Radunanza generala dals a las 20:00h illa sala cumünala Müstair

Transcript

1 Radunanza generala dals a las 20:00h illa sala cumünala Müstair Preschaints: Suprastanza : S-chüsats: 45 commembers Robert Rietmann, Franz Martin Tscholl, Leo Fallet, Armon Feuerstein, Nic Thanei, Daniel Pitsch, Lorenz Tschenett Corrado Becchetti, Gildo Hohenegger, Marco Hoheneger, Manuela Tscholl, Arno Lamprecht, Gian Manatschal, Roman Clavadetscher, Jonpaul Feuerstein, Valentin Hohenegger, Simone Ruinatscha, Albin Prevost Tractandas: 1. Bivgnaint, elecziun dals scrutinadurs e glista da tractandas 2. Approvaziun dal protocol da l ultima radunanza (publichà sülla pagina d internet) 3. Admissiun, demischiun ed onurificaziuns da commembers 4. Rapport annual dal president 5. Rapport dal schef da la gruppa da corns Posa 6. Rendaquint annual e rapport dals revisurs 7. Rapports a. rapport schef da chüra b. guardia sulvaschina c. rapport schef da l implant 8. Elecziuns (Leo Fallet) 9. Regulativ patentas da chatscha società Turettas discussiun e decisiun 10. Fixar contribuziun annuala 11. Program da l on 12. Varia Cumanzamaint da la sezzüda: 20.09h 1. Bivgnaint, elecziun dals scrutinadurs e glista da tractandas Robert bivgniainta a tuot ils preschaints pella radunanza generala. Sco dombravuschs vegnan elets unanim Fabian Sgör e Cedric Grond.

2 2. Approvaziun dal protocol da l ultima radunanza Il protocoll nu vegn plü prelet, el es uossa publichà sülla homepage. Il protocoll vegn aczeptà unanimamaing. 3. Admissiun, demischiun ed onurificaziuns da commembers Commembers chi voulan gnir tut sü illa società ston s annunzchar sur il talon ufficial chi d es publichà sülla pagina d internet. nouvs commembers sun: Conrad Pascal, Hohenegger Luca, Manatschal Gian, Oswald Linard, Oswald Romina, Wetter Corsin, Mario Romano Nouvs commembers C: Walther Raphael Luis, Caviezel Denise Ils nouvs commembers vegnan tuts sü unanim. Jon Lamprecht manzuna chi d es greiv da chatter commembers pella gruppa da corns e cha ils nouvs musicants chi nu van a chatscha stessan gnir deliberà da la quota annuala. Quist punct vegn discutà tanter la suprastanza e la gruppa da corns. Demischiuns: Onurificaziuns veterans: Malgiaritta Emil, Patscheider Fritz Daniel Grond I vegn tut cumgià da Frank Baptist, Jacun Pitsch e Mario Prevost chi sun morts l on passà. 4. Rapport annual dal president Robert prelegia il rapport dal president La fin da favrer ha Robert tut part a la conferenza da presidents a Felsberg. In avrigl a la radunanza da district es Robert gni elet sco nouv president dal district 9 pels prossems 3 ons, el es nouv eir commember da la suprastanza schlargiada dal bkpjv. La suprastanza ha fat 4 sezzüdas dürant l on passà. Robert manzuna chi vegnan duas iniziativas cunter la chatscha davant il pövel. El appellescha a mincha chatschader da persvader a na chatschaders per vuschar cunter quellas iniziativas. Pro l di da famiglia haja dat ün discapit pro l trar oura patenta, el ha trat oura per fal duos patentas, quai ha cuostü a la società üna patenta implü. Il president as s-chüsa pro ls commembers per quel sbagl, in quel connex es gni miss sü ün reglamaint chi vegn preschantà plü tard quista saira.

3 Da discuter han eir dat ils lufs chi sun adüna plü activs in nossa val, cun quels varaina da s abinar in avegnir. El ingrazcha als collegs da suprastanza, a Gerard Fasser ed a tuot quels hai han güdà a la società l on passa. A tuots ils preschaints giavüscha l üna bella saira ed üna bell emna da chatschaders. Il rapport vegn acceptà unanim. 5. Rapport dal schef da la gruppa da corns Jon Lamprecht bivgnainta a tuot ils preschaints El prelegia il rapport dal schef da la gruppa da corns: Ils es el gni elet sco nouv president da la gruppa da corns, in quist connex less el ingrazchar a Werner Fallet chi ha manà la gruppa 25 ons. Cun grond plaschair ha l pudü bivgnantar a trais nouvs commembers illa gruppa da corns, quai sun Denise e Werner Caviezel e Raphael Walther. Displaschaivelmaing es eir ün commember sortì da la gruppa, a Sandro Rietmann less el ingrazchar cordialmaing pels 8 ons ch el es stat commember activ. Dürant l on passà ha la gruppa fat 39 prouvas cun festa da trofeas, producziuns aniversaris etc. Ün grond success pella gruppa sun stats las nouvas unifuormas chi han pudü gnir finanziadas cul agüd da la società, ün stogn grazia fich a tuots. Hoz, als ha la gruppa sunà a la diagonala, üna cuorsa da passung a Zuoz. L on passà suna eir stats ad ün di da chamonnas sü Terza aint il bain dad Engel Oswald e Lorenz Tschenett, ün stogn grazcha fich eir ad els. Programm pel on Diagonala - Eivna da chatschaders - Inscunter da chamona - Festa da racolta - Otrers evenimaints, cur ch els vegnan clomats Jon metta a cour a la suprastanza cha quels commembers chi sun gni tut sü illa gruppa e nu van a chatscha dessan gnir deliberats da la quota annuala. El ingrazcha a tuot ils preschaints e giavüscha üna bella saira. Nic Thanei declera cha l problem da tour sü ils commembers illa gruppa da corns sco commember C es cha quel commember C es definà dal BKPJV sco Gönner e quel es fixà cun üna quota annuala da fr.55.00, quai voul dir cha nus nu pudain tour sü quels sco commember C e na pretender ningüna contribuziun. Perquai ha da gnir decis quist problem da la suprastanza insembel culla gruppa da corns. Il rapport vegn acceptà unanimamaing.

4 Posa 6. Rendaquint annual e rapport dals revisurs Nic Thanei preschainta las cifras da la chascha. Activas cassa e contos: 70' Material/Immobiglias: Total activas 145' Entradas : 33' Sortidas : Guadogn Il revisur da quint Oskar Walther prelegia il rapport dals revisurs, els han chattà tuot in ün bun uorden. Il rendaquint annual vegn acceptà unanimamaing Robert manzuna cha in avegnir ha mincha quint da gnir visà dal presidet. In quist möd daja üna controlla dubla. 7. Rapports a. Rapport schef da chüra Franz Martin preschainta il rapport dal schef da chüra. El muossa via sülla la broschüra da White Risk b. Guardia sulvaschina Dürant l on sun morts Tschiervs 6 Chavriöls 33 Dombraziuns : Tschiervs 474 Chavriöls 210 Chavriöls lö da test Lü 29 Leivras 13 Leivras lö da test Müstair-Craistas 9 Leivras Albas Val Mora 4 Capricorns Umbrail 105 Capricorns Terza 66

5 Chamuotschs (Munt da la bescha) 70 Dombraziun insembel cun Taufers: Tschiervs 743 Las seguaintas bes-chas sun gnidas sajetadas: Tschiervs chatschata 84 Tschiervs chatsch extra 54 Chavriöls 145 Chamuotschs 71 Capricorns 16 Leivras grischas 9 Leivras albas 78 Chatscha da spet: Vuolps 60 Fiergnas 2 Tass 0 Id es gni mossà sü per DNA 3 differets lufs in Val, duas femnas ed ün mas-chel. Ün uors es eir passà tras ma observà nun el gni ninglur. c. Rapport schef da l implant Leo Fallet prelegia il rapport dal schef da l implant. Sco üsit hana cumanzà da trar in avrigl, als 10 da gün hana miss ils profils pel nouv implant da leivras e cumanzà cun tschertas lavurs la fin da gün. Ils 5.08 al di da chüra han ün per commembers mis fier per l ultima platta da beton, las lavurs han cuostü fin quel di raduond fr.17'000. Da prümavaira vaja lura inavant culla construcziun da legn, füss flot sch ün o tschel vess temp per güdar da montar la construcziun da legn. Il tir da chatscha ha chattà lö als I d eiran da la partida 18 chatschaders, gudognà culla flinta ha Jon Gross e culla culla Nino Solinger, gratulaziuns ad els duos. Dürant il tir sun gnüts scumpartits sco minch on 3 premis da raps , e In avegnir dess gnir fat ün pa oter il tir da chatscha. Ün idea füss da trar sül chavriöl, muntanella e sül chamuotsch, sch inchün ha ün idea per far gnir plü attractiv il tir schi dess el s annunzchar pro la suprastanza. Leo ingrazcha a Gerhard ed als collegs da suprastanza pella buna collavuraziun e giavüscha a tuots üna bella saira. Il rapport vain acceptà unanimamaing.

6 8. Elecziuns (Leo Fallet) Leo Fallet es pront da far inavant il schef da l implant el vegn reelet unanim. L on chi vain ha da gnir reelet l actuar Armon Feuerstein e l chaschier Nic Thanei, els dan aint la desdita pella prossma radunanza generala. Scha inchün sa chi chi vess interess dess el s annunzchar pro la suprastanza. 9. Regulativ patentas da chatscha società Turettas discussiun e decisiun Al di da famiglia es gni fat ün sbagl, id es gni trat oura ün chatschader chi nu va daspö lönch plü a chatscha, causa quai ha il president trat oura amo üna jada. Davo ha quel tal s annunzchà e dit ch el vuol ir a chatscha. A la fin sun gnits pajadas duas patentas da la società. Our da quist discapit haja dat il cas cha la suprastanza ha mis sü ün reglamaint co chi ha da gnir trat oura quella patenta. Robert prelegia quel regulativ: 1. La patenta vain sport be a commembers A da la società. 2. La patenta chatscha ota vain trat oura da quels chi han trat cul schluppet da chatscha ot. 3. La patenta da chatscha bassa vain trat oura da quels chi han trat culla flinta. 4. La patenta vain surdat in fuorma da raps pro la sairada da chatschaders aint illa valur da la somma actuala per ün indigen chantunal. 5. La patenta vain trat oura a la sairada dals chatschaders. 6. La suprastanza decida tenor situaziun finanziala da la società schi vain trat oura o nüglia. El da liber la discussiun Davo üna viva discussiun vain decis da metter aint amo ün punct cha mincha chatschader ha da trar almain 5 jadas per gnir trat oura. La patenta vegn trat oura dürant la saira da salamuaira. Il regulativ vegn acceptà cun üna cuntravusch. 10. Fixar contribuziun annuala La suprastanza es per restar culla contribuziun sco chi d es. I vegn aczeptà unanim. 11. Program da l on

7 eivna da chatschaders radunanza da prümavaira delegiada ad Obersaxen prüm di da chüra, tagliar oura pas-ch insembel culs paurs aint in Val Mora segond di da chüra, sejer clerais tir da chatscha, cumainzamaint 09: di da famiglia dar oura patentas tanter las 17:30-19: prüma part da chatscha seguonda part da chatscha Robert fa reclama pell emna da chatschaders ed ingrazia a tuot quels chi han güdà pell emna impustüt eir a quels chi han scrit la salamuaira. 12. Varia Daniel Pitsch infuorma sur dal proget per ün local da maz La realisaziun dal local da maz es sün buna via e cuostess 2'000'000.00, da quels mancan amo 250' Üna proposta es cha mincha chatschader singul sa cumpra aint in quella bacharia o cha nus sco società as partecipessan a quel proget. In avegnir varaina da laschar controllar il butin da chatscha per vender inavant quel, e cun esser part da quel local da maz vessna là tras ün avantag. Sur da quist nu vegn decis quista saira, i va plü per tschütter che maniamaint chi d es. Robert dà liber la discussiun. Gian Duri manzuna cha scha nu ans participain a quella bacharia stessna eir tschüffer alch inavo sco commembers da società, per exaimpel ün predsch redot per commembers per pender sü bes-chas o per laschar far mezia. Daniel Pitsch piglia sü quella proposta e maina avant a la sezzüda da quel proget. Decis vain a la radunanza da prümavaira. Robert Rietmann serra la radunanza a las Valchava, L actuar Armon Feuerstein