UNIUN DA SCURSALETS TRUN INVITAZIUN ALLA RADUNONZA GENERALA

Transcript

1 UNIUN DA SCURSALETS TRUN INVITAZIUN ALLA RADUNONZA GENERALA Dumengia, ils 6 da matg 2018 allas 11:00 uras ella Pizzeria Centro, Trun Tractandas 01. Beinvegni ed appel 02. Approbaziun dalla gliesta da tractandas 03. Elecziun da dus dumbravuschs 04. Approbaziun dil protocol dalla radunonza generala dils 22 d avrel Approbaziun dils rapports annuals 06. Rendaziun dil quen, rapport dils revisurs ed approbaziun 07. Elecziuns a. actuar b. in revisur da quen 08. Mutaziuns a. entradas b. extradas 09. Approbaziun dalla revisiun dallas statutas 10. Project da sanaziun dalla plazza da glatsch a. Orientaziun b. Conclus e credit 11. Cumpra fresa a. Orientaziun b. Conclus e credit 12. Sesiun 2018/2019 Informaziuns dils trenaders/responsabels a. scola da patinar (Silvio Albin) b. juniors e scolars (Raffael Bearth) c. activs (Clau Giger) d. seniors (Pascal Albin) Occurrenzas a. camp da trenament ad Arosa, 24/ b. turnier da s. Stiafen, (datum d untgida: ) c. turnier da fierer rudialas, (datum d untgida: ) d. di da skis, e. autras occurenzas 13. Fixaziun contribuziuns annualas 14. Varia e gentar Trun, ils 16 d avrel 2018 Cordialmein envida la suprastonza UDS Trun

2 Protocol dalla radunonza generala dall Uniun da scursalets Trun Sonda, ils 22 d avrel 2017 ella Ustria Ischi a Trun Tractandas 1. Beinvegni ed appel 2. Approbaziun dalla gliesta da tractandas 3. Elecziun da dus dumbravuschs 4. Approbaziun dil protocol dalla radunonza generala dils 16 d avrel Approbaziun dils rapports annuals 6. Rendaziun dil quen, rapport dils revisurs ed approbaziun 7. Elecziuns a. president b. cassier c. in revisur da quen 8. Mutaziuns a. entradas b. extradas 9. Orientaziun project da sanaziun plazza da glatsch 10. Damonda per in augment dalla cumpetenza finanziala dalla suprastonza sin frs. 8'000 per ina cumpra d ina nova maschina da better o neiv 11. Sesiun 2017/2018 Informaziuns dils trenaders/responsabels a. scola da patinar (Silvio Albin) b. juniors e sciolars (Raffael Bearth) c. activs (Clau Giger) d. seniors (Pascal Albin) Occurrenzas a. camp da trenament ad Arosa, 25/ b. turnier da s. Stiafen, (datum d untgida: ) c. turnier da fierer rudialas, (datum d untgida: ) d. di da skis, e. autras occurenzas 12. Fixaziun contribuziuns annualas 13. Varia e tscheina 01. Beinvegni ed appel President Raffael Bearth arva la radunonza e fa in cordial beinvegni a tuts presents. In special beinvegni fa el als commembers d honur presents Silvio Albin e Renato Della Valle.

3 Sco appel vegn schau cursar ina gliesta che demuossa ina preschientscha da 25 commembers. Schau perstgisar han Dario Albin, Ervin Albin, Mauro Alig, Roger Alig, Roland Decurtins, Rafael Demont, Alois Derungs, Livio Pally, Martin Lutz, Christian Maissen, Claudio Maissen, Christoph Senn, Fabrizio Sossai, Philippe Vincenz, Roy Vincenz, Ervin Wolf e Riccardo Wolf. 02. Approbaziun dalla gliesta da tractandas La suprastonza fa la proposta dad amplificar la gliesta da tractandas cun tractanda 4.b) Approbaziun dil protocol da conclus dalla radunonza extraordinaria dils 1 da settember 2016 e tractanda 10. Damonda per in augment dalla cumpetenza finanziala dalla suprastonza sin frs per ina cumpra d ina nova maschina da better ora neiv e stuschar las tractandas suondontas. La gliesta da tractandas vegn approbada unanimamein cun las midadas menziunadas. 03. Elecziun da dus dumbravuschs Sco dumbravuschs vegnan Luzian Tuor e Moreno Bundi elegi unanimamein. 04. a. Approbaziun dil protocol dalla radunonza generala dils 25 d avrel 2015 Il president informescha che la suprastonza ha fatg persenn sut tractanda 7.a) in sbagl. Mirco Wolf ei vegnius reelegius sco actuar e buc co scret el protocol sco revisur da quen. Il protocol dalla radunonza generala dils 16 d avrel 2016 vegn approbaus cun la midada menziunada unanimamein cun admetter in cordial engraziament agl actuar Mirco Wolf. b. Approbaziun dil protocol da conclus dalla radunonza extraordinarias dils 1 da settember 2016 Igl actuar prelegia il protocol sco suonda: Protocol dalla radunonza extraordinaria dall Uniun da scursalets Trun Gievgia, ils 1 da settember 2016 ella Casa Tödi, Trun Tractandas 1. Beinvegni ed appel 2. Approbaziun dalla gliesta da tractandas 3. Elecziun da dus dumbravuschs 4. Zamboni a) Orientaziun b) Conclus e credit 5. Elecziun cumissiun fiasta da glatsch 55 onns Uds Trun 6. Varia

4 1. Beinvegni ed appel President Raffael Bearth arva la radunonza e fa in cordial beinvegni a tuts presents. In special beinvegni fa el als commembers d honur presents Silvio Albin, Renato Della Valle. Sco appel vegn schau cursar ina gliesta che demuossa ina preschientscha da 19 commembers. 2. Approbaziun dalla gliesta da tractandas La gliesta da tractandas vegn approbada unanimamein senza midadas. 3. Elecziun da dus dumbravuschs Sco dumbravuschs vegnan Silvio Albin e Marcus Schmed elegi unanimamein. 4. Zamboni a) Orientaziun Mirco Wolf orientescha ils presents sur dallas differentas pusseivladas chei dat da cumprar ina nova Zamboni. 1. Zamboni 546 (nova) tscheins/sesiun (5onns) CHF 19'000.- rest da CHF 70'000.- prezi da cumpra CHF 160' Zamboni tscheins/sesiun (3 onns) CHF 18'000.- rest d CHF (revidida cumplet) prezi da cumpra CHF 59' Zamboni tscheins/sesiun (2 onns) CHF 15'000.- rest da CHF Prezi da cumpra CHF 32' rep Zamboni 500 rep. gronda CHF 22'000.- rep. mesauna CHF 7'300.- rep. pintga CHF 4'500.- b) Conclus e credit La suprastonza fa la proposta da cumprar la Zamboni nr. 3 che cuosta CHF 32' Quella varianta ei per la suprastonza realistica da finanziar e cun la cumpra dalla maschina hagi l uniun neginas obligaziuns en cumperegliaziun sche l uniun prendess si a tscheins ina maschina da far glatsch. Ils commembers suondan unanimamein la proposta dalla suprastonza e sedecidan per la varianta nr Elecziun cumissiun fiasta da glatsch 55 onns Uds Trun La suprastonza fa la proposta dad eleger Curdin Tuor, Renzo Albin, Dario Albin, Mauro Alig e Mirco Wolf ella cumissiun fiasta da glatsch 55 onns Uds Trun. Tuts numnai vegnan elegi ella cumissiun fiasta da glatsch 55 onns Uds Trun unanimamein. 6. Varia Il president Raffael Bearth informescha ils presents che la suprastonza ha elegiu Clau Giger sco cau dalla plazza da glatsch e ch il camp da trenament ad Arosa ha liug ils 26 e 27 da november 2016.

5 Raffael Bearth siara allas la radunonza ed engrazia grondamein als commembers per la preschientscha e giavischa a tuts ina biala sera. Trun, ils 1 da settember 2016 Igl actuar: Mirco Wolf Il protocol dalla radunonza extraordinaria dils 1 da settember 2016 vegn approbaus sco prelegiu unanimamein cun admetter in cordial engraziament agl actuar Mirco Wolf. 5. Approbaziun dils rapports annuals Raffael Bearth va cuortamein atras ils rapports annuals ch ein vegni tarmess a tuts commembers en fuorma dad ina broschura cun dar la pusseivladad als presents da tschentar damondas ni aschuntar ils rapports. Tiels rapports annuals da l emprema equipa, dils seniors ed dils juniors e scolars dat ei neginas damondas davart ils presents sco era neginas amplificaziuns dils responsabels. Tiel rapport annual dalla scola da hockey dalla banca cantunal amplifichescha il responsabel, Silvio Albin, ch ei seigi stau ina sesiun fetg legreivla cun bia novas participontas e novs participonts. Vinavon di Silvio ch ei seigi stau ina grondiusa sesiun cun bia trenaments, sco igl ei dapi bia onns buca pli stau. Per la sesiun vegnenta spera Silvio Albin ch ei detti zatgi che sustegni empau el da far ils trenaments. Gion Simeon pren il plaid ed engrazia fetg al responsabel per la lavur prestada. Tiel rapport annual dalla sesiun da glatsch pren il responsabel Clau Giger il plaid ed engrazia a tuts che han segidau duront l entira sesiun vid las lavurs vid ed entuorn il glatsch. Specialmein engrazia el a Silvio Albin e Gusti Nay pil sprizzar il glatsch mintgamai la damaun baul. Tiels rapports annuals dil turnier da premis e dil turnier da fierer rudialas dat ei neginas damondas dils presents sco era neginas amplificaziuns. Era tiel rapport dallas festivitads da 55 onns dat ei neginas damondas. Il responsabel Mirco Wolf engrazia aunc inagada grondamein a tut quels che han segidau e luvrau pil gartegiar da quellas festivitads. Vinavon di el ch ei seigi stau exemplaric sco l uniun seigi setenida ensemen. Il president pren il plaid ed engrazia aunc inagada a tut ils commembers pigl engaschi duront quellas festivitads. Aschia sco l uniun seigi setenida ensemen seigi propi da ludar grondamein. Vinavon pren el la caschun ed engrazia al comite d organisaziun per l organisaziun dallas festivitads. Il comite hagi priu giu bia lavur, ni schizun bunamein tutta lavur alla suprastonza. Tiels ulteriurs dus rapports, il rapport dil kiosc ed il rapport dil president, dat ei neginas damondas dils presents sco era neginas amplificaziuns dils responsabels Silvio Albin e Raffael Bearth. Cunquei ch ei dat neginas damondas ni ulteriuras aschuntas tiels rapports davart dils presents fa il president Raffael Bearth la proposta dad approbar ils rapports annuals. Ils rapports vegnan approbai unanimamein.

6 6. Rendaziun dil quen, rapport dils revisurs ed approbaziun Raffael Bearth surdat il plaid al cassier Donat Albin. Il cassier presenta las suandontas cefras dil rendaquen dils : Tier entradas da frs. 84' ed expensas da frs. 55' seresulta in surpli d entradas da frs. 28' La bilanza pils schai tier in surpli d activas da frs. 57' Silsuenter surdat Raffael il plaid al revisur da quen Gion Simeon. Il revisur da quen informescha ch el seigi staus tiel cassier a reveder in quen. Gion sa rapportar ch il quen ei menaus schubers ed exacts e ch ils mussaments ein avon maun. Il cassier ha saviu dar sclariment a tuttas damondas. Vitier fa el menziun che l amortisaziun dalla hipoteca seigi segir era stada prudenta tier da quels buns quens sco quei onn. Il revisur da quen fa la proposta d approbar il quen aschia sco il cassier ha presentau el ed engrazia grondamein al cassier Donat Albin per sia lavur. Raffael Bearth fa la proposta dad approbar il quen e dar scarica al cassier Donat Albin. Il quen vegn approbaus unanimamein. 7. Elecziuns a. president Raffael Bearth ha buc abdicau aschia ch ils presents reelegian el per in ulteriura perioda d uffeci da dus onns sco president. b. cassier Donat Albin ha buc abdicau aschia ch ils presents reelegian el per in ulteriura perioda d uffeci da dus onns sco revisur da quen. c. in revisur da quen Manuel Reichenbach ha buc abdicau aschia che la suprastonza fa la proposta da reeleger el per In ulteriura perioda d uffeci da dus onns sco revisur da quen. Curdin Tuor pren il plaid e manegia ch el hagi constatau ch il quen ei vegnius revidius il bia mo dad in revisur da quen sche gie che l uniun ha dus, e diltut legal segi ei buc ch il quen vegni revidius mo dad in revisur. Ord quei motiv propona el d eleger Marco Bearth sco revisur da quen. Marco Bearth pren il plaid e di ch el stessi a disposiziun sco revisur da quen. Gion Simeon fa menziun ch ei fussi stau pli prudent dad haver giu discussionau quei cun Manuel Reichenbach avon la sesida. Denton schei seigi buc stau legal da reveder persuls il quen fuss ei da merar ch il quen vegni adina revidius dad omisdus revisurs. Gion damonda il cassier Donat Albin per siu meini. Donat Albin di ch el hagi giu endament cun Manuel Reichenbach e lez di ch el stessi bugen vinavon sco revisur. Era hagien els tematisau il buc esser presents da Manuel. Vinavon di Donat ch el seigi plitost igl um per la pasch ed el seigi dil meini da reeleger Manuel sco revisur da quen e da segir aunc contactar Manuel ed admetter il giavisch ch el seigi mintgamai presents da reveder il quen. Beat Hosang fa menziun ch il quen stoppi vegnir revidius da dus revisurs da quen. Markus Caduff pren il plaid e fa la proposta da reeleger Manuel Reichenbach e dad eleger in substitut dils revisurs. Cun l idea ch il substitut seglia en el cass ch in revisur sa buc ir a reveder il quen. El propona d eleger Marco Bearth sco substitut dils revisurs da quen. Il president fa la damonda a Curdin Tuor sch el tegni vinavon sia proposta d eleger Marco Bearth sco revisur. Curdin Tuor di ch el tegni buc pli sia proposta. Il president Raffael Bearth fa la proposta da reeleger Manuel Reichenbach per ina ulteriura perioda d uffeci da dus onns sco revisur da quen e d eleger Marco Bearth sco substitut dils revisurs da quen per ina perioda d uffeci da dus onns.

7 Ils presents reelegien Manuel Reichenbach per in ulteriura perioda d uffeci da dus onns sco revisur da quen e Marco Bearth per ina perioda d uffeci da dus onns sco substitut dils revisurs da quen. 8. Mutaziuns a. entradas Raffael informescha ch ils dus giuvens Dumeni Demont e Livio Alig han interess da daventar commembers activs dall Uniun da scursalets Trun. Vinavon havess Fabian Cajacob interess da daventar commember da l uniun. Ils presents prendan si Dumeni Demont, Livio Alig e Fabian Cajacob unanimamein ell uniun. b. extradas Il president informescha ch el hagi survegniu neginas damondas d extrar dall uniun. 9. Orientaziun project da sanaziun plazza da glatsch Il president Raffael Bearth di che quei era gia tractanda dalla radunonza generala digl onn vargau. Entras la cumpra dalla Zamboni cumbinau cull organisaziun dallas festivitads dil schaner era il program denton gia vasts avunda, aschia che quei project ei vegnius stuschaus sin la stad Basegns da sanar entginas caussas vid la plazza da glatsch (sochel dallas bandas, porta d entrar cun la Zamboni, ulivaziun dil plaz ev. pegna dil Kiosc) fetgi ei denton aunc adina. Vinavon di el che la suprastonza fa la proposta da fuormar ina gruppa da lavur entuorn il cau dalla plazza da glatsch Clau Giger e dar ad els maun liber d evaluar tgei che fa da basegns da sanar e d organisar las lavurs. Tgi che hagi interess sappi s annunziar tier Clau Giger. Il president surdat il plaid a Clau Giger. Clau informescha ch il sochel dallas bandas seigi fetg schliats e stoppi urgentamein vegni sanaus la stad vegnenta. El seigi gia staus en discuors cun differentas persunas dil fatg per merar tgei pusseivladas ch ei detti da sanar il plaz. Il cau dil plaz ei dil meini da far ina sanaziun endretga ed era investar empau en quella sanaziun. Ord quei motiv fetgi ei senn da schar far enzacontas lavurs d ina fatschenta dil fatg. Entginas lavurs savess l uniun far cun dis da lavur cumina. Clau Giger fa la damonda tgei che quella sanaziun astga custar e tgei cumpetenzas che la gruppa da lavur hagi. Il cassier Donat Albin pren il plaid e di che la suprastonza astga prender decisiuns finanzials entochen la summa da frs senza far la damonda als commembers. Tut quei che survarghi quella summa hagi da vegnir votau en ina radunonza. Vinavon di el che la suprastonza dad al cau dil plaz maun liber per s organisar e trer neutier las persunas ch el drova per elavurar quei project. Gion Simeon pren il plaid e di ch ei fetgi pli bia senn da s informar tier las fatschentas da baghegiar tgei che aschia ina sanaziun vegness a custar e lu presentar e decider giud caussa en ina radunonza extraordinaria. Lu savess era vegnir tractau tgei lavurs che l uniun vul far sezza en fuorma da lavur cumina. Clau Giger resumescha cuortamein la discussiun e di ch el s informeschi tier las differentas fatschentas da baghegiar tgei che quella sanaziun vegni a custar e vegni a presentar las offertas alla suprastonza. Aunc inaga fa el menziun che quei seigi ina lavur che stoppi vegnir fatga la proxima stad pertgei ch ei vegni mintg onn mender cun quei sochel. Il president di che la suprastonza spetgi sin las informaziun dil cau plaz e sin fundament da lezzas envida la suprastonza ils commembers ad ina radunonza extraordinaria.

8 10. Damonda per in augment dalla cumpetenza finanziala dalla suprastonza sin frs per ina cumpra d ina nova maschina da better o neiv Raffael Bearth di che Donat Albin hagi gia informau ils presents tier la rendaziun dil quen ch ei seigi gartegiau a Mirco Wolf da vender la fresa da neiv per frs Vinavon di il president che l uniun stuess remplazar quella fresa, pertgei ch ei drovi vinavon ina fresa. Mirco Wolf hagi gia tratg en differentas offertas per ina nova maschina da better ora neiv. Raffael menziunescha che la suprastonza ha tenor statutas ina cumpetenza finanziala da frs Per tut quei che survarga quella summa ei la suprastonza obligada da clamar ils commembers tier ina radunonza extraordinaria. Il president fa la damonda als presents dad alzar la cumpetenza finanziala dalla suprastonza per sulettamein la cumpra dalla nova fresa sin frs Markus Steiner pren il plaid e damonda sche l uniun drovi insumma ina fresa, pertgei che la fresa veglia seigi buc vegnida duvrada bia ils davos onns. Vinavon di el che la fresa veglia havess tunschiu per quei tec neiv ch ei hagi dau ils davos onns. Vinavon di el che la fresa veglia era ideala da better ora la neiv che vegn stuschada ensemen sil glatsch cun las maschinas agricolas. Clau Giger di ch ei drovi ina fresa, denton tunschess ei cun ina pintga sco ils biars han a casa. Silvio Albin pren il plaid e di ch el seigi dil meini ch ei drovi ina fresa gronda per era saver better ora il glatsch. Vinavon di el ch ei seigi buc igl intent che mintgin vegni cun sia fresa privata e ch ei seigi biagadas stau il cass ch igl entir plaz seigi vegnius bess ora cun la fresa. Silvio di vinavon che la fresa che l uniun haveva era bia memia greva per manischa ed aschia buc practica. Gion Simeon fa la proposta da fuormar in ulteriura gruppa da lavur che sedat giu cun la damonda sche l uniun drova ina nova fresa, e sche gie, en tgei grondezia. Vinavon duei la gruppa da lavur trer en offertas e presentar quellas alla radunonza extraordinaria ch ei vegn a dar en connex cul project da sanaziun dalla plazza da glatsch. Gion di ch ei vali propi la peina da surluvrar quella caussa. El fa la proposta da metter Markus Steiner sco cau da quella gruppa. Mirco Wolf pren il plaid e declara che l idea dalla suprastonza davos la damonda d alzar la cumpetenza finaziala hagi sulettamein il motiv ch ei stoppi bu vegnir clamau per ina radunonza extraordinaria. Vinavon di el che la suprastonza prendi buc persula la decisiun tgei fresa cumprar mobein ensemen cun la gruppa entuorn il cau dalla plazza da glatsch. Ils proxims pass dalla suprastonza fussan da seser ensemen cun la gruppa per prender la decisiun tgei fresa cumprar. Mirco di era che la suprastonza hagi gia tratg en offertas e sin fundament da gliez fatg la damonda d allzar la cumpetenza sin frs Gion Simeon stat tier sia proposta e la suprastonza era tier lur proposta. Aschia fa il president la votaziun denter quellas duas propostas. Ils presents han votau cun 12 encunter 10 vuschs per la proposta da Gion Simeon e cunquei encunter la damonda dalla suprastonza. (3 sabstenziuns) Il president di che la suprastonza spetgi aschia sin las propostas dalla gruppa da lavur ed envidi sin fundament da gliez ad ina radunonza extraordinaria. 11. Sesiun 2017/18 Informaziuns dils trenaders/responsabels a. scola da patinar GKB (Silvio Albin) Silvio Albin menziunescha ch igl seigi vegniu 15 novs vitier igl onn vargau e da quels hagien biars igl interess da dar hockey. Silvio di chei seigi strusch pusseivel da dar la scola da patinar ed aunc

9 il dar hockey e perquei fussi flot sche zatgi segidas aunc l autra sesiun. Vinavon di Silvio ch el fussi leds schel vegnessi plaunsiu remplazzaus e che zatgi auter surprendes la scola da patinar. b. juniors e scolars (Raffael Bearth) Raffael menziunescha che per l autra sesiun seigi da merar sche quels buobs dalla scola da patinar che vulan dar hockey sappien era vegnir als trenaments dils juniors. Vinavon di Raffael che zaconts juniors han saviu dar in ni l auter giug (seniors vs. activs) e ch els hagian schau plascher fetg. Per l autra sesiun seigi da mantener quei e vinavon dar la pusseivladad als juniors da dar in ni l auter giug. c. emprema equipa (Clau Giger) Il president di che Clau ha exprimiu il giavisch da dar giu siu post sco trenader. Cunquei che negin vul suprender quei post di Raffael che la suprastonza hagi ponderau da parter si il post dil responsabel dall emprema equipa. Donat Albin e Philippe Vincenz ein sedeclarai prompts da menar ils trenaments ed igl organisar ils giugadurs per ils giugs savessi il mender cass era zatgi dalla suprastonza far. Pascal Albin fa la damonda a Clau Giger schel vegli buc tuttina star sco responsabel. El hagi fatg fetg buna lavur ils davos onns ed ei fussi don sch el dess giu siu post. Gion Simenon ei era dil medem meini sco Pascal e supplichescha Clau da star vinavon sco responsabel da l emprema equipa. Clau Giger pren il plaid e di chel fussi promts da star vinavon sco responsabel. Denton mo sche Donat e Philipp fetgien ils trenaments e sch el hagi mo dad organisar ils giugadurs pils giugs. Il president engrazia a Clau per siu engaschi e ch el ei promts da star vinavon sco responsabel. d. seniors (Pascal Albin) Pascal Albin ha da menziunar nuot. Occurrenzas a. camp da trenament ad Arosa, 25/ Il camp da trenament ad Arosa ha liug ils 25/ Il president fa endament che Guido Lindemann ha envidau en ils commebers dall uniun da star surnotg gratuitamein tier el el hotel. Quei enstagl dad ina bunamana per la nova Zamboni. b. turnier da s. Stiafen, (datum d untgida: ) Raffael Bearth informescha ch il turnier da s. Stiafen hagi liug sco usitau ils Il datum d untgida seigi mess provisoricamein sils c. turnier da fierer rudialas, (datum d untgida: ) Il president informescha ch il turnier da fierer rudialas ha liug la sonda ils Il datum d untgida seigi mess provisoricamein sils d. di da skis, Il di da skis ha liug ils

10 e. autras occasiuns Raffael Bearth informescha che la suprastonza hagi previu neginas ulteriuras occasiuns per la sesiun 17/18. El damonda sch ils presents hagien ina proposta ni in giavisch. Renzo Albin pren il plaid e di ch el fagessi bugen puspei ina fiasta da gltasch ni ina disco sil glatsch sco la sesiun vargada. Quei seigi stau grondius e sch ins fetgi quei cun engaschi detti segir in bien gudogn. Renzo damonda ils presents per lur meini. Gion Simeon pren il plaid e far la proposta dad era cheu far ina gruppa da lavur. El di che quei seigi ina buna idea e ch ei fussi era da far la proxima sesiun ina fiasta da glatsch ni ina disco sil glatsch. Gion fa la proposta da metter Renzo sco responsabel. Donat Albin fa attents ils presents ch ei detti buc bia datums libers per aschia ina fiasta. Vinavon di el ch ei fussi forsa meglier da far mo mintga dus onns aschia ina fiasta. Il president fa la proposta da votar giu en caussa. Il presents decidan da far ella sasiun 17/18 ina fiasta/disco da glatsch ed elegian Renzo Albin sco responsabel da quella fiasta. 12. Fixaziun contribuziuns annualas La suprastonza fa la proposta da schar las contribuziuns annualas sco gia las sesiuns vargadas. Ils presents dattan suatientscha alla proposta e decidan unanimamein las suandontas contribuziuns per la sesiun 2017/2018: Activs frs Emprendists e students frs Scolars frs material Seniors frs Inactivs frs Varia e tscheina Il president informescha ils presents che la suprastonza seigi vid surluvrar las statutas e che quellas vegnan presentadas dalla proxima radunonza generala. Clau Giger fa la damonda schei fussi buc pusseivel da cumprar endretgs uaffens per la plazza da glatsch. Ei seigi mintga ga da sevilentar si cugl fuss da far lavurs vid la plazza ni vid las maschinas ed ei hagi buc uaffens. Markus Steiner sustegn la damonda da Clau e di chel hagi gia merau e sappi dir chei detti bienmarcau uaffens e ch ei fetgi da basegns dad haver in sortiment en garascha. Il president di che quei mondi enuorden da vart dalla suprastonza e dat maun liber als responsabel da merar tgei uaffens ch ei drova. Vinavon di el ch ils responsabels dueien cuort informar la suprastonza cu els san tgei uaffens ch ei drovi e da tgei summa ch ei setracta. Pascal Albin pren il plaid ed engrazia alla suprastonza grondamein per tut la lavur ch els fan en favur dall uniun. El hagi plascher che dus fegls da dus commembers d honur seigien ella suprastonza sco era in da Sumvitg, il president. Raffael Bearth siara allas la radunonza ed engrazia grondamein als commembers per la preschientscha e giavischa a tuts in bien appetit. Trun, ils 14 d avrel 2018 Igl actuar: Mirco Wolf

11 Rapports annuals» Emprema equipa sesiun 2017/2018 Suenter che l Uds Trun ei vegnina menada plirs onns cun agid da Clau Giger tier success ha ei entschatta dalla sesiun 2017/2018 dau ina midada sil post dil trenader. Damai ch il HC Ambri-Piotta leva il duo Clau Giger ed Otti Lutz sco trenader, haiel jeu, Philippe Vincenz, surpriu il post da Clau tier la Uds Trun. La sesiun da hockey sin glatsch ha entschiet ils 30 da settember 2017 cun in giug encunter il HC Ambri-Piotta, nua che Clau ed Otti eran trenaders. Schegie ch ei setractava mo per ina equipa da plausch dil tessin, havein nus spiars cun in resultat dad 8:4. Clau ed Otti ein vegni spedi sco trenaders cunquei ch els han dau il giug cun la Uds Trun encunter ils agens giugadurs. Suenter quei giug da plausch havein nus entschiet ils 8 da november cun ils trenaments sil glatsch a Flem. Quei ei stau ina cuorta, aber intensiva preparaziun sin nies emprem giug si Lai, il qual nus havein spiars cun 6:1 encunter ils Ela Eagles. Suandau ei il derby encunter Menzli Sport. Malgrad che l atmosfera denter ils giugadurs era buc pli la megliera suenter la davosa disfatga, han els mussau ina reacziun sil glatsch ed obteniu la victoria. Ils 25 da november essan nus serendi si Arosa al legendar camp da trenament. Igl ei vegniu menau atras treis trenaments intensivs. Jeu erel fetg cuntents cun la prestaziun che tut ils giugadurs han purschiu, ed jeu lessel nazzegiar la caschun dad engraziar fetg al Daniel Monn e tut ils organisaturs per il super program da divertiment si Arosa, sco era al Guido per la pazienzia enviers nus e la purschida dalla pernottaziun. Engraziel fetg! Il proxim giug havein nus dau ils 7 da december encunter il HC Tamins, il qual nus havein spiars. Silsuenter eisi suandau in temps nua che nus havein buc saviu dar plirs giugs, muort l aura che ha fatg in stré a nus atras il quen, ina patinadra artistica che ha tertgau da duvrar mo per ella ina entira pattinera enstagl da schar ella a duas equipas. Niev sin nies program era la cupa Tumpiv, ina seria da giugs encunter nossa equipa da seniors. L equipa la quala gudogna sco emprem treis giugs ei la victura dalla cupa Tumpiv. Daniel Monn ha surpriu il post da trenader pigl emprem giug encunter ils seniors. L equipa dils activs gudogna igl emprem giug cun 6:4, il secund cun 3:2. Schegie che nus havein gudignau il giug, eran ils seniors en mes egls pli ferms, nus denton pli efficients. Il tierz giug havein nus dau ordlunder si Mustér, aschia che nus havein saviu far intec reclama per l uniun. En ina partida fetg intensiva gudognan ils activs era quei decisiv giug e cunquei la cupa Tumpiv. Cordiala gratzlaziun! Ed in grond engraziament al Christian Maissen per la trofea. Cunquei ei la sesiun plaun e plat ida alla fin. Nus havein biaras gadas giu discletg cull aura, mo la fin finala eis ei tuttina stau ina biala ed gartegiada sesiun da hockey sil glatsch. Sco final lessel engraziar ad il chef dil plaz Clau Giger ed a tuts ch ein segidai cul menteniment dalla patinera, seigi quei cun better ora neiv ni autras lavurs sil glatsch. Era in grond engraziament al Daniel Monn per tschentar si il program dalla sesiun. Sin seveser ed ina gronda strocla per tuts ch jeu enconuschel. Il cau: Philippe Vincenz

12 » Seniors sesiun 2017/2018 Entschatta Mesjamna, havein giu igl emprem trenament (ensemen cun quels dall emprema) a Flem. In pievelun da rodund 25 giugadurs ein stai dalla partida. Mardis, havein giu igl emprem giug encunter ils New City Ravers. Quel havein gudignau 4:3 entras in gol ca. 3 secundas avon la fin. Camp da trenament Il camp da trenament ha giu liug uonn ils 25 e ad Arosa. A caschun dil giubileum da 55 onns UDST veva Guido Lindemann envidau en nus da star sur notg gratuit en siu hotel e Guido ha teniu plaid. 24 giugadurs (8 seniors) han priu part al camp. Ils trenaments dalla sonda ein stai cools, la sortida era tuts han buca pudiu tochen en lur combra a durmir ed al trenament dalla dumengia han lu buca pli tuts saviu separticipar. In grond engraziament a tut ils organisaturs dil camp. Cuntinuaziun Il december havein astgau dar 4 giugs. In giug vein gudignau encunter ils Molson Stars 7:3. Encunter Belmont vein spiars 4:11 ed encunter noss emprema vein spiars omisdus giugs (5:10 e 2:3). Il Schaner 2018 ha l aura schau nus a miez liug. Buca meins che 4 giugs vein stuiu dar giu muort la schliat aura. Persuenter vein giu ils il punct culminont dalla sesiun.. ils davos onns vein buca pli dau encunter Menzli Sport, damai ch els eran memia ferms per nus. Suenter ils buns resultats dalla sesiun vargada vein manegiau che nus astgien puspei inaga empruvar da dar encunter els e voilà : nus vein gudignau 8:1. Fantastic! Il fevrer vein lu aunc battiu els inaga a casa cun 6:3. Ils vein lu spiars per la quarta ga encunter noss emprema (4:6). Il davos giug dalla sesiun vein gudignau a Flem encunter Safien Phaidros 11:6. Fazit dalla sesiun Cun las prestaziuns dils giugs astgein esser fetg cuntents. Cun ils resultats mo per part. Vessan bunamein stuiu gudignar inaga encunter ils dall emprema. Il clima denter nus ei forsa schi buns sco aunc mai. Nus vein ina fetg buna mischeida denter differentas persunalitads che van bein a prau in cun l auter. Il clima dall aura ei deplorablemin buca staus aschi buns sco quel en l equipa : Damai che vein stuiu dar giu 4 giugs, havein saviu giugar mo 10 e gliez ei in pèr memia pauc. La participaziun als giugs e trenaments ei stada buna. Noss uniun ha ussa aschi biars giugadurs, ch ins astga egl avegnir far giu giugs il medem di senza che las equipas stoppien prender risguard ina sin l autra. In cordial engraziament A Guido Lindemann a Roy e Danimonn per l organisaziun dil camp da trenament a nies comité per la grondiusa lavur (malgrad la davosa radunonza ) allas Ursinas, alla Sabina ed ad Adriana per il lavar nossas monduras a Renato der Pfiffer a mes congiugadurs ed als responsabels dall emprema per la buna collaboraziun - ed oravontut a quels che fan nunstunclenteivla lavur vid il glatsch : Clau e Silvio (vess mai tertgau che nus anflien in di in successur pil Silvio) ed a Steini e Co. AG per il rumiar 35 ga il glatsch.

13 Resultats seniors sesiun 2017/2018 di datum liug casa hosp resultat mardis Flem New Ctiy Ravers Uds Trun seniors 3:4 dumengia Cuera HC Belmont Uds Trun seniors 11:4 sonda Flem Uds Truns seniors Molson stars 7:3 sonda Trun Uds Trun activs Uds Trun seniors 10:5 sonda Trun Uds Trun seniors Uds Trun activs 2:3 gievgia Trun Uds Trun activs Uds Trun seniors buca dau sonda Trun Uds Trun seniors Safien Phaidros buca dau gliendisdis Flem Menzli Sport Uds Trun seniors 1:8 venderdis Trun Uds Trun seniors New City Ravers buca dau venderis Trun Uds Truns seniors HC Belmont buca dau sonda Trun Uds Trun activs Uds Trun seniors 7:5 mesjamna Trun Uds Trun seniors Menzli Sport 6:3 venderdis Trun Uds Truns seniors Uds Trun activs 4:6 sonda Flem Safien Phaidros Uds Trun seniors 6:11 5 giugs gudignau / 5 giugs spiars Sittau gols per giug 5.6 / incassau gols per giug 5.3 Top scorers UDS Trun seniors rang num prenum giugs gols assists puncts 1 Deplazes Ralf Albin Renzo Schmed Marcus Lutz Otti Simeon Gion Albin Donat Senn Christoph Albin Erwin Maissen Christian Albin Pascal Caduff Marcus Tuor Curdin Derungs Aluis Sossai Fabs Il cau: Pascal Albin

14 » Juniors e scolars sesiun 2017/2018 La sesiun dils juniors ha entschiet ils 1 da december 2017 cun in trenament en Casa Depuoz e terminau cun ina marenda da ventschidas ils 14 da fevrer (notabene il pli freid di da quei unviern entochen lu!) ensemen cun ils scolars dalla scola da patinar. Uonn havein astgau beneventar 9 novs giugadurs ed ina nova giugadura, cunzun transfers dalla scola da patinar. Quei fa grond plascher da veser duront ils trenaments ina patinera pleina, suenter ch ei era ils davos onns mintgamai mo 6 8 participonts. Era la disciplina dils affons ei fetg buna e motivescha ils trenaders, als quals jeu lessel era engraziar cordialmein per lur engaschi. Giugadurs Abin Cerano Alig Sandro Caduff Ronja Cavegn Rafael Decurtins Aaron Decurtins Enea Decurtins Mattia Decutins Janic Demont Curdin Lombriser Andriu Lombriser Jeremy Lutz Leandro Lutz Livian Maissen Lian Schmed Alessio Schmed Pablo Sossai Sandro Trenaders Albin Donat Albin Renzo Bearth Raffael Della Valle Fabrizio Lombriser Joschua Lutz Otti Maissen Ursin Vincenz Pipo Tuor Luzian Ils juniors dall UDS Trun. Davos sen.: Trenader Donat, Curdin Demont, Enea Decurtins, Mattia Decurtins, Jeremy Lombriser, Sandro Sossai, Andriu Lombriser, trenader Pipi pign. Davon sen.: Janic Decurtins, Livian Lutz, Leandro Pauli Jaks Lutz, Cerano Albin, Leandro Alig, Aaron Decurtins. Il responsabel: Raffael Bearth

15 » Scola da hockey Banca Cantunala Grischuna 20 onns Scola da hockey dalla Banca Cantunala Grischuna Dapi 20 onns exista il project dalla scola da hockey dalla Banca Cantunala e dapi 20 onns fa nossa uniun part da quella purschida. Aschia ein pliras activitads stadas el center da quei giubileum. Il punct culminont ei bein staus gia all entschatta dalla sesiun. La dumengia dils 3 da december 2017 han las scolas da hockey da Trun e Samedan astgau far spalier ella halla da glatsch a Tavau avon il giug Tavau encunter Genevra (Servette). Per ils 15 affons da Trun e lur geniturs (naturalmein era pil menader) in eveniment nunemblideivel. So preparaziun sin Tavau havein nus fatg avon 2 trenaments ella halla da glatsch a Flem. Ed aschia gia entschiet ils 26 da november cun ils emprems exercezis a Flem e naven dils 6 da december saviu cuntinuar sin nossa patinera a Trun. Malgrad ils disvarias e las capriolas dall aura han total 15 occurrenzas giu liug. Ils 13 da fevrer 2018 havein nus terminau la sesiun da glatsch a Trun. Il secund punct culminot per la scola da hockey ei stau il turnier final dallas annadas dils 24 da fevrer 2018, puspei ella halla da glatsch a Tavau. Ils biars da nos giugadurs e Lea Lutz - co suletta giugadura - han giugau buca mo ils treis giugs cun Trun mobein er cun l equipa da Flem ed il cuntrari. Aschia eran tuts ualti staunchels suenter la battaglia tier la surdada dallas medaglias beinmeritadas entras ils giugadurs dil HCD. Lez ein lu stai ualti surstai cun in dils Lutz da Disla ha priu encunter la medaglia cun ina capetscha dil HC Ambri sin tgau, mavan els gie da quei anora che tuts seigien fans dil HCD! Punct culminont dalla scola da hockey: dumengia dils 3 da december 2017 giug Tavau Genevra Ils giugadurs fan spalier avon in grond publicum Geniturs ed affons ein da buna luna era sche Tavau spiarda il giug cun 0 : 4 En tut ein 21 affons separticipai dalla scola da hockey, da quei 5 scolars ni scolaras per l emprema gada. Gia all entschatta dalla sesiun havein nus schau trenar ils scolars che levan dar hockey cun l equipa dils juniors, quei ch ei stau per els da grond avantatg. Egl avegnir stuessen ins ponderar sch ins less buca far silmeins in trenament dils juniors il medem di sco la scola da hockey. Cunzun per ils Lutz da Disla eis ei stau in stress nundetg da vegnir duront l entira sesiun bunamein quater gadas ad jamna cun lur affons als trenaments dalla scola da hockey ni dils juniors aber els ein halt tuts nundetg fanatichers. Era la famiglia Cavegn vegneva cun il fegl e la feglia tochen 4 gadas per jamna naven da Glion a Trun. Insumma, igl engaschament ed il sustegn sco era la promptadad dils geniturs da far ils viadis a Tavau ei staus admirabels. Jeu haiel mai stuiu batlegiar enzatgi e quei levgiescha naturalmein bravamein la lavur. In grond engraziament persuenter als geniturs ed a tuts auters ch ein segidai cun mei duront ils trenaments sil glatsch ni cun pinar il punsch da pausa el kiosc

16 (Sabina e Markus). E naturalmein bien engraziament alla Banca Cantunala per quella grondiusa purschida a caschun dil giubileum. Turnier final dallas scolas da hockey dils 24 da fevrer 2018 a Tavau La squadra da Trun en acziun encunter Cuera Il Lutz culla capetscha dad Ambri retscheiva la medaglia L equipa plein euforia suenter in turnier. Dretg amiez ils schumellins da Flem che han giugau cun nus Aschi giuvens e gia ell optica dils fotografs Il menader: Silvio Albin» Sesiun da glatsch in onn che ha caschunau dabia lavur als maschinists digl UDS Trun Ils 17 da november, suenter ina excellenta degustaziun da vin e gervosa dalla Albin SA havein sprizzau entuorn mesa notg l emprema gada il glatsch a Trun. (Jeu vi bia dir sche Silvio ed jeu havessan astgau trer rundas cun auto l auter di sil glatsch ;-) Scadin cass havein fatg quella notg in optimal fundament per baghegiar si tec a tec il glatsch. Sco schon igl onn vargau havein uonn buc giu in fundament da neiv ed aschia in relativ maluliv terren. Quei cun haver cavau ora material ed ulivau en certs loghens. Mo era quei ei ina gada dapli stau negin problem per il team da glatsch digl UDS Trun.

17 Uonn havein giu da morder cun autras caussas - cun neiv artifiziala dil club da skis, ni cun bia neiv naturala da s.pieder!!!! Era quei ei stau per il team da glatsch negin problem. Il liung magher ed il bu aschi liung, cun agid dad aunc bia auters buns gidonters han adina procurau che la patinera ei aschi spert sco pusseivel stada rumiada dalla neiv. All entschatta havevel entschiet a quintar contas gadas che havein rumiau la neiv d ina media da ca cm, mo suenter la 8avla gada hai lu calau. Rumiau, stuschau e fräsau havein uonn dabia neiv. (entuorn 2 500m 3 ). Perfin schanghegiau ca. 250m 3 a signur Castelberg per far sia loipa :-) La sesiun da glatsch 2017/18 ei stada ina speziala sesiun cun da bia lavur, mo tuttina ina buna sesiun. Era sche ei ha sco adina giu stedi fagugn, neviu e neviu, pluviu e pluviu havein giu tut en tut in bi e bien glatsch, ed aschia saviu menar atras las principalas occurenzas e dar dabia giugs. Sco adina - dat ei ina ni l autra lavur da far! ein ils commembers digl UDS Trun dentuorn! Hai adina giu il sustegn d in bien team che ha luvrau fetg bein. Ei viva igl UDS TRUN Nudar giu ils irals per il turnier da trer rudialas Ins saveva buca pli sin tgei maun metter la neiv Sperel che savein era quintar cun vies agid la proxima sesiun sco era tier la sanaziun dil plaz da glatsch questa stad. In grond engraziament a: - Silvio Zamboni - Markus Carraro - Raffael Metrac (Bandenhobler) - ils Honda fräsers - ed ils palas da neiv Insumma in grond engraziament a tut quels che han segidau. Seigi quei da better ora la neiv, da nudar giu il glatsch, da sprizzar il glatsch ni las lavurs ch ein vegnidas fatgas duront la sesiun. Il responsabel: Clau Giger

18 » Turnier da premis da s. Stiafen Buc da crer, denton ha il turnier da premis gia per la tiarza ga en seria giu liug da s. Stiafen! Jeu sai mo declarar quei aschia che s. Stiafen ha survegniu liunguriala da merar il «Grümpel» a Tavau e perencunter vegnius fan dil «Grümpel» a Trun. Quei ch ei naturalmein absolut capeivel. En tut han 15 equipas priu part a nies tradiziunal turnier da premis, quei munta danovamein in niev record dils davos 15 onns(!). Plaunsiu vegnin cun il turnier da salamis en grondezias che stuessan baghegiar ina halla da hockey. Il turnier ei danovamein staus in success cumplein cun dabia aspectaturs. Cun la puolpa gronda ei l equipa dils «Fans dil Vinnie Mac» ir. Tgunsch han els era la pli gronda fom da tuttas equipas. Grond engraziament a tuts e cunzun a tuttas ch'an priu part a nies turnier ed a tals ch'an segidau sin ina ni l'autra moda. Stau grondius, e tochen in auter onn. Fans dil Vinnie Mac Igl organisatur: Donat Albin» Turnier da fierer rudialas dils Percletg ch ils giugadurs da fierer rudialas ein buca aschi heiclis tgei che pertucca la qualitad dil glatsch, aschia che nus havein malgrad rodund 10 cm neiv nova ed engaschi maximal da nies maschinist da Carraro, il Steini, saviu entscheiver puntual culla 11avla ediziun dil turnier da fierer rudialas a Trun. Ils finalists: Squadra 03 e Las bugliottas Grillmeister Pipi

19 Uonn ein 11 equipas s annunziadas, quei ei zuar ina pli pauc ch ils onns vargai, denton aunc adina fetg bien. Las ligiongas da grill, la salatta da truffel e la suppa da giutta ein scadin cass idas sco métgas cauldas. Las equipas ein vegnidas partidas si en duas gruppas (ina gruppa da sis ed ina da tschun), enteifer las qualas mintg equipa ha dau duas gadas encunter tschellas. Las duas meglieras equipas da mintga gruppa han alla fin dau il final. Ina da quellas endisch equipas era suenter ina pausa dad in onn la Squadra 03 da Sursaissa, ch ei lu promtamein era ida cul premi principal. Strusch ch il final ei staus decidius ha ei puspei entschiet en a neiver e quei 2 dis quasi senza interrupziun, aschia ch il glatsch era cuvretgs il gliendisdis cun biebein 1m neiv nova. In grond engraziament a tut ils participonts ed era a tut ils gidonters ch han segiadau al beingartegiar dil turnier. Gruppa A Squadra 03 Holzmichl RESI Ils Bickis Ils schuloris Ups sai buc Gruppa B Ils Ismeisters Ils Iskratzers Kübelzuescalieurs Las bugliottas Hallabalusa Boys Igl organisatur: Raffael Bearth» Kiosc Dils rodund 40 dis che la patinera ei stada aviarta han ins per part plirs dis mo saviu dar rudialas ni far trenaments culla scola da hockey ed ils juniors. Tuttina eisi stau ina buna sesiun per il menaschi dil kiosc ed ustria cun ina sviulta (incl. turniers) da bunamein francs. Bein ei la frequentaziun dalla patinera buca da cumpregliar cun la sesiun avon nua ch ei ha giu pauca neiv e ni il runal dalla Péra ni la loipa eran en funcziun. Quella sesiun ei quei stau empau auter. Ils seniors dil CB Trun/Rabius, buca biars aber da buna luna Il persunal dalla Casa Sogn Giusep gauda il fondue

20 Strusch aviert la patinera ch ei ha dau neiv pli che detgavunda. Tuttina havein incassau frs per patinar e frs per affittaziun da patinas. Ei fa naturalmein plascher sche las scolas nezegian la purschida dalla patinera sco ils scolasts dil scalem ault, Salvatore Stagliano ed Armon Bearth. Avon Nadal han els schizun cumbinau il patinar cun guder ensemen cun ils scolars e las scolaras in bien fondue. Per las entradas dil kiosc ein las differentas occurrenzas: ils turniers da rudialas e premis, ils giugs dallas equipas, las seras da fierer rudialas e magliar fondue da gronda impurtonza. Fussen las relaziuns dall aura stadas suenter Daniev empau pli favoreivlas, havessen nus segiramein contonschiu las cefras dalla sesiun precedenta. Grondius funcziunescha la informaziun sur internet, respectiv sin la homepage da nossa uniun sur dalla situaziun dalla patinera, che vegn legida stediamein. Grond engraziament al Donat per sia lavur d actualisar mintga di la hp. Las suandontas guppas ni uniuns han fatg part dalla purschida da rudialas ni patinar e fondue (* buca giu la pusseivladad da fierer rudialas, aber gudiu il fondue): Scalem superiur Trun/Sumvitg Famiglias Marino / Wolf Seniors CB Trun / Rabius* Club da tennis Trun* Uniun da gimnastica Ischi* Persunal Casa Sogn Giusep Equipas Clau Rensch (Resi)e Robert Cathomas (Holzmichel) Uniun sportiva Rabius Gronda lavur pil kiosc fan adina la Sabina ed il Markus Caduff. Cunzun duront il di, en specialmein las mesjamnas, sondas e dumengias ei propi la Sabina la schefa dalla ustria e dil kiosc. Alla Sabina ed il Markus sco a tut ils auters che segidan in grond engraziament. In grond engraziament naturalmein ad Ernst Berner, miu fideivel gidonter dallas seras da fondue. Buca emblidar en miu engraziament nies Ysmeischter Clau Giger per l organisaziun da far glatsch e cunzun da rumiar la neiv. Nus dus havein in buna ed emperneivla collaboraziun duront l entira sesiun. Quei bein perquei ch el ei in semegliont fanaticher sco jeu. Insumma, il better ora neiv ei stau quella sesiun in fenomen ch jeu saiel en mes varga 50 onns sco commember buca seregurdar da haver viu enzacu. In exempel dils 5 da schaner 2018: Steini e Raffael cun tractors, ils Lutz schizun cul tractor giu da Disla, 6 giugadurs cun taglianeivs privats e rumiau gl entir plaz en cuort temps! In grond engraziament admettel medemamein alla suprastonza per la buna lavur ed al Mirco Wolf pil bien quitau dalla Zamboni. Il responsabel: Silvio Albin» Rapport dil president En cumparegl cugl onn vargau ch ei entras la cumpra d ina nova Zamboni e l organisaziun dalla sera familiara staus fetg turbulents ei la sesiun 2017/18 stada in bien ton pli ruasseivla. Principalmein ha il program da lavur existau ord il puncts usitai sco la lavur cumina atunila, camp da trenament si Arosa, far glatsch, il menaschi da patinar public, giugs ha hockey sin glatsch, trenaments da hockey per ils juniors e la scola da patinar dalla BCG, fierer rudialas e seras da fondue, ils dus turniers da s. Stiafen e da fierer rudialas, di da skis e la lavur cumina primavauna. Dasperas ha ina pintga gruppa da lavur

21 entuorn il cau-patinera Clau priu avon entginas correcturas vid il terren silla plazza da patinar. Cheu vegnan denton aunc a stuer suandar ulteriuras lavurs vid il funs ed era vid ils fundaments dallas bandas. Extraordinarias ein segirefranc las grondas nevadas ch igl unviern 2018 ha purtau stadas. Cumbinau cullas temperaturas cauldas duront il schaner ei la lavur dil cau-glatsch e ses gidonters daventada fetg stunclentusa e malengrazieivla. Biaras gadas ha ei giu num da better ora uras en ed uras neiv, e tuttina savevan ins suenter buca nazzegiar la patinera, cunquei ch ei pudeva buca schelar. Aschia havein nus entgins giugs buca saviu menar atras, il turnier da premis da s. Stiafen ed il turnier da fierer rudialas han denton giu liug ils datums planisai. La suprastonza ei sedecidida da produzir uonn per mintga commember activ in lismer da capuzza cun si in niev logo dall Uniun da scursalets. Sur da quei logo han tut ils giugadurs dall emprema equipa e dils seniors saviu votar giu. Plinavon vegn ei era a dar novs T-Shirts cun il medem logo che sa allura vegnir cumpraus dad in e scadin. Pullovers e T-Shirts vegnan proximamein a vegnir reparti. Sco finiziun havein menau atras entschatta mars nies usitau di da skis, uonn o Breil. La medema sera essan nus serimnai el Tschèser ad ina tscheina da ventschidas. Specialmein menziunar ed engraziar lessel per il grond engaschi da tut ils commembers, seigi quei cu ei va per segidar duront in occurenza, prender part allas lavurs cuminas ni era per la participaziun als giugs da hockey. Tut las occurenzas che nus havein saviu menar atras ein gartegiadas grondius e nus survegnin mintgamai fetg biars reuns positivs. Senza vies agid e vossa motivaziun fuss quei buca pusseivel. Il president: Raffael Bearth

22 Engraziament Alla fin dalla sesiun vala ei secapescha dad engraziar a tuts. Specialmein engraziel jeu a: Mes collegas da suprastonza, Donat Albin e Mirco Wolf Als revisurs da quen Gion Simeon, Manuel Reichenbach ed al substitut Marco Bearth A tuttas persunas che han surpriu in post per noss uniun (trenaders, responsabels pil glatsch, kiosc, schulitgaders, gidonters e gidontras, organisaturs da giugs) Al responsabel per la pagina d internet A Sabina e Markus Caduff pil grond agid el kiosc A Silvio Albin ed Ernst Berner per las seras da fondue A Daniel Tuor, sco cassier dil consorzium stabiliments da sport A nos fideivels sponsurs e donaturs per lur grondius sustegn Allas suprastonzas dil Club da ballapei Trun/Rabius e dil Club da skis Trun per la buna e vicendeivla collaboraziun E buc il davos a tut quellas persunas ch jeu haiel senza malaveglia emblidau da numnar specialmein. Trun, ils 16 d avrel 2018 Il president: Raffael Bearth Funcziunaris Uniun da scursalets Trun President Actuar Cassier Revisurs da quen Raffael Bearth, Via Carmanera 11, 7166 Trun Mirco Wolf, Via da scola 11, 7127 Sevgein Donat Albin, Via Fraissens 12, 7166 Trun Gion Simeon, Via Splecs 17, 7166 Trun Manuel Reichenbach, Via Principala 106, 7166 Trun Marco Bearth, La Foppa 478b, 7172 Rabius Trenader activs e seniors Responsabel juniors e scolars Responsabel seniors Scola da patinar e hockey Arbiters Philippe Vincenz, Via Fabrica 1, 7166 Trun Raffael Bearth, Via Carmanera 11, 7166 Trun Pascal Albin, Via Fabrica 8, 7166 Trun Silvio Albin, Via Splecs 26, 7166 Trun Markus Caduff, Via Fabrica 2, 7166 Trun Renato Della Valle, Via Fabrica 10, 7166 Trun Responsabel glatsch Responsabel kiosc Adressa Commembers d honur Clau Giger, Via Principala 69, 7166 Trun Silvio Albin, Via Splecs 26, 7166 Trun Uniun da scursalets Trun, Caum postal 85, 7166 Trun Ervin Wolf, Giachen Riedi, Giusep Decurtins, Marcellino Flury, Placi Degonda, Renato Della Valle, Silvio Albin

23 Remigi Maissen

24 Uniun da scursalets Trun Caum postal Trun