RELAZION CONSUNTIVE 2014

Transcript

1 RELAZION CONSUNTIVE 2014 ATIVITÂTS Lis ativitâts che la Societât Filologjiche Furlane e à puartât indenant tal 2014 si puedin dividi in: 1. Manifestazions 2. Editoriâl 3. Biblioteche e archivi 4. Didatiche, formative e di supuart 482/99 5. Comunicazion e promozion 6. Progjets specifics 7. Gjestion dal patrimoni Ta cheste relazion si presente, in struc, ce che al è stât fat l an passât. Pagj. 1/18

2 1. MANIFESTAZIONS Ta cheste sezion si presentin lis manifestazions sociâls plui impuartantis (Assemblee dai Socis, Fraie de Vierte e Congrès Sociâl) e lis iniziativis principâls che la societât e à puartât indenant, come la prime edizion de Setemane de Culture Furlane. 1.1 Assemblee dai socis La Assemblee Gjenerâl Ordenarie dai Socis e je stade fate ai 2 di Març dal 2014 tal Palaç Mantica; ai Socis ur è stât domandât di fâ bogns i documents di Belanç (2013) e il Belanç Preventîf (2014). 1.2 Fraie de vierte Chest apontament tradizionâl si è davuelt a Buri ai 15 di Jugn dal In ocasion de prime edizion de Setemane de Culture Furlane, la Fraie e je stade metude dentri tal calendari des manifestazions e e à sierât la Setemane. Cun di plui, e je stade metude dentri te programazion de Fiere Regjonâl dai Vins di Buri. Te Fraie ur son stâts dâts ai mestris i atestâts pes personis che a àn partecipât ae edizion 2014 dai cors pratics e a son stâts premiâts i students che a àn vinçût i doi concors che la Societât e promôf: chel che e inmanee cu la Associazion Stelliniani par traduzions dal grêc e dal latin al furlan (XII edizion) e la IV edizion dal concors Lenghis par traduzions des lenghis europeanis (in concret dal todesc e dal inglês) al furlan. 1.3 Congrès sociâl Il 91 n Congrès Sociâl si è davuelt domenie ai 28 di Setembar dal 2014 a Lignan li de Terace Mâr. In gracie de colaborazion cu la aministrazion comunâl, il Congrès che la comunitât di Lignan lu bramave al à vude une partecipazion une vore buine. Al è stât presentât il numar unic Lignan, par cure di Massimo Bortolotti, che tai siei doi volums al da dongje i studis plui resints di 80 e passe autôrs su temis leâts al teritori, ae storie, ae art, ae economie, al turisim e ae societât di Lignan. Simpri in gracie de colaborazion cul Comun, prime dal congrès a son stadis proponudis une vore di manifestazions. Pagj. 2/18

3 1.4 La Setemane de Culture Furlane La novitât principâl dal 2014 e je stade la organizazion de prime edizion de Setemane de Culture Furlane, une rassegne di events, cunvignis, manifestazions di diviers gjenars pe promozion de culture furlane in ducj i siei aspiets. Cheste iniziative, uniche e cence precedents in regjon, e à volût tirâ dongje intune uniche propueste culturâl lis diviersis realtâts associativis regjonâls, favorint la creazion di sinergjiis progjetuâls e operativis. La prime edizion de Setemane, dai 5 ai 15 di Jugn, e à vût une vore di sucès e nus à puartâts in plui di vincjecinc comuns des provinciis di Udin, Pordenon, Gurize e ancje Vignesie e Trevîs, fasint partecipâ lis comunitâts e lis associazions locâls, i studiôs e i apassionâts di storie, tradizions, lenghe, art e musiche furlane. 1.5 Iniziativis, cunvignis e manifestazions In plui des presentazions dai volums publicâts de Filologjiche, che a son stadis fatis in diviersis localitâts dal Friûl, la Societât e à promovût ancje une vore di apontaments su diviers temis là che a àn partecipât relatôrs cualificâts. Si à di ricuardâ ancje la organizazion dal VI Colloquium Retoromanistich, là che i studiôs des regjons dai Grisons, de Ladinie e dal Friûl si son cjatâts a Cormons dai 2 ai 4 di Otubar dal 2014 (une altre volte in Friûl 9 agns dopo de edizion di San Denêl dal 2005) par rifleti sul patrimoni comun di lenghe, culture, storie e tradizions. Te suaze de Fieste de Patrie dal Friûl, in colaborazion cul sportel lenghistic dal Comun di Codroip e cu la poie de Provincie di Udin, ai 5 di Avrîl dal 2014 si è davuelt a Codroip, tal teatri Benois-De Cecco e te Biblioteche civiche, il seminari Marilenghe e Mariscuele. Riflessions par un percors condividût e integrât, par fâ il pont sul stât dal insegnament dal furlan, cuntune mostre dai progjets didatics che a son stâts puartâts indenant tes scuelis, cu la partecipazion di 150 e passe insegnants des scuelis furlanis. Pagj. 3/18

4 Tra chês altris iniziativis che a son stadis proponudis, o ricuardìn ancje: Etiam vernacula lingua, donazion dal Fonts Costantini de Clape Culturâl Acuilee ae Societât Filologjiche Furlane. A Udin (Palaç Mantica) ai 20 di Fevrâr dal 2014, in colaborazion cul Istitût Pio Paschini pe Storie de Glesie in Friûl. Contis di Sef mulinâr, presentazion cul prof. Gian Paolo Gri e cun pre Rizieri De Tina dal volum curât di Stefano Morandini. A Nimis ai 2 di Avrîl dai Preieris pai fruts, conference stampe di presentazion dal librut di preieris par furlan pai fruts par cure di Gabriele Zanello. A Udin (Palaç Mantica) ai 10 di Avrîl dal Il ritratto del cardinale Francesco Mantica, inaugurazion de piture dopo restaurade. A Udin (Palaç Mantica) ai 15 di Mai dal In colaborazion cu la Sorintendence pai Bens Storics, Artistics e Etnoantropologjics dal Friûl Vignesie Julie. Cartulinis dal Friûl, mostre interative sul Fonts Cartulinis cun intervents di Gianfranco Ellero e Stefano Perulli. A Udin (Palaç Mantica) ai 19 di Setembar dal 2014 in ocasion di Friuli Doc. Art e Glesie in Friûl, presentazion cun Mons. Duilio Corgnali de racuelte di scrits di Luciano Verona. A Udin (Centri cunvignis Paulin di Aquilee ) ai 12 di Dicembar dal 2014, in colaborazion cu «La Vita Cattolica». I Secleri nella Mitteleuropa multietnica e plurilingue, conference in colaborazion cul Istitût pai Incuintris Culturâi Miteleuropeans. A Udin (Palaç Mantica) ai 4 di Novembar dal La Grande Guerra tra storia e memoria, taule taronde di presentazion dal progjet Conosciamo la Grande Guerra in Friuli Venezia Giulia 1914, in colaborazion cu la Fondazion Giuseppe Siotto, l Istitût pai Incuintris Culturâi Miteleuropeans, la Associazion dai Istitûts di Culture Talians. A Udin (Palaç Mantica) ai 12 di Novembar dal Te suaze dal stes progjet a son stâts inmaneâts, simpri a Palaç Mantica tai mês di Novembar e di Dicembar, cinc dai undis seminaris didatics che a laran indenant fin al mês di Fevrâr dal Pagj. 4/18

5 Friulani illustri, tra biografie e prospettive di ricerca, seminari in colaborazion cu la Deputazion di Storie Patrie pal Friûl e cul Dipartiment di Studis Umanistics de Universitât dal Friûl. A Udin (Palaç Mantica) ai 2 di Dicembar dal La mostre fotografiche e leterarie Gina Marpillero nel Novecento friulano e je stade ospitade in diviersis localitâts, come Lignan in ocasion dal Congrès sociâl e Rome (Palaç Ferrajoli) dai 2 ai 18 di Avrîl 2014, in colaborazion cul Fogolâr Furlan de capitâl taliane. La mostre didatiche Friûl in Storie e je stade proponude in diviersis localitâts: tra chestis San Michêl dal Tiliment, in ocasion de Setemane de Culture Furlane e altris realtâts dal Friûl di là de aghe. Pagj. 5/18

6 1.5 Concors e Premis Tal 2014 la Societât e à inmaneât premis e concors, apontaments simpri impuartants par fâ cressi la visibilitât e il contat cul teritori, fasint partecipâ soredut i zovins: Concors par traduzions dal grêc e dal latin al furlan, XII edizion La XII edizion dal concors, viert a ducj i students liceâi dal Friûl, e je stade organizade, come simpri, in colaborazion cu la Associazion I Stelliniani. La prove e je stade la traduzion in furlan di un test origjinâl in lenghe greghe o latine. Il bant al previodeve dôs categoriis par ognidune des lenghis: une pal bieni e une pal trieni. La premiazion e je stade fate a Buri ai 15 di Jugn, in ocasion de Fraie de Vierte. Concors Lenghis 2014, IV edizion Tal 2014 e je stade inmaneade la IV edizion di Lenghis, concors dedicât ai students des scuelis superiôrs dal Friûl, che al previodeve la traduzion in furlan di tocs leteraris des lenghis europeanis (inglês e todesc). Ancje i students che a àn vinçût il concors Lenghis a son stâts premiâts in ocasion de Fraie de Vierte, ai 15 di Jugn a Buri. Concors Presepis tes scuelis dal Friûl Vignesie Julie, IX edizion La Associazion des Pro Locos dal Friûl Vignesie Julie e à proponût ancje chest an, dongje de iniziative Zîr Presepis in Friûl Vignesie Julie, il concors riservât ai presepis fats tes scuelis, pensât pai fruts des scuelis primariis de Regjon, cul patrocini de nestre Societât e la poie de Bancje Popolâr di Cividât. La finalitât e je chê di rinfuarcî tes gjenerazions plui zovinis il sens de tradizion midiant de creazion di piçulis oparis di art cuntun grant valôr simbolic e religjôs. Pagj. 6/18

7 2. EDITORIÂL 2.1 Publicazions periodichis L impegn al continue intes publicazions periodichis da Societât, garantint un nivel une vore bon di cualitât dai contignûts e cirint di rispietâ la periodicitât. Par vie de riduzion dal contribût ordenari, si à scugnût ridusi il numar des jessudis des rivistis sociâls e si à sospindût ancje la spedizion ai socis dal Ce fastu?, che al reste dut câs a disposizion inte sede da Societât. Tal 2014 a son stâts publicâts e dâts fûr a ducj i socis: Sot la Nape (3 numars, , 1-2/2014, ): l ultin numar dal 2013 e i doi numars dal 2014 a son stâts publicâts sot de direzion di Nicola Saccomano; Ce fastu? (1 numar): la riviste sientifiche direzude dal prof. Giovanni Frau che e met adun i lavôrs e i contribûts dai miôr specialiscj di lenghistiche, filologjie, tradizions popolârs, storie e art dal Friûl; Strolic furlan pal 2015 (1 numar) prontât di Claudio Romanzin, chest an al à come teme Pan, furlan e fantasie. Al è stât burît fûr ancje il Lunari pal 2015, il lunari de Societât stampât in gracie de poie de Bancje Popolâr di Cividât, cuntune selezion dai tocs di afrescs dal Palaç Mantica. Il prof. Giuseppe Bergamini al è il diretôr e il responsabil des rivistis. Si ricuarde che, dal 2008 incà, dutis lis rivistis Societât Filologjiche Furlane a saltin fûr cuntun codiç ISSN (International Standard Serial Number) che al identifiche in maniere univoche lis publicazions periodichis. Si segnale ancje che al è saltât fûr il boletin Scuele Furlane, suplement al Sot la Nape, un imprest util pai operadôrs de scuele furlane (mestris, gjenitôrs, dirigjents) che al è stât realizât cu la poie de Provincie di Udin. Ta cheste riviste a son plusôrs articui interessants: intervents di esperts dal mont de scuele, descrizions di progjets didatics specifics e une rassegne des publicazions plui impuartantis pe scuele furlane. Pagj. 7/18

8 2.2 Publicazions no periodichis Intal 2014 a son stadis publicadis 12 monografiis: Lignan, par cure di Massimo Bortolotti, numar unic pal 91 n Congrès Sociâl; Vita di Gina Marpillero nel Novecento friulano, par cure di Ivana Battaglia, catalic de mostre in ricuart di Gina Marpillero a cent agns de sô nassite, in colaborazion cul Comun di San Zorç di Noiâr; Preieris pai fruts, librut cu lis preieris di ogni dì e de liturgjie par furlan; Storiis, liendis e tradizions de Val dal Lâc, di Velia Stefanutti, al met adun liendis e tradizions de Val dal Lâc di Cjavaç (Agâr ; 20); Puisiis, di Eddi Bortolussi, antologjie dai scrits poetics (Scritôrs dal Friûl ; 6); Art e Glesie in Friûl, di Luciano Verona, al met adun i scrits su la art gleseastiche in Friûl che a jerin saltâts fûr su La Vita Cattolica (Scritôrs dal Friûl ; 7); Tic-tac ce nassial? conte par fruts su la impuartance di doprâ ben il timp, cun tescj e disegns di Miriam Pupini. Cuart volum dal progjet promovût de Bancje Popolâr di Cividât pe Zornade mondiâl dal sparagn; Cjantutis pai fruts: 3. concors de Societât Filologjiche Furlane, volum curât di Roberto Frisano, publicât in coedizion cun Pizzicato Edizioni Musicali e USCI FVG, al presente lis cjançons che a àn vinçût o che a son stadis segnaladis tal concors Cjantutis pai fruts dal 2010; Melopee: siet poets neerlandês, di Giorgio Faggin, par cure di Marco Prandoni e Gabriele Zanello (Agâr ; 21); Lis mês primis peraulis, di Sara Moling e Gabi Mutschlechner, adatât al furlan di Paolo Roseano. Dizionari ilustrât par fruts, cun peraulis in cuatri lenghis (furlan, talian, todesc e inglês) publicât in colaborazion cu la Uniun Ladins Val Badia e cul Istitut Ladin Micurà de Rü; Une zornade cun Berte, di Giovanna Zordan e Barbara Jelenkovich, publicât cu la poie de ARLEF; Nomi, luoghi, identità, par cure di Franco Finco e Gabriele Iannaccaro (Golaine dai Cuaders di Toponomastiche Furlane). Il volum al met adun i ats de cunvigne su lis politichis lenghistichis in toponomastiche che si è davuelte a Cividât e a San Pieri dai 17 ai 19 di Novembar dal 2011; Pagj. 8/18

9 Olmis. Diari torzeon par cognossisi e fâsi cognossi, pal an scuelastic La edizion di chest an, la XX, curade de Comission Scuele e sostignude de Fondazion CRUP, e veve come teme Piçui paîs, grancj tesaurs. Pagj. 9/18

10 3. BIBLIOTECHE E ARCHIVI Il 2014 al è stât un an une vore vivarôs pe Biblioteche da Societât, sedi pal numar di acès sedi pai servizis che i son stâts dâts al public. Si conferme che ai utents ur è plasût une vore il servizi di document delivery: tal 2014 a son stadis 900 domandis di mandâ materiâi par pueste eletroniche (pe plui part articui des rivistis Ce fastu? e Sot la Nape che a son stadis schedadis e che si puedin consultâ in rêt midiant dal OPAC). Al è lât indenant ancje il program di disvilup dal patrimoni librari: la cressite e je stade otignude in part comprant volums (specifics pe tipologjie di patrimoni), ma soredut in gracie des donazions di socis e sostenidôrs e midiant di scambis cun altris ents e istituzions. E je lade indenant la ativitât di catalogazion dal patrimoni librari da biblioteche: tal 2014 il catalic in linie al è stât insiorât cun 615 records gnûfs e si è rivâts al totâl di Plui dal 85% dal patrimoni de biblioteche al è in rêt. Di chest patrimoni, i titui di argoment furlan a son plui dal 95%. Il catalic in linie al è stât consultât voltis vie pal an. Ancje tal 2014 e je stade confermade la convenzion cul Servizi Integrazion Lavôr dal C.A.M.P.P. de sede di Udin pe gjestion e atuazion di percors personalizâts di integrazion lavorative. Su la fonde di chest acuardi, te Biblioteche de Filologjiche e à prestât servizi une persone par un Tirocini di Formazion in Situazion Disvilup. Tal 2014 a son stâts puartâts indenant, te nestre Societât, doi progjets di Servizi Civîl Nazionâl: La Biblioteche dai furlans 2013 e Comuniche la lenghe e culture furlane In dut, a son stâts atîfs 4 volontaris che a àn fat il lôr servizi te biblioteche (cun funzions di back office e di segretarie) e tal ufici events (cun funzions di supuart aes ativitâts). Pagj. 10/18

11 4. DIDATICHE, FORMATIVE E DI SUPUART AE LEÇ 482/99 L an passât a son stadis puartadis indenant chestis ativitâts tal setôr de didatiche, de formazion e di chei altris servizis pai ents publics ancje in funzion de aplicazion des leçs di tutele des minorancis lenghistichis (leç 482/99): Cors pratics di lenghe e culture furlane, cu la partecipazion di 281 personis e cu la colaborazion di 13 docents, che a àn rinunciât al compens, in 17 localitâts (Cjastelgnûf, Çarvignan, Cividât, Codroip, Cormons, Glemone, Gurize, Manià, Manzan, Pasian di Prât, Pavie, Romans dal Lusinç, San Vît dal Tiliment, Spilimberc, Tumieç, Udin, Voleson). Cors di formazion par insegnants. Tal 2014 e je stade une vore impuartante la ativitât di formazion che e je stade pussibile in gracie dal finanziament regjonâl pai progjets di promozion sociâl LENGHE 2013 e dal finanziament de Direzion Regjonâl Istruzion te suaze dal progjet 4 Lenghis 1 Regjon. I insegnants che si son dâts in note ai percors formatîfs de Societât Filologjiche Furlane a son stâts 208. In considerazion de adesion une vore buine, a son stâts inviâts 18 cors (tra parentesis il numar dai docents formâts): o nr. 4 cors base di Formazion e inzornament di lenghe e culture regjonâl (106); o nr. 1 cors di Lenghistiche furlane (16); o nr. 2 cors di Musiche furlane (34); o nr. 1 cors di Storie dal Friûl (18); o nr. 2 cors di Tradizions popolârs (34). Chescj cors a son stâts fats tai istitûts comprensîfs di Cormons, Gonârs, Spilimberc, Tavagnà e Tumieç, ma ancje te sede de Filologjiche di Udin. Pagj. 11/18

12 O ricuardìn che lis ativitâts formativis de Societât Filologjiche Furlane: o a son ricognossudis dal Ufici Scuelastic Regjonâl dal Friûl Vignesie Julie daûr de Diretive Ministeriâl n. 90 dal 1 di Dicembar dal 2003 e a son lis unichis ativitâts formativis par personâl docent su la lenghe e la culture furlane cun incredit dal ministeri; o a costituissin titul culturâl pe iscrizion te Liste regjonâl dai insegnants cun competencis ricognossudis pal insegnament de lenghe furlane (Leç Regjonâl 29/2007). Ativitât di traduzion dal talian al furlan e a altris lenghis regjonâls fate daûr di incarghis di ents publics; Ativitât di consulence, traduzion e revision grafiche par insegnants, scuelis, istituzions variis e socis. Pagj. 12/18

13 5. COMUNICAZION E PROMOZION Lis ativitâts che la nestre Societât e à puartât indenant a son cetant variis, come che si pant in cheste relazion. Une esigjence simpri plui sintude e je chê di fâi rivâ al public in mût eficient lis notiziis su la Societât. In plui de informazion, si à di riservâ simpri plui atenzion aes formis di comunicazion in lenghe furlane e ae realizazion di prodots multimediâi, ancje cul jutori des gnovis tecnologjiis. Doi dai cuatri volontaris dal Servizi Civîl Nazionâl che a son impegnâts te Societât dal mês di Fevrâr dal 2014 incà a lavorin pal progjet Comuniche la lenghe furlane e la culture furlane. Vie pal an, i volontaris a àn disvilupât cognossincis sui mass media regjonâi e su lis comunitâts lenghistichis talianis e forestis, su lis criticitâts di chescj setôrs, su lis problematichis dal lavorâ in grup e a àn svilupât competencis scritis e orâls in lenghe furlane. 5.1 Pagjinis in lenghe furlane Ancje tal 2014 la Societât Filologjiche e à puartât indenant la colaborazion cul gjornâl plui impuartant dal Friûl e cul setemanâl diocesan di Gurize pe publicazion des pagjinis par furlan. In particolâr: Marilenghe (coordenade di Giuseppe Mariuz, 25 jessudis): pagjine dute in lenghe furlane che e ven fûr il prin e il tierç martars dal mês sul Messaggero Veneto. La pagjine e intint ufrîur un spazi aes diviersis vôs da furlanetât; Si segnale, cun di plui, che dal mês di Fevrâr dal 2014 incà la pagjine Marilenghe e salte dûr dôs voltis al mês, no plui nome une volte; Friûl di Jevât (11 jessudis): pagjine in lenghe furlane che e ven fûr une volte al mês su Voce Isontina, setemanâl de Arcidiocesi di Gurize. Chest apontament al propon aprofondiments su argoments di interès furlan, doprant ancje la varietât sonziache. Pagj. 13/18

14 5.2 Sît internet Tal 2014 la Societât Filologjiche Furlane e à rinovât di plante fûr il so sît istituzionâl ( Il gnûf implant dal sît al è stât pensât par che al sedi plui facil cirî lis informazions e par ufrî une vitrine des ativitâts de Filologjiche, ma ancje come un imprest inovatîf di consultazion e di ricercje. Il sît, che al è atîf in dôs lenghis (furlan e talian), al permet di cognossi ducj i aspiets de vite de societât, dai progjets e des ativitâts sociâls in cors e programadis. Al da ancje la pussibilitât di rinovâ la iscrizion diretamentri sul sît web, jemplant un modul in linie. E je stade rinovade ancje la newsletter, che si conferme come un servizi simpri plui preseât. Tal 2014 al à vût 108 numars e plui di abonâts. Cun di plui, a son stâts rinovâts e inzornâts i catalics in linie: OPAC de biblioteche pe catalogazion dal patrimoni librari, atîf par talian e par furlan ( OPAC Rivistis pe consultazion in linie des rivistis Ce fastu? e Sot la Nape cun plui di articui, atîf par talian e par furlan ( SICAP pe catalogazion dal fonts fotografic dal Archivi Pellis e de colezion dal Fonts Cartulinis de Societât ( Si à di segnalâ ancje la presince de Societât Filologjiche Furlane tai Social-Networks: la pagjine Facebook de Societât e à vût Mi plâs. Ducj i messaçs che a vegnin postâts ju visualizin e passe utents. Pagj. 14/18

15 6. PROGJETS SPECIFICS Dongje des ativitâts tradizionâls (editorie, didatiche e manifestazions) la Societât Filologjiche Furlane tai ultins agns si impegne in progjets di grande valence sientifiche e tecnologjiche, ricognossûts a livel nazionâl e regjonâl. Chestis ativitâts, puartadis indevant di zovins furlans che ur è stade dade e si ur darà fidance, i àn permetût al nestri sodalizi di cuistâ une grande competence specifiche in diviers setôrs. Tra i progjets che a son stâts inviâts o sierâts tal 2014 o ricuardìn: Conosciamo la Grande Guerra in Friuli Venezia Giulia, progjet liderât de Societât Filologjiche. L obietîf di fonde dal progjet al è chel di aprofondî la cognossince dai fats de prime vuere mondiâl midiant di percors pluridissiplinârs e plurilenghistics. Il progjet al previôt la organizazion di laboratoris didatics tai istitûts comprensîfs che a partecipint ae iniziative. Ae fin dal percors si publicaran i materiâi didatics in cinc edizions (furlane, taliane, inglese, slovene e todescje). I partners dal progjet a son: Istitût pai Incuintris Culturâi Miteleuropeans di Gurize, Istitût di Storie Sociâl e Religjose di Gurize; Deputazion di Storie Patrie pal Friûl, Istitût Sloven di Ricercjis, Istitût Comprensîf "Giovanni Pascoli" di Cormons, Istitût Comprensîf "Via Roma" di Marian, Istitût Comprensîf "Destra Torre" di Dael, Istitût Comprensîf II di Udin, Istitût Comprensîf III di Udin, Istitût Comprensîf di Tavagnà, Istitût Comprensîf di San Vît dal Tiliment. Il progjet al è finanziât de Regjon Autonome Friûl Vignesie Julie - Bant ex L.R. 11 dai 4 di Otubar dal lenghis = 1 Regjon. Il progjet, liderât de Societât Filologjiche, al vûl promovi la cognossince des minorancis lenghistichis storichis dal Friûl Vignesie Julie tes scuelis primariis e secondariis di prin grât de regjon. Te suaze di chest progjet a son stâts organizâts 54 laboratoris tes scuelis primariis dai Istitûts Comprensîfs partners e di altris scuelis che a àn aderît al progjet. A son stâts stampâts materiâi didatics in cuatri lenghis (furlan, talian, todesc, sloven) che a Pagj. 15/18

16 puedin jessi consultâts e discjamâts intune sezion di pueste dal sît internet de Societât. I Istitûts Comprensîfs partners di progjet a son: Istitût Comprensîf II di Udin, Istitût Comprensîf III di Udin, Istitût Comprensîf di Martignà, Istitût Comprensîf di Tavagnà. Il progjet al è finanziât de Regjon Autonome Friûl Vignesie Julie Bant pal finanziament di progjets speciâi La version ebook di O impari il furlan di Franco Sguerzi. Il progjet, finanziât cui bants ARLeF pe editorie 2012, al à permetût la trasformazion informatiche di chest strument par insegnâur la lenghe furlane ai fruts midiant di zûcs e tantis ativitâts interativis. Tal 2014 si à metût in vore il progjet realizant chestis versions: par sisteme operatîf Apple multilengâl che si pues discjamâ diretamentri di itunes o in lenghe spagnole o in lenghe taliane o in lenghe inglese o chestis versions si zontin a chê in lenghe furlane multiplateforme che si pues doprâ diretamentri sul sît internet de Societât o par furlan, talian, inglês e spagnûl Cronache Isontine Cronachis Lisuntinis Posoška Kronika. La Societât e à partecipât al progjet promovût de Provincie di Gurize, in atuazion des Leçs 482/99 e 38/01, come continuazion di ce che si veve za fat tal Te suaze di chest progjet di Pagj. 16/18

17 comunicazion istituzionâl si à fevelât, doprant lis lenghis dal teritori (talian, furlan e sloven), di temis di culture, societât, ambient. I tescj si puedin consultâ tal sît web La Societât, dutune cu lis organizazions de comunitât nazionâl slovene, e à coordenât i colaboradôrs furlans, garantint une part dai contribûts e lis traduzions in lenghe furlane; La conclusion dal progjet di cooperazion internazionâl EDUKA, là che la Societât Filologjiche Furlane e je partner progjetuâl, che al vûl promovi i valôrs interculturâi, che a son fondamentâi pe formazion e pal svilup dai rapuarts tune societât multietniche e multilengâl. Si à riservât une atenzion speciâl pe aplicazion concrete de educazion interculturâl, tignint cont sedi des minorancis tradizionâls (in particolâr di chê taliane in Slovenie e di chê furlane e di chê slovene in Italie) sedi des gnovis minorancis o grups di migrants. Pagj. 17/18

18 7. PATRIMONIÂL Ancje ta chest setôr si è confermât l impegn par rinfuarçâ la Societât Filologjiche Furlane. 7.1 Palaç Mantica Cun chê che Palaç Mantica al deventi simpri di plui la cjase de culture furlane, tal 2014 a son stâts firmâts i comodâts cu la Associazion Amici dai Musei e cu la Accademia Udinese di Scienze Lettere Arti par permetiur doprâ un pocjis di stanziis dal Palaç e i spazis comuns. Simpri in merit dal Palaç e de sô storie, si à di ricuardâ che, in gracie di un acuardi cu la Sorintendence Artistiche dal Friûl Vignesie Julie, al è tornât tal Palaç il ritrat dal gardenâl Francesco Mantica, une biele piture dal Sîscent cuntune suaze de stesse ete. Dopo dai lavôrs che a son stâts fats tal edifici tra 2009 e il 2013, si garantissin i lavôrs di manutenzion ordenarie de sede de Societât. 7.2 Sedis periferichis L an passât e je lade indenant la gjestion ordenarie des sedis periferichis di Gurize e di Pordenon. 7.3 Gjestion dal patrimoni dal Lassit Ciceri Dopo di vê comprât (tal 2005) doi apartaments in vie Pavie (zone Ospedâl- Universitât) cui fonts dal Lassit Ciceri, si va indenant cu la lôr gjestion ordenarie. I apartaments a son stâts dâts a fit, in mût che si conserve il capitâl e si garantìs une jentrade economiche che e permet di finanziâ il Premi Ciceri. 7.4 Magazens I magazins di vie Monte Hermada a Udin, comprâts tal 2005 e rinovâts in part tal 2006, a son une risorse impuartante pe nestre Societât tant che dipuesit di libris. Pagj. 18/18