Entrevista cu Adrian Ian Philip, tata di 6 yiu.

Transcript

1 Entrevista cu Adrian Ian Philip, tata di 6 yiu. Tin hopi mama cu ta hacienda un tremendo trabou. Tin ta bisti te hasta dos petchi, esun di mama y tata. Pero, tin hopi tata ey fo cu tambe ta hacienda un tremendo trabou! Tin biaha e enfoke ta riba e tata cu no ta tuma su tarea di mayor na serio. Esaki ta pone cu e tatanan ehemplar cu si ta dedica na nan yiunan/famia ta wordo lubida. Pa e motibo aki nos ta pone tatanan den spotlight den e edicion aki di Apoyo. Adrian Ian Phillip, ta comparti su experencianan como tata. Conta nos un tiki tocante bo famia. Mi famia directo ta consisti di seis persona, ami, mi casa, tres yiu muhe y un yiu homber. Nos yiu homber tin 2 aña y nos yiu muhernan ta 11, 14 y 15 aña. Tambe mi tin dos yiu adulto. Un yiu muhe di 23 aña y un yiu homber di 26 aña. Nos tin un laso hopi fuerte cu otro. Nos ta un famia uni y contento. (Continucacion na pagina 2 )

2 ( Continuacion entrevista cu Adrian Ian Philip) Cuanto ora bo ta dedica na trabou den un dia? Mi ta dedica 6 ora diariamente y e resto ta dedica na mi cas y mi famia. Den bo bida diario bo tin diferente rol. Na prome luga, bo ta un individuo, banda di esaki bo ta tata, pareha y trahador. Con bo ta balansa esaki? Bo mester pone cosnan den perspectiva prome. Mi famia ta bin prome cu tur cos. Mi trabou ta na di dos luga. Por ehempel, si tin un situacion na cas, mi lo laga tur cos un banda y bay cas pa resolve locual ta sosodiendo. Situacionnan asina raramente sa sosode, pero ora e sosode, mi ta zorg pa mi t ey. Pues, mi famia ta bin prome, despues mi trabou y locual sobra ta pa otro cos. E ta un balansa unico y esaki ta funcciona pa mi. Mi no sa si e lo funcciona pa otro tata, pero pa mi si e ta funcciona. Si mi mester haci algo despues di trabou, mi ta tuma maximo dos ora, pasobra despues mi kier ta serca mi famia. Mi ta disfruta pa ta huntu cu mi famia. Dicon un tata ta asina importante den bida di su yiu(nan)? Un mucha ta mira su tata como un idolo, e ehempel. E tata ta e backbone di e famia y mi ta pensa cu si e tata no t ey e mucha ta realisa cu su mama ta haciendo muchu cos riba su mes, p esey ta importante pa e tata t ey. Si algo sosode e tata t ey pa resolve e problema huntu cu e mama. Kico bo ta haya un challenge den educacion di e yiu(nan)? Mi ta pensa cu for di ora e yiu ta un baby te cu su shete aña educacion ta mas facil. Pero despues di esey educacion por cuminsa bira un reto. Muchanan awendia ta sigi loke nan ta mira riba (social)media. Como tata bo por spera sierto cosnan di bo yiunan creciente. Nan ta wordo influencia door di nan amigonan, television y internet, pues, pa mi e reto ta desde e edad 7 aña te cu 15, 16 aña. Regla y structura ta hopi importante ora bo ta educa un mucha. Bo no por duna nan muchu libertad. Bo mester mustra e yiu ken ta manda na cas. Tin reglanan na cas y den nos famia bo tin cu sigi nan. 2 Ta wordo bisa cu mucha chikito ta tuma hopi energia fisico di su mayornan y un tiener ta tuma energia emocional di su mayornan, bo ta di acuerdo cu e esaki? No, mi no ta di acuerdo. Di baby te ora e mucha bira grandi bo ta having fun. Ora nan ta baby nan ta kita cos for di riba mesa, mishi etc. Ami ta haya e cosnan aki pret. Mi ta hay e interesante pa mira. E parti emocional ora ta trata tiener ta ora nan haci sierto cosnan

3 cu bo no ta aproba y ora nan no kier sigi bo reglanan. E or ey e parti emocional ta presenta pasobra bo ta pensa, mi a dun e tur cos, pues dicon e yiu aki ta desobedeciendo mi reglanan? Bo tin cu busca un manera pa copera cu esaki. Purba di no grita y hisa man. Ta importante pa pone reglanan cla. Por ehempel, e muchanan no por hangout rond di cinema te 10 or di anochi, esey no por. Not happening! Si e palabracion ta 8.00 or y nan kier keda un tiki mas laat, mi ta negocia cu nan. Nan por keda te 8.30 of 9.00 or y no mas laat cu esey. Si nan kibra e palabracion nan ta haya straf. Con bo ta recompensa e muchanan? Esaki ta e parti di mas bunita y cu mi ta gusta. Ora nan haci algo bon mi ta mustra nan esaki. Por ehempel, si nan a completa nan tareanan di cas y nan resultado di scol ta bon, nos ta bay un restaurant of nos ta ordo pizza y organisa un movie night huntu como famia. Nos ta pasa tempo huntu. Tin ora sa tin argumento entre e muchanan, e or ey ami ta intermedia pa bring the peace. Pues, ora nan haci algo bon, recompensa nan. Pasco, por ehempel, mi a cumpra ipads pa mi tres yiu muhernan. (Mi ta consciente cu no ta tur famia por cumpra 3 ipad pero tin otro forma di recompensa) Mi mester a negocia esaki prome cu mi casa, pasobra e no tabata kier gadgets den cas. P e e computer y television tabata suficiente. Pero mi tabata asina impresiona cu e rapport di mi yiunan cu mi mester a regala nan un ipad pa pasco. Pues, pasco mainta nan tabata habri nan regalonan, nan a haya sapato, paña etc. despues cu nan a habri esakinan mi a bin cu tres regaldo extra. Nan tabata hopi contento! mi a Make their Christmas pero mi no a Make mi casa su Christmas! E no a aproba e ipads. Mi a splic e e motibo pakico mi a haci esaki y cu e ta un bon idea pa nan tin conocimento di technologia nobo sino nan por keda atras eventualmente. Nos a pone regla pa uso di esaki. Anochi e ipad mester ta paga. Nan por ta den kamber bou di klechi den nan gadgets sin cu bo sa. Si nan deshaci, nos ta hiba e ipad den nos kamber of nos ta paga WiFi. Tambe nos ta check e history y nos sa nan password. Pues, nan por use, pero tin regla y si nan no sigi e reglanan e or ey nan no por tin acceso na dje. Con Adrian ta pasa quality time cu e muchanan? Nos ta haci diferente cos. Nos sa bay cinema, laman, cana den parke y nos ta haci quiz huntu. Nos tin un pro den matematica den famia, cual ta mi yiu muhe mayor Jamila. Ami no ta bon den matematica pues hopi biaha ami ta delaster pa caba. Tambe nos ta bay riba vakantie dos 3

4 ( Continuacion entrevista cu Adrian Ian Philip) bez pa aña. E aña aki nos a bay Orlando/ Miami y nos a bay Suriname. Bo sa haci algo individual cu cada yiu? Si. Esun di 14 ta laga mi drenta e tiendanan cu ne y mustra mi e pañanan cu e gusta y e ta puntra pa mi opinion, pues, e kier pa mi ta envolvi den escohencia di e pañanan. Ora mi bay cinema cu esun di 15 aña, e kier pa mi cumpra popcorn y sinta keto. Esun di 16 aña gusta pa nos bay haci compras huntu. Ora mi bay shopping cu ne, mi rol ta pa mi ta keto, siguie den tienda y dun e mi kaarchi bancomatico pa paga. Pues cada un tin nan manera con nan kier pa mi ta envolvi cu nan. Kico un tata mester haci pa su mes? Un tata mester tuma tempo pa su mes. Diabierna mi sa bay un restaurant di un amigo di mi. Nos ta sinta come y bebe algo y combersa un rato. Riba diadomingo mi sa bay core den parke un ora y mey. Tin biaha mi ta cana y tin biaha mi ta core. Ta importante pa bo ta leu for di bo famia pa un rato. Bo ta haya nan falta y ta na un momento asina bo ta aprecia bo famia mas. Ora mi ta coriendo, mi ta mi so y pa un rato mi ta sinti cu mi ta mi so, pero despues mi ta corda cu mi tin un famia bunita cu mi stima ta wardando mi na cas y na un momento asina mi no por warda pa yega cas bek. Pa finalisa e entrevista, Adrian ta comparti un mensahe cu otro tatanan. Sea un tata ehemplar pa bo yiu(nan) Hasta si e no ta bo yiu di sanger, sea un tata pe. Ta un lider pa e mucha y educ e. No maltrata mucha, nunca haci esaki. Tatanan cu tin un temperamento mester haya ayudo. Mucha ta algo bunita, nan ta net un spons. Abo ta su rolemodel pues, ora nan busca e bon ehempel, bo tin cu ta sigur cu bo ta duna nan esaki. Pues, tur e tatanan ey fo, stima bo yiu, tene pasenshi, tene bo yiu safe, siña bo yiu cosnan y nunca maltrata bo yiu. Ami tin zero tolerancia pa mayornan cu ta maltrata nan yiu(nan) mi ta contra di esaki. Tambe mi ta hopi cuidadoso serca ken mi yiunan ta bay, pasobra mi no kier pa nan haya nan mes den un cas unda tin violencia of abuso. P esey mi ta tene mi famia serca di mi. Pues, tatanan, sea un tata pa bo yiu, bo lo mira e fruta di bo cosecha un dia. 4

5 Berguensa pa sali cu bo yiu? Kico bo por haci? Prome cu sali for di cas, informa bo yiu kico boso ta bay cumpra y enfatisa cu boso no ta bay cumpra, por ehempel, mangel. Purba di tene bo mes na e regla. Palabra reglanan prome cu sali for di cas, por ehempel, no ta core ni grita den supermercado of, mester cana banda di mami of papi. Traha un lista di e cosnan cu bo ta bay cumpra. Ora boso ta den supermercado, menciona e articulonan cu bo tin mester y duna e yiu e tarea pa yuda bo busca/mira e productonan aki. Esaki ta desvia su atencion di e mangelnan. Tambe por opta pa duna bo yiu un lista di articulonan cu bo tin mester, cu imagen di e articulo asina e por reconoce nan. Bo yiu lo sintie manera un mucha grandi. Ta di compronde cu no ta tur ora bo tin gana pa hiba bo yiu haci compras, specialmente ora bo tin mas cu un yiu. Esaki ta conta tambe ora bo ta bay haci compras grandi. Por opta pa laga e yiu serca famia mientras bo ta haci compras y ora bo mester bay supermercado pa busca algun articulo chikito bo ta hiba e yiu(nan). Ta importante si pa e mucha siña con pa comporta su mes den un supermercado, e no mester bay tur ora, pero ta bon pa hib e debesencuando. Kisas e ta zona straño pa pensa cu un mayor por sinti berguensa pa sali cu su yiu. Pero, tin hopi mayor cu a yega di experencia e sentimento aki. Por ehempel, bo a bay supermercado cu bo yiu y e ta puntra si bo por cumpra mangel p e. Sabiendo cu bo no tin suficiente cen y cu tin suficiente mangel na cas, bo respuesta ta no. Di rabia e yiu ta benta su curpa abou y cuminsa sapatia, yora y grita mi kier mangel! Tur hende ta bira awak cu cara irita y bo ta ripara cu nan ta comenta riba e situacion. Di berguensa bo ta baha cabes, lanta bo yiu y dun e e mangel cu el a pidi p e. Pues, bo a bay contra di su decision door di e berguensa cu e bo comportacion a pone sinti. Siguiente biaha cu e mester bay supermercado, Compila pa: Fundacion Pa Nos Muchanan bo ta dicidi pa laga bo yiu na cas, pa preveni un situacion similario. Pero, esaki ta e mihor solucion? Y kico ta e consecuencia di bo decision? Un mucha cu demonstra comportacion indesea y ta haya loke e kier lo sigi ripiti e comportacion aki. Pues, inconscientemente e ta siña pa sigi actua di tal forma. Den e ehempel riba e prome pagina por mira cu berguensa a pone e mayor duna e yiu loke e kier pa e yiu stop di comporta malo. E yiu a siña cu, si e pone cara di mama/tata na berguensa, e ta haya loke e kier. Pa preveni cu esaki ta ripiti e mayor a dicidi pa no hiba e yiu sali cu ne mas. Ta comprondibel cu e mayor no kier pasa den berguensa, pero e decision ey no ta siña e yiu comporta miho. 5

6 Ora nos papia tocante e uso di gadgets (smartphone, tablet, laptop etc.), hopi biaha nos ta pensa riba un teenager of adulto cu ta haci uso di esaki, pero, esaki no semper ta e caso. Muchanan chikito, te hasta baby ta haci uso di e trend nobo. Pakico muchanan ta encanta cu gadgets? Na prome luga, muchanan ta lanta cu gadgets rond di nan. Mayoria mama y tata tin un gadget y tin biaha te hasta wela y welo tin un. Ora e mucha mira su mayornan cu nan gadget, e ta lanta un curiosidad den e mucha. E ta mira mami y papi tur dia den e smartphone/tablet, pues ta di mes cu e mucha tambe kier sa kico ta haci e cosnan ey asina interesante. Esaki ta pone cu e ta wak kico e mayor ta haci, djey e ta imita. Un mucha di dos aña sa con pa drenta den un smartphone, e sa kico un app ta y e sa tambe cu e tin cu primi riba e app pa e drenta den dje. Tin gadgets cu ta specialmente traha pa muchanan chikito. Kico ta e efectonan di gadgets riba un mucha? Un mucha cu ta constantemente bezig cu esaki ta socialisa menos y ta hunga y move menos tambe. Ora un mucha hunga cu, por ehempel, popchi of auto, e ta imita personanan rond di dje y e ta usa su fantasia loke ta hopi bon pa desaroyo di su celebro. Un mucha cu ta hunga cu bala pafo ta desaroya su abilidad motorico, pues coordinacion di man y pia, tambe e ta move y movecion ta hopi saludabel. Si bo ta opta pa laga bo yiu hunga riba bo gadget, ta importante pa limita esaki. Dun e por ehempel 30 minuut pa 1 ora max. y despues e tin cu bay haci algo otro. Muchanan mas grandi por mira pantaya di television of gadget te cu 2 ora max. American Acadamy of Pediatrics ta conseha pa no laga un baby (mucha entre 0-1 aña) wak television (screen time). Mucha di 2 aña pa ariba por wak te cu 2 ora max. pa dia. Muchanan cu ta bay scol por sinta un tiki mas largo dilanti pantaya di computer si ta pa traha huiswerk. Ta importante pa ofrece e mucha un alternativa, por ehempel, un wega, buki, co i hunga of haci un actividad huntu como famia. Muchanan cu ta haci sport of otro activiad tin menos nesecidad pa ta bezig cu gadgets. Envulcra bo yiu den un actividad cu e ta gusta. Fuente: Articulo-American Academy of Pediatrics Compila y adapta: Fundacion Pa Nos Muchanan 6

7 Confiansa ta un sentimento cu ta cuminsa na momento cu e yiu nace. Pero prome cu tin confiansa entre mayor y yiu, mester tin un laso (band) positivo. Esaki ta cuminsa prome cu parto. Durante embaraso e mama ta carga e yiu 9 luna largo y esaki ta crea un laso unico entre mama y yiu. Ora e yiu nace esaki ta sigi crece. Ora e sera conoci cu su tata e baby ta crea un laso cu ne tambe y otro personanan cu ta den su bida regularmente. Laso ta un sentimento natural cu ta conecta e mucha na su mayornan, un laso positivo ta crea confiansa entre mayor y yiu. Ora tin confiansa e mucha ta sintie sigur y safe serca su mayornan. Un mucha cu ta confia su mayor ta durf pa aserk e cu cualke pregunta cu e tin. E ta conta su mayor kico a sosode na scol y si algo malo a sosode e mayor ta e prome persona cu e ta conta esaki. Ora e mucha yega un cierto edad, sa parse manera e laso cua tabata fuerte a cambia, pero esaki no ta e caso. E fase cu e mucha ta aden ta pone cu e ta cuminsa confia su amigonan cu cierto preguntanan of storianan y no su mayornan. Esaki no kiermen cu e mucha ta stima su mayornan menos of cu e no tin confiansa mas den nan, si no, simplemente el a yega un fase caminda e ta comparti storianan y haci pregunta na personanan di su peergroup (edad). Ta importante pa e yiu sinti cu su mayornan ta confi e tambe. Esaki ta reinforsa e laso entre mayor y yiu. Mucha sa haci cosnan cu ta pone bo duda den loke e ta bisa. Si bo yiu, por ehempel, a gaña bo cu el a traha su huiswerk y despues ta resulta cu e no a haci esaki, bo por duda su palabra un siguiente biaha. Esaki ta pone cu ora bo hacie e pregunta aki bo ta bay check si di berdad el a haci su huiswerk. Ta importante pa e confiansa keda intacto den cada fase di e mucha su bida. P esey ta importante pa dun e un chens si den e caso aki el a gaña. Un mucha cu sinti cu su mayor tin confiansa den dje ta sintie sigur, e no ta sinti cu constantemente e mester haci cosnan djis pa haya aprobacion y impresiona su mayornan. Pues, si bo a perde confiansa den bo yiu, mustr e cu bo ta dispuesto pa dun e e confiansa ey atrobe. Esaki ta hopi importante pa e relacion entre mayor y yiu awo y tambe pa den futuro. Dun e e chens pa recobra bo confiansa door di demonstra cu e ta responsabel y cu e por tene su palabra. No keda cord e di su foutnan. Esaki lo descurashe y hala bosom as fe otro. Fuente: Compila y adapa: Fundacion Pa Nos Muchanan 7

8 Ora un mama wordo encarcela su bida ta cambia y tambe esun di su yiunan cu ta keda atras. E yiu por experencia esaki como un perdida inmenso. Muchanan chikito hopi biaha no ta compronde pakico mama no t ey mas. Muchanan mas grandi por sinti rabia, miedo, tristesa y/of berguensa. Hopi no a haya e posibilidad di tuma despedida. Tin mucha cu a mira ora mama a wordo deteni cual ta un experencia espantoso pa un mucha. Na momento cu mama ta encarcela e mucha ta pasa door di diferente fase, entre otro, e fase di acceptacion y despues adaptacion na e siuacion nobo. Den mayoria caso un persona den famia ta bira voogd di e mucha, pero tin casonan unda cu un instancia of un famia di criansa ta bira voogd di e mucha pa un periodo. Pa e mucha no tur ora e proceso aki ta bay facil. Ora e mama caba su sentencia e momento ta yega pa e yiu reunie bek cu ne. Mientras tanto, e yiu a bira mas grandi, a forma un cariño pa esnan cu a cuid e y a custumbra cu e estilo di educa di e personanan aki. E mama tambe ta cambia durante su encarcelacion. E situacion ta bira un challenge pa ambos. Tur dos tin cu custumbra bek cu otro. E yiu tin cu adapta di nobo na un situacion unda cu mama tin autoridad atrobe. 8 Recientemente Fundacion Pa Nos Muchanan (FPNM) a tene un mainta educativo na Korrectie Instituut Aruba (KIA) pa prome biaha. Durante e mainta aki algun mama deteni a sigi e sesion Entre Mama y Yiu, un Comienso Nobo e mamanan a haya informacion tocante, entre otro, loke ta cambia den bida di e yiu ora e ta separa di su mama pa un periodo; posibel cambionan den comportacion di e yiu y con pa anda cu esaki mientras cu e ta sera. Tambe nan a haya informacion tocante, con pa fortalese e relacion entre mama y yiu durante encarcelacion y loke mester tene cuenta cu ne ora bolbe cas bek. E sesion tabata informativo, educativo y interactivo. E mamanan cu a participa a haya oportunidad pa comparti loke nan ta experensiando. Cada mama a menciona kico a cambia den su comportacion y esun di su yiunan. Pa clausura FPNM a termina cu un film di un entrevista cu un mama Arubiano (ex-detenida) cu a comparti su experencianan ora el a reunie bek cu su yiunan. Na final a duna e mamanan un mensahe di encurashamento. FPNM ta mira e importancia pa sigi ofrece esaki na mamanan encarcela cu ta bay reunie bek cu nan yiunan. Mirando cu e mamanan no por yega na oficina pa haya informacion y tips.

9 Tur dia di nobo mester pensa: Kico mi ta bay cushina pa e famia? Kico tin den frigidaire caba? Y kico mi mester cumpra den supermercado? Esakinan ta preguntanan cu ta pasa casi tur dia den cabes di e koki di cas. Tin dia bo tin gana di cushina y tin dia bo ta desea pa yega haya cuminda cla den weya. Aunke cushinamento por parse un dolor di cabes tin biaha, come huntu sigur tin su benificionan! Momento social. Come huntu na mesa (no dilanti television) ta un momento social. E muchanan ta conta kico tur a sosode na scol, tocante nan amigonan y otro cosnan cu nan a experencia durante dia. Mayornan tambe ta conta algo tocante nan dia. Come saludabel. Benificio di cushina na cas ta cu e cuminda ta varia y fresco. Esaki kiermen cu e mucha ta haya tur e vitamina y mineral cu e tin mester. junkfood no ta contene esakinan y e no ta saludabel. Siña reglanan na mesa. Sinta na mesa e mucha ta siña e reglanan ora di come. Por ehempel; no ta papia cu boca yen, keda sinta na mesa te ora caba di come y pa e muchanan mas grandi, no ta usa telefon of otro gadgets na mesa. E mucha ta siña tene cuenta cu otro hende na mesa tambe. Por ehempel, pone man dilanti boca ora respo. Ta importante si pa e adultonan na mesa tambe cumpli cu e reglanan, pasobra mucha ta imita loke e ta mira. Momento di siña. Muchanan chikito ta siña diferente cos na mesa. Entre otro, e colornan cu e ta mira riba tayo (maishi ta geel, spinazie ta berde etc.) Tambe e ta siña nomber di e cumindanan den su tayo y e ta siña pronuncia esakinan tambe. Ora entroduci e mucha na algo nobo e ta sina e diferente sabornan (marga, zoet, salo etc.) Siña come diferente cuminda. E mucha ta siña cu no tur ora e por haya loke e ta haya dushi. Tin biaha e lo haya cuminda cu e no ta gusta muchu. E por siña come esaki y hasta purba cosnan nobo. E smak di un mucha ta cambia lihe. E cuminda cu e no ta gusta awe, kisas e lo aprecia despues di un tempo. Economico. Cushina pa famia tin su benificionan. E ta mas economico. Por ehempel, un saco mediano di aroz, carni y berdura por dura bo un par di dia. E ta mas economico cu si tur dia bo mester cumpra cuminda apart pa cada persona den famia. Loke por yuda haci cushinamento mas facil ta, traha un menu. Traha un menu pa un siman largo. Nota kico e cuminda ta y skirbi tur e ingridientenan cu bo tin mester di dje. Cu e tipnan aki por logra haci e momento hunto na mesa, un rato placentero y beneficioso pa henter e famia. Fuente: Compila y adapta: Fundacion Pa Nos Muchanan 9

10 10

11 Duna bo yiu hopi atencion fisico. Mucha gusta haya afeccion di su mayornan, por ehempel, un brasa, high five, carisia.. Puntra bo yiu con a bay na scol. Papia tocante cosnan cu e ta haya interesante y abo tambe por cont e cierto experencianan di bo dia. Duna bo yiu elogio ora e cumpli cu un tarea. Mientras bo ta dun e elogio, ripiti/bis e loke el a haci bon. Ora bo yiu kier mustra - of conta bo algo, para un rato cu loke bo ta haciendo y dun e bo atencion. Ta importante pa mustra interes den bo yiu. E lo sinti cu bo ta interesa y e lo sigi aserca bo pa comparti cosnan cu bo. Mucha por comporta malo ora e no tin nada di haci, pues, provee actividadnan paden y pafo di cas pa tene activo, por ehempel, klei, pintamento, core bisicleta, hunga bala etc. Ta dificil pa ta un mayor eficiente si bo tin stress of si bo ta sinti bo ansha of tristo. Purba di busca tempo pa bo mes, por lo menos un bes pa siman (30 minuut pa 1 ora) pa relaha of haci algo pa bo mes cu abo ta gusta. 11

12 Meta di FPNM: Mehora calidad di cuido, guia y educacion di muchanan di cero te cu diesdos aña door di duna sosten na educadornan y duna informacion na publico en general. Educadornan: Entre otro mayornan, famia, lidernan di centronan di cuido y guia di mucha (crèche, scol di hunga, pasadia, traimerdia, etc). Ki servicio FPNM ta ofrece na mayor? FPNM ta duna conseho riba pregunta y/of preocupacion relaciona cu educacion di mucha di 0-12 aña. FPNM ta organisa curso pa mayor tocante educacion di mucha di 0 pa 12 aña. FPNM ta duna charla of tayer pa grupo di mayor relaciona cu educacion di nan yiu (nan) FPNM tin un centro di informacion cu varios material informativo tocante educacion di mucha di cero te cu diesdos aña. FPNM semanalmente ta publica articulo tocante topiconan cu tin di haci cu educacion di mucha. FPNM ta provee un lista cu informacion tocante centro di cuido. FPNM ta traha tambe cu e centronan di cuido y guia di mucha (crèche, scol di hunga, traimerdia etc) FPNM tin otro listanan, entre otro, di actividad pa mucha na Aruba, cu mayor por haci uso di dje. Fundacion Pa Nos Muchanan, ta situa na Cumana #2. Nos ta habri di dialuna pa diabierna Pa pregunta relaciona cu educacion di mucha, por acudi na oficina di 9 or-12 or sin cita. Despues di e orario menciona ariba mester haci cita. Telefon: of Fax: info@fpnm.aw Website: Servicio ofreci na mayor ta gratis! Awor Fundacion Pa Nos Muchanan tambe ta riba Facebook. Bishita y like nos! Pa mas informacion por tuma contacto cu nos libremente riba nos number di telefon menciona ariba of bishita nos website. Apoyo ta un produccion di: