RELAZION PREVENTIVE 2016

Transcript

1 RELAZION PREVENTIVE 2016 ATIVITÂTS Lis ativitâts programadis de Societât Filologjiche Furlane pal 2016 si puedin dividi ta chestis macro-ativitâts: 1. Manifestazions 2. Editoriâl 3. Biblioteche e archivi 4. Didatiche, formazion di supuart ae leç 482/99 5. Comunicazion e promozion 6. Progjets specifics 7. Patrimoniâl Pag. 1/14

2 1. MANIFESTAZIONS 1.1 Fraie de Vierte L apontament tradizionâl de Vierte al è in program a Sequals, domenie ai 15 di Mai dal A son in pîts i contats cu la Aministrazion locâl par organizâ la manifestazion. 1.2 Congrès Sociâl La XCIII edizion dal Congrès Sociâl si tignarà a Martignà domenie ai 25 di Setembar dal Il numar unic Martignà al sarà rincurât di Carlo Venuti e al cjaparà dentri contribûts sientifics e culturâi sui aspiets storics, artistics, sociologjics, economics e antropologjics de citât e dal teritori. 1.3 Setemane de Culture Furlane 2016 Tal 2016 si inmanearà la tierçe edizion de Setemane de Culture Furlane: un ric programe di events, manifestazions, incuintris e iniziativis che a vignaran organizâts in dut il Friûl e tes regjons cunfinantis dai 5 ai 15 di Mai, cu la colaborazion di Ents, Istitûts e Associazions. 1.4 Iniziativis, cunvignis e manifestazions Dongje des presentazions dai volums che a saran publicâts vie pal an, a saran inmaneadis e patrocinadis diviersis manifestazions su temis di nature diferente, in mût compatibil cu lis risorsis a disposizion. Chescj i apontaments bielzâ programâts: Ricuart di pre Guido Maghet a 25 agns de muart, a Cormons ai 22 di Fevrâr; Cunvigne Toponomastiche e minorancis linguistichis, in colaborazion cun Slori Istitût Sloven di Ricercjis e presentazion dai Ats de cunvigne Nons, Lûcs, Identitâts. Toponomastiche e politichis linguistichis, a Gurize ai 10 di Març; Pag. 2/14

3 Cunvigne intai 20 agns de promulgazion de Leç Regjonâl 15/96, a San Vît al Tiliment, ai 22 di Març; Marilenghe e Mariscuele, tierce zornade de scuele furlane, a Codroip ai 9 di Avrîl; Iniziativis in memorie di pre Bepo Marchet pai 50 agns de muart, intal mês di Otubar; Cunvigne Rete della cultura friulana, intal mês di Otubar. Tant che i agns passâts, e larà indevant la ativitât des sedis periferichis, ancje in gracie de colaborazion cun associazions e istituzions dal teritori. Pag. 3/14

4 1.5 Concors e Premis Ancje tal 2016 la Societât e promovarà o darà il patrocini a diviers premis e concors, apontaments impuartants par incressi la visibilitât e i contats cul teritori, cu la partecipazion di difarentis categoriis di personis (students, laureâts, musiciscj) e di etâts diviersis (fruts des scuelis primariis, students des scuelis superiôrs, universitaris). Par chest an a son in program: Concors par traduzions dal grêc e dal latin in furlan, XIV edizion Il concors al è organizât de nestre Societât parie cu la Associazion Gli Stelliniani, al è viert a ducj i arlêfs dai liceus e dai istitûts di istruzion superiôr dal Friûl. La prove previodude pai partecipants e sarà la traduzion in furlan di un test d autôr de lenghe origjinarie greghe o latine; il bant al previôt dôs categoriis di partecipazion, une pal bieni e une pal trieni, par ognidune des dôs lenghis. La premiazion dai zovins vincidôrs e sarà te Fraie de Vierte. Concors Lenghis, VI edizion Il concors, viert a ducj i arlêfs dai istitûts di istruzion secondarie dal Friûl, al domande di voltâ in furlan un test leterari todesc o inglês: a son previodudis dôs categoriis di partecipazion par ogni lenghe. Chest concors al à vude la poie dal Ufici Scuelastic Regjonâl pal Friûl Vignesie Julie e des Provinciis di Gurize, Pordenon e Udin. La premiazion dai zovins vincidôrs e sarà te Fraie de Vierte. Concors Chino Ermacora, II edizion Il concors al premie i miôr progjets didatics colegâts al insegnament di lenghe, storie, culture e tradizions dal Friûl, al è organizât cu la Citât di Tarcint, l Ent Friûl tal Mont e la Societât Filologjiche Furlane, e al è destinât a lis classis dai Istitûts comprensîfs dal Friûl storic, des provinciis di Gurize, Pordenon e Udin. Concors Presepi nelle scuole del Friuli Venezia Giulia, XII edizion Pag. 4/14

5 La Societât Filologjiche Furlane, parie cu la Associazion fra lis Pro Loco dal Friûl Vignesie Julie, e tornarà a proponi ancje tal 2015 il concors risiervât ai presepis fats tes scuelis, pai fruts des scuelis primariis de Regjon. Pag. 5/14

6 2. EDITORIÂL 2.1 Publicazions periodichis In mût compatibil cu lis risorsis finanziariis a disposizion, si garantirà la periodicitât des rivistis sociâls. Sot la Nape la riviste di informazion culturâl e atualitât furlane che e davuelç la funzion di boletin de societât Il fassicul 2/2016 de riviste al sarà un numar monografic dedicât a Sequals, la localitât che e ospitarà la Fraie de Vierte. Ce fastu? riviste di impostazion e contignûts sientifics, e tire dongje lavôrs e contribûts dai plui impuartants specialiscj di linguistiche, filologjie, tradizions popolârs, storie e art dal Friûl Strolic tradizionâl publicazion di fin an de Filologjiche cui tescj intes difarentis varietâts dal furlan Si conferme la publicazion di: 4 numars di Sot la Nape (3 fassicui di 64 façadis e 1 fassicul, speciâl Sequals, di 112 façadis) che a saran inviâts a ducj i socis 1 numar di Ce fastu?, che nol sarà inviât ai socis, ma al sarà a disposizion tes sedis de Societât 1 numar dal Strolic Furlan, che al sarà inviât ai socis Si realizarà ancje il Lunari pal 2017: daûr de esperience positive dal an passât, il calendari al sarà ilustrât doprant i materiâi dal patrimoni iconografic de Societât. E larà indevant, ancje tal 2016, cu la poie de Provincie di Udin, la publicazion dal boletin Scuele Furlane, tant che suplement di Sot la Nape: la riviste e je dedicade ai operadôrs de scuele furlane (mestris, gjenitôrs, dirigjents). Pag. 6/14

7 2.2 Publicazions no periodichis Si publicaran chescj volums: Martignà, numar unic pal Congrès Sociâl, par cure di Carlo Venuti; Olmis. Diari torzeon pal , par cure de Comission Scuele; Ats de Setemane de culture furlane, par cure di Matteo Venier e Gabriele Zanello; Atti del VI Colloquium Retoromanistich, par cure di Federico Vicario (golaine Biblioteca di studi linguistici e filologici ); Tiliment di mieç, di Velia Stefanutti (golaine Agâr; 24); El scuvierzimi furlan, di Guido Maghet (golaine Agâr; 25); Dizionari dal Gurizan, par cure di Paolo Roseano; L archivio Porcia Ricchieri di Pordenone, par cure di Gabriella Cruciatti (golaine Documenti e archivi del Friuli; 5); La Ceramica popolare Una tradizione in Carnia, catalic par cure di Stefano Morandini; Storia del Friuli, di Pier Carlo Begotti. Pag. 7/14

8 3. BIBLIOTECHE E ARCHIVI Sburt particolâr al sarà dât ai servizis furnîts de Biblioteche, cul increment costant dal patrimoni librari e multimediâl: par cont di chest, e continuarà la azion di contat cun ents e associazions dal teritori pal reperiment de documentazion di culture furlane. In maniere particolâr e sarà incisive la azion tes scuelis dal teritori regjonâl pal recupar dal materiâl prodot inte suaze de ativitât didatiche in furlan tes scuelis. E continuarà l indicizazion des publicazions de Societât: daspò chê des rivistis sociâls, si larâ indevant cu la schedadure complete dai Numars Unics. La schedadure, za tacade intal 2015, rivuarde i volums publicâts dal 1963 fin al dì di vuê e previôt la creazion di une schede bibliografiche dai singui articui di ducj i volums, La schede e je compilade doprant i standard internazionâi ISBD e e je complete di Sogjet e Classificazion Decimâl Dewey. Lis schedis a laran duncje a implementâ il catalic in linie de Biblioteche. Il progjet al è realizât in graciis de colaborazion cu la Biblioteche Civiche di Udin Vincenzo Joppi che e à autorizât l impuartazion des schedaduris dai volums bielzà presints intal propri catalic informatic. L obietîf al è chel di rivâ ae complete indicizazion e digjitalizazion di ce ch al è stât publicât de Societât. Slanç particolâr al varà il servizi di document delivery cu la fornidure di documents ancje a distance che si puedin discjariâ in maniere direte dal catalic online. Pal 2016, ma ancje in prospetive dal centenari dal Sodalizi dal 2019, la Societât Filologjiche intint inviâ un progjet di inventariazion dal propi archivi, tacant de documentazion storiche. Pag. 8/14

9 4. DIDATICHE, FORMAZION DI SUPUART AE LEÇ 482/99 In gracie de lungje esperience de Societât Filologjiche Furlane tal setôr de didatiche e de formazion, ancje chest an si tornaran a proponi variis ativitâts formativis: cors pratics di lenghe e culture furlane, realizâts cu la poie de Agjenzie Regjonâl pe Lenghe Furlane - ARLeF cors par insegnants di alfabetizazion e didatiche de lenghe furlane, in dut il Friûl, ricognossûts dal Ufici Scuelastic Regjonâl e finanziâts de Regjon autonome Friûl Vignesie Julie lezions e conferencis di aprofondiment e inzornament su svariâts argoments tes sedis de Societât e tai Comuns dal Friûl cors di formazion pal personâl dai ents publics (Provinciis, Comuns e altris ents) ativitât di traduzion, dal talian e di altris lenghis in furlan, par ents publics e privâts Pag. 9/14

10 5. COMUNICAZION E PROMOZION 5.1 Propuestis Tra lis tantis iniziativis in program: la pagjine Marilenghe sul Messaggero Veneto, cun dôs jessudis ogni mês continuitât de pagjine Friûl di Jevât sul setemanâl de Arcidiocesi di Gurize Voce Isontina, une volte al mês 5.2 Sît internet e social network Tal 2016 si implementaran i contignûts dal sît de Societât, e si inzornaran i profîi de Societât sui social network. Pag. 10/14

11 6. PROGJETS SPECIFICS Tal 2016 si inviaran chescj progjets, in mût compatibil cu lis risorsis a disposizion: Centri di racuelte, documentazion, ricercje e produzion su la Scuele Furlane Te biblioteche de Societât Filologjiche Furlane e je une vore bondante la sezion dedicade ai materiâi didatics prodots des scuelis dal Friûl. Partint di cheste racuelte, si intint inviâ un Centri di racuelte, documentazion, ricercje e produzion su la Scuele Furlane par promovi la racuelte di dutis lis publicazions fatis des e pes scuelis furlanis su supuarts diferents (cjarte o materiâi informatics), ancje cu la creazion e l implementazion di une bancje dâts informatiche e la produzion e distribuzion di sussidis didatics pe scuele furlane. Marilenghe te scuele 2015 In continuazion cul progjet Marilenghe te scuele 2014, la Societât Filologjiche Furlane e larà indevant cu la produzion di modui e materiâi didatics, indreçâts ai docents de scuele primarie, pal insegnament e l ûs de lenghe furlane par veicolâ lis dissiplinis curicolârs, par rispuindi aes necessitâts formativis previodudis de normative di tutele de marilenghe (L.R. 29/2007), doprant la metologjie CLIL (Content and Language Integrated Learning o Aprendiment Integrât di Lenghe e Contignût), cul cuâl si intint otignî il dopli obietîf di prestâ atenzion di une bande ae dissipline e di chê altre ae lenghe veicolâr. Chest secont an dal progjet al intint promovi la realizazion di unitâts didatichis par dutis lis classis de scuele primarie e pe prime classe de scuele secondarie inferiôr. Il progjet al è finanziât de Regjon autonome Friûl Vignesie Julie Bant pal finanziament di progjets speciâi La Lavagne Plurilengâl Il progjet al intint realizâ une rêt interistituzionâl in vore tal teritori furlan pe promozion, cognossince e valorizazion de diviersitât lenghistiche e in particolâr de lenghe furlane tant che strument formatîf e didatic. La rêt e previôt une colaborazion Pag. 11/14

12 sinergjiche jenfri lis scuelis di secont grât e lis istituzions ativis tal setôr de formazion dai docents, de tutele e de promozion dal patrimoni lenghistic furlan, tant che la Societât Filologjiche Furlane, la Societât Sientifiche e Tecnologjiche Furlane, l Ufici Scuelastic Regjonâl pal FVJ, l Universitât di Udin e l Universitât Ca Foscari di Vignesie. Il progjet al è finanziât de Agjenzie Regjonâl pe Lenghe Furlane - ARLeF Ricercje Sientifiche 2, novembar Tra pace e guerra nella stampa e nella pubblicistica nel Friuli italiano e nel Litoriale austriaco Il progjet di ricercje al intint indagâ la publicistiche (stampe periodiche e rivistis) editade te aree dal Litorâl austriac e tal Friûl talian inte prime metât dal Da prin si laran a individuâ lis fonts ogjet de indagjin: titui e publicazions diviersis par lenghe e orientament politic. Si procedarà daspò cu l analisi dai diferents gjornâi o des altris formis di publicistiche che esistevin intai teritoris dal Litorâl austriac e dal Friûl talian intal I risultâts di cheste ricercje a vignaran presentâts inte suaze di une cunvigne organizade a pueste e a vignaran daspò trascrits e publicâts in forme di saçs intun volum che al fasarà viodi pe prime volte un panorame ampli e articolât des varietâts de publicistiche realizade intal teritori de nestre atuâl regjon intal Il progjet al è finanziât de Regjon autonome Friûl Vignesie Julie Bant ex L.R. 11 dai 4 di Otubar dal Lessic patrimoniâl furlan Si intint fâ la digjitalizazion complete e la acuisizion a mieç dai sistemis di ricognossiment otic dai caratars (OCR) di impuartants repertoris de lenghe furlane che la Societât e à editât o che e conserve (Nuovo Pirona, nomenclatôr di Dino Virgili, Aggiunte del Nuovo Pirona, e v.i.). L obietîf al è chel di meti adun un font di dâts di podê consultâ in rêt, garantint cussì a ducj i interessâts l acès e la consultazion di chescj repertoris. Identitât culturâl dal Friûl Pag. 12/14

13 La Societât Filologjiche Furlane, insiemi ai plui impuartants Istitûts culturâi dal Friûl, e colaborarà al progjet Identitât culturâl dal Friûl promovût de Fondazion CRUP che al intint meti il Friûl, la sô culture, la sô identitât al centri di une riflession amplie e di prospetive a traviers di une colaborazion e condivision di une serie di iniziativis e progjets. Tal 2016 a saran preparâts e presentâts altris progjets su la fonde di programs regjonâls, nazionâls e internazionâls. Pag. 13/14

14 7. PATRIMONIÂL 7.1 Palaç Mantica La sede udinese e vignarà utilizade no dome de Societât Filologjiche Furlane, ma ancje di altris associazions culturâls furlanis, par confermâ la funzion di Palaç Mantica tant che cjase de furlanetât. Si proviodarà a mantignî il funzionament di ducj i implants dal Palaç. 7.2 Gjestion dal Lassit Ciceri Si continuarà te gjestion dai fits dai doi apartaments di vie Pavia (zone Ospedâl- Universitât). Lis jentradis a son destinadis ai Premis di lauree e di dotorât dedicâts ae memorie di Andreina Nicoloso e Luigi Ciceri. Udin, 06 di Març dal 2016 Il President de Societât Prof. Federico Vicario Pag. 14/14