Bündner Mittelschulen Fach: Rumantsch puter Aufnahmeprüfung 2007 Name: 4. FMS / HMS Prüfungsort: Gruppe: Punkte:

Transcript

1 Bündner Mittelschulen Fach: Rumantsch puter Aufnahmeprüfung 2007 Name: 4. FMS / HMS Prüfungsort: Gruppe: Punkte: 1

2 Legia il text seguaint e prouva da l incleger in tuot ils detagls! La tenuta es decisiva La scoula da recruta d infantaria 12-1 a Cuira ho invido al di da las giuvnas Da: La Quotidiana dals 7 december Quist an sun entros 13'450 giuvens i l servezzan da recruts (illa recruta), da quels 111 duonnas. 60 pü poch cu l an passo. In gövgia passeda ho invido la scoula da recruta da l infantaria 12-1 a Cuira al di da las giuvnas. La tenenta Marion Romann da Brugg ho infurmo a las giuvnas interessedas. Scha s inscuntress a Marion Romann sün via in vstieu civil, nu s dschess cha quella giuvna cun chavels blonds ed ögls blovs füss tenenta. Vstida in mandura da cumbat e cun beret nair ho ella bivgnanto a las giuvnas sülla plazza militera dal Rossboden. Tschinch giuvnas haun seguieu l invid dal colonel dal stab generel Lucas Caduff. Accumpagnedas d ün sudo, d ün bassuffizchel e da la tenenta Marion Romann, haun las giuvnas pudieu ramasser ün pêr impreschiuns davart la vita da recrut. Var ses uras haun las studentas Barbara Honegger, Tanja Büeler, Lara Dervey e Larissa Bollmann da Winterthur e Paloma Degonda da Rabius pudieu observer differents exercizis dals recruts dal battagliun d infantaria, chi sun illa 16evla eivna da servezzan. Acziun seriusa L aunzmezdi sumagliaiva la plazza militera dal Rossboden ad ün champ da battaglia. Sudos chi s struozchan per terra in mandura da cumbat ed armos cun schluppets, minas e granatas chi explodeschan sül fuonz, tancs chi faun vibrer il terrain e bombardeschan cunter la paraid dal Calanda. Las tschinch giuvnas haun pudieu observer tuot giò d üna tuor da controlla. Surpraisas sun ellas stedas, cur cha l tenent d infantaria Serge Carroz las ho equipedas cun chaplinas. Il viedi aint il vainter dal tanc corazzo Piranha ho procuro per adrenalin e varsaquaunts güvels. Tuns insolits per tenent Carroz. Bun cha nus vains fat quel viedi aunz gianter, disch Lara Dervey chi paraiva da ster mel i l intern dal tanc. Grand interess 2

3 ho bain svaglio eir la caserna. Lo haun las duonnas clappo ün invista i l muond masculin da l armeda, lo inua cha la sudeda parta chambra, duscha e locals cumünaivels. Esser consciainta e perseveranta In occasiun dal gianter cun passa 200 recruts haun las giuvnas finelmaing pudieu fer dumandas a la tenenta Romann. Mia famiglia m ho sustgnida adüna illa decisiun da vulair fer la recruta. Oter es que sto cun amias ed amihs, disch ella. Ma ella nu s hegia mê arüvleda d avair fat quel pass. Ün giuvna, chi s decida dad ir tar l armeda stu esser consciainta da que ch ella fo. Ella vain observeda dapü cu ün hom. Ün hom chi muossa deblezza in üna u l otra disciplina detta main in ögl. Sch üna duonna as preschainta memma tard a l appel u nu dominescha üna u l otra disciplina, saja ella pü exposta. Ad es important da savair che cha s voul fer tar l armeda. Eau d he vulieu fer part da prüma davent a las truppas da salvamaint e que es sto d avantag, relatescha la tenenta. La manchaunza d infurmaziun saja suvenz il motiv cha pü cu 27 pertschient da las recrutas schmettan illas prümas trais eivnas. Scolaziun scu ls homens Fin ill eted da 26 ans haun las giuvnas la pussibilted da fer la recruta. Marion Romann ho cumanzo la recruta ils prüms november dal 2004 e que suot cundiziuns scu sieus collegas masculins, cun ün unica resalva: Duonnas haun üna staunza separeda. Ad ho do mumaints illa recruta inua ch eau am dumandaiva perche fest tü que? Però la motivaziun es turneda adüna darcho. La tenuta es decisiva, accentuescha la giuvna da 22 ans. Zieva la recruta ho Marion Romann frequento düraunt desch eivnas la scoula da bassuffizchel, absolt düraunt quatter eivnas cuors per uffizchels e frequento düraunt 15 eivnas la scoula dad uffizchels. Zieva ho ella guadagno giò las cordas düraunt ses eivnas e frequento il servezzan voluntari. Daspö ils prüms marz dal 2006 es Marion Romann tenenta. Scu duonna ill armeda as stu s adatter a tschertas reglas. Important esa da mantgnair il respet vers se svess e vers ils oters, disch la giuvna da Brugg. Displaschaivelmaing detta que auncha adüna duonnas chi fatschan la recruta pervi dals homens. Quellas perdan il respet da la truppa, fatschan dan a las cumpagnias ed hegian da capituler a la fin finela. 3

4 Agüd tar catastrofas Fin d utuon voul Marion Romann as decider sch ella dessa stüdger medicina u frequenter l academia militera. Mieu giavüsch füss da pudair lavurer tar las truppas da sanited in cas da catastrofas, disch la giuvna studenta. Cun perseveranza e buna vöglia hegia üna duonna bunas pussibilteds da fer carriera militera in Svizra. Fin uossa hegia ella insè be pudieu profiter dal militer. La furmaziun militera hegia rinfurzo sia persunalited e sia volunted da tgnair dür. Dal püt da vista fisic vains nus duonnas main forzas cu ls homens. Ma que es l unic dischavantag. Ella nun hegia mê gieu problems culs homens, anzi homens sajan pü sincers e pü lojels. Lojalited, fidelted e volunted sajan las qualiteds principelas per fer üna carriera militera. 4

5 1. DUMANDAS DAVART IL TEXT Respuonda uschè precis scu pussibel a las seguaintas dumandas chi staun in connex cul text cha tü hest let. Attenziun! Las respostas stöglian gnir formuledas in frasas cumplettas! A reguard ils puncts : üna chosa / ün argumaint do ün punct Incletta 1. Che arrandschamaint ho gieu lö gövgia passeda? (1p) 2. Perche es que necessari d organiser uschè ün evenimaint? (2p) 3. Che funcziun ho Marion Romann düraunt quel di? (2p) 4. Perche haun las visitaduras stuvieu metter sü chaplina? (1p) 5. Inua haun las giuvnas interessedas tuot gieu ün invista? (4p) 5

6 6. Che abilteds dess avair üna duonna chi aintra illa scoula da recruta? Tschercha trais da quellas aint il text! (3p) 7. Perche schmettan var 25% pertschient da las duonnas la scoula da recruta? (1p) 8. Che decisiuns professiunelas stu trer Marion Romann per l avegnir? (2p) 9. In che reguard ho Marion Romann pudieu profiter dal militer? (1p) 10. Marion Romann nomna trais differenzas traunter hom e duonna in reguard al militer. (3p) 6

7 11. Nomna la düreda e las staziuns cha Marion Romann ho druvo zieva la scoula da recruta per ragiundscher ils differents gros / s-chelins dal militer! (3p) 12. Declera il titel cun egens pleds! (2p) Total ( /25 p) 7

8 Commentar Che aspets positivs e negativs ho il servezzan militer? a) per duonnas? b) per homens? Tscherna traunter a) u b) e scriva ün text cun frasas correctas e bain formuledas! Total ( /15 p) (+ /5p ortografia) 8

9 2. S-chazi da pleds Uossa seguan dumandas dal vocabulari. La cifra traunter parantesas correspuonda a las lingias dal text. Sinonims Indicha per ils seguaints pleds ün sinonim (pled cun la listessa significaziun, la listessa spezcha). Exaimpel: meger stigl, rögner marmugner 1. observer (17) 2. mandura (6) 3. sustgnair (27) 4. unic (57) 5. volunted (56) Antonims ( / 2,5 p ) Indicha per ils seguaints pleds ün antonim (ün cuntrari, listessa spezcha): Exaimpel: grand pitschen, impizzer stüzzer 1. intern (22) 2. servezzan voluntari (46) 3. fidelted (60) 4. deblezza (31) 5. manchaunza (35) ( / 2,5 p ) Explicaziun da pleds Declera cun frasas interas las seguaintas expressiuns chi cumperan i l text: 1. capituler (51) 9

10 2. sumaglier (14) 3. vibrer (16) 4. clapper ün invista (23) 5. perseveranta (25) ( /5 p ) 3. Grammatica Discuors direct discuors indirect Transfuorma ils seguaints discuors directs in discuors indirects. Drouva ils listess temps scu illa frasa da basa! 1. Lara Dervey disch: Bun cha nus vains fat quel viedi aunz cu cumanzer a manger. (1.5p) 2. Ad es important da savair che cha s voul fer tar l armeda. Eau d he vulieu fer part da prüma davent a las truppas da salvamaint e que es sto d avantag, relatescha la tenenta. (2p) 10

11 3. Ad ho do mumaints illa recruta inua ch eau am dumandaiva perche fest tü que? La motivaziun però es turneda adüna darcho. La tenuta es decisiva, accentuescha la giuvna da 22 ans. (2.5p) 4. Ella disch: Üna giuvna chi decida dad ir tar l armeda stu esser consciainta da que ch ella fo. Ella vain observeda dapü cu ün hom. (1.5p) 5. Mieu giavüsch füss da pudair lavurer tar las truppas da sanited e da pudair güder in cas da catastrofas, disch Marion Romann. (0.5p) ( /8p) Transfurmaziun da pleds Transfuorma ils seguaints pleds illa spezcha da pleds dumandeda. Indicha ün unica fuorma! Exaimpel: disegner (substantiv) il disegn 1. retuorn VERB: 2. sumaglier SUBSTANTIV: 3. tard VERB: 4. vita ADJECTIV: 5. sincer SUBSTANTIV: 6. decider ADJECTIV : ( /6 p) 11

12 Temps verbels Metta la fuorma adatteda dal verb (temp/möd): Referat davart l astrologia cun Andrea Könz L astrologa Andrea Könz da Müstair (tgnair) mardi passo ün referat cul titel «Astrologia, üna psicologia veglia». Duonnas da l inter Engiadina (survgnir) ün invista illa scienza dal cosmos. Andrea Könz (esser) hoz cuntschainta illa Rumantschia scu duonna chi (quinter) las noviteds da constellaziuns da planets e consequenzas per ils umans ill emischiun «Traunter stailas» dal Radio Rumauntsch. L astrologa (esser) mardi passo per üna geda «traunter duonnas» per referir davart las stailas i l ram dals cuors da la Chesa Fliana a Lavin. Andrea Könz (deriver) oriundamaing dal chantun Berna, (absolver) ün stüdi da farmacia e (lavurer) i ls ans passos scu apotecra. Cun Steivan Liun Könz barmör (avair ella) duos iffaunts. Andrea Könz (gnir) l an 1985 in Engiadina e daspö 21 ans (as dedicher) ella a l astrologia. Actuelmaing (esser ella) commembra da l Associaziun d astrologs svizra, inua ch ella (eleger) d incuort illa suprastanza. Planets scu purtrets archetipics «L astrologia (esser) üna pussibilted fascinanta per declerer il muond», disch Andrea Könz. Ella managia cha la motivaziun da (as dedicher) a l astrologia (nascher) tar ella da giuvna perque ch ella (vulair) incleger pü bain cu cha la structura individuela d üna persuna (as fuormer) e che chi (fer) dabsögn per minchün. Andrea Könz (preschanter) a las duonnas be üna pitschna part da la tematica. ( /10p) 12

13 Traducziun Tradüa las frasas in ün bun rumantsch! 1. Wir spielen Karten. Spielt ihr mit? (2p) 2. Im vergangenen Jahr arbeitete ich im Spital und musste mich mit vielen kranken Leuten abgeben. (3p) 3. Ich finde es nicht gut, dass so viele junge Leute rauchen. (2p) 4. Was wirst du in den kommenden Jahren machen? Ich mache mit einem Kollegen eine Reise durch Afrika.(2p) 5. Mein Cousin ist noch sehr jung. Er ist erst zwölf Jahre alt. (2p) ( /11 p) 13

14 4. Ortografia In seguit chattast frasas chi cuntegnan fals d ortografia. In tuot ho que 10 fals. Üna frasa po cuntgnair püs fals, ma a po eir der il cas, ch üna frasa nun ho üngüns fals. Suottastricha il fal e l corregia. Attenziun! Tü suos-chast be correger fals d ortografia, dimena nu rimplazzer ün pled cun ün oter! Attenziun! Aint il text ho que desch fals. Tü suos-chast perque be fer 10 correcturas. Scha tü suottastrichast dapü cu desch, perdast puncts Exaimpel: Quella preschantaziun ha lö in dezember december 1. Eau sun steda in vacanzas cun ün per amias. 2. A do hommens e duonnas chi nu saun leger. 3. Il pövel svizer rebellescha. 4. Düraunt la sted esa vaira lungurus in nossa vschinauncha. 5. Forza fainsa ün viedi gio l Tessin. 6. Perche nu vainst in giövgia tar nus? 7. Pü cha s ho e pü cha s voul. 8. Pleds clingian, ma fats tschauntschan. 9. Que es propi ün classicer. 10. Ils tigers sun animels paschaivels. 11. Ella ho üna granda disziplina da lavurer. ( /10p) 14