RADUNANZA CUMÜNALA. Protocol nr. 6 Radunanza dals , 20:00-23:00

Transcript

1 CUMÜN DA SCUOL RADUNANZA CUMÜNALA Protocol nr. 6 Radunanza dals , 20:00-23:00 Data: 14 december 2015 Urari: 20:00 Lö: Chasa Misoch, Sent Tractandas 1. Orientaziun davart il plan da finanzas Preventiv cumünal 2016 (decisiuns) fixar il pè d'impostas; proposta: 100 % da l'imposta chantunala simpla fixar las taxas d'aua e da chanalisaziun/sarinera sco eir per las immundizchas acceptar il preventiv da gestiun e quel d'investiziuns per l'on Credits per investiziuns Credits supplementars 5. Vendita d immobiglias a persunas cun naziunalità estra (decisiun) fixar la quota per l on 2016; proposta: 100 % 6. Orientaziuns in vista a la votaziun dals 28 favrer 2016 Regiun Engiadina Bassa/Val Müstair, cunvegna da prestaziun a reguard: la scoula da chant e musica il ramassamaint d immundizchas da chasa il post d integraziun il management regiunal NRP Orientaziuns 8. Varia Preschaints: S-chüsats: Medias: Scrutinaduors: var 90 votantas e votant Adrian Barbüda, Steven Mayer, Patrick Nogler, Michael Roth ed Urs Wohler Nicolo Bass (Posta Ladina) Annatina Filli (ANR), Reto Meyer (RTR) Anton à Porta, Robert Köhle

2 1. Orientaziun davart il plan da finanzas Il capo dà ün pêr explicaziuns davart il plan da finanzas. Per intant es gnüda elavurada üna prüma versiun ingio chi sun gnüts resguardats blers giavüschs. Quella proposta prevezza investiziuns da passa 43 milliuns francs pels ons 2017 fin Quel import nun es però realistic per nos cumün. La suprastanza ha da surelavurar il plan da finanzas e metter prioritats. Quai po però gnir fat pür davo cha l rendaquint 2015 es serrà giò. In seguit as poja lura preschantar dürant l on chi vain ün plan da finanzas cun cifras plü impegnativas. 2. Preventiv cumünal 2016 Gestiun Dal quint da guadogn e perdita resulta üna perdita da 50'600 francs, quai pro entradas da 42'607'119 francs e sortidas da 42'657'719 francs. I's po dimena dir cha'l quint da guadogn e perdita es circa equilibrà. Quai es allegraivel impustüt schi s resguarda cha las contribuziuns cumünalas tant pel Bogn Engiadina sco eir pel chastè da Tarasp sun davo las votaziuns correspundentas per bainquant plü otas co i'ls ons avant. Ellas importan 1'850'000 resp. 200'000 francs. Eir l'introducziun da la nouva egualisaziun da finanzas influenzescha il quint da guadogn e perdita. Siond cha l prüm rendaquint dal cumün fusiunà nun es amo avantman nun esa pussibel dad avair conguals culs ons avant. Investiuns Il quint d investiziuns prevezza pro sortidas da 9'316'000 francs ed entradas da 3'651'000 francs investiziuns nettas da 5'665'000 francs. s Ün votant voul savair che cha la cumischiun sindicatoria manaja da las investiziuns chi surpassan per bainquant la pussibiltats dal cumün? Ün commember da la cumischiun sindicatoria disch ch els salüdan las staintas da spargn da la suprastanza saja quai pro l quint da gestiun sco eir pro las investiziuns. La cumischiun sperescha però cha la suprastanza fetscha tuot il pussibel per na augmantar ils debits a l infinita. Cun üna cuntravusch decida la radunanza d acceptar il preventiv da gestiun e quel d'investiziuns per l'on Plünavant decida la radunanza unanimamaing da fixar il pè d imposta pel 2016 sün 100 % da l'imposta chantunala simpla. E per finir decida la radunanza eir unanimamaing da fixar las taxas d aua e da chanalisaziun/sarinera sco eir per las immundizchas sco segua: Provedimaint d aua: Taxa fundamentala: 0.25 %o da la valur da nouv dal stabel (tenor stima ufficiala) Taxa tenor consüm: CHF 0.42 per m

3 Chanalisaziun / sarinera Taxa fundamentala: 0.42 %o da la valur da nouv dal stabel (tenor stima ufficiala) Taxa tenor consüm: CHF 0.70 per m 3 Taxa tenor consüm Nairs: CHF 1.35 per m 3 Immundizchas Taxa fundamentala: 0.18 %o da la valur da nouv dal stabel (tenor stima ufficiala) Las taxas correspuondan a quellas dal Credits per investiziuns 2016 La radunanza ha dad approvar ils credits per investiziuns chi surpassan l import da CHF 200' I s tratta da las seguaintas: Via Curtin Plaz, Sent: nouva infrastructura e sanaziun da la via CHF 1'450'000 Il credit es previs per sanar la via e refar l infrastructura (provedimaint d aua, chanalisaziun ed aua da meteor). Id es previs da realisar las lavuors in trais etappas, la prüma dal 2016, la seguonda dal 2017 e la terza dal La radunanza deliberescha unanimamaing il credit per la via Curtin Plaz a Sent. Via da Liuns, Scuol: nouva infrastructura e sanaziun da la via CHF 650'000 Eir qua esa previs da sanar il rest da la via da Liuns e da refar l infrastructura. Scha las finanzas permettan, schi dessan gnir executadas las lavuors in trais etappas (2016, 2017 e 2018). Nun es quist üna via da quartier ingio cha l cumün pudess inchaschar üna part dals cuosts dals cunfinants lung la via. Tenor Jon Carl Stecher es la via da Liuns üna via da ramassamaint e là nu s poja inchaschar nüglia dals cunfinants. Sianza cuntravuschs decida la radunanza da deliberar il credit per la nouva infrastructura e sanaziun da la via da Liuns a Scuol. Via da quartier Curtinatsch, Ardez CHF 380'000 Il cumün ha dad asfaltar la via e da far l iglüminaziun pel quartier Curtinatsch. Quists cuosts vegnan scumpartits sün tuot ils proprietaris da las parcellas dal plan da quartier

4 Il credit per la via da quartier Curtinatsch ad Ardez vain approvà da la radunanza sainza ingünas cuntravuschs. Plazza da parcar Crastuoglia, Scuol CHF 850'000 La plazza da parcar Crastuoglia dess gnir ingrondida vers vest. Pel mumaint nun esa previs da tilla asfaltar. Ün votant dumonda schi vegnan montadas uras da parcar sün quella plazza. Tenor il concept da parcar dal cumün da Scuol nu d eira quai previs, ma i s po sainz oter ponderar la pussibiltà da montar uras da parcar. Ün votant fa la propsota da deliberar be il credit da CHF voul dir l import previs pel La majorità dals preschaints sustegna quista proposta e deliberescha be il credit da CHF per ingrondir la plazza da parcar Crastuoglia vers vest, sainza asfaltaziun. Nouva maschina multifuncziunala pel mantegnimaint CHF 200'000 I fa dabsögn da s acquistar üna maschina multifuncziunala pel mantegnimaint da las vias cumünalas. Sainza cuntravuschs decida la radunanza da deliberar il credit per la nouva maschina. Refar il condot d'aua Val Lischana pro'l Laviner Tort, Scuol (don da strasora) CHF 200'000 Las strasoras da la stà passada han fat gronds dons. Per proteger il provedimaint cunter boudas ed auazuns esa da refar ils cuntschets illa Val Lischana pro l Laviner Tort. Las lingias d aua sun gnüdas refattas fingià in october da quist on. Unanimamaing decida la radunanza da deliberar il credit manzunà per refar il condot d aua illa Val Lischana pro l Laviner Tort, Scuol

5 Provedimaint d'aua: concept transmissiun da datas per tuot las fracziuns CHF 250'000 Id es important da pudair transemtter las datas da tuot ils provedimaints d aua da las fracziuns in ün lö central. Quel es previs illa sarinera da Sotruinas a Scuol. Cun üna cuntravusch approvescha la radunanza il credit pel concept da transmissiun da datas pel provedimaint d aua. Refar la fundamainta da la punt Clozza (Via da Vi, Scuol) CHF 200'000 La punt da Clozza pro la via da Vi ha eir subi gronds dons in connex cullas strasoras dal mais lügl. Perquai sto la gnir refatta. Sainza cuntravuschs decida la radunanza da deliberar il credit per refar la fundamainta da la punt Clozza a Scuol. Nouv tractor cun grü pella gestiun forestala CHF 350'000 La gestiun forestala ha da s acquistar ün nouv tractor cun grü. Quella maschina serva però eir per la gestiun da mantegnimaint. Ün votant as dumonda scha l cumün haja insomma da s acquistar maschinas pel forestal. El es da l avis cha quai stuvess esser üna incumbenza per intrapraisas privatas. Il cumün nu stuvess concuorrer cun dittas privatas. Perquai fa l la proposta cha l cumün nu dessa investir nüglia i l sectur forestal. Il manader da la gestiun forestala, Mario Riatsch piglia posiziun e manzuna cha l uffizi forestal saja gnü reorganisà. Quai vain eir giavüschà davart dal Chantun. L investiziun da la maschina nouva es necessaria. Quella nu vain in acziun be pel forestal dimpersè eir per la gestiun da mantegnimaint. Il böt dal cumün es, d avair üna gestiun forestala moderna e chi instruischa eir a giarsuns. L uffizi forestal fa ils tagls e prepara ils prodots (laina d adöver e dad arder) e fa implü lavur per la gruppa da mantegnimaint. Il cumün fa be la mità dal schmertsch. Tschella mità vain surdat ad intrapraisas privatas

6 In vista a quistas explicaziuns retira il votant sia proposta da strichar l investiziun pel nouv tractor cun grü. Cun unanimità da vuschs deliberescha la radunanza il credit pel nouv tractor. Sauaziun da Sent: adattamaints e cumplettaziun CHF 630'000 L indriz da sauar da Sent es gnü tut in funcziun dal Il retrar aua dad aua motorica da la centrala da Pradella ha chaschunà adüna darcheu problems, quai causa il sablun. Ils ventils per redüer la pressiun stoppan e l struschar tils üsa giò. L indriz da filter chi d es gnü installà illa centrala a Pradella nun ha scholt quist problem ed ha gnü da gnir rimplazzà duos jadas. Per schoglier il problem esa da fabrichar ün reservuar in Pedra Grossa e da cumplettar la rait da scumpart. Nu vess il büro d indschegner da surtour cuosts scha l proget nun ha funcziunà da prüma innan. Il capo manzuna cha quist nu saja amo scleri dal tuot. L uffizi chantunal ha approvà mincha etappa. I nun es cler scha l indschegner po gnir incuolpà. Perquai es il Chantun eir pront da surtour üna gronda part dals cuosts pels adattamaints e per la cumplettaziun dal proget da sauaziun. Il cumün prefinanziescha l import ed ha da surtour be sia part sco proprietari da terrain. La radunanza es unanimaing da l avis da deliberar il credit per la sauaziun da Sent. Scoula da musica: ingrondimaint e renovaziun da las localitats giò'l plan schler da la Chasa du Parc, Scuol CHF 300'000 Per spordscher a la scoula da musica localitats adequatas faja dabsögn da renovar e restructurar quellas giò l plan schler da la chasa du Parc. Ün votant fa la proposta da s-chassar quista investiziun fin chi d es scleri che chi capita in connex culla collavuraziun cul Institut Otalpin Ftan. Il capo manzuna cha quist import saja prvis per la scoula da musica e na pel s-chalin ot da la scoula cumünala. La radunanza decida cun gronda majorità da deliberar il credit. 3 preschaints vuschan cunter

7 4. Credits supplementars Sanaziun e renovaziun chasa da scoula Sent CHF 270'000 Las lavuors preparatoricas (demontaschas, demolir mürs e preparaziuns per montaschas ed installaziuns nouvas) pel fabricat sun stattas plü charas co previs. Pro ls contuorns (plazza sura ed isolaziuns) haja eir dat ün surpassamaint. Id es gnü fat üna perizia da cuosts. Vairamaing as vessa stuvü calcular ün augmaint da 10 % per imprevissas. Quai es però gnü interlaschà, uschè cha ls cuosts totals per la renovaziun da la scoula gnaran ad importar raduond 2.8 milliuns francs. Cun quai es gnü surpassà il credit deliberà da l anteriur cumün da Sent per s-chars 10 % voul dir per CHF 270' I fa star stut cha l cumün nun es mai gnü orientà davart ün simil surpassamaint dals cuosts. Uossa nu resta oter co da til acceptar, cumbain chi resta ün curius gustin. La suprastanza propuona a la radunanza da conceder il credit supplementar da CHF 270' La radunanza approvescha unanimamaing il credit supplementer per la sanaziun e renovaziun da la chasa da scoula Sent. Via da Ruinas, Guarda CHF 175'000 Id es gnü interlaschà da calcular ils cuosts per far la sgürezza da la scarpada. Uossa s haja stuvü constattar cha quella lavur es indispensabla. Ils cuosts s amuntan a CHF 120' In tuot esa da far quint cha la via Ruinas cuosta CHF 800' voul dir chi detta ün surpassamaint dals cuosts da CHF 175' La suprastanza propuona a la radunanza cumünala da conceder il credit supplementar da CHF 175' e quai in basa a l artichel 32 al. 3 da la constituziun cumünala. Sainza cuntravuschs approvescha la suprastanza il credit supplementar per la via Ruinas, Guarda. EED per l'administraziun CHF 50'000 Oriundamaing d eira büdschetà ün import da CHF 250' per l implant EED. Davopro esa gnü constatà cha quel import nu basta e chi fetscha dabsögn da CHF 300' Ils motivs pel surpassamaint sun: daplü cuosts da cussagliaziun e d accumpagnamaint, adattamaints dals programs in connex cul HRM2, lavur plü cumplexa, müdada da l uffizi da fabrica illa chasa Central. La suprastanza propuona a la radunanza cumünala da conceder il credit supplementar da CHF 50' e quai in basa a l artichel 32 al. 3 da la constituziun cumünala

8 La radunanza decida unanimamaing da deliberar il credit supplementar per la EED. Per finir manzuna ün votant ch el as giavüscha cha ls respunsabels fetschan tuot il pussibel per chi nu saja da conceder adüna darcheu simils credits supplementars. Il capo piglia incunter quista remarcha e manzuna cha per la suprastanza saja quai eir ün fat dischagreabel. 5. Vendita d immobiglias a persunas cun naziunalità estra La radunanza cumünala dals 26 schner 2015 ha decis il seguaint a reguard la quota per l acquist da bains immobigliars tras persunas a l ester: fixar la quota per la vendita our da surfabricaziuns cumplettas sün 50 % admetter la vendita dad objects singuls da vendaders svizzers admetter la vendita dad abitaziuns da seguond man dad esters ad esters. Cun quista decisiun nun esa a persunas Svizras bod na plü pussibel da vender chasas (objects singuls) ad esters. Per pussibiltar quai, esa dad augmantar la quota per la vendita sün 100 % (quai cha l anteriur cumün da Scuol pratichaiva daspö blers ons). I s ha muossà cha la dumonda da persuna a l ester per s acquistar chasas es fich pitschna. Schi s bada cha quella dumonda vain plü gronda, schi ha il cumün minch on la pussibiltà da correger quai e da redüer la pertschientuala a la radunanza da büdschet. Perquai propuona la suprastanza a la radunanza da fixar la quota per l acquist da bains immobigliars tras persunas a l ester per l on chi vain sün 100 %. Cun 3 cuntravuschs decida la radunanza il seguaint chi vala per l on chi vain: fixar la quota per la vendita our da surfabricaziuns cumplettas sün 100 % admetter la vendita dad objects singuls da vendaders svizzers admetter la vendita dad abitaziuns da seguond man dad esters ad esters. 6. Orientaziuns in vista a la votaziun dals 28 favrer 2016 Regiun Engiadina Bassa/Val Müstair, cunvegnas da prestaziun a reguard: la scoula da chant e musica il ramassamaint d immundizchas da chasa il post d integraziun il management regiunal NRP

9 Che capità sch ün cumün decida da refüsar üna da las cunvegnas voul savair ün votant. I füss lura da trattar da nouv e tuot tenor vess quai consequenzas negativas per tschels cumüns explicha il capo. Ils votants preschaints delibereschan unanimamaing tuot las quatter cunvegnas da prestaziun per mans da la cumünanza d urna dals 28 favrer Orientaziuns Mezs d infuormaziun Dürant ils prüms mais da l on vaina constattà cha l möd da las publicaziuns nu funcziuna optimal. La pagina d internet es gnüda missa in funcziun la mità da l on. Intant as poja dir cha quella s ha verifichada. La pagina vain optimada regularmaing. Per infuormaziuns a cuorta vista es quai il mez d infuormaziun ideal. Il cumün voul avair a partir da l on chi vain in mincha fraziun be plü üna chaista naira. In quella vain publichà il seguaint: mortoris publicaziuns ufficialas publicaziuns da fabrica Implü voul il cumün introdüer ün «mas-chalch» chi vain publichà üna jada al mais illa Posta Ladina (ediziun gronda). Quell ediziun vain scumpartida in mincha chasada gratuitamaing. Üna mita da la pagina es reservada per comunicaziuns ufficialas dal cumün. Tschella mità sta a disposiziun per comunicaziuns davart arrandschamaints illas fracziuns. Il böt dal cumün es, dad avair ün mas-chalch chi rimplazza quels chi vegnan edits uossa in plüssas fracziuns sün basa privata. 8. Varia Ad ün votant nu satisfan ils mezs da comunicaziun. El disch chi d eira gnü impromiss chi restess il mas-chalch da Sent tal e qual sco quai ch el d eira avant la fusiun. Quai nun es però il cas e quai deplorescha l. Plünavant giavüscha l da fermar subit cullas lavuors vi da l entrada sura pro l sunteri. Avant ons vaiva l anteriur cumün da Sent consultà al cusgliader da la chüra da monumaints per la renovaziun dal sunteri chi d ha üna gronda valur culturala. Uossa esa gnü sfrachà oura ün toc dal mür e fat üna porta da fier battü. Il capo piglia incunter quista reclamaziun. Ün oter votant voul savair scha quai es propcha vaira cha mincha fracziun haja ün manader da scoula. La presidenta dal cussagl da scoula piglia posiziun e disch cha quai saja uschè, ma cha quai d eira fingià manzunà i l rapport da fusiun. Id es bler meglder scha mincha scoula ha seis manader, co ad avair ün manader central. E dal rest vegnan subvenziunats tuot ils cuosts dals manaders

10 Il listess votant s indreschischa davart il stadi da la deponia da Plansechs. L anteriur cumün da Scuol vaiva decis da far ün deponia per material da s-chav. Il manader da las gestiuns tecnicas piglia posiziun e disch cha pel mumaint nu fetscha dabsögn da quella deponia. La procedura per fabricats dadour la zona da fabrica es gnüda sistida. Illa deponia in Panas-ch Sura esa lö per depositar material pels prossems desch ons (var 200'000 m 3 ). Per finir ingrazcha il capo a tuot ils impiegats ed impiegadas ed a tuot ils gremis politics per lur grond ingaschamaint dürant il prüm on chi d es stat sainza dubi fich intensiv. Eir a tuot la populaziun pertocca ün sincer grazia fich per la pacienza e fiduzcha demuossada. Davo ch ingün nu giavüscha plü il pled ingrazcha il capo als preschaints per la cumparsa e giavüscha a tuots bellas Festas da Nadal ed ün bun e vantüraivel on nouv. Il capo: L'actuar: Christian Fanzun Andri Florineth