, copia y/of publica sin e aprobacion previo y por escrito di e redaccion di Pulso. Aunke e edicion aki a wordo compila cu hopi cautela, e redaccion di Pulso y colaboradonan, no ta acepta responsabilidad pa daño causa pa motibo di eror y/of imperfeccion den e edicion aki. Opinionnan vocifera den e articulonan no necesariamente ta refleha e opinion di gerencia di AZV.