cudeschin No 58.

Transcript

1 cudeschin No 58

2 CUNTGNü IMPRESSUM redacziun Chasper A. Gaudenz squitsch Gammeter Druck und Verlag St. Moritz AG - Scuol layout ed inserats Christina Willy grenzdesign@bluewin.ch, foto fruntaspiz Parc Naziunal Bryce, west da l America Editorial Da la suprastanza CAS SPECIAL Ün sguard inavant Ün sguard inavo Program d inviern CAS Program d inviern Traideschins Program d inviern Frizzas Chamonnas Contact Manaders/dras CAS Engiadina Bassa / Val Müstair Adressas

3 EDITORIAL Charas alpinistas, chars alpinists Schi s tagliess tuot las muntognas a travers per mez, schi s volvess ils pizs, schi s tils cupichess e tils mettess aint illas valladas, füss tuot il muond plat sco üna maisa. Uschea scriva Cla Biert in üna da sias istorgias. Scha l gir dal muond gess tenor l idea da Cla Biert nu dessa ne ots ne bass illa vita, ne plaschair ne tristezza. Nus nu gessan in muntogna ed i nu dess costas da puolvra per far bellas skiadas. I nu füss da s sfadiar per ir insü, ed i nu dess il plaschair da la skiada aval. 3 I nun es uschea! Üna jada implü ans vegn consciaint quant variabels cha nossa vita e nos muond sun. Inchün oter decida e nus stain acceptar eir scha quai fa mal e nus nu chattain üna resposta sülla dumonda perche. Perche güsta uossa, perche stöglia ir da quista spuonda sü, perche stuna davant ün precipizi chi m dà il sentimaint da mai superar la situaziun. La mort da nos commember Claudio Taisch ans va a cour. Nus nu chattain respostas sülla dumonda perche, perche fingià uossa. Nossa vita nun es üna maisa platta ingio cha ls dalets e ls dischplaschairs sun egualisats. L incuntrari es il cas. Minchatant sun las muntognas uschè stippas cha nus perdain la spranza da tillas survendscher. Epür, scha la via es datta, nu pudaina esitar, nus stuvain ir, ma nus pudain sperar cha inchün ans güda, e l agüd po be gnir da quel chi ha creà las valladas e las muntognas. Chasper Ans

4 DA LA SUPRASTANZA 4 Avant pacas eivnas eschan tuornats Amalia e jau d ün grondius viadi illa part süd-vest dals Stadis Units da l America. Nus vain visità bellas cuntradas ed eschan stats in divers parcs da natüra, tanter oter aint il Yosemite National Park, ingio chi s rechattan munts impreschiunants da pür granit. Probabel la plü famusa paraid da rampignar da tuot il muond es El Capitan meters aint illa verticala. Sülla canta dal süd as rechatta The Nose - il nas - la ruta la plü cuntschainta, ingio chi ha lö daspö sur desch ons üna veritabla cuorsa dals meglders rampignaders dal muond. Il record es s-chars duos uras dals americans Tommy Caldwell ed Alex Honold. Aint illa part vest da la paraid daja diversas rutas Big Wall - gronda paraid. Il Nose es gnü rampignà tras dal tuot per la prüma jada da l on Dal 1993 e l gnü superà aint il stil liber, voul dir bainschi sgürà vi d üna sua, ma sainza oters mezs artificials sco s-chalas o crötschs. Illa part vest da la paraid daja ulteriuras rutas. Il record absolut da El Cap tegnan ils frars Huber da la Germania cun 1:51 uras illa ruta Zodiac. Fin dal 2015 haja dürà, infin cha inchün ha superà la part orientala da El Cap, la uscheditta Dawn Wall. In 19 dis, dals 27 december fin ils 14 schner esa lura reuschi a l american Tommy Caldwell cun l agüd da Kevin Jorgeson da rampignar tras eir quista vart aint il stil liber, classifichada cul grad da difficultà 9a. Da quella aventüra es intant gnü prodüt ün film, chi vain muossà daspö l october aint ils kinos. Quels chi han gust d üna saira be tensiun, ingio chi va il fraid giò pella rain racumond d ir a guardar il film The Dawn Wall - ün ulteriura gronda sfida ill istorgia da l alpinissem. Bun divertimaint. Heinz Gross President

5 5

6 in algordanza da Irma Egler Quist on, a la fin da gün, là cur cha l Linard es amo brav alb, nun es ida Irma oura Glims, be fatschendas sco quai ch ella ha fat decennis a la lunga, a verer e pisserar cha tuot saja bain in uorden per la stagiun da la Chamonna Linard. Na, quista jada eschna its no cull orma da Glims, sco ch eu tilla solaiva nomnar, in ün otra direcziun. La grondiusa baselgia da Lavin d eira plaina stachida. No vain fat onur e tut cumgià cun cour greiv da nossa, la plü gronda alpinista da la secziun Engiadina Bassa / Val Müstair dal Club Alpin. Irma, eu at giavüsch ün quaid repos.

7 Instancabla e fidela oura Glims fast ta lavur da masser e da fantschella sco chi s sa cun grond amur. Da chamonna la controlla chi chi là voul pernottar minchatant cun gronda fuolla Irma quai sa d arrandschar. Quantas jà hast fat la senda cura bod e cura tard e cun ora eir tremenda per amur dal Piz Linard. Hoz per tuot tia fadia at di in nom da la secziun e da tuot la cumpagnia grazcha fich, grazcha fichun! Georg Buchli

8 in algordanza da Claudio Taisch Dumengia als 8 lügl m ha ragiunta la trista nouva da l accidaint da Claudio. Tü at vaivast instradà quel di, ün bel di da stà, per far la gita sül Piz Chastè a Susch, üna gita cha tü hast fat varsaquantas jadas. Fingià sco giuvenil hast tü fat gitas in muntogna. Eu m algord dal temp da l OJ, tü sco mattatsch grond, natüralmaing as guardaiva ed as tadlaiva bain che cha ls gronds faivan e quintaivan. Eir differentas gitas da quel temp am sun gnüdas adimmaint, sco per exaimpel quella jada gio l Hundstein, ingio cha no eschan güsta rivats avant il temporal in chamonna o quella jada cun tenda aint in Uina, avant co ir sülla Tuor Cotschna e sül Piz Ajüz, ingio cha Menin ans ha quintà istorgias dad uors, las tschüchas aint il s-chür ans faivan bod temma Intant sun passats ils ons e no vain adüna darcheu gnü contact, impustüt tras la colonna da salvamaint. Bainquants ons hast tü manà la staziun da salvamaint da Zernez e cun teis savair e tias experienzas alpinisticas est tü stat per mai ün grond sustegn. Eu n ha predschà la buna collavuraziun, la fiduzcha, la colliaziun stretta ed il savair da la regiun da Zernez. Ün sincer grazia fich! Jöri Felix per la colonna da salvamaint dal CAS Engiadina Bassa / Val Müstair

9 Ün plü bel co tschel Parcs naziunals in America CAS SPEcial In Svizra vaina be ün. Quel bainschi ün bel ed eir amo in nossa regiun. Nus til cugnuschain bain avuonda ed ans dain gronda fadia da til mantgnair. In America daja 59 parcs ufficials cun üna surfatscha totala da km2. Per congual: nos Parc ha 170 km2. America però es grond toc davent ed ün excursiun in ün parc naziunal american nun es güst ün excursiun da fin d eivna per nossa secziun. Cun ün pa sen per improvisar, cun ün pa munaida locca e cun iniziativa muntagnarda as lascha tuot realisar. Dimena: perche na planisar las prosmas vacanzas suot l insaina parcs naziunals americans. Tenor il motto dal vegl president Obama Yes we can, esa bain pussibel da tour in mera böts lontans, sainza 9 Antelope Canyon

10 10 as laschar impreschiunar massa ferm da las distanzas, da la grondezza o dal incuntschaint. Sün nos viadi a travers da l America da quista stà passada vain nus visità plüs parcs naziunals. Per minchün vala il titel da l artichel: Ün plü bel co tschel e nus vessan difficultads da ns decider per ün favorit. Ouravant ün pêr remarchas generalas. I dà avuonda büros da viadi chi spordschan all inclusive. Svoul, transfers cun taxi, excursiuns pro ls parcs, pensiun plaina, tuot fix fertig. I va però eir individual. Per survgnir ün visum per fin 3 mais basta üna dumonda via internet. Il lö da partenza in America esa da tscherner individual e da postar svouls via rait nun es hozindi neir na plü ingün cunst. Forsa as faja però bain da laschar organisar il svoul, las prümas duos nots davo plachà e las ultimas duos nots avant il svoul inavo ad ün büro da trafic. Tuot il rest as lascha organisar simpel davent dal lö. Uschea s esa plü liber illa schelta dals böts, plü flexibel e tuot dà ün aspet plü aventüraivel. Ün auto es üna necessità, schi s voul viagiar independent. Quel as lascha organisar simpel davent da l hotel. La persuna a la recepziun güda jent a cas cha l inglais nun es uschè fluid. Ils Americans sun però plain respet e fich serviziaivels schi badan cha l visavis ha fadia culla lingua. Ün clic illa rait cul chavazzin Rent a car dà subit resposta che grondezza dad auto, cuosts ed in che lö in vicinanza cha l auto es. Lura esa be dad ir a til tour e fingià as sezza sün duos aschigls chi spordschan la libertà americana. Las vias sun in bun stadi, avant las citads grondas hana suvent 3-5 stizis da charar. Quai quieta il trafic da maniera chi s po ir cul auto eir illas citads grondas. Mincha lö ün pa plü grond spordscha pussibiltats da pernottar. Ils blers hotels sun organisats in chadainas d hotels, p.ex. Days Inn, American s Best, Motel 6 e bleras otras. Ils hotels sun pelplü a l ur da las citads, fabrichats in fuorma d ün fier chavagl rectangular e pelplü hana 1 fin 2 plans. I s parca il veicul precis davant chombra. Our da la chombra climatisada as vezza seis veicul e quai dà ün pa l aspet da cowboy chi dorma be dasper seis chavagl. Las chombras sun nettas e bain structuradas. In mincha chombra esa üna maschina da cafè cun cafè pront o tè e zücher. Pro mincha chombra tocca eir üna s-chaffa fraida ed ün apparat da micro uondas. Il püschain es bainschi pelplü cumprais, la sporta es però simpla. Ils predschs varieschan fich ferm. Immez Las Vegas as chatta bleras chombras dublas in bunischem stadi per 45.- francs la not. L idea es cha ls giasts giovan vi dals apparats da gös da furtüna chi sun sül plan terrain e laschan là lur raps. Ningün però nun ha survista chi chi dà oura quant raps ingio o perche.

11 The Nose, Yosemite NP Cun üna plattafuorma illa rait as poja reservar fich simpel la saira avant o al listess di la pernottaziun. Booking.com sarà sgüra l adressa la plü cuntschainta. Ils predschs d hotels varieschan però tuot tenor schi d es ün arrandschamaint actual o sur la fin d eivna. Lura poja far oura fin 4 jadas daplü. Cun accumplir quistas per premissas stan avertas bleras vias illas plü bellas destinaziuns da l America: Ils parcs naziunals. L organisaziun dals parcs es pro tuots sumgliainta. Üna via naziunala maina pro l parc, tras il parc o in ün latsch inaint ed inoura. Per ir sün quella via as paja intuorn 35 dollars per auto. Il bigliet vala per 7 dis. I dà parcs sco p.ex il Petrified Forest National Parc, ca. 200km a l ost da Flagstaff, chi s vezza il plü bain schi s va tras cul auto (o sco in nos cas, cul töf). La via maina ca. 40 km tras üna cuntrada sco sün ün oter planet. Dapertuot as vezza bos-cha petrifichada da temp preistoric. Las muntognas da crap da sablun sun structuradas in differentas vettas e mincha pêr kilometers daja ün viewpoint per fermar e verer. La broschüra chi s survain a l entrada dà spiegaziuns detagliadas che chi d es il special da quist lö. 11

12 Rhätische Bahn Max Galli Center da sandà Engiadina Bassa Ospidal Clinica Curativa Chüra Bogn Engiadina Provedimaint integrativ qualità da vita per mincha generaziun. Center da sandà Engiadina Bassa Via da l Ospidal Scuol tel info@cseb.ch

13 Horseshoe, in vicinanza dal Grand Canyon 13 Bryce Canyon Antelope Canyon

14 Zion NP 14 La regiun dal Grand Canyon, tanter Flagstaff e Las Vegas es enorm vasta. I sun plüs lös d entrada aint il parc. Turists cumadaivels van a spass in auto o ch els van cul shuttlebus dad ün viewpoint a tschel. I sun però diversas sendas chi mainan dal platò dal Grand Canyon fin giò l fuond pro l Colorado. I s po ir ün toc e tuornar, ün cuntschaint da mai ha eir fat üna gita in ün di fin al fuond e darcheu insü. Quai sun 1 600m dischlivel, dimena be per buns chaminaders. La grondezza dal canyon es impreschiunanta e fascinanta ed i para chi nu s tschüffa avuonda da verer. Sumgliaint ma bler plü pitschen es il Zion National Parc ca. 200km al nordost da Las Vegas. La via asfaltada tras il parc es pigmentada brünaint da maniera cha tuot la culissa dà ün aspet panoptic. Fingià be dad ir sülla via naziunala tras il parc fa schmüravgliar. Il Zion es però cuntschaint per sias bleras rutas da hiking, dimena per ir a pè. Ün clic illa rait o üna charta da geografia cumprada in ün tancadi spordscha infos avuonda per spassegiadas grondiusas. Darcheu as metta in dumonda co cha quista cuntrada s ha fuormada e schi s es insomma amo sün nos muond. Grand Canyon

15 rauchmetall.ch ZERNEZ ils experts da fuonds ils experts da tendas ils experts da lets Via da Sotchà 213 CH-7550 Scuol Tel Fax

16 16 Petrified Forest NP

17 Tuot oter es ün excursiun aint il Antelope Canyon in vicinanza da Page in Arizona. Tras il fuond da grip da sablun dal desert ha l aua maglià oura üna chavorgia da ca 35m chafuollezza. L excursiun tras il canyon es be pussibla in gruppas da 15 cun üna guida. Quai sun Indians chi fan quai da maniera divertenta e cumpetenta. Il sulai splendura tras la chavorgia e prodüa purtrets sco da verer tras ün caleidoscop. Per l excursiun da s-chars ün ura e mez vala la paina da far ün pêr kilometers implü. Eir in quella regiun, ca. 400 km al nordost da Las Vegas es il Bryce Canyon National Parc. La regiun es bainquant plü alpina, il parc es sün fin msm, dimena esa d instà bainquant plü frais-ch. Sco pro oters parcs daja üna sporta per ir cul auto pels cumadaivels ma eir la sporta da hiking, e quella es bainschi amo plü bella. Il Bryce Parc es quel cullas millis e millis da chandailas da grip da sablun, gnüdas fattas in milliuns dad ons dad aua chi dschela e fa erodar il grip. Las sendas mainan tras las chandailas e spordschan purtrets fantastics. I dà eir excursiuns a chavagl o guidadas. Tuot as lascha organisar davent dals visitor centers chi sun pro tuot ils parcs. Pro l Grand Canyon as poja eir reservar excursiuns da rafting dad 1 fin 8 dis o svouls cul helicopter sur il canyon. Quel parc chi sumaglia forsa il plü da tuot a nos es il Yosemite, ca. 300km al ost da San Francisco. El es forsa eir il star dals parcs, ladavo sun eir ils predschs dals hotels. Cun passar vers Yosemite Valley as passa davant El Capitan via ed i s po admirar la paraid dal nord dal Eiger a l americana: The Nose. Bod da na crajer: Il record da speedclimbing pella paraid da sur 1000meters es suot 2 uras. Buns alpinists douvran plüs dis per quella paraid. Ün pa plü simpel sun las excursiuns süls differents trails chi mainan in gitas da suot ün ura fin gitas da dis pro ls divers viewpoints. Il trafic süllas sendas es sumgliaint sco in nos parc svizzer. La cuntrada es fenomenala, i vala in mincha cas la paina da tour in mera excursiuns d ün pêr uras. Pernottar as poja aint il parc o pac avant las entradas. Eir campings daja aint ed intuorn il parc; eir quels han però predschs respettabels. Quist d eira be üna sguard superficial sün ün pêr dals plü bels lös dal muond. Cun pleds suna mal da descriver. Eir fotografias muossan be üna perspectiva restretta. Il meglder esa dimena dad ir a verer svessa. Pella fin amo il tip da la duonna da 93 ons ill emischiun dad Äschbi. Avant co partir, far duos prunas sül let: üna cul bagagl, tschella culs raps chi s voul spender. Lura far pro l bagagl la mità e pro ls raps il dubel. Let s go and have fun. America is not so far away. Chasper A. Gaudenz 17

18 la societed indigena d elicopter i l servezzan public provedimaint da chamonnas transports da materiel svouls da salvamaint ill incumbenza da la REGA schluppanter lavinas evacuaziuns svouls panoramics buns da regal Engadin Airport

19 ün sguard inavant rampignar in sala per famiglias ed uffants e GIUVENILS 2018/19 uffants fin 9 ons illa sala da gimnastica a Sent Schner favrer mardi da las h marz 19 Christian Aebi december schner favrer marz Uffants e GIUVENILS ons illa sala da gimnastica a Sent mardi da las h Chasper A. Felix Cuosts per commembers dal CAS gratuit per na commembers fr. 5.- per famiglia/jada (i dà la pussibiltà da dvantar commember Il material vain miss a dispusiziun. Nus ans allegrain da S verer bainbod!

20 ün sguard inavo 20 In viadi cun ün s-chet Gualser Eivna da gitas da skis in Val Stusavgia (Safiental) Partecipant(a)s Alberta Belloni Kind, Enrico Bisaz, Anna Barbla Buchli, Otto Denoth, Robert Giacometti, Heidi Haller, Annina Kasper, Renzo Kind, Jon Janett, Berta e Linard Marugg, Brigitte Schnetzler; Manader Not Buchli Sco minch on passantaina noss eivna da seniors (ed ün pêr excepziuns) cun «nos» Not, chi ha blera pazienza e perseveranza per accumplir tuot ils giavüschs. Cun quai chi d eira al Firà da Pasqua ün di da pumpa, ans vaina fermats fingià sül Pass dal Güglia per far la prüma gita. Culs prüms razs da sulai e pirantüms eschna partits svelta aint da la bella Val d Agnel e sül piz Cumpagnun (2826 m.s.m.) Giodü vaina la bella vista vers la gruppa dal Bernina, las muntognas dal Surset ed il plü ferm la skiada da 1000 m differenza d otezza tras buna puolvra fin gio l lai da Marmorera. Vers saira vaina ragiunt nos böt «Turahus» Thalkirch, chi s rechatta aintasom la val Stusavgia, üna val fich romantica e

21 sulvadia. La via ha gnü ün pa bleras stortas sechas, quai impustüt per Heidi, chi d es dvantada bod verda (chi d eira il schofför?) Avant tschaina haja amo bastü pel prüm jass tanter Otto, Enrico, Linard ed Annina (tuots amo cun buna glüna). L ora ha permiss da far mincha di üna gita. Quist on nu mancaiva la naiv, uschè cha no vain pudü far skiadas fin giò la val. Not ha adüna gnü ün bun nas per tscherner las megldras costas cun puolvra o ün bun «sulz». Uschè vaina pudü giodair seguaints pizs : Guw, spi dal Tomül, Trätscherhorn e Camana- Grat. Fich importanta es eir la buna cumpagnia, e planet cugnuoschaina da minchün ils differents vizis Otto ha pront ca. pro mincha pass ün flot commentar. Robert, cun ögl da chatschader vezza da tuotta sorts bes-chas, p.ex. gials sulvadis in chalur. pel chomp medicinal d eira eir pisserà : Dottore Enrico ha cusi ün polsch da dottore Renzo. per la spadla dad Otto, davo avair fat üna cupicharoula, güdan be amo las metodas dad Annina ed ün implaster da fö la bun orma per mincha problem, saja in chammonna o sün gita es Anna Barbla. cun sar ravarenda Jon vaina gnü üna colliaziun optimala cul tschêl. 21

22 22 Berta es pür cuntainta cur ch ella po svessa stübgiar ouravant la carta geografica. Brigitta ha giodü fich eir be las 2 ultimas gitas per tancar sü energia. sainza Linard vessna bod invlidà da chantar, e quai da cour. ed amo ün cumplimaint a Linard: el va sco ün champiun culs skis nouvs. e cumplimaint eir ad Alberta e Renzo chi han fat grond progress cul rumantsch Cuntaints eschna tuornats our da la val Stusavgia e nos char Not ha gnü amo tant energia, cha cun früda ha l terrà las bellas fluors davant l ustaria. Tradiziun es eir dvantada la visita pro l paster Otto sün l Alp Miez. als Nus eschan chaminats da Bivio suroura il Lai da Marmorera Alberta, la Taliana ha fat ils meglders macaruns al sugo ed Otto ha miss darcheu avuonda vin alb aint in bügl per cas chi passan amo plü attractivas viandantas speravia. factum est ita. Heidi ed Annina Algordanzas La Cucla, co chi dischan ils Jauers, o la Weisskogel, quai d eira il giavüsch dad Oswaldo Bernetta, da rivar sü amo üna jada. No vain però stuvü tour trais jadas schlantsch, cun ün magöl vin, fin cha l ora d eira buna. Oswaldo ha giodü ün muond inter cun passar sü dal spi dal nord. Piz Badile. La prognosa da l ora es buna, vers saira forsa temporals. Cun Mia, Barbla e Nataglia daina man il spi dal Badile. Chi chi cugnuoscha sa chi d es üna rampignada da bellezza, però lunga. Rivats sül piz, as muossan ün pêr nüvlas. Mia proposta es da bivacar sül piz. Displaschaivelmaing es il bivac occupà cun duos Talians. Quai nu plascha a la damas da stuvair partir las pritschas, ed uschea decidaina adonta dal privel da gnir mols, dad ir da qua giò. Cur cha no eschan pro la prüma suada cun suar giò schi ans seguan eir ils Talians. Uossa füss il bivac vöd. No giain invant e rivain fin giò pro las duos ultimas suadas, chi cumainza a plouver, mo propcha a tschêl ruot. Aualins vegnan davo la sua giò, dadaint las chotschas giò ed implischan las s-charpas in

23 paca pezza. Mols sco giallinas bognadas rivaina cun ün pa retard in chamonna. Piz Palü. Davo duos dis da preparaziun giò n Val di Campo, giaina culs Traideschins sü Diavolezza per ir il di davo sül Piz Palü. La saira daja las ultimas instrucziuns, la buscha sto esser pronta fingià la saira. I sun ün pa agitats, speresch chi dorman almain ün pa. A bunura a la quatter sdruogliaina a tuots. A püschain suna amo ün pa indrumanzats e davo esa da verer cha tuots hajan lur roba. Cun glüm da cheu partina. L agitaziun da la saira as muossa amo adüna, pro ün o tschel cun mal il vainter. Uossa esa be da verer da nur sforzar, uschigliö restaina per via. Tuot pachific, pass per pass. e quai sun millis da pass, giaina quintond sfüflas da la foura sü. Sül Schnapsboden daja marenda, ed il prüm sulai ans s-choda. Inavant vaja darcheu pass per pass, fin sül piz. Bütsch il piz!! La gita nun es amo a fin. Uossa esa da tuornar fin giò la chamonna Boval. Hozindi nun han ils vadrets plü uschè blera naiv. Id es plü stantus da tils traversar. Stanguels mo cuntaints rivaina in chamonna. 23 Jachen Andri Planta

24

25 Ihre vier Wände in unseren Händen. Roner SA falegnamaria - chadafös 7550 Scuol Las Pendicularas Scuol SA ingrazchan cordialmaing al CAS Engiadina Bassa per la buna collavuraziun. Pendicularas Scuol SA Via da Ftan 495 CH-7550 Scuol Tel. +41 (0)

26 26 Minieras da S-charl Gita da l OJ 30 settember 2018 Partecipant(a)s Lea Gurtner, Melanie Lörtscher, Giacumin Saluz, Flurin Alesch Felix, Jon Francisco Felix, Fila Felix, Mica Sedlacek, Marina Jann; Manader Peder Rauch, Chasper Alexander Felix, Chantal Lörtscher, Jon Buchli; Ün sibelin fraid va tras pel ed ossa cur cha ns radunain sün plazza pro la chasa dals cnaps. I s bada fingià bain l utuon e da dalöntsch dudina alch bouvs a bramar. Peder, nossa guida, ans salüda e scumparta alch protectuors da schnuoglia e chanduns. Quai sto esser magari strettin e bass schi voul tanta protecziun per struozchar illas minieras!! Nus eschan be aspettativas e tadlain cun attenziun las spiegaziuns mineralogicas e geologicas. Eir l istorgia da las minieras fa part dals raquints da Peder ed es eminenta per incleger il svilup dal cumünin da S-charl e da las ruinas in vicinanza. Cun passuns passaina da la senda sü vers il Mot Madlain. Dapertuot inscuntraina stizis da l actività dals miniers. Da la fuschina veglia sun restats be amo ils mürs e qua o là tradischa ün grava da crappa fina l existenza d üna gallaria d explotaziun. In üna es gnüda dafatta inchaschada üna funtana cun aua da baiver per l adöver dal cumünet. La senda chi vain stortigliond da la Schmelzra sü tradischa cun sia pendenza bod planiva e fich regulara cha las chargias cun mineral cha ls bouvs vaivan da trar a seis temp ston esser stattas ferm pesantas. Sün 2150 m.s.m. rivaina pro ün sgabiot da lain. Quai es l entrada illas minieras. Nus ans munin cun chaplina e glüm da cheu, train aint alch büschmainta trida e deponain nossa buscha pro l bankin. Üna buna marendina ed ün süervin nu das-chan s inclegia neir mancar. I nu s sa nempe mai cur chi dà alch la prosma jada. Cun ün schnat binsan ed ün sguard sü vers la santa Barbara suot il Piz Madlain daina l attacha a noss excursiun illas profuonditats da la muntogna cun sia s-chürdüm absoluta.

27 27

28 28 Tuc! Uei chi d es bass! La chaplina ha fat fingià la prüma jada seis serv e procurà per üna sdarlossada in gamba. I d es da s sgobar, la glieud da quella jada d eira be pitschnetta e ls charins cul material be bassins. In coluonna giaina da quai aint seguind üna gallaria principala. Peder ans muossa las vettas cun mineral e declera ils möds d explotaziun e ls mezs da transport dal material mineralic. Da 3 tonnas material restaivan a la fin dals quints 3 kils plom, 30 gramms argient ed alch zinn. I fa impreschiun a s imaginar che lavuratscha cha quai sto esser statta a far quels raduond quindesch kilometers gallarias cun punta e martè, blera süjur e plü tard eir cun agüd da la puolvra naira. Ün toc plü inaint seguina ün passagi lateral. Quel es be bassin e stret. I d es dad ir in butatschas e s struozchar sco ün uzlana. Davo ün bun toc magari acrobatic rivaina in ün oter chanal principal cha pac plü inaint bandunain darcheu per ans instradar vers ün nivel plü ingiò. Adüna darcheu inscuntraina stizis da las puntas e restanzas da binaris da lain, tscharellas, s-chaluns, puntinadas, püttas da sustegn e dafatta da condots d aua fats cun lain. Qua o là chattaina restanzas da coppalas da lain chi gnivan douvradas per spostar material mineral our da zonas fich strettas e bassinas. Chi sa, scha las miclas da chürom a l ur da la gallaria toccaivan pro ün vair chör da chül? Ün puoz ans impedischa da cuntinuar aint illa gallaria da la ierta uschè cha ns instradain darcheu da la foura sü, passond sper alch zappa e tarader antic via e nüzziond ils s-chaluns cloccats our dal grip. Per part in pè, per part in schnuoglias seguina

29 ils binaris sguinchind üna o tschella zona patochusa fin cha tuot dandet as muossa ün punctin cler. Fich satisfats da nos labirint perscruttà rivaina bainbod i l cler bel di pro ün otra sortida da la muntogna. Che flotta aventüra cha quai es statta! Il vainter cloma e davo duos uras suotterranas vaina tschüff fomunas. Nus chattain ün bel löet a sulai ed ans laschain gustar üna buna marenda. Cul vainter plain e davo trais gnolas tuornaina ingiò vers S-charl, fond amo üna visita dal museum Schmelzra chi d ha ün installaziun fich interessanta ed instructiva. Uossa haja nom da tour cumgià da Peder e da til ingrazchar cordialmaing per l aventüra magnifica ch el ans ha pussibiltà. Chasper Alexander Felix 29

30 Program D inviern CAS 2019 Infuormaziuns detagliadas da las gitas vair sün Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA. cundiziun tecnica dislivel sonda Cuors da salvamaint annunz. fin (felix@quickmail.ch) Scolaziun da l adöver dals urdegns da lavina Jöri Felix ( ) L L 30 sonda Cuors dad ir culs skis a la lomma annunz. fin (apoo@bluewin.ch) esser pront per bellas skiadas da l inviern Andri Poo ( ) L L sonda Rampignar sül glatsch annunz. fin (choeva@hotmail.com) Kevin Meyer ( ) L L sonda Tura da surpraisa tenor cundiziuns annunz. fin Tumasch Planta ( ) L-M L-M ca dumengia Vereina Wisshorn 2831 msm - annunz. fin (choeva@hotmail.com) Pischahorn 2980 msm Kevin Meyer ( ) M M so - du Gitas illa regiun Bielerhöhe / Silvretta annunz. fin Not Buchli ( ) M-G M 1200 sonda Piz Vadret Pitschen 3218 msm annunz. fin (r.luzzi@bluewin.ch) Roman Luzzi ( ) M M sonda Piz Lagrev 3109 msm annunz. fin (gitas@alpinist.ch) Alfons à Porta ( ) L L sonda Frattüras - Fuorcla Pradatsch 2632 msm annunz. fin (denothc@hotmail.com) Cristoffel Denoth ( ) L L

31 cundiziun tecnica dislivel dumengia Canyoning d inviern tras la chavorgia d Uina annunz. fin (j.a.gisep@gisep.ch) Jachen-Andri Gisep ( ) sonda Piz Rasass 2941 msm - annunz. fin (r.luzzi@bluewin.ch) Piz Sesvenna 3205 msm Roman Luzzi ( ) du - ve Eivna da gitas in Val Venosta - Pass da Resia annunz. fin Not Buchli ( ) sonda Hinter Jamspitz 3155 msm annunz. fin (denothc@hotmail.com) Cristoffel Denoth ( ) sonda Piz S-chalambert 3028 msm annunz. fin Tumasch Planta ( ) lündeschdi Piz Spadla 2911 msm annunz. fin Not Buchli ( ) dumengia Sentisch Horn 2827 msm annunz. fin (j.a.gisep@gisep.ch) Jachen-Andri Gisep ( ) sonda Piz Cambrena 3606 msm annunz. fin (michael.reto@gmail.com) Reto Michael ( ) M M-G G M G G M L M-G M M M G M L-M M-G INDEMNISAZIUNS Per mincha gita vaina inchaschà 15.- frs per di da mincha partecipant(a). Per gitas cun manaders o guidas implü ston ils partecipants surtour ils cuosts! Las spaisas (cuosts da transport, pernottaziun) dal manader da gita surpiglian ils partecipants! rampignar scolaziun L leiv G greiv tura da skis sairada/festa M mezdan FG fich greiv

32

33 TRAIDESCHINS - FRIZZAS Scha tü hast tanter 10 e 13 ons ILS traideschins ( ) o tanter 14 e 20 ons las frizzas ( ) e vöglia da giodair bels mumaints da cumpagnia in muntogna, schi vè tantüna eir tü cun nus. Minchün es fich bainvis e nus vain eir gust da verer tschêras frais-chas. 33 Attenziun L OJ spordscha ün servezzan d SMS per trar adimmaint ad occurenzas. Scha tü survgnissast eir gugent ün SMS, stuvessast be trametter ün cun teis nummer da natel (o quel da teis genituors) a Chasper A. Felix (oj@alpinist.ch).

34 3 INS Program D inviern Traideschins (OJ ons, ) Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA. 34 dumengia Culs skis illa naiv lomma e barryvox Motta Naluns 10.- annunz. fin dumengia Rampignar sül glatsch Clemgia 15.- annunz. fin so - du Piz Daint e Piz Chazforà Fuldera 40.- annunz. fin dumengia Piz Cotschen Bos-cha 10.- annunz. fin lü - du Eivna da gitas Simplon Pass dal Simplon annunz. fin so - du Piz Vallatscha e Mot dal Gajer S-charl 50.- annunz. fin dumengia Cuors da rampignar Ardez 10.- annunz. fin du - so Eivna da rampignar Tessin Losone annunz. fin Annunzchas TRAIDESCHINS e frizzas Pels arrandschamaints da la fin d eivna esa da s annunzchar per telefon adüna la gövgia saira avant la gita da las 19:30 a las 20:00 h pro Chasper A. Felix ( ) obain per (oj@alpinist.ch) fin in gövgia saira 18:00 h. Pellas eivnas da gita valan ils seguaints termins d annunzcha Pellas eivnas da gita valan ils seguaints termins d annunzcha: eivna da rampignar Tessin 1 avrigl Eivna da gitas Simplon 15 schner Annunzchas in scrit o per mail a Chasper A. Felix, Saglina 32, 7554 Sent obain oj@alpinist.ch. L OJ spordscha ün servezzan d SMS per trar adimmaint ad occurenzas. Scha tü survgnissast eir gugent ün SMS, stuvessast be trametter ün cun teis nummer da natel (o quel da teis genituors) a Chasper A. Felix (oj@alpinist.ch).

35 Program d inviern FRIZZAS 2019 FRIZZAS (OJ ons, ) Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA. dumengia Culs skis illa naiv lomma e barryvox Motta Naluns 10.- annunz. fin dumengia Rampignar sül glatsch Clemgia 15.- annunz. fin so - du Piz Daint e Piz Dora Fuldera 40.- annunz. fin dumengia Piz Cotschen Bos-cha 10.- annunz. fin lü - du Eivna da gitas Simplon Pass dal Simplon annunz. fin so - du Piz Vallatscha e Piz Sesvenna S-charl 50.- annunz. fin dumengia Cuors da rampignar Ardez 10.- annunz. fin du - so Eivna da rampignar Tessin Losone annunz. fin Furnitura TRAIDESCHINS e frizzas Skis da tura, pels, barryvox, pala, sonda, sezzin, chaplina, s-charpellas, zappin, bunas s-charpas, schlics, manetschas, chapütscha, pullover chod, giacca da vent, pelerina, ögliers e crema da sulai, gamaschas, buna glüna e sün gitas da plüs dis alch roba per as müdar. Da l OJ as poja retrar sezzins, s-charpellas, zappins, carabiners, schlics, bindels e chaplinas, barryvox, pala da lavinas, sonda e bastuns telescopics. Material da camping vain eir organisà da l OJ.

36 36 CHAMONNAS lischana Fantastisch So war dieser Sommer! Sowohl vom Wetter her als auch was unsere Gäste betrifft. Bis zum Saisonende werden wir wohl 50% mehr Übernachtungen erreichen als Mein Team mit Lucia Janett, Nadja Baumgartner und Andrea Loibner hat wirklich Tolles geleistet. Danke! Auch einige Mountainbiker-Gruppen haben dieses Jahr bei uns übernachtet, eine Novität! Als Tagesgäste sind sie ja schon öfter hier gewesen. Tipi am Lagerfeuer sitzen. Sogar RTR war mit dem Helikopter da und hat einen Film darüber gedreht. Das war natürlich Aufregung pur! Am 4. August fand bei strahlendem Wetter und regem Publikumsinteresse ein Konzert der Chapella 1 Prosit aus Tschlin mit Spaghettata statt. Es war einfach toll! Diesen Juli konnten wir das erste Mal Familienferien durchführen. Eine Familie aus dem Aargau hat 5 Tage hier verbracht, die Eltern genossen eine Auszeit und die Kinder konnten bei traumhaftem Wetter mit Urezza Felix die Hütte und ihre Umgebung erforschen, den Klettergarten nutzen und im

37 Das Interesse der Gäste an unserem Wasser-/ Gletscherprojekt war sehr gross und ich konnte fast jeden Abend darüber berichten. So ein Audioguide wäre manchmal ganz praktisch gewesen. Die Senda Cunfin von der Fora da l Aua zur Fuorcla Sesvenna ist seit dem 9. August markiert und wird von Gästen stark frequentiert. Die Aussicht dort ist ja auch einfach unglaublich! Überraschenderweise ist trotz des Ansturms der Anteil an Vegetariern, Unverträglichkeiten und sonstigen Sonderwünschen um vieles kleiner als in den letzten Jahren. 37 Wir alle freuen uns auf die verdiente Pause nach dem 14. Oktober und ich hoffe, euch alle wieder im Sommer 2019 auf der Chamonna Lischana willkommen heissen zu dürfen. A revair! Ursula

38 38 TUOI ün sguard inavo Der heutige Blick zum Fenster hinaus zeigt weiss. Es hat Schnee und einer der seltenen Schlechtwettertage in diesem Sommer steht bevor. Ich darf auf ein gutes Jahr zurückblicken, mit einem starken Winter und einem guten Sommer. Der Winter war geprägt durch den vielen Schnee und noch Mitte April konnte man bis nach Guarda mit den Ski fahren. Nach Mitte April gab es 2 Föhnlagen und diese haben uns wiederum viele Gäste gebracht. Viele dieser Gruppen mussten von ihrem ursprünglichen Ziel wie Berner Oberland oder Wallis absehen und sind zu uns ausgewichen, wo es doch noch möglich war, etwas zu unternehmen. Der Sommer war vom Wetter her perfekt und die Bedingungen bestens und ich erlebe immer wieder viele liebe Besuche, welche mich sehr freuen. Auch durften wir dieses Jahr das Nachtessen für die Bauern und das Alppersonal ausrichten, eine grosse Aufgabe und Freude für mich. Die Vorbereitungen für den Winter laufen bereits und mit Maya und Ursina habe ich 2 Frauen im Team, welche auch schon Hüttenerfahrung mitbringen. Ursina ist aus Scuol und gelernte Köchin und hat im Sommer in einer Hütte im Glarnerland gearbeitet, Maya kommt aus dem Berner Oberland und hat einen Winter auf der Konkordiahütte gearbeitet. Vorerst hoffe ich auf schönes Herbstwetter und einen ebenso schönen Winter wie den letzten. Christian Wittwer

39 Wo isst Ftan? Pizza & Berge Restorant Bellavista Telefon bellavista-ftan.ch Tradiziun meets Italia Restorant Engiadina Telefon engiadina-ftan.ch Prämien-Haarsträubitis Eine Krankheit, die s bei uns nicht gibt. Ihr Partner für Berg und Freizeit SA SO - FR & h Ftan 1633m Stradun Scuol info@jon-sport.ch Die Prämien unserer Krankenversicherung sind fair.

40 40 LINARD Die besondere Hütte unserer Sektion! Es klappt hervorragend mit den 15 Hüttenwartteams, die immer alles geben, um unsere Gäste zu verwöhnen. Wir können uns über viele positive Feedbacks freuen. Das Spezielle an unserer Hütte ist auch, dass wir uns nicht in einem Privatbereich «verschanzen» können. Unsere Küchentür, zwischen Eingang und Stube, ist offen. Das ergibt einen schönen Kontakt mit den Menschen, die als Unbekannte eintreffen und wenn sie wieder gehen, kennen wir von ihnen oft mehr als nur ihren Namen! Der Umsatz in diesem schönen, heissen Sommer war im Durchschnitt der letzten Jahre. Darunter 4 starke, 5 normale, 3 schlechte Wochen und ein Super-Wochenende im September. Die 3 schlechten Wochen waren um den 1. August, nach dem Bergsturz Linard pitschen, der das Val Lavinuoz betraf. Dazu beigetragen hat auch die Presse, BLICK: «Bergsturz am Piz Linard, Behörden schliessen Wandergebiet». Dazu kam noch der Jahrestag des Unglücks in Bondo Wir alle, Hüttenwarte und Helfer, freuen uns schon auf den Bergsommer 2019 und auf viele Hüttenbesucher. Sepp Erni

41 manaders/dras SECZIUN ED OJ Christian Aebi Alfons à Porta Tumasch à Porta Chasper Buchli Jon Buchli Not Buchli Not Armon Buchli Chasper A. Felix Jachen-Andri Gisep Chantal Lörtscher Roman Luzzi Kevin Meyer Reto Michael Andi Ovenstone Chasper Planta Jachen Andri Planta Tumasch Planta Andri Poo Marco Steinemann hotmail.com Christian Wittwer seniors Georg Cadonau Annatina Giacomelli Silva Rauch Annatina Werro

42 ADRESSAS 42 SUPRASTANZA E FUNCZIUNARIS President Heinz Gross, Zernez presidi@alpinist.ch Actuara/admin da commembers Monica à Porta-Barblan, Ftan actuariat@alpinist.ch Chaschier Andri Lansel, Sent finanzas@alpinist.ch Marketing e cultura Martina Peretti, Susch marketing@alpinist.ch Schef da gitas Alfons à Porta, La Punt gitas@alpinist.ch Schef da chamonnas Duri Roner, Scuol chamonnas@alpinist.ch Schef da salvamaint Jöri Felix, Sent salvamaint@alpinist.ch Substitut salvamaint Chasper Planta, Sent chabapla@bluewin.ch Schef da I OJ resp. Frizzas Marco Steinemann, Ftan oj@alpinist.ch Respunsabel Traideschins Chantal Lörtscher, Valchava traideschins@alpinist.ch Persuna da contact OJ Chasper Alexander Felix, Sent oj@alpinist.ch Coach G+S Chasper Buchli, Sent gs@alpinist.ch Pagina d internet Nicolo Pitsch, Ftan internet@alpinist.ch Resp. Chamonna Linard Sepp Erni, Sent jerni@bluewin.ch Resp. Chamonna Lischana Heiko Schlatter, Scuol heiko.schlatter@bluewin.ch Resp. Chamonna Tuoi Not Armon Willy, Guarda notarmon.willy@nationalpark.ch Redacziun Chasper A. Gaudenz, Fuldera redacziun@alpinist.ch Resp. layout e stampa Christina Willy-Kraxner, Scuol grenzdesign@bluewin.ch Incumbenzà per l ambiaint Men Janett, Ardez men.janett@bluewin.ch Material salvamaint Curdin Egler, Scuol curdin.egler@bluewin.ch

43 LISCHANA LINARD TUOI 43 Ursula HOFER Chamonna Lischana Schef da chamonna Heiko Schlatter Christian Wittwer Chamonna Tuoi Schef da chamonna Not Armon Willy Chamonna Linard Schef da chamonna Sepp Erni

44 FIN DA REDACZIUN PEL PROSSEM CUDESCHIN es ils 1. marz 2019 Text e fotografias a Chasper Ans Gaudenz (redacziun@alpinist.ch) inserats infuormaziuns detagliadas sün datas a Christina Willy (grenzdesign@bluewin.ch) Culla nouva realità virtuala poust far mincha piz dal muond be davent da chà. Ch. A. G.