LI LENTI DI A VIRITATI

Transcript

1 LI LENTI DI A VIRITATI Si cunta ca nni l anticu e filici Regnu d Oltri, lu re Javan s arrisbiglià na matina e ancumincià a taljari strammu la riggina Catirina e a cu ncuntrava dicennnucci mali paroli. Un c era modu comu fallu arrisediri, jttava vuci a la ncapu e vidiva cosi ca nun eranu. Lu so serbu fideli, poviru Tanu, mentri circava d arragiunarici pi vestilu a modu fu affirratu pi la gula ca lu stava scannaruzzannu, arriniscì a scappari e accussì a sarbarisi, pocu ci vuliva e ci arristava mortu ammazzatu. Un jornu mentri era ca si stricava muru muru, chiamà la riggina: -Catarina! Catarina! -Vuscenza chi voli? -Ma tu nun si la me riggina. Vatinni! Vatinni! La puvira riggina ca vuliva teniri tutti cosi ammucciati pi lu scantu ca sapennusi putja jttari lu Regnu nna lu disordini, fu custretta chiamari a Vartulu, lu cchiù nportanti medicu di lu Regnu e così nfurmallu pi vidiri c hajva lu poviru maritu. Lu provessuri Vartulu accurrì e comu fu juntu ci fu fattu giurari di la riggina di mantiniri lu segretu, pena la testa tagliata. Lu medicu si prisintà navanti lu re facennucci tantu di inchinu: -Majstà vinni a dumannarici pirmissu pi fari na ricerca di certi erbi medicinali ca criscinu nna li so pussidimenti. -Chi vogliu surci giganti nna lu me Regnu! Fora di cca jntra! -Majstà, ma ju sugnu omu comu a vuj, ju un sugnu surci! -Guardii! Guardii! Affirratilu e jttatilu nna la cchiù rimota cella di lu me carziri! Livatimi stu surciazzu di navanzi l occhi! Lu poviru provessuri Vartulu jì a finiri nchiusu e nuddu lu putja libbirari pirchì era un ordini suvranu. La riggina ci purtava lu megliu mangiari e addumannà a u provessuri la diagnusi. -Majstà lu nostru re, cu rispettu parlannu, fu affirratu di la Fuddja! E comu na malja nni la menti e un ci fa vidiri li così comu stannu cu viritati, ma stroppiati comu voli jdda. La Fuddja è na divinitati e pirtantu cchiù forti di nautri omini.

2 -Chi rimediu c è? - Un c è rimediu! La riggina Catarina cadì nna lu scunfortu, diciva tra jdda: Poviru amatu maritu, miu re! beddu e ntilligenti riduttu nni stu bruttu modu! Finu la facci havi stramangiata!. Oramà un si ci mittiva navanzi e lu taliava d u purtidduzzu a l ammucciuni e chiangiva lacrimi di focu. La vecchia Nora, era la crjata ca ajva crisciutu la riggina, ca si la vozi purtari da lu so regnu quannu si marità, ajva statu sempri cu idda, pruvava pena forti e stava npinzeri. Penza ca penza ci vinni menti ca nna lu Regnu di Trinacria dunni la rigina ed idda eranu originari, ajva sintutu parlari di un sapienti ca canusciva ogni risposta ad ogni dumanna. Lu dissi subitu a la so riggina. -Dimmi comu si chiama? - Un mi lu ricordu, oramà mi fici vecchia -Nora arricordati! Pi lu beni ca mi voni, arricordati! La criata, mischina, si misi li mani a li capiddi e ancumincià a pinzari accussì tantu ca ci vinni mali di testa e ci arristavanu li capiddi jta jta. Ancumincià a ricurdari quannu fu c ajva sintutu parlari di stu sapienti e fu quannu era nicaredda, s arricurdà ca dicivanu ca un si sapìa quantu anni avissi cu viritati, ca stava nna li muntagni nni na grutta, ca era unu di li setti cchiù granni sapienti di tuttu lu Munnu e di tutti li tempi. Penza ca penza dopu tri jorna ci vinni lu nomu e ci parsi comu si s avissu sgravata: Soproniu!. La riggina saputu lu nomu urdinà a la squatra di li setti cchiù valurusi cavalera di tuttu lu Regnu d Oltri, di jri na lu Regnu di Trinacria a circari a Soproniu unnideghiè! - Un turnati senza Soproniu! Si parteru comu lu ventu accavaddu di li cchiù forti vestii. Arrivati a lu mari pigliaru lu vilieru cchiù veloci e attravirsaru lu mari, dopu setti jorna e setti notti sbarcaru nni la magnifica civitati di Siracusa. Addumannanu di lu sapienti e nuddu ci sapi diri nenti. Senza farisi pigliari di lu scunfortu vannu versu li campagni e si spartinu a raggiera. Ognunu d iddi ajva un saccu di moniti d oru a cu ci davanu un simplici

3 indiziu lu pagavanu cu di maregni. Fu propriu d oru ca rapì tanti porti, truvari tanti strati e viniri a la menti tanti ricordi. Dopu setti luni lu truvaru! Era chi mangiava erba jntra na tompa antica nni un pizzu di muntagna, cu li capiddi e la varba janca e longhi longhi. -Si tu lu sapienti Soproniu? -Chi vo ca ti dicu, sugnu ju e un sugnu ju! -Si si tu, t arricchemu, ti damu tantu oru quantu pisi. -E allura un circati a mia. Unu di li setti cavalera si fici avanti e ci dissi ca cu li boni o cu li tinti ajva a jri cu iddi. -Cu li bboni allura un ci vegnu, ammazzatimi! Lu cchiù juvani di li cavalera ci dissi a l autri di fari arristari ad iddu e jrisinni ca ci pruvava a cunvingilu. E accussì ficiru. Lu juvani cavaleri mangià erba cu iddu, rispirà la stissa aria e durmì nni la stissa balata di petra, ci cuntà tutti cosi, l apprinsioni di la riggina e lu priculu di lu Regnu. Na matina lu vecchiu sapienti era già prontu e ci dissi: -Sugnu ju Soproniu, amuninni! La riggina Catarina ci ajva persu li spranzi. Na loggia di consigliera vuljvanu npussissarisi di lu Regnu e la mittivanu a li stritti pi parlari cu lu re e smascharari la Fuddja ca nun lu faciva cchiù arraggiunari. Quannu sintì li trummittera ca ficiru li setti squilli di trumma, s affaccià e vitti li setti cavalera cu lu vecchiu sapienti ca passaru lu ponti levatoju di lu casteddu, si sintì rinasciri. Soproniu, un si vozi mancu arripusari un mumentu e dopu ca vitti a lu re Javan ca era misu supra lu tronu chi jttava vuci pirchì vidiva tuttu ntunnu na lava di focu ed era scantatu ca s abbrusciava, detti la stessa djagnusi di lu professuri Vartulu e dissi a la riggina: -L unicu rimediu pi lu re è farici turnari la vista di la viritati. -E comu si po fari? -Si ci hann a costruiri li lenti apposta. Li lenti di la viritati. Mittiricilli e accussì jddu vidi la rialità ntunnu e non chiddu ca ci fa vidiri la Fuddja. La riggina cu tutti e dui li mani ammuttava li paroli: -Falli sti lenti!

4 -Eh Nun è facili. Ci voli lu cruistallu di li stiddi cadenti. Ora, o aspittamu la prossima stidda chi cadi, nun si sapi quannu, o ham a jri na la Granni Russia unni ni cadì una nmezzu la nivi na li muntagni. Pi falla brevi li setti cavalera e lu vecchiu sapienti, senza mancu arripusarisi, si parteru pi la Granni Russia. Quantu priculi! Foru attaccati prima di li lupura e po di l ursi, si scuntraru cu na banda di cusacchi e happiru a supirari muntagni, ciumura e tanta nivi. Quannu Soproniu, ca liggiva nni n anticu libbru lu postu, ci dissi di scavari, truvaru na rocca e quannu la spaccaru jntra c era un cristallu di un cafisu, abbastava na lucidda di nenti a pariva ca lu so cori addumava. Accussì pigliaru la strata di lu riturnu. Arrivati nna lu Regnu D Oltri vidivanu miseria supra miseria, genti chi chiangiva, pariva comu si ci fussi stata la pesti. Arrivati a lu casteddu nun c eranu ne trummittera e nuddu ca l aspittava. Circaru a la riggina, ma si nni stava nchiusa nna lu so appartamentu, comu si fussi prigiunera. Allura lu capu di li setti cavalera truvà la criata e ci addumannà c ajva succidutu. La criata ci cuntà ca li consigliera di lu Regnu atturniaru lu re e lu ficiru dichiarari ncapaci di ntenniri e di vuliri, pigliannu lu putiri jddi. Ancuminciaru a spremiri lu populu cu tassi e tassi e cu nun putja pagari ci livavanu li pussidimenti e li rinnivanu schiavi, cu si ribbillliava li nchiuvivanu a lu carziri, a li subbillatura la pena capitali e ci tagliavano lu coddu nni li pubblichi chiazzi di li vari paisi, o li tinivanu esposti npiccati pi jorna e jorna comu monitu a l autri sudditi. - Un vi faciti avvidiri ca fussivu dichiarati nnimici di lu Regnu d Oltri. La riggina, dopo che è stata informata, si vistì co robbi pupulani e li ncontrà a lu voscu. -Nun ham a arrenniri! Sonopriu chi ha bisognu pi fari sti lenti? -Haju bisognu na forgia, l attrezzi nicissari e tempu. -Scrivi tutti cosi ca Nora ti li porta subitu. Li setti cavalera e lu sapienti s ammucciaru in gran segretu nni na casa nna lu voscu. Sonopriu ancumincià a limari ddu cristallu, ajutatu di la forgia, si faciva l attrezzi nicissarii, finu a quannu nisceru fora li lenti di la viritati!

5 Sti lenti ajvanu na muntatura di ferru cu na cigna di coriu ca si ncatanizzava narrè e li vitrura eranu janchi opachi. Po ni fici nautru paru ca eranu tecchia cchiù chiari e nautru paru di lenti completamenti trasparenti. Vinni lu jornu ca Sonopriu li cunsignà a la riggina: -Majstà chisti tri lenti li fici pi l accurrenza, chiddi trasparenti su di gradu bassu, e sunnu li lenti di la ragiuni, chiddi tecchia menu chiari su cchiù forti e sunnu li lenti di la rialitàti e li opachi sunnu pi vidiri tutta la viritati accussì com è! Ora a lu Re hat a mettiri chiddi trasparenti pirchì a troppu viritati è cchiù tinta di la Fuddia. Mentri ca dormi mittiticcili e tinitivi la chiavi, ammucciatila, pirchì la prima cosa chi voli fari e livarisilli. Facitivi ajutari di li vostri cavalera, puru cu la forza si serbi, è pi lu so beni e chiddu di lu Regnu. Cu sta lenti vidi li così comu sunnu e tuttu ritorna a lu so postu. Lu re nna lu sonnu macari era irriquietu dava pugna e pidati all aria e jttava vuci. La riggina trasì nna lu so appartamentu e detti ordini a li setti cavalera di tinillu e cu la forza mettici d occhiala. La Fuddia ci dava un viguri sovraumanu e puru si li setti cavalera eranu l omini cchiù valurusi di lu Regnu d Oltri si stavanu facennu supraffari. Li consigliera, ca a lu casteddu ajvanu li so spii, sappiru di tuttu stu scrusciu nni l appartamentu di lu re e si parteru cu un gruppu di surdati fidati cu la scusa d addifenniri la curuna. Nni stu frattempo a la fini li cavalera appiru la megliu e arrinisceru a netticci ddi lenti, la riggina ci misi lu catinazzu e si misi la chiavi nmezzu lu pettu. Quannu li surdati spunnaru la porta e traseru dda jntra cu tutti li consigliera e cu li spati nmani, puru li cavalera sguainaru li so, eranu l unu contru l autru. Lu consiglieri capu dissi a gran vuci: -Majstà vi vinnimu a libbirari di st agguatu urditu di la vostra riggina. Arristati li setti cavalera e la riggina! Lu re Javan si tuccava la testa, si susì a mezzu lettu e taljava a tutti unu pi unu, po jsannu la manu destra dissi: -Fermi!

6 A dd ordini parsiru tutti fari un passu narrè. Allura lu capu consiglieri, ca ora lu re lu vitti nni la rialtà cu d abbitu di sita e chinu di cullani e bracciala d oru, cu un cappeddu longu dui parmi cu tutta la punta tuttu timpistatu di petri priziusi, dissi a lu re, mittennusicci ngunicchiuni: -Re Javan ogni vostru ordini pi nautri è liggi! Lu re piglià lu scettru mani e ci lu puntà contru dicennucci: -Tu si lu cchiù tradituri di tutti, aprufittassi di la me malatia pi fariti l affari to arridducennu lu Regnu a la schiavitù! Po lu girà a tutti l autri consigliera e ci dissi: -Vautri siti peju di iddu, ca lu lassassivu fari pi aviri lu vostru prufittu. Tutti arristraru scantati stavanu scappannu, ma li setti cavalera si misiru navanzi la porta. -A vautri surdati, ca fussivu cumannati, ora vi ordinu d arristalli. Subitu li surdati ci puntaru l armi e cumannati da dui cavalera li purtaru a tutti a lu carzari. La riggina Catarina ci spigà tutti così pi filu e pi segnu e lu re capì e la ringrazià stringennusilla a jddu. -Vogliu canusciri a stu sapienti Sonopriu! Si parteru autri dui cavalera pi circallu ma un c era cchiù, si nn ajva jutu a la muta e a la surda. L indumani matinu ci fu un bannu nni tuttu lu Regnu unni si nvitavanu tutti li sudditi a participari a lu pubblicu processu di li consigliera di corti. Si parteru centu tammurinara cu centu banniatura pi ogni cuntrata, paisi dopu paisi. Sintiti! Sintiti! Sintiti!! Pi vuliri di lu re Javan!! Ogni sudditu s hav apprisintari lu tri di marzu!! Nvanti lu casteddu rigali! Pi lu prucessu pubblicu a li consigliera di corti!! Accusati d abusu di putiri!! Passà na luna e fu lu tri di marzu, prima ca stava ancuminciannu a nghiariri si jvanu arricampannu d ogni parti li sudditi, cu supra li carretti, cu accavaddu li vestii e tanti a l appedi. Omini, fimmini, vecchi e addevi,

7 tuttu lu populu di lu Regnu d Oltri era prisenti. Dopu lu fussatu allatu a lu ponti livatoju fu cunzatu un granni parcu cu banneri virdi e cu n arca tingiuta d oru. Chista era l insigna di lu re e la bannera di lu Regnu. Quannu si fici l ura nni un carru cu li gradi tiratu da ottu vo c eranu nchiusi li consigliera misi afflitti cu l occhi nterra. Dopu ca centu trummi sonaru all aria di supra li merli di lu casteddu, niscì lu re Javan cu allatu la riggina Catarina e li setti cavalera pronti a dari la vita p addifennili contru qualsiasi priculu. Lu re Javan fici l amministia pi li carzarati e foru tutti libbirati, cancellà tutti li debbiti, versu la curuna e puru versu li privati, d ogni sudditu, tutti l aviri e li pussidimenti di li consigliera e parti di lu tisoru di lu Regnu foru spartuti ad ogni sudditu. Un c eranu cchiù schiavi e mancu suttastanti e pi un annu un si pagava gabbella pi li terri e mancu tassi d ogni geniri. Pi lu Regnu d Oltri ancuminciava na vita nova. Lu populu esultava. Quannu s arrivà a la cunnanna di li consigliera, tuttu lu populu era na sula vuci: -Morti! Morti! Lu re si susì e tutti ficiru silenziu: -Dopu ca fu difinuta e attistata la curpa di tutti li consigliera di la corti, la cundanna ca ci dugnu è la libbirtà! Libbiratili subitu! Lu populu parsi lu mari d invernu ca si agitava nna li scogli, un murmuriu di no ginirali. Lu re jsà arrè la mani e s ammuteru subitu: -Lu pirdunu d iddi havi a sirbiri a tutti nautri pi fari di stu Regnu un postu di paci! Passaru anni di pruspirità nni tuttu lu Regnu, tutti eranu filici! Tutti eranu filici tranni lu re, poviru re si sintiva prigiuneru cu ddi lenti di la ragiuni. Ci diciva a la riggina ca si sintiva na forza nchiusa jntra ca si vuliva libbirari. -Mi sentu prigiuneru di rialità fatta di mura. Tra mia e tia c è un muru! Jntra la me menti ci sunnu tanti mura unni ogni miu pirchì ci va sbatti senza risposta. Si la vita è chista, megliu moriri.

8 La riggina, ca amava cu viritati lu so re, dicidiu di fari un pattu cu jddu: -Ju ti libbiru da li lenti, ma tu t ha fari nchiudiri nni na stanza pi tuttu lu tempu ca l ha livati e dopu un jornu e na notti, cu l aiutu di li setti cavalera ti li rimittemu e po nesciri. Lu re fu d accordu e in gran segretu ficiru nni stu modu. Comu la riggina Catarina ci livà l ucchiala happi tempu di nesciri ca lu re Javan sbirrià l occhi e ancumincià a sbattiri la porta, a nsurtari a tutti cu paroli accussì vastasi ca un s hajvanu sintutu ma, parsi un lupu manaru scatinatu. Ma chi è mai sta Fuddia? Pinzava la riggina, scantata. Quannu po ci foru rimisi l occhiala di Sonopriu lu re Javan turnà saggiu comu prima. Passaru accussì l anni e parlannu parlannu la riggina Catarina ci dissi tutta la viritati, supra l esistenza di l autri lenti. Lu re dopu quarche jornu ca ci pinzà supra ci dissi a la muglieri ca li vuliva pruvari. La riggina ci diciva ca nun si sapiva lu priculu chi putjvanu aviri, ma vidennu l infilicità di lu maritu cidì, cu la spiranza di appurtari tecchia di sirenu nna lu so animu. Pinzava la riggina ca si Sonopriu ci li fici un mutivu ci ajva ad essiri. Quannu happi misi l occhiala di gradi chiossà lu re s assittà nterra ncruciannu li jammi e arristà fermu e mutu pi uri e uri. Lu lassaru nni dda posizioni, ajva la facci sirena, l occhi lucenti si ci vidivanu appena. Quannu si jsà vozi lu mantellu, la curuna, cavarcà lu so cavaddu jancu e accumpagnatu di li setti cavalera vozi firriarisi tuttu lu Regnu. Unni passava lu populu l acclamava, pi li liggi justi c ajva misu e pi la justizia amministrata cu sapienza. Lu re grazii a li lenti di Sonopriu vidiva lu veru curpevuli e lu veru nuccenti e accussì un capitava ma un judiziu njustu. Pi firriari tuttu lu Regnu ci voziru deci luni. Quannu turnà abbrazza la so riggina Catarina e ci dissi: -Vogliu n eredi! Si trasfireru nna l Isula Ciuruta unni crisciva ogni sorti di ciuri nni ogni mumentu di l annu. Arristaru nni la prorpia ntimità finu ca la

9 natura un fici lu so corsu, turnaru cu na miravigliusa addeva ca chiamaru Viuletta, pirchì fu cuncipita supra un tappitu di violi. Lu re Javan s appassiunà a li stiddi di lu celu, a lu studiu d ogni cosa, ajva addivantatu un sapienti ca vinivanu genti di tuttu lu Munnu pi sentiri la so pinioni. Quannu la riggina ci livava li lenti scatinava la Fuddia ca ajva jntra, sfugava li nerbi sbattennusi nna li mura e gridannu comu un tagaru. Dopu tantu tempu la malincunia pigliava arrè a lu poviru re, dda cunuscenza nun era sufficienti a fallu sintiri libbiru, e un re ca nun si senti libbiru è comu si fussi l urtimu di li so sudditi! E allura cu paroli duci ci addumannà a la riggina l autri lenti, li cchiù forti, chiddi di la viritati. La povira riggina si nigava, pinzava a li paroli di Sonopriu: a troppu viritati è cchiù tinta di la fuddia! Ma lu re insistiva e ci tuccava li sentimenti. Jornu e notti ajva addiivintatu un turmentu, finu a quannu la riggina cidì e allura a lu turnu di scatinari la Fuddia ammeci di l autri lenti ci misi chiddi opachi di la viritati nuda e cruda. A la misa di dd occhiala re Javan, jttà na vuci: - Un vidu nenti! Sugnu a lu scuru Dopu si misi a talìari ntunnu ntunnu e cu li mani pariva tantiari a dritta e manca, stava mutu parja pruvassi stupuri pi chiddu chi vidia. La riggina ci addumannà: -Chi vidi Javan? -Mumenti di luci cca e dda Arrivatu a un certu puntu lu re ancumincià a livitari, era suspisu nni l ariu tri parmi di nterra. Quannu la riggina e li setti cavalera vittiru stu fattu ca nun s aspittavanu ne ora e ne ma arristaru cu l occhi e la vucca aperta. Ma la surprisa ajva ancoira succediri. Lu re si fici in tanti pezzura e chiddi pezzura in autri pezzura ancora cchiù nichi e po sempri cchiù nichi finu a quannu sinteru na speci di suspiru e la curuna, la vesti e li lenti caderu nterra e di lu re non c era kiù autru. La riggina jttà na vuci dispirata: -Javan!! Li setti cavalera arristaru a talìari ddu puntu unni lu re scumparì!

10 Rignà Violetta cu la riggenza di la matri, finu a quannu fici sidici anni e piglià tuttu lu putiri. Era la prima vota di la so storia ca lu Regnu d Oltri ajva na fimmina comu sovranu. Tanti pritinnenti facivanu abbasciati pi avilla comu sposa, principi e re d ogni parti di lu Munnu cu rigala priziosi d ogni geniri. Ma la riggina Viuletta, ca ajva addivintatu na fimmina bedda comu na stidda e sperta comu un sapienti, un si dicidiva. Ntantu la scumparsa di lu re Javan misi quarche murmuriu nna lu populu, tantu ca l ex capu consiglieri di corti ancumincià a dari forza a stu malumori ammentannusi farfantarii. Misi in giru la vuci ca la riggina hajva fattu nchiudiri ni un postu sigretu lu re tantu amatu pi pigliari lu putiri jdda cu la complicità di li setti cavalera, e jva dicennu, prima cu un filu di vuci, po sempri cchiù forti, a tutti: -Justizia! Justizia! Na li funnachi di lu Regnu jvanu jcannusi sempri chiù genti, e lu capu consiglieri offriva a tutti di viviri birra e vinu e nna lu mentri cumiziava. La genti s ajva scurdatu tuttu lu beni di lu so re, ci parja ca chiddu ca ajva era nenti. E na matina si sullivà pi la rivoluzioni contru la casa rigali, misu a la testa lu capu consiglieri. Arrivati a lu casteddu li setti cavalera si misiru navanzi e puru si eranu eroi di lu Populu di lu Regnu d Oltri, l odiu siminatu fu tantu ca foru abbattuti e ammazzati dopu ca nna la lotta ci ajva statu na carnificina. La riggina jì na la figlia e ci fici prumettiri di un si dispirari pi chiddu chi stava facennu e comu la rivoltà si karmava jdda hajva pigliari maritu pi lu beni di lu Regnu, ma un hajva a lassari la sovranità, lu futuru maritu ajva accittari sta cuntizioni. Violetta era cu li lacrimi pirchì capiva ca chidda era l urtima vota chi vidiva a la matri. La riggina Catarina jì ncontru a li rivultusi. Comu la vittiru si firmaru, puru si lu consiglieri diciva di ammazzalla. -Firmativi! Pi lu beni ca la corona v ha fattu, datimi quarche mumentu e vi dugnu prova di comu scumparì lu nostru amatu re Javan. Lu populu armatu di faci, vastuna e furcuna ancumincià a diri ca era justu daricci lu modu di parlari.

11 La riggina Catarina navanzi la figlia ca la taljava da lu finistruni e di tutti li rivultusi cu lu consiglieri chi s agitava e li guardi di la curuna pronti cu l armi a la manu, piglià l occhiala di la viritati opachi com eranu li fici avvidiri a tutti e spiegà ogni cosa, po si li misi. Vittiru prima la riggina tantiari na lu vacanti po si ci stampà un surrisu nna li labbra e ancumincià a sullivarisi di nterra, pariva ca cu tutti e dui li mani abbrazzava a quarcunu. Nni un mumentu vittiru ca si fici in tanti pezzura e chiddi pezzura in autri pezzura ancora cchiù nichi e po sempri cchiù nichi finu a quannu sinteru na speci di suspiru e la curuna, la vesti e li lenti caderu nterra e un vittiru cchiù nenti. Mentri la riggina Viuletta chiangì e jttà na vuci: -Matri! Lu populu fici un sursurttu Ooooh!. Comu si ripigliaru tutti vittiru ca lu capu consiglieri di corti si nni stava jennu a la muta e a la surda, subbitu l affirraru e ci nni tuccà un pezziceddu l unu. Viuletta, sintiva lu patri e la matri vicini e si cunfurtava, piglià li tri lenti di Sonopriu e l ammuccià nni un postu unni idda sulu lu sapiva. Dopu accittà comu maritu un pirincipi sacirdoti di la Persia. Viuletta fu na riggina digna di lu patrie la matri, guvirnà cu saggizza pi tanti e tanti anni. Da ddu mumentu lu Regnu d Oltri happi sulu riggini e fici na vita filici e cuntenti pi tanti e tanti anni ancora. Fini

12 TRADUZIONE GLI OCCHIALI DELLA VERITA Si racconta che nell antico e felice Regno d Oltre, il re Javan si è svegliato una mattina iniziando a guardare in maniera strana la regina Caterina e a chi gli capitava sotto tiro, insultandoli con parole sconce. Non si trovava il modo di come farlo calmare, gridava a più non posso e vedeva delle cose che non corrispondevano al vero. Il suo fedele servo, povero Tano, mentre cercava di convincerlo per abbigliarlo come era giusto, è stato afferrato al collo e lo stava affogando, è riuscito a svincolarsi e fuggendo si salvò, proprio per un pelo non ci rimaneva ucciso. Un giorno mentre il re andava sfregandosi per i muri chiamò la regina: -Caterina! Caterina! -Maestà, ha bisogno di qualcosa? -Ma tu non sei la mia regina. Vattene! Vattene! La regina, tapina, voleva tenere nascosto questo stato di salute del re, per la paura che venutosi a sapere nel Regno si potevano scatenare dei disordini, ma a questo punto occorreva un aiuto, così è stata costretta chiamare a Bartolomeo, il più importante medico di tutto il Regno, informarlo di tutto e così costatava cosa aveva il povero marito. Il professore Bartolomeo è accorso, non appena arrivato gli fu fatto giurare dalla regina di mantenere il segreto, pena la testa mozzata. Il medico si presentò davanti al re facendogli un profondo inchino: -Maestà sono venuto al suo cospetto per chiedergli il permesso di fare una ricerca di certe erbe medicinali che crescono proprio nei suoi possedimenti. -Non voglio topi giganti nel mio Regno! Fuori di qui! -Maestà, ma io sono un uomo come voi, io non sono un topo! -Guardie! Guardie! Prendetelo e gettatelo nella più remota cella del mio carcere! Togliete dal mio cospetto questo topaccio! Il povero professore Bartolomeo è finito rinchiuso e nessuno lo poteva liberare perché era un ordine sovrano. La regina gli portava le migliore pietanze e gli chiese cosa avesse il marito. -Maestà, il nostro re, con rispetto parlando, è stato preso dalla Follia! E come una malia nella mente e non gli permette di vedere le cose come stanno veramente, ma storpiate come le pare e piace ad essa. La Follia è una divinità e pertanto piùà forte di noi uomini. -Che rimedio c è? -Non c è nessun rimedio!

13 La regina Caterina è caduta nello sconforto, diceva tra se e se: Povero amato marito, mio re! Bello ed intelligente ridotto in questo malo modo! Persino il viso è trasfigurato!. Ormai non si metteva più al suo cospetto, lo guardava di nascosto da un piccolo spioncino e piangeva con lacrime di fuoco. La vecchia Nora, era la governante che aveva fatto pure da baia alla regina, così affezionata che sua maestà l ha voluta con lei quando andò via perché si era sposata, così era stata sempre con lei, e provava una gran pena e stava in pensiero per quella situazione. Pensa che ti ripensa le è venuto in mente che nel Regno di Trinacria, da dove loro venivano, aveva sentito parlare di un sapiente che conosceva ogni risposta ad ogni domanda, così lo disse subito alla sua regina. -Dimmi come si chiama? -Non lo ricordo, ormai mi sono fatta vecchia -Nora lo devi ricordare! Per il bene che mi vuoi, lo devi ricordare! La governante si è messa le mani ai capelli e incominciò a pensare, pensò così tanto che le è venuto il mal di testa e le restavo i capelli tra le dita. Incominciò a ricordare quando è stato che aveva sentito parlare di questo sapiente, quando lei era piccolina, si ricordò che dicevano che non si conosceva quanti anni avesse veramente, che abitava nelle montagne in una grotta, che era uno dei sette sapienti più grandi di tutto il Mondo e di tutti i tempi. Pensa che ti ripensa, dopo tre giorni le è venuto alla mente il nome e le è sembrato come se si fosse sgravata: Sofronio!. La regina non appena è venuta a conoscenza del nome ordinò alla squadra dei sette più valorosi cavalieri di tutto il Regno di Oltre, di andare nel Regno di Trinacria a cercare Sofronio ovunque! -Non tornate senza Sofronio! Sono partiti come il vento sopra i più potenti cavalli. Arrivati in riva al mare presero il veliero più veloce e lo attraversarono, dopo sette giorni e stette notti sbarcarono nella magnifica città di Siracusa. Chiesero del sapiente ma nessuno sapeva qualcosa. Senza farsi prendere dallo sconforto si sono addentrati verso le campagne e si divisero nelle varie direzioni. Ognuno di loro aveva un sacco pieno di monete d oro e a chi ci davano un semplice indizio lo pagavano con quelle. E stato proprio quell oro che ha aperto tante porte, fatto trovare tante strade e fare venire alla mente tanti ricordi. Dopo sette lune lo trovarono! Mentre mangiava erba dentro una tomba antica in un pizzo di montagna, con i capelli e la barba canuti e lunghissimi. -Sei tu il sapiente Sofronio? -Cosa vuoi che ti dica, sono io e non sono io! -se sei tu, ti facciamo ricco, ti daremo tanto oro quanto pesi. -E allora non state cercando me.

14 Uno dei sette cavalieri si fece avanti e gli disse che con le buone maniere oppure con la forza doveva andare con loro. -Con le buone maniere non ci vengo, quindi mi potete anche uccidere! Il più giovane tra di loro disse a gli altri cavalieri di lasciare lui e andarsene via perché voleva provare a convincerlo. Così hanno fatto. Il giovane cavaliere mangiò erba con lui, respirò la stessa aria e dormi nello stesso letto di pietra, gli ha raccontato tutto, l apprensione della regina e il pericolo del Regno. Una mattina il vecchio sapiente era già pronto e gli disse: -Sono io Sofronio, adiamo! La regina Caterina non ci sperava più. Una loggia di consiglieri volevano impossessarsi del Regno e cercavo in tutti i modi di conferire con il re e così smascherare la Follia che lo costringeva a non ragionare più. Quando udì i trombettieri che suonarono i sette squilli di tromba, andò a vedere ed ha visto i sette cavalieri con il vecchio sapiente mentre passavano il ponte levatoio del castello, si è sentita rinascere. Sofronio, non ha voluto nemmeno riposarsi un solo momento e dopo aver visto il re Javan mentre era sopra il trono che gridava perché vedeva intorno a lui una lava di fuoco ed aveva paura di bruciarsi, ha dato la stessa diagnosi del professore Bartolomeo, così disse alla regina: -L unico rimedio per il re è fargli tornare la vista della verità. -E come si può fare? -Si devono costruire degli occhiali appositi. Gli occhiali della verità. Farglieli indossare e così lui vedrà la realtà attorno e non quello che gli fa vedere la Follia. La regina entusiasta spingeva le parole gesticolando: -Fai questi occhiali! -Eh Non è facile. Ci vuole il cristallo delle stelle cadenti. Ora, o si aspetta la prossima stella che cade, non si sa quando, oppure dobbiamo andare nella Grande Russia dove ne è caduta una in mezzo alla neve nelle montagne. Per farla breve i sette cavalieri e il vecchio sapiente, senza nemmeno riposarsi, si sono partiti per la Grande Russia. Quanti pericoli! Sono stati attaccati prima da un branco di lupi e poi dagli orsi, si sono scontrati con una banda di cosacchi, hanno dovuto superare le montagne, i fiumi e tanta e tanta neve. Quando Sofronio, che di tanto in tanto consultava il luogo in un libro antico, disse loro di scavare, hanno trovato una roccia e spaccandola dentro c era un cristallo di un cafiso 1, bastava riflettere una piccola luce e sembrava che il suo cuore fosse acceso. Così presero la via del ritorno. 1 Un Cafisu è pari a 10 Rotuli. Il rotolo siciliano è di Kg 0,

15 Quando arrivarono al Regno d Oltre hanno visto miseria su miseria, la gente che piangeva, sembrava come se ci fosse stata la peste. Quando arrivarono al castello non vi furono ne suoni di tromba ad accoglierli e nessun altro ad aspettarli. Hanno cercato la regina, se ne stava chiusa nel suo appartamento come se fosse una prigioniera. Allora il capo dei sette cavalieri trovò la governante le chiese cosa fosse mai successo. La governante con il cuore afflitto raccontò che i consiglieri del Regno hanno preso di mira il re e lo hanno fatto dichiarare incapace di intendere e di volere, così hanno preso il potere loro. Incominciarono a spremere il popolo con tassi e tassi e chi non poteva pagare gli toglievano le proprietà e li rendevano schiavi, chi si ribellava li arrestavano, ai sobillatori toccava la pena capitale e tagliavano la testa nelle pubbliche piazze dei vari paesi, oppure l impiccavano e tenevano esposti i loro corpi per giorni e giorni come monito per gli altri sudditi. -Non vi fate vedere perché siete stati dichiarati nemici del Regno d Oltre. La regina come è stata informata si abbigliò da popolana ed andò ad incontrarli nel bosco. -Non ci dobbiamo arrendere! Sonofrio cosa hai bisogno per fare gli occhiali? -Ho bisogno una forgia, gli attrezzi necessari e del tempo. -Fai una lista così Nora te li procura immediatamente. I sette cavalieri e il sapiente si sono nascosti in grande segreti in una casa nel bosco. Sonofrio incominciò a limare quel cristallo, aiutato dalla forgia, si costruiva gli attrezzi necessari, fino a quando finalmente sono stati costruiti gli occhiali della verità! Questi occhiali avevano una montatura di ferro con una cigna di pelle che si chiudeva con un catenaccio dietro e le lenti erano opache. Poi ne costruì un altro paio con le lenti un po più chiare e un altro ancora questa volta completamente trasparenti. Arrivò il giorno che Sonofrio consegnò gli occhiali alla regina: -Maestà, questi tre paia d occhiali li ho costruiti per l evenienza, quelle trasparenti sono di grado basso, sono le lenti della ragione, quelli meno chiari sono di grado più forti, sono le lenti della realtà, le opache sono per vedere la verità così com è! Al re dovete mettere quelli trasparenti, perché la troppa verità è peggio della Follia. Mentre lui dorme glieli mettete e tenetevi la chiave, nascondetela, perché la prima cosa che lui vuole fare è togliersi gli occhiali. Fatevi aiutare dai vostri cavalieri, usate pure la forza se occorre, perché per il suo bene e quello del Regno. Con queste lenti vede le cose come sono realmente e tutto ritornerà a suo posto. Il re pure nel sonno era irrequieto e tirava pugni e pedate nell aria gridando a più non posso. La regina è entrata nel suo appartamento e diede ordine ai sette cavalieri di tenerlo con la forza e mettergli gli occhiali. La Follia gli dava un vigore

16 sovraumano e nonostante i sette cavalieri erano gli omini più valorosi del Regno d Oltre stavano per essere sopraffatti dal re, I consiglieri, che avevano le loro spie dentro il castello, hanno spauto di tutto questo rumore nell appartamento del re così si partirono con un gruppo di soldati fidati con la motivazione di difendere la corona. Contemporaneamente i cavalieri hanno avuto la meglio riuscendo a mettere quegli occhiali, la regina pronta mise il catenaccio e nascose la chiave tra il seno. Quando i soldati sfondarono la porta e sono entrati dentro con le spade in mano con tutti i consiglieri, pure i cavalieri sguainarono le loro, erano l uno contro l altro. Il consigliere capo disse con voce imponente: -Maestà sono venuto a liberarvi da questo agguato ordito dalla vostra regina. Arrestate i sette cavalieri e la regina! Il re Javan si toccava la testa, si alzò a metà letto e guardava tutti, uno per uno, poi alzò la mano destra e disse: -Fermi! A quell ordine tutti fecero un passo indietro. Allora il capo consigliere, che ora il re ha visto nella realtà con l 0abito di seta ornato di collane e bracciali d oro, con un cappello lungo due palmi 2 con tutta la punta, tutto tempestato di pietre preziose, lui disse al re, inginocchiandosi: -Re Javan ogni vostro ordine per noi e legge! Il re preso lo scettro in mano glielo puntò contro dicendogli: -Tu sei più traditore di tutti, hai approfittato della mia malattia per farti gli affari tuoi riducendo il Regno alla schiavitù! Poi lo girò a tutti gli altri consiglieri e disse a loro: -Voi siete peggio di lui, perché avete lasciato fare per ricavarne il vostro profitto. Tutti si spaventarono e stavano per fuggire, ma i sette cavalieri gli hanno ostacolato la fuga mettendosi davanti l uscita. -Voi soldati che siete stati agli ordini, vi comando di arrestare i consiglieri. Immediatamente i soldati puntarono contro di loro le armi e comandati da due dei cavalieri furono condotti nelle segrete. La regina gli spiegò ogni cosa e il re ha compreso tutto così la ringraziò e se la strinse a se. -Voglio conoscere questo sapiente Sonofrio! Si partirono altri due cavalieri per andarlo a cercare, ma non c era più, se ne era andato alla chetichella. 2 Il palmo (Parmu) è una unità di misura fondamentale siciliana ed è pari a cm. 25,80978.

17 L indomani mattino fu dato un bando in tutto il Regno dove si invitavano tutti i sudditi a partecipare al pubblico processo dei consiglieri di corte. Sono stati impegnati cento tamburini con cento banditori per ogni contrada, paese dopo paese. Ascoltate! Ascoltate! Ascoltate!! Per volere del re Javan!! Ogni suddito si deve presentare lu tri di marzu!! Davanti il castello reale! Per assistere al processo pubblico ai consiglieri di corte!! Accusati di abuso di potere!! Passò una luna ed arrivò il tre di marzo, prima delle luci dell alba arrivavano sudditi d ogni parte, chi sopra le carette, chi a cavallo le loro bestie e molti altri a piedi. Uomini, donne, vecchi e bambini, tutto il popolo del Regno d Oltre era lì presente. Dopo il fossato accanto al ponte levatoio è stato allestito un grande palco con bandiere verdi e con una arca d orata. Questa era l insegna del re e la bandiera del Regno. Quando fu l ora in un carro trainato da otto buoi, vi erano rinchiusi i consiglieri, messi afflitti con gli occhi a terra. Dopo che cento trombe suonarono nell aria da sopra i merli del castello, uscì il re Javan con la regina Caterina accanto e i sette cavalieri pronti a dare la vita per difenderli contro qualsiasi pericolo. Il re Javan a indetto l amnistia per tutti i carcerati e furono immediatamente liberati, cancellò ogni debito, sia verso la corona che verso i privati di ogni suddito, tutti gli averi e i possedimenti dei consiglieri e parte del tesoro del Regno, sono stati divisi ad ogni suddito. Non vi erano più schiavi e neanche sottostanti e per un anno non si pagava gabella 3 per le terre e neanche altre tasse di altro genere. Per il Regno d Oltre iniziava una vita nuova. Il popolo tutto esultava. Quando poi si arrivò ad emettere la condanna dei consiglieri, tutto il popolo era una sola voce: -Morte! Morte! Il re si alzò e tutti si zittirono. -Dopo avere definita e attestata la colpa di tutti i consiglieri della corte, la condanna definitiva è la libertà! Liberateli subito! Il popolo sembrò il mare d inverno che si agitava fra gli scogli, un mormorio di no generale. Il re alzò un altra volta le mani e subito tutti si sono ammutoliti: -Il perdono dato a loro deve servirci a tutti noi per fare di questo Regno un luogo di pace! Sono passati anni di prosperità in tutto il Regno, tutti erano felici! Tutti erano felici tranne il re, povero re si sentiva prigioniero con quegli occhiali della ragione. 3 Forma di tassazione usata nel medioevo, in Sicilia fino la metà del secolo passato dai vari baroni.

18 Diceva alla sua regina di sentire una forza chiusa dentro che voleva scatenarsi, liberare. -Mi sento prigioniero dalla ragione fatta di mura. Tra me e te c è un muro! Dentro la mia mente ci sono tanti mura dove ogni mio perché ci va a battere senza risposta. Se la mia vita deve essere per sempre così preferisco morire. La regina, che amava veramente il suo re, decise di fare un patto con lui: -Io ti libero dagli occhiali, solo se ti fai rinchiudere in una stanza per il tempo che non li indossi, dopo un giorno e una notte, con l aiuto dei sette cavalieri te li rimettiamo e puoi uscire di nuovo. Il re è stato d accordo e in gran segreto hanno fatto in questo modo. Non appena la regina Caterina gli tolse gli occhiali ha avuto a malapena il tempo di uscire e il re Javan girò gli occhi e incominciò a battere la porta, ad insultare a tutti con parole così indecenti che non si erano mai ascoltate, sembro un licantropo scatenato. Cosa è mai questa Follia? Pensava la regina impaurita. Quando poi gli rifurono messi gli occhiali di Sonofrio il re Javan tornò calmo come prima. Passarono così degli anni e parlando e discutendo la regina Caterina gli disse tutta la verità su l esistenza degli altri occhiali. Il re dopo qualche giorno che ci pensò su, disse alla moglie che li voleva provare. La regina si contrapponeva dicendo che non si conosceva il loro pericolo, ma vedendo l infelicità del marito ha ceduto, nutriva dentro se la speranza di portare un po di serenità nell animo del re. Lei pensava che se Sonofrio li ha costruiti un motivo ci doveva essere. Quando il re ha avuto messi gli occhiali di più gradi, si è seduto a terra incrociando le gambi e restò fermo e muto per ore e ore. Lu hanno lasciato in quella posizione, aveva il viso sereno, gli occhi si vedevano a malapena ed erano lucenti. Quando si alzò ha voluto il mantello, la corona, cavalcò il suo cavallo bianco e scortato da i sette cavalieri ha voluto visitare tutto il Regno. Da dove passava il popolo lo acclamava, per le leggi giuste che aveva emanate e per la giustizia amministrata con sapienza. Il re, grazie a gli occhiali di Sonofrio, vedeva il vero colpevole e il vero innocente, così non capitava mai un verdetto ingiusto. Per girare tutto il Regno ci sono voluti dieci lune 4. Quando tornò abbracciò la sua regina Caterina e le disse: -Voglio un erede! Si trasferirono nell Isola Fiorita dove cresceva ogni genere di fiore in ogni momento dell anno. Sono rimasti nella propria intimità fin quando la natura non ha fatto il suo corso, tornarono così con una meravigliosa bambina che chiamarono Violetta perché è stata concepita sopra un prato di viole. 4 Ogni ciclo lunare corrisponde ad un "mese sinodico", pari a circa 29 giorni e mezzo. Quindi il re Javan trascorse circa 305 giorni.

19 Il re Javan si appassionò alle stelle del cielo, allo studio di ogni cosa, era diventato un sapiente tanto che le genti da ogni parte del Mondo lo venivano a trovare per ascoltare la sua opinione. Quando la regina gli toglieva gli occhiali scatenava la Follia che aveva dentro, sfogava il nervosismo battendosi nei muri e gridando come un toro. Dopo tanto tempo la malinconia prendeva di nuovo il povero re, quella conoscenza non era sufficiente a farlo sentire libero, e un re che non si sente libero è come se fosse l ultimo dei suoi sudditi! E allora con parole dolce le chiese alla regina gli altri occhiali, i più potenti, quelli della verità. La regina tapina, diceva di no, pensava alle parole di Sonofrio: la troppa verità è peggio della Follia! Ma il re non mollava e le toccava il cuore. Giorno e notte era diventato un tormento, fino a quando la regina ha ceduto, così quando toccò il turno di scatenare la Follia, gli hanno fatto indossare quelli opachi della verità nuda e cruda. Il re Javan non appena ha avuto quegli occhiali fece un urlo: -Non vedo niente! Sono al buio Dopo si mise a guardare attorno e con le mani sembrava cercare qualcosa a destra e a sinistra, stava in silenzio, sembrava che provasse stupore per ciò che vedeva. La regina gli chiese: -Che vedi Javan? -Attimi di luce qua e là Ad un certo momento il re incominciò a lievitare da terra, era sospeso in aria tre palmi. Quando la regina e i sette cavalieri hanno visto questo fenomeno inaspettato e inimmaginabile rimasero con occhi e bocca aperta. Ma la vera sorpresa doveva ancora avvenire. Il re si divise in tante parti e quelle parti in altre parti ancora più piccole e poi sempre più piccole fino a quando udirono una specie di sospiro e videro la corona, le vesti e gli occhiali cadere a terra e del re non vi era più altro. La regina fece un urlo di disperazione: -Javan!! I sette cavalieri sono rimasti a fissare il punto dove il lorro re era scomparso! Regnò Violetta con la reggenza della madre, fino alla sua maggiore età fissata a sedici e prese tutta la sovranità. Era la prima volta della storia del Regno d Oltre che a governare sul suo trono ci fosse una donna. I pretendenti furono tanti a fare ambasciate per avere la sua mano, principi e re da ogni parte del Mondo, con doni preziosi di ogni genere. Ma la regina Violetta, era divenuta una donna non solo bellissima come una stella era intelligente e scaltra come un sapiente, non si decideva. Intanto la scomparsa del re Javan mise in giro qualche calunnia nel popolo, tanto che l ex capo consigliere di corte incominciò a dare forza a questa aggiungendo

20 ancor più qualche menzogna. Mise in giro che la regina aveva fatto rinchiudere in un posto segreto il re tanto amato per prendere il potere lei, complici i sette cavalieri e così seminava zizzania prima con un filo di voce poi sempre più forte: -Giustizia! Giustizia! Nelle locande del regno si aggiungevano sempre più persone, il capo consigliere offriva a tutti da bere birra e vino e così faceva dei veri e propri comizi. I sudditi si erano dimenticati tutto il bene del proprio re, e sembrava loro niente quello che avevano. Così il popolo una mattina scese in rivolta contro la casa regale, alla testa vi era l ex capo consigliere. Giunti al castello i sette cavalieri si misero davanti e nonostante erano gli eroi del popolo del Regno d Oltre, l odio seminato è stato tanto che sono stati travolti e ammazzati, dopo una cruenta lotta, una vera carneficina. La regina si recò dalla figlia e sui fece promettere di non disperarsi per quello che stava per fare e come la rivolta si fosse sedata, doveva prendere marito per il bene del regno, ma non doveva lasciare la sovranità, doveva accettare il pretendente a questa specifica condizione. Violetta piangeva perché aveva intuito che quella era l ultima volta che vedeva la madre viva. La regina Caterina andò incontro ai rivoltosi. Come la videro si sono fermati, nonostante l ex consigliere li incitava per ucciderla. -Fermatevi! Per il bene avuto dalla corona, datemi solo qualche attimo e vi darò prova di come è scomparso il nostro amato re Javan. Il popolo armato di falci, bastoni e forconi incominciò ad essere d accordo di dare modo alla regina di parlare. La regina Caterina davanti la figlia che assisteva dal balcone ogni cosa, da tutti i rivoltosi, l ex consigliere che si agitava e le guardie della corona pronti con le armi in mano, prese gli occhiali della verità con le lenti opache e li mostrò a tutti spiegando ogni cosa, poi le indossò. Hanno visto la regina prima guardare nel vuoto poi le si stampò un sorriso tra le labbra e incominciò a sollevarsi da terra, sembrava che con tutte le mani abbracciasse qualcuno. In un attimo videro che la regina si divise in tante parti e quelle parti in altre parti ancora più piccole e poi sempre più piccole fino a quando udirono una specie di sospiro e videro la corona, le vesti e gli occhiali cadere a terra e della regina madre non vi era più altro. Mentre la regina Violetta pianse urlando: -Madre! Il popolo all unisono fece un sussulto Ooooh!. Come si sono ripresi da quell evento straordinario videro che l ex capo consigliere di corte se ne stava andando quatto quatto, subito lo hanno afferrato e ne fecero scempio del suo corpo glie ne toccò un pezzettino ciascuno.

21 Violetta, sentiva il padre e la madre vicini ed era un conforto, prese i tre paia d occhiali di Sonfrio e li nascose in un posto dove solo lei sapeva. Dopo accettò la proposta di matrimonio di un principe sacerdote della Persia. Violetta è stata una regina degna del padre e della madre, governò con saggezza per tanti e tanti anni. Da quel momento il Regno d Oltre ha avuto sul trono solo regine e ha avuto una vita felice e di festa per tanti e tanti anni ancora. Fine