Charas alpinistas, chars alpinists

Transcript

1

2

3 Charas alpinistas, chars alpinists Sco üsità As drizza in quist lö ün pêr pleds, sia cun impissamaints, sguards inavò, infuormaziuns ed eir sguards i l avegnir da nossa secziun. Tanter oter vaina pudü finir amo diversas lavurettas aint illa chamonna Tuoi ed inaugurar cun gronda furtüna d ora nossa bella chamonna. Per mai sco presidenta es quai stat ün evenimaint allegraivel e tuot quels chi d eiran là han giodü la cumpagnia ed il bun giantar da Franziska e Christian. Dischplaschaivelmaing ha Franziska decis dad ir otras vias e bandunar la Val Tuoi. Perquai vaina scrit oura la plazza da guadgia chamonna pel cumanzamaint da la stagiun da stà 2010 (vair inserat i l cudeschin). In quist lö fingià uossa ün grond grazcha fich a Franziska per seis ingaschamaint e tuot il bun per l avegnir. It amo üna jada in chamonna quist inviern ella ha sgüra gust da mincha giast indigen chi tilla fa üna visita! Forza vaivat dudi illa pressa cha la radunanza da delegiats dal CAS Svizzer ha sustgnü cun grondischma majorità noss idea da far our dals stabilimaints existents da l Alp Sprella üna nouva chamonna dal CAS. Quai füss davo 25 ons darcheu la prüma chamonna nouva i l register dal SAC. Tanteraint vaina eir gnü divers contacts culs adversaris, impustüt cullas organisaziuns da l ambiaint. Per pudair discuttar plü concretamaing ha la suprastanza decis da far üna concurrenza d architects per ün proget pell Alp Sprella. Intuot as han interessats 12 architects da la regiun (Engiadina Bassa cun Samignun e Val Müstair) chi sun stats la fin dad october amo a far la visita oculara sül lö. Davo cha la güria as radunarà la fin da favrer 2010 as poja lura verer publicamaing ils resultats dals architects. Als 5 da marz 2010 esa previs ün exposiziun publica cun tuot las lavuors (vair program da gitas e pagina dad internet). Nossa radunanza generala decidarà lura in seguit sur dals prossems pass in quista fatschenda. Otramaing pudaivat leger e verer aint illas contribuziuns dal cudeschin che chi d es amo tuot girà dürant l ultim on e che chi d es previs pel prossem mez on. Nus da la suprastanza ingrazchain in quist lö a tuot ils commembers activs chi praistan in ün o tschel möd lavur cumöna per nossa secziun!! Eu giavüsch a tuots ün bun inviern e speresch dad inscuntrar ad ün o tschel üna jada persunalmaing. In nom da la suprastanza Vossa presidenta Gianna

4 800avla commembra Martina Zini es statta quista stà la 800avla commembra da nossa secziun La famiglia Zini sta a Sent ed ha survgni per tuots ün bun da regal, per pernottaziun e püschain in üna da nossas trais bellas chamonnas, Tuoi Lischana o Linard. Il CAS ha gust cha bleras famiglias han fat la commembranza. Martina Rico Corsin Annursina Marco

5 Redacziun Chara lectura, char lectur E darcheu d eira qua il temp per far la redacziun da l cudeschin. E cun fich pacas excepziuns vaina eir survgni las cuntribuziuns per temp. Quist es nos 9avel cudeschin, e planet ans mancan las ideas ed eir ün pa la motivaziun. Impustüt ans mancan las cuntribuziuns da vart dals commembers. Aint il cudeschin 39 vaiva trat adimmaint da tour cun sai il rispli e l apparat da forografias, quai vaiva schon ün motiv Cun nos 10avel cudeschin (avrigl 2010) schmettaina cun nossa carica. No sperain fich, cha tanter tuot ils 800 commember as chatta inchün chi fess jent quista lavur. Seit Dezember 2005 sind wir die Redakteure der Gazettina des CAS Secziun Engiadina Bassa. Acht Büchlein wurden bereits gedruckt und das Neunte ist mittlerweile auch schon fertig. Nach langem Überlegen haben wir nun gemeinsam den Entschluss gefasst, dass das 10. Büchlein unser letztes als Redakteure sein wird. Wir werden danach von unserem Amt zurücktreten. Nach fast fünf Jahren hat die Motivation nachgelassen und die Ideen sind uns teilweise ausgegangen. Das hat seine Gründe, einerseits wird der Termin für den Redaktionsschluss zum Teil nicht mehr eingehalten, anderseits treffen die Rebombs immer spärlicher ein. Wir hoffen, dass für uns ein Nachfolger gefunden wird und die 42. Ausgabe der Gazettina mit neuen Ideen und vielen Rebombs erscheinen wird. A tuot ils lectuors giavüschaina bellas Festas da Nadal ed üna buna stagiun d inviern, il program da gitas invida darcheu a tuots da tour part ad üna o tschella tura. Chars salüds Voss redactuors Aita Ursina e Thomas

6 Sur da nossas chamonnas 2009 Heinz e seis team han custodi quista stà la chamonna Lischana dals 26 gün fin als 17 october. In quel temp han els pudü registrar 2605 pernottadas. Quai es la plü ota frequenza ch id es gnüda registrada fin uossa sülla chamonna Lischana. Causa la naiv la mità d october ha la chamonna stuvü gnir serrada ün pa plü bod co quai cha Heinz vaiva previs. La chamonna Linard es statta custodida quist on dals 19 gün fin als 18 october. In quel temp sun gnüdas registradas 683 pernottadas. Ün sincer ingrazchamaint a tuot las paschiunadas guardianas e guardians voluntaris per la stupenda lavur, a Rico Luppi per l inter organisaziun dal custodi ed a Heidi Cuonz per l administraziun da las reservaziuns. In chamonna Tuoi han pudü gnir serradas giò las lavuors da fabrica per gronda part avant la festa d inauguraziun chi ha gnü lö als 21 e 22 avuost. Ils ultims detagls han lura pudü gnir realisats amo in settember ed alch piculezzas chi d eiran previssas per finir in october ans ha la naiv darcheu üna jada fat ün strich tras il quint. Quia amo üna jada ün grazcha fich a Seraina Felix sco architecta e manadra da fabrica, a Chasper Alexander ed a Not Armon da la cumischiun da fabrica, a tuot las impraisas cun lur collavuratuors ed eir als numerus commembers da nossa secziun chi sun stats in Tuoi a far lavur cumüna, per part diversas jadas. Franziska e sia squadra han pudü registrar dürant la stagiun da stà 1526 pernottadas. Insembel cun las 2366 pernottadas da la stagiun d inviern dà quai il bel resultat da 3892 pernottadas. Displaschaivelmaing ha Franziska desdit il custodi da la chamonna Tuoi per la fin da la prossma stagiun d inviern. Uschè cha per la stagiun da stà 2010 esa da tscherchar ün o üna nouv/a guardgia chamonna per la chamonna Tuoi. (vair inserat in quista gazettina) November 2009 Cla Duri Janett

7

8

9 La secziun CAS Engiadina Bassa tschercha a partir da la stagiun da stà 2010 Ün/a guardgia chamonna Per la chamonna Tuoi (2250m.s.m). La chamonna Tuoi es üna chamonna cun ün potenzial da raduond 5000 pernottaziuns l on. Las stagiuns d inviern e da stà sun plü o main istess fermas. Dal nouv/a guardgia chamonna spettaina il seguaint: abiltà da cuschinar per bleras persunas talent organisatoric e commerciant caracter innovativ ed initiativ, amiaivel e serviziaivel indschegn per lavuors da mantegnimaint experienza alpinistica Nus spordschain: üna chamonna cuntschainta cun üna buna infrastructura ün contrat cun cundiziuns onestas ün organisaziun da collavuraziun efficiainta Las annunzchas per la plazza da guardgia chamonna sun da trametter fin il plü tard als 4 schner 2010 (buol posta A) a man da la presidenta: Gianna Rauch Poo, referenza Tuoi, Archas sura, 7554 Sent (tel , cas.alpin@gmx.net) Las annunzchas ston cuntgnair las infuormaziuns üsitadas dal candidat sco eir üna fotografia, referenzas ed attests d abiltà.

10 Rebombs da l OJ Eivna da rampignar giò l Alpstein (avuost 2009) (Jachen Andri, Selina, Tina, Elias, Severin, Geremia, Chasper) Sonda als 8 dal 8.eschan partits e sül viadi eschan its a rampignar a Sargans aint illa sala pervi da trid ora. Davo la rampignada eschan lura its a tscherchar il bain per dormir aint il strom. Dumengia eschan its a rampignar sün bellas plattas cun chanals d aua. Lündeschdi pervi da trid ora vaina decis dad ir al Alpamare (suot squitsch da las giunfras). Mardi vaina lura fat üna gita per ir aint illa chamonna da Bollenwees ed in viadi amo üna rampignada illa Saxerlücke. Be rivats in chamonna han cumanzà ils trais compels a giovar cul sablun. Marcurdi vaina fat üna ruta illa paraid dal süd dal Widderalpstöck e suà giò sur il Hexenloch. Gövgia lura la bella rampignada sü dal Schmales Südrippli (foto). Venderdi per finir l eivna eschan lura amo chaminats sül Säntis e giò culla cabina. Quia vezain ils traideschins chi rampignan sü da quist bel spi da chaltschina ( Schmales Südrippli )

11 Piz Glüschaint lügl 2009 Drachenwand Mondsee mai 2009 Alpstein avuost 2009

12 Spassegiada culs asenins (3dis) Ün di da belezza e gnanca bler chaminar, perche ir a sella süls asenins es bler plü pachific. Amo bler plü flot esa schi s po Sezzer in cumpagnia sülla charozza e s laschar trar dals asenins. E schi glüscha massa ferm il sulai, da metter sü subit ün chapè da sula Ed il sönin da mezdi, quel hana eir merità.

13 PIZ CHAPÜTSCHIN La sonda avant la gita eschna chaminats illa chamonna Coaz. Nus eschan rivats intuorn las ses la saira.id ha dat subit tschaina quai d eira bun, perchè ch eu vaiva blera fom! Id ha dat schoppa da tomatas, quai nu d eira bun. Davo haja dat sflöchets, quai d eira plü bun. E sco desert haja dat üna cremina ch eu nu vaiva uschè jent. Lura eschna its a durmir. La bunura malapaina stats sü haja dat culazchun. A las ses la bunura eschna lura partits. Sül vadret suna lura ida la prüma jada cun s-charpellas - i nu funcziunaiva amo dal tuot.lura ha di Jachen Andri Planta: vus stuvais chaminar sco scha vus vessat fat in chotscha e scha quai nu va lura staivat far in chotscha. L ultim toc d eira amo crappa lura d eirna sül piz. Quels chi d eiran fingià sül piz han guardà fich curius aint per nus. Sül piz vaina fat marenda e Jachen Andri ha dormi clos e bain. Davo ha l stuvü star sü perquai cha nus eschan its aval e lura a chasa. Nus vain mangià amo ün bun glatsch e spettà sül Club Alpin. Urezza Felix, Sent Giò da quista costa da naiv eschna gnüts, che cana a sglischar giò pella naiv..."

14 Gasthaus Mayor 7550 S-charl Geniessen Sie Wildspezialitäten, frische Forellen, Engadiner Gerichte im schönen Arven-Speisesaal oder im Nichtraucherstübli. Ihr Ferien-Zuhause Die Zimmer im Gasthaus Mayor: Einfach rustikal, einfach genial. Tel. +41 (0) Impraisa da fabrica - Lavuors in lain - Lavuors da plattinas Zernez Scuol Marléne Arquint Avant Muglins sport-sesvenna@bluewin.ch 7550 Scuol Tel: RICO LUPPI-SCHERRER BÜRO D ARCHITECTURA CHAUOLS 7551 FTAN TEL FAX

15 NUS RESTORAIN E VENDAIN PLATTAS DA LAIN CORSIN RAUCH ZERNEZ Airport Samedan / St. Moritz Tel info@helibernina.ch Inserats: Texts e signets per inserats esa da trametter a: cundiziuns: Thomas Dietrich 7560 Martina didis2001@bluewin.ch 1. I vegnan publichats be inserats da commembers da la secziun Engiadina Bassa dal CAS. 2. Tuot ils inserats han üna grondezza dad ¼ pagina (56mmx89mm opür 123mmx40mm). 3. Ils texts vegnan publichats per regla be in lingua rumantscha. 4. Il predsch da publicaziun per ün on (2 cudeschins) importa 100. frs. 5. I vegnan publichats il plü da tuot 4-5 paginas inserats pro cudeschin. Ils inserats vegnan resguardats tenor las datas d entrada!

16 Ils Traideschins Chars giuvnots! Uei che flot, l inviern es darcheu rivà! Uossa schi pudaina darcheu far üna bella skiada, trar buorras e travachar tras naiv otezzas! E chi sa scha la cascada ha fingià avuonda glatsch? E sast che cana ad ir qua o là culs skis giò per ün costun o pür fond sagls e piruettas! Tuot quai e bler oter faina pro ls Traideschins! Nus vain preparà ün program ingio cha nus imprendain ad ir culs skis illa naiv lomma, fain bellas gitas in muntogna e spordschain amo bleras otras aventüras. Bainvis es minchün chi ha tanter 10 e 13 ons ( ). Tü poust gnir üna jada a verer, poust cleger oura quel di chi t plascha e gust vessna natüralmaing, scha tü at decidast da gnir suvent! Las Frizzas da l OJ ( ) chi han plaschair, das-chan natüralmaing eir tour part al program dals Traideschins. Nus ans inscuntrain la prüma jada in sonda, als 28 november 2009, per üna rampignada illa sala da Sent. Tü ed eir teis cumpogns eschat cordialmaing invidats da gnir a cuccar e provar. Davo daja lura amo üna flotta sairada da cumpagnia cun da tuottas sorts surpraisas ed üna buna tschaina. A revair bainbod!! Salüds Jachen Andri Planta Annunzchas: Per tuot ils arrandschamaints esa da s annunzchar la gövgia saira avant la gita tanter las e las pro Tumasch à Porta ( ). Cur cha tü telefonast dà Tumasch dal cuntschaint che chi d es da tour cun sai. E schi t manca alch per ir in gita, schi organisaina quai cha tü douvrast! Scha propcha ningün nu vess da dar resposta, schi telefona al Per l eivna da gitas da Langtaufers esa da s annunzchar cul talun fin als 5 favrer 2010, per l eivna dal Tessin cul talun fin als 10 avrigl 2010 (trametter a Tumasch à Porta, Chasa Fuschina 128, 7551 Ftan).

17 Program da gitas inviern 2010 Traideschins 28 november sonda 17 schner dumengia 31 schner dumengia 14 favrer dumengia Rampignar in sala e sairada da cumpagnia Scoula da Sent 5.- Piz Soèr (ca. 1 h chaminar) cun instrucziun da baryvox 10.- Rampignar sül glatsch Sur-En 10.- Munt Buffalora Pass dal Fuorn marz marcurdi - sonda Eivna da gitas Langtaufers Pernotaziun giò n val marz dumengia 11 avrigl dumengia Chamonna Cler Ardez 10.- Piz Campagnung Pass dal Julier avrigl dumengia Di da rampignar Ardez Ardez mai lündeschdi - sonda Eivna da rampignar Tessin rampignar e durmir in tenda Furnitura: manetschas, chapütscha, pullover chod, giacca da vent, ögliers e crema da sulai, gamaschas e sün gitas da plüs dis alch roba per as müdar ed il cudeschin da chant! (Da l OJ as poja retrar skis da tura, liadüras da tura, pels, bastuns, barryvox, palas, sezzins, s-charpellas, zappins, chaplinas, carabiners) Attenziun : Chi chi voul gnir cull assa (cucha, panol,...) sto procurar svess per gianellas ed avair üna buna purziun cundiziun. Il manader da la gita decida schi d es pussibel da gnir cull assa. Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA.

18 Las Frizzas Ueilà sochis! Vaivat fingià tut pro la giacca choda? La prüma naivina es fingià rivada süls ots ed i nu giarà plü lönch fin chi varà floccà avuonda per tour sü da schler ils skis da gita. Fini pel mumaint cun ir a rampignar vi dal grip, a far camping in gronda cumpagnia ed a nodar in flüms rinfraschants. Uossa haja nom da spuolvrar e glüschantar ils skis per chi filan lura cur cha nus vulain far nossa prüma skiada tras üna puolvrina suolva. E sast che cana da far ün stizi cun stortinas da bellezza aint in üna costa frais-cha! E lura quellas jassadas e chantadas chi fan star stut a mincha guardgiachamonna! Quai sun aventüras da l OJ! Scha tü hast tanter 14 e 20 ( ) e vöglia da giodair bels mumaints da cumpagnia in muntogna, schi vè tantüna eir tü cun nus. Minchün es fich bainvis e nus vain eir gust da verer tschêras frais-chas. Nus ans inscuntrain la prüma jada in sonda, als 28 november 2009, per üna rampignada illa sala da Sent. Tü ed eir teis cumpogns eschat cordialmaing invidats da gnir a cuccar e provar. Davo daja lura amo üna flotta sairada da cumpagnia cun da tuottas sorts surpraisas ed üna buna tschaina. A revair bainbod!! Salüds Tumasch à Porta Annunzchas: Per tuot ils arrandschamaints esa da s annunzchar la gövgia saira avant la gita da las a las pro Tumasch à Porta ( ). Per l eivna da gitas dal Ötztal esa da s annunzchar cul talun fin als 5 favrer 2010, per l`eivna dal Tessin cul talun fin als 10 avrigl 2010 (trametter a Tumasch à Porta, Chasa Fuschina 128, 7551 Ftan).

19 Program da gitas inviern 2010 Frizzas 28 november sonda 10 schner dumengia 17 schner dumengia 31 schner dumengia 14 favrer dumengia Rampignar in sala e sairada da cumpagnia Scoula da Sent 5.- Cuors da lavinas culla culluona da salvamaint 0.- Piz Minschun Motta Naluns 10.- Rampignar sül glatsch Sur-En 10.- Piz Daint Pass dal Fuorn marz mardi - dumengia Eivna da gitas Ötztal Diversas chamonnas marz dumengia 11 avrigl dumengia Piz Cotschen Ardez 10.- Piz Grevasalvas Pass dal Julier avrigl dumengia Di da rampignar Ardez Ardez mai lündeschdi - sonda Eivna da rampignar Tessin rampignar e durmir in tenda Furnitura: manetschas, chapütscha, pullover chod, giacca da vent, ögliers e crema da sulai, gamaschas e sün gitas da plüs dis alch roba per as müdar ed il cudeschin da chant! (Da l OJ as poja retrar skis da tura, liadüras da tura, pels, bastuns, barryvox, palas, sezzins, s-charpellas, zappins, chaplinas, carabiners) Attenziun : Chi chi voul gnir cull assa (cucha, panol,...) sto procurar svess per gianellas ed avair üna buna purziun cundiziun. Il manader da la gita decida schi d es pussibel da gnir cull assa. Nus rendain attent cha mincha uffant/partecipant sto avair svess üna sgüranza dad accidaint ed esser fautur da la REGA! Uffants da 10 fin 22 ons chi pajan la commembranza dal Club Alpin/OJ sun automaticamaing eir commembers da la REGA.

20 Nom: Eivna da gitas OJ Langtaufers Prenom: Adressa: Telefon: Eivna da rampignar OJ Tessin 03 fin 06 marz fin 8 mai 2010 Nom: Prenom: Adressa: Telefon: Annunzchar fin als 5 favrer 2010 Trametter a: Tumasch à Porta, Chasa Fuschina 128, 7551 Ftan Annunzchar fin als 10 avrigl 2010 Trametter a: Tumasch à Porta, Chasa Fuschina 128, 7551 Ftan Nom: Prenom: Adressa: Telefon: Eivna da gitas OJ Ötztal 02 fin 07 marz 2010 Annunzchar fin als 5 favrer 2010 Trametter a: Tumasch à Porta, Chasa Fuschina 128, 7551 Ftan

21 Previsiun da l ora alpina dal bindel (sfr.1.-/ min) dal fax (sfr. 2.-/ min)

22 CAS Engiadina Bassa Gianna Rauch Presidenta 7554 Sent Tel Rampignar in sala per famiglias ed uffants: Il Club Alpin Svizzer Engiadina Bassa organischescha quist on il rampignar in sala eir per famiglias. Il rampignar ha lö al: mardi, da las fin 20.00h illa sala da gimnastica a Sent Datas rampignar da famiglia, cun uffants fin 9 ons: schner: 12 / 26 favrer: 9 / 23 marz: 16 Persuna da contact: Andri Poo, Sent (tel ) Datas rampignar da l OJ, be uffants da 10 fin 20 ons: schner: 19 favrer: 2 / 16 marz: 9 / 23 Persuna da contact: Tumasch à Porta, Ftan (tel ) Cuosts: per commembers dal CAS: gratuit per na commembers: fr per famiglia/jada (i dà la pussibiltà da dvantar commember: Corsina Feuerstein (Tel ) Il material vain miss a disposiziun. Nus ans allegrain da S verer bainbod! Cun salüds sportivs Andri, Tumasch e Gianna

23 Gita da famiglia aint ailla chamonna Maighels Che ans spettarà ils prossems trais dis? L ora nun impromettaiva dad esser propcha bella. L istess s han radunats 9 uffants cun lur genituors a Tschamut. Insembel eschna its cul tren sül pass dal Alp Sura e l ura ans vaina instradats vers la chamonna Maighels. I d eira ün gust a vaira cun che schlantsch e che plaschair cha tuots - dal plü pitschen al plü grond - han tut la via suot ils peis per rivar in nossa chamonna. Rivats in chamonna vaina occupà duos chombras cun ün mantun plazza. Ils uffants han chattà üna pitschna plazza da giovar, intant cha ls genituors s han laschats gustar ün café ed ün bun toc tuorta. Davo la tschaina, stanguels da tuot las nouvas impreschiuns, s han ils uffants indrumanzats, chi plü bod e chi plü tard. Davo üna buna culaziun haja gnü nom paquetar la buscha e s instradar vers il lö da brassar e vers la paraid da rampignar. Andri ha fingià installà tuot il bsögniaivel e davo üna cuorta instrucziun - co far nufs, co sgürar ed üna spiegaziun che rutas chi sun per ils pitschens e qualas cha ls genituors pon improvar oura - s han ün davo l oter miss in sua. Impustüt pro ls pitschens d eira la cana a verer che progress chi han fat.

24 Al principi d eiran tuots amo ün zich temuoss, però bainbod s haja vis chi chi es stat amo plü a rampignar. Davo cuort mumaint han però tuots survgni il curaschi ed il dalet da rampignar sü dal grip, as fidaivan da quel chi sgüra e davo alchin agüd dad Andri d eiran eir ils plü pitschens abels da suar giò. I d eira propcha la bellezza a verer, co cha davo ün mez di da rampignar tuots - dal plü pitschen da trais ons al plü vegl cun raduond 60 ons - chi vaivan chattà lur ruta preferida. Ir a munt ed aval paraiva be ün spass. Insomma a mezdi tuot chi vaiva üna fomuna. Las liongias brassadas gustaivan grondius. Davo il giantar han ils uffants giodü il highlight dal di. Andri ha drizzà aint üna pendiculara sur ün aualin. Ils uffants - il prüm cun ün zich trücha - e davo cun grond curaschi, gust ed ögliuns chi glüschivan dal dalet nu vulaivan plü finir dad ir vi e nan. Intant però d eira l ora propcha gnüda ün pa malsgüra, las nüvlas cun la plövgia girunaivan intuorn no ed eir las temperaturas d eiran plütost frais-chinas. No eschan tuornats in chamonna e davo üna cuorta posa cun café e tschiculatta choda s ha darcheu muossa il sulai. Andri ha paquetà danouvmaing tuot la brajada e sco ün millipes s han instradats ils uffants ün davo tschel davo la guida be muschins, muschins. Che bel a verer sco bravs e quietins e be aspettativas chi d eiran. Davo ün pêr gös d equiliber sun tuots rivats pro ün gripun, ingio cha grond e pitschen han fat amo ün per suadas. Davo üna tschaina gustusa sun tuots ils pitschens crodats in lur lettins. Ils genituors han giodü ün bun süerv vin, üna bella baderlada e davo ün pêr chanzuns sun eir els its a posar.

25 Il di davo han amo tuots giodü ün pêr bellas rampignadas, ils uffants han frequentà diversas jadas amo la pendiculara e davo ün bun giantar haja gnü nom id es ura da tuornar a chasa. No vain giodü üna bellischma spassegiada vers il pass da l Alp Sura ed ün bun café e glatsch a Tschamut. Id ha gnü nom da tour cumgià, no tuots ans vain instradats vers chasa chi cul tren e chi cul auto. Restadas sun ün mantun bellas algordanzas, fotografias plainas dad action e la spranza cha no ans vezzan darcheu quist on chi vain. Ün grazcha fichun ad Andri per tuot sia organisaziun e per sia lavur ed agüd sül lö. A vo tuots ün sincer a revair. Corsina Feuerstein Betschart

26 Program da gitas CAS inviern 2010 data gita manader indicaziun 9 schner sonda Cuors da skis aint illa naiv lomma E darcheu pudaina profitar dals tips ch'andri ans dà, per far stortinas e stortettas aint illa naiv lomma e giò da costunas plain muots. Andri Poo Instrucziun 10 schner dumengia Cuors da salvamaint Infuormaziuns cura e che projöri, chef da salvamaint! Jöri Felix felix@quickmail.ch Instrucziun 24 schner dumengia Munt Buffalora 2627 m Üna flotta gita per principiants e per famiglias. Jon Buchli l / p 650 m Cuors da rampignar sül glatsch Instrucziun 30 schner sonda Perche nüglia rampignar üna jada sün üna cascada da glatsch? Vo sarat be stuts quant bain cha quai va. Material e glatsch mettaina a disposiziun... Andri Poo favrer dumengia Piz Arpiglia 2748 m Not Armon cugnuoscha quista muntogna sco si'aigna gialoffa. Not Armon Willy l / me 1100 m

27 21 favrer dumengia La Margna 3158 m Quista muntogna marcanta as poja dafatta ascender culs skis. Be ils ultims 150 meters esa da rampignar Andri Poo m / me 1350m 28 favrer dumengia Piz Dora 2951 m Davent da Tschierv tras ün bel god e sü per las blaischs na massa stipas fin sül piz. Bella vista aint illa Val Mora Chasper Planta l m / me 1300 m 5 marz venderdi Premiaziun ed exposiziun Premiaziun ed exposiziun publica dals progets da la concurenza d architectura Alp Sprella. Lö: Val Müstair. Detagls vair la pagina d internet Silvrettahorn 3244 m 13 / 14 marz sonda e dumengia Davent da la Motta faina üna skiada in Val Tasna. Sur la Furcletta rivaina illa chamonna da Tuoi. In dumengia fin sül piz e lura üna skiada sur il vadret da Tiatscha aint in Val Lavinuoz fin a Lavin. Not Buchli annunzchas: fin als 13 favrer m g / me 1950 m 3100 m

28 Piz Chapütschin 3386 m 21 marz dumengia Üna da las plü bellas gitas da l'engiadina. Culla pendiculara sül Corvatsch, üna skiada vers la chamonna Coaz, e lura metter sü las pels per rivar sül Chapütschin. Tenor las cundiziuns da naiv faina la skiada direct fin giò'n Val Fex, o lura incas amo üna muntada da ¾ ura sün Furtschellas. Chasper Buchli m / me 800 m 2200 m Piz Laviner 3137 m 27 marz sonda Davent da San Murezzan sül Piz Nair culla pendiculara (ca. 40.-). Muntada sülla fuorcla Suvretta, skiada in Val Bever. Muntada sur la chamonna Jenatsch fin sül Piz Laviner. Üna skiada da bellezza chi nu voul plü finir tras la Val Mulix fin a Preda. Christian Wittwer m / me 1150 m 1900 m Piz Linard 3411 m 10 avrigl sonda Eir sül Piz Linard as poja ir culs skis, e quai gnanc'uschè mal... Sülla ruta normal rivaina sül piz. Üna skiada da pumpa giò per la flanca dal nordwest (ca. 40 ) in Val Sagliains. Ils 40 es la stipüra e na la temperatura Christian Wittwer g / da 1900 m avrigl dumengia - sonda Eivna da gitas illa regiun dal CEVEDALE Tuot l'engiadina tegna als partezipants ils polschs chi hajan bell'ora. Bellas gitas, bun vin e bun mangiar; trais motivs per s'annunzchar Not Buchli annunzchas: fin als 18 marz m /me

29 Piz Valrain Rheinwaldhorn 3402 m 1. / 2 mai Davent da Hinterrhein 1624 m vaja vaira planiv mo ün ter toc... (ca. 3 ½ uras) aint illa chamonna Zapport; sün 2276 m. Eventualmaing giaina ün toc cul velo. In dumengia rivaina lura sur bellas spuondas sül plü ot punct dal chantun Tessin. Alfons à Porta annunzchas: fin als 1.avrigl m / me 1800 m Grossglockner 3794 m Höchster Berg Österreichs (7.) 8. / 9. Mai (Freitag) Samstag + Sonntag Von Scuol aus sind es knapp 5 Std. mit dem Auto, dann kommen noch 2 Std. Aufstieg zur Hütte. Von der Hütte zum Gipfel sind es ca. 4 5 Std. und auch die Heimfahrt wäre sicher noch im Rahmen des Machbaren. Sollte es dem Wunsch der Teilnehmer entsprechen, könnten wir auch schon am Freitag starten und eine Tour zusätzlich machen. Christian Wittwer Anmelden: bis 1.April m / me Indicaziuns: R rampignar sül grip l leiv p chaminar pac G rampignar sül glatsch m mezdan me chaminar media C cumbinà grip/glatsch g greiv da chaminar dalöntsch fg fich greiv

30 Attenziun!!! Annunzchas: Per tuot las gitas cun pernottaziun esa da s annunzchar pro l manader da gita fin a la data fixada sül program Per tschellas gitas s annunzchar sco fin uossa, fin il plü tard 4 dis avant la gita e quai directamaing pro l manader. Indemnisaziuns: - Per mincha gita vaina inchaschà 15.- sfr da mincha partecipant(a) - Per gitas cun manaders o guidas implü ston ils partecipants surtour ils cuosts! - Las spaisas (cuosts da transport, pernottaziun) dal manader da gita surpiglian ils partecipants! Charas alpinistas, chars alpinists, scha vus vulais infuormaziuns a reguard las gitas, o far propostas pel program da quista stà chi vain, am pudaivat sainz oter dar ün telefon ( ). Eu ingrazch fich a tuot ils manaders per lur ingaschamaint e giavüsch a tuots üna bella stà. Beiträge über Touren in Bild und/oder Text sind stets willkommen. Diese nehmen unser Redaktionsteam Aita Ursina und Thomas Dietrich gerne entgegen. Christian Wittwer, schef da gitas Suprastanza 2010 presidenta: Gianna Rauch, Sent actuara: Corsina Feuerstein, Scuol chaschier: Andri Lansel, Sent schef da chamonnas: Cla Duri Janett, Tschlin schef da salvamaint: Jöri Felix, Sent schef da gitas: Christian Wittwer, Zernez schef da l OJ: Tumasch à Porta, Ftan pagina d internet: Nicolo Pitsch, Ftan redacziun gazettina: Aita Ursina e Thomas Dietrich

31

32