Protocol nr. 17 Radunanza dals , 20:00-22: Fundaziun Nairs, süertà da francs, dumonda da reponderaziun

Transcript

1 CUMÜN DA SCUOL RADUNANZA CUMÜNALA Protocol nr. 17 Radunanza dals , 20:00-22:30 Data: 10 december 2018 Urari: 20:00 Lö: Scuol, sala cumünala (chasa da scoula) Tractandas 1. Orientaziun davart il plan da finanzas Fundaziun Nairs, süertà da francs, dumonda da reponderaziun 3. Turissem Engiadina Scuol Samignun Val Müstair SA (TESSVM), contrat da destinaziun (decisiun) 4. Engadin Scuol Tourismus AG (ESTAG), cunvegna da prestaziun (decisiun) 5. Credits per investiziuns (decisiuns) 6. Credit supplementar (decisiun) 7. Preventiv cumünal 2019 (decisiuns) fixar il pè d'impostas; proposta: 100 % da l'imposta chantunala simpla fixar las taxas d'aua e da chanalisaziun/sarinera sco eir per las immundizchas acceptar il preventiv da gestiun e quel d'investiziuns per l'on Vendita d immobiglias a persunas cun naziunalità estra (decisiun) fixar la quota per l on 2019; proposta: 100 % 9. Orientaziuns 10. Varia Preschaints: S-chüsats: Medias: Scrutinadurs: 82 votantas e votants Herbert Engelmann, Flurin Filli, Anna Mathis Nesa, Jutta Müller- Engelmann Nicolo Bass (Posta Ladina), Flurin Andry (ANR) Reto Strimer, Oscar Stupan, Jon Fadri Tönett

2 Ün votant es da l avis chi sajan massa bleras tractandas. El propuona dad interrumper la radunanza intuorn las 22:00 e convochar üna seguonda radunanza. Il capo piglia incunter quista remarcha e s reserva il dret da far quai sch el bada chi va massa lönch. 1. Orientaziun davart il plan da finanzas Michel Taisch preschainta il plan da finanzas. Cun quist instrumaint esa pussibel dad avair üna survista per savair che chi ns spetta ils prossems ons, saja quai pro las investiziuns sco eir pro ls cuosts da gestiun. Cul plan da finanzas as poja eir güdichar scha las investiziuns futuras o ils cuosts da gestiun sun portabels pel cumün o schi d es da trar in consideraziun otras masüras per generar daplü entradas. L aigna finanziaziun sarà i ls prossems ons sün raduond 4,5 e 5 milliuns francs. Cullas investiziuns chi sun previssas fin l on 2024 s augmantarà il debit minch on per bainquant, voul dir cha quel crescharà per 18 milliuns francs fin dal I nu s das-cha laschar tschiorbantar dal guadogn cha l cumün fa mincha on. La radunanza piglia cogniziun dal plan da finanzas Fundaziun Nairs, süertà da francs, dumonda da reponderaziun La radunanza cumünala dals 13 favrer 2017 vaiva refüsà quista dumonda da süertà chi d eira fatta quella jada per francs. A la Fundaziun Nairs esa reuschi intant da rablar insembel francs. Daplü nu tils esa stat pussibel, e perquai hana inoltrà al cumün üna dumonda da reponderaziun per üna süertà da francs. L importanza dal center da cultura Nairs Futur es incontestabla per nossa regiun. Perquai propuona la suprastanza a la radunanza da far bun la süertà da francs. Votum Duos votants piglian il pled e giavüschan instantamaing da sustgnair la dumonda da süertà da la Fundaziun Nairs, quai impustüt per mantgnair la varietà artistica. Proposta Ün votant propuona cha quista dumonda dessa gnir decisa per scrutin. 19 votants sustegnan quista proposta, tant cha tenor l artichel 34 al. 4 da la constituziun cumünala ha da gnir votà in scrit. Il restultat da la votaziun in scrit es il seguaint: Cedlas entradas 82 Cedlas vödas 2 Cedlas valablas 80 Majorità 41 Schi 57 Na 23 Uschè cha la radunanza conceda a la Fundaziun Nairs la süertà da francs

3 3. Turissem Engiadina Scuol Samignun Val Müstair SA (TESSVM), contrat da destinaziun Il contrat da l organisaziun da la destinaziun da management (DMO) Turissem Engiadina Scuol Samignun Val Müstair SA (TESSVM) fuorma la basa per la collavuraziun dals partenaris in nossa regiun da vacanzas. Quist contrat rimplazza quel da la DMO dals 20 gün Il contrat da la DMO sgüra las valurs directivas dal svilup da la destinaziun Scuol Samignun Val Müstair in fuorma impegnativa. Ils contrahents pajan a la TESSVM las seguaintas contribuziuns annualas: Samnaun Tourismus CHF Cumün da Scuol CHF Cumün da Zernez CHF Cumün da Val Müstair CHF Cumün da Valsot CHF Il contrat culla DMO ha üna dürada illimitada ed aintra in vigur als 1. schner Il contrat po gnir desdit üna jada l on, la prüma jada pels 31 december Co sun gnüdas scumpartidas las aczias da l ESTAG? Fin uossa d eira il cumün da Scuol acziunaris. Il capo disch cha l cumün surpiglia las aczias da Lavin, Susch e Valsot. Ün votant voul savair perchè chi figürescha Samnaun Tourismus sco partenari e na il cumün da Samignun sco pro ls oters partenaris. Quai ha da chefar culla structura organisatorica da Samignun, disch il capo. Sainza cuntravuschs vain approvada la cunvegna da prestaziun. Quista decisiun suottasta al referendum facultativ. 4. Engadin Scuol Tourismus AG (ESTAG), cunvegna da prestaziun In connex culla reorganisaziun turistica tanter la TESSVM, l ESTAG ed il cumün vegnan adattadas eir las cunvegnas da prestaziun. La cunvegna regla las prestaziuns da la ESTAG i l rom dals interess turistics i l cumün sco eir l indemnisaziun davart dal cumün. Niculin Meyer ha cumanzà sia lavur sco promotur d economia e mainagestiun da la ESTAG als 1. october Pel mumaint è l occupà cun unir las spüertas turisticas localas. Ad ün votant disturba cha l contrat nun es scrit in rumantsch. El giavüscha cha quel gnia tradüt. Il capo piglia incunter quista remarcha. Quants raps ha il promotur d economia a disposiziun per sviluppar progets?

4 Il prüm on sarà l occupà culla reorganisaziun da las organisaziuns localas. I sun büdschetats francs per nouvs progets per la ESTAG (conto ). Per promouver l economia esa previs ün import da francs (conto ). Sainza cuntravuschs approveschan ils preschaints la cunvegna da prestaziun. Quista decisiun suottasta al referendum facultativ. 5. Credits per investiziuns Tenor la constituziun cumünala (art. 32 al. 2 cif. 1) ha la radunanza dad approvar ils credits per investiziuns sur francs. Ftan: Ratrac per far la loipa da passlung e las vias da chaminar CHF La maschina da far loipa da Ftan es ruotta e sto gnir rimplazzada. Ils cuosts per tilla reparar sun calculats cun francs. La maschina actuala vain tutta inavo per francs. Ün votant ha constatà cha las vias da chaminar d inviern sun illa gronda part da las fracziuns da Scuol in ün fich bun stadi e quellas illa fracziun da Scuol na. Illa fracziun da Scuol vain rumida oura tuot la naiv fin sül terrain. Uschè suna pel solit inglatschadas e privlusas. A Scuol vegnan rumidas bleras vias a man o cul schlavazzun, manzuna il manader da las gestiuns tecnicas Arno Kirchen. Els sun landervia a sviluppar ün concept per megliorar quista situaziun. Unanimamaing approvescha la radunanza il credit pel ratrac per far la loipa da passlung e las vias da chaminar. Scuol: sanaziun plazza da sport Quadras (plazza cotschna) CHF La plazza da sport cotschna in Quadras es in ün stadi desolat e sto gnir sanada. I d eira previs da far quista lavur fingià avant la fusiun, ma id es adüna gnü spostà. Nu fessa sen da spettar culla investiziun fin chi d es decis che chi capita cul areal da Trü? dumonda ün votant Fin cha quella decisiun es tratta dürarà quai amo divers ons. La plazza vain dovrada regularmaing da la scoula. Cun üna cuntravusch conceda la radunanza il credit per la sanaziun da la plazza da sport Quadras

5 Scuol: sanaziun Punt Gurlaina CHF La punt da Gurlaina es gnüda fabrichada dal Dal 1947 e dal 1988 sun gnüdas fattas lavurs da revisiun. Prosmamaing füssa da sanar la punt. Las lavurs da fabrica dessan gnir fattas in duos etappas (dal 2019 fin al 2021). Ün votant voul savair schi d es avantman ün riassunt chi muossa co cha ls cuosts as cumpuonan. Arno Kirchen declera che lavurs chi sun previssas. Plünavant discha l chi saja fingià gnü fat ün proget d execuziun. Ün oter votant dumonda schi fetscha propcha dabsögn da renovar quista punt. Il capo disch cha quella punt gnia dovrada da fich bleras persunas. La punt es ün segn caracteristic ed istoric per Scuol chi nu füss bod na pussibel da s imaginar sainza. Sainza cuntravuschs approvescha la radunanza il credit pella sanaziun da la Punt Gurlaina. Scuol: sanaziun Via da Chantröven CHF La surtratta da la via da Chantröven es in ün stadi desolat e sto gnir renovada. Pervi dal pais dürant ils ultims tschient ons es gnüda donnagiada la salaschada in plüs lös e cumadada cun asfalt. Quai disturba il purtret dal cumün. Üna sanaziun da la salaschada existenta füss colliada cun cuosts enorms, ed eir il mantegnimaint füss fich char. La salaschada gruoglia chaschuna ün grond disturbi da canera pels vaschins. In basa a quista situaziun es il cumün da l avis da tour davent la salaschada da la punt da Gurlaina fin sü illa via chantunala veglia (chasa Monreal) e dad asfaltar quist toc. Ün preschaint voul savair scha la via vain surtratta cun catram o schi d es da metter salaschada. Il cumün voul resguardar üna buna fuormaziun cun sanar la via, quai per exaimpel cun salaschar la chanal d immez sco eir ils urs tanter la via e ls mürs da sustegn. Unanimamaing deliberescha la radunanza il credit pella sanaziun da la Via Chantröven. Scuol: passagi Sasstaglià S-charl CHF Causa las strasoras dal 2015 e dal 2018 es restada da l anteriur passagi be la paraid vers la costa amo in pè. Per sgürar l access in S-charl sto quella gnir sgürada cun ün curdun da beton chi collia ils singuls elemaints da la paraid

6 La radunanza approvescha unanimamaing il credit pel passagi Sasstaglià S-charl. Scuol: Alp Buzzera, renovaziun ed ingrondimaint CHF L alp existenta nu correspuonda a las normas e ls bsögns d hozindi. I fa dabsögn dad ingrondir il stabilimaint e da far las installaziuns sanitarias. La società da bescha as partecipescha vi dals cuosts cun aignas prestaziuns da var francs. Implü hana da surtour ils cuosts da l amortisaziun da l investiziun. Sainza ingünas cuntravuschs approvescha la radunanza il credit per la renovaziun e l ingrondimaint da l Alp Buzzera. Sent: Punt Val Gronda (proget forestal) CHF La punt Val Gronda es per part marscha e sto gnir sanada. L uffizi da god e privels da la natüra subvenziunescha quist proget cun 34 %. Implü esa previs cha las Pendicularas as partecipeschan landervia in fuorma da lavur. La radunanza acconsentischa unanimamaing il credit per la Punt Val Gronda. Sent: Via Munt (proget forestal) CHF Divers mürs da sustegn da la via Munt ston gnir refats per garantir uschè la sgürezza. Il cumün po far quint cun 44 % subvenziuns da l uffizi da god e privels da la natüra. Sainza cuntravuschs approvescha la radunanza il credit per la via Munt. Masterplan Bike CHF Per quist proget sun calculats per tuot nossa regiun cuosts da 6 milliuns francs. La part cha no vessan da surtour tenor la clav da scumpart as munta a 1.85 milliuns francs. Id es previs cha las Pendicularas surpigliessan francs landervia, tant cha pel cumün restessan 1.25 milliuns francs. L investiziun es previssa da realisar in etappas infra 7 ons. L idea dal plan da master Trai(l)s Vals es quella da s-chaffir üna destinaziun da mountainbike. Quist proget es previs da realisar in trais pass, nempe 1. optimar l existent, 2. reactivar il vegl chi d es scadü e 3. agiundscher cun quai chi fa amo dabsögn. Quai vuless dir concret chi gnissan realisats 40 tragets (30 in Engiadina Bassa) e 220 km singletrails chi cumpletteschan 200 km sendas existentas. Il proget cumpiglia la planisaziun, la fabrica e la signalisaziun

7 Potenzial e relevanza Quist proget ha üna relevanza strategica regiunala (Agenda 2030). Il turissem da mountainbike prosperescha fich ferm. L infrastructura da basa nun es pel mumaint optimala. Id es da schoglier ils conflicts tanter bikers e peduns süllas sendas. Böts ed avantags Nossa destinaziun as pudess profilar a reguard il turissem da stà. I s pudess detretschar e ralentar süls tragets. La dürada dal sogiuorn pudess gnir prolungada. La valur pudess gnir augmantada (pendicularas, bogns, trafic public, hotellaria e gastronomia, butias etc.). Votum Ün votant dumonda scha la regiun sustegna quist proget o schi s tratta d ün proget da privats. Tenor el vess quist proget stuvü gnir suottamiss al sviluppader regiunal. Il capo manzuna cha la Val Müstair haja fingià cumanzà cullas lavurs. La Confederaziun ha decis be d incuort da sustgnair amo plü ferm il trafic plan. Quist proget sto gnir realisà sün tuot il territori da nossa regiun. Eir la finanziaziun nun es amo decisa in tuot ils detagls. Ün votant ingrazcha a las instanzas cumünalas chi han tut per mans quist proget fich important. Tenor el saraja da sclerir il prüm ils detagls. In otras regiuns esa gnü fat fingià fich bler in quist connex. La radunanza sustegna quista investiziun culla resalva cha la finanziaziun saja garantida e decida unanimamaing da deliberar il credit pel Masterplan Bike. Scuol: concept per posiziunar l aua (minerala) CHF Id es previs da render visiblas ed accessiblas las attracziuns e particularitats in connex cullas auas mineralas. Per quai esa previs dad inscenar la tematica pro las funtanas e pro ls bügls, da s-chaffir nouvs puncts d attracziun sün sendas existentas e da refar l infastructura cun relevanza turistica. Cun quista spüerta as pudessa profilar la destinaziun a reguard sias particularitats. Implü as pudess promouver uschè il turissem da tuot on. Il credit vain scumparti in etappas e düra 4 ons. Davart da la radunanza vain fatta la dumonda scha l cumün haja fingià ponderà da vender l aua minerala. Üna simla dumonda d eira gnüda fatta fingià avant blers ons. Il capo disch cha quai pudess sainz oter dvantar ün tema. I sun gnüts fats plüs sclerimaints. Pel mumaint nun esa bod na pussibel da concuorrer. I nun es uschè simpel da commercialisar quai. Unanimamaing approvescha la radunanza il credit per la concepziun generala per posiziunar l aua (minerala). La finanziaziun sto però esser garantida

8 Rimplazzamaint d ün Unimog per la gruppa da mantegnimaint CHF Il veicul es dal 1992 e vain dovrà be plü pella rumida da naiv. I füss dad investir bler in reparaturas. Id es previs da cumprar üna maschina chi po gnir dovrada d instà e d inviern. La radunanza approvescha unanimamaing il credit per rimplazzar l Unimog per la gruppa da mantegnimaint. generala Ün votant voul savair perchè chi nun es büdschetà nüglia per la sanaziun da la senda da Clemgia. Eir la colliaziun da Vulpera vers Plan da Funtanas es interruotta. Quella senda es gnüda desdrütta cumplettamaing pro las strasoras da l on passà. Il cumün es landervia a sclerir co chi s pudess refar la senda da Clemgia. Id es da far quint cha dürant l on chi vain as possa orientar a la radunanza lasupra. 6. Credit supplementar Sent: inchaschamaint Uina / Chant da la Mola CHF La sanaziun da las funtanas es necessaria causa cha la situaziun actuala nu correspuonda plü a las normas. Pel 2018 esa büdschetà ün import da francs. Tenor la calculaziun detagliada esa però da far quint cun ün investiziun dad francs. Perquai faja dabsögn d ün credit supplementar da francs. La radunanza deliberescha unanimamaing il credit supplementar per l inchaschamaint Uina / Chant da la Mola

9 7. Preventiv cumünal 2019 Pè d'impostas pel 2019 La radunanza decida unanimamaing da fixar il pè d impostas pel 2019 sün 100 % da l imposta chantunala simpla. Taxas d'aua Taxa fundamentala: 0.25 da la valur da nouv dal stabel (tenor stima ufficiala) Taxa tenor consüm: CHF 0.42 per m 3 Taxas da chanalisaziun/sarinera Taxa fundamentala: 0.42 da la valur da nouv dal stabel (tenor stima ufficiala) Taxa tenor consüm: CHF 0.70 per m 3 Taxa tenor consüm Nairs: CHF 1.35 per m 3 Taxas d immundizchas Taxa fundamentala: 0.18 da la valur da nouv dal stabel (tenor stima ufficiala) La radunanza approvescha unanimamaing las taxas d aua e da chanalisaziun/sarinera sco eir quella da las immundizchas sco preschantà. Gestiun Il preventiv da gestiun per l on 2019 as preschainta plü o main egualisà, voul dir cha no possan preverer ün pitschen guadogn da raduond ün mez milliun francs. Quai nu voul però dir in ingüna maniera, cha l cumün stetta finanzialmaing bain. Nos preventiv da gestiun vegn inchargià adüna daplü cun incumbenzas cha ls cumüns ston surtour dal Chantun e da la Confederaziun, saja quai in connex culla refuorma dal plan directiv o eir cul plan da zonas. Uschè resta be üna pitschna marscha d'aigna finanziaziun per far las investiziuns annualas fich necessarias. Quai es sco comunichà fingià ils ultims ons üna gronda sfida per l'avegnir. In general però vaina darcheu gronda spranza cha l economia ed in special il turissem as stabilisescha ed as recreescha, quai chi füss fich important davo ils ultims quatter ons da crisa. La situaziun a reguard ils fits d aua s ha stabilisada darcheu ün pa pels prossems ons, uschè chi's po far quint fin dal 2023 culs fits sco fin qua. A reguard ils cuosts da transport d energia (differenzas tanter las Ouvras Electricas d Engiadina OEE ed ils cumüns concessiunaris) gnarà decis definitivmaing pro l güdisch administrativ federal. Dal quint economic (Erfolgsrechnung) resulta üna guadogn da francs, quai pro entradas da francs e sortidas da francs

10 Investiziuns Per l on 2019 ha previs la suprastanza d investir in differents progets turistics cun importanza regiunala, coordinats sur la Regiun Engiadina Bassa Val Müstair. Ün exaimpel es il proget da bikes da la Val Müstair fin in Samignun. Il cumün da Scuol ha da finanziar 1.85 milliuns francs (scumpartits sün set ons) pel traget chi passa seis territori. Plünavant contribuischa il cumün francs a la via da velos fin al cunfin cull'austria (etappa Martina Vinadi) chi d es in fabrica fingià daspö l on Ils progets in connex cullas strasoras, cun sanaziuns da vias, provedimaints d aua e chanalisaziuns chi sun in fabrica o in progettaziun, inchargian ferm, sco fingià manzunà, il rom da l aigna finanziaziun. Il quint d investiziuns prevezza pro sortidas da francs ed entrads da francs investiziuns nettas da francs. Ün votant voul savair perchè chi d es previs ün import moloks in Trü. Las duos chasas da vacanzas da Brentsch e Tulai han passa 220 proprietaris e là nu vegna fat nüglia in quist reguard. Fingià avant divers ons vaivna fat la dumonda al cumün e quella jada haja gnü nom cha quai gnia fat il prossem on. Fin hoz nun esa però gnü fat nüglia. El giavüscha cha quai gnia tut per mans plü svelt pussibel. Il manader da las gestiuns tecnicas piglia incunter quista remarcha e disch chi d eira previs da spettar fin cha la parcella da l Engadinerhof saja surfabrichada. Ils proprietaris da Brentsch han containers per lur immundizchas. Perchè nun esa previs nüglia per la senda da Natèas Ftan? s indreschischa ün votant. Quella somma es previssa i l plan d investiziuns pür in ün pêr ons. 8. Vendita d immobiglias a persunas cun naziunalità estra La radunanza cumünala ha da fixar minch on la quota per la vendita d immobiglias a persunas cun naziunalità estra. La suprastanza propuona a la radunanza da laschar quella quota eir pel 2019 sco ingon, voul dir: per la vendita our da surfabricaziuns cumplettas: 100 % admetter la vendita dad objects singuls da vendaders svizzers admetter la vendita dad abitaziuns da seguond man dad esters ad esters. Sainza cuntravuschs approvescha la radunanza la proposta da la suprastanza

11 9. Orientaziuns Il capo orientescha davart il seguaint: Als 6 schner 2019 ha lö la saramantaziun illa sala cumünala a Scuol. L infuormaziun illas fracziuns ha lö dürant il mais schner e favrer Dürant l inviern esa previs dad orientar a la populaziun davart il proget da Trü, la ledscha da parcar e la ledscha da fabrica. 10. Varia Per finir ingrazcha il capo als suprastants chi finischan prosmamaing lur carica. La collavuraziun es adüna statta agreabla. Ün votant voul savair che chi capita culs stabilimaints Palace, Lischana e Schweizerhof. Pel Lischana aintra prosmamaing la dumonda da fabrica. L hotel Schweizerhof ha comunichà ch els vöglian drivir l hotel per la stagiun da stà A reguard l hotel Palace nu sa il cumün nüglia. Il capo: L'actuar: Christian Fanzun Andri Florineth