Salvatore Patatu: Fabulas imberrittadas Giovedì 14 Ottobre :10 - Ultimo aggiornamento Domenica 17 Ottobre :13

Dimensione: px

Iniziare la visualizzazioe della pagina:

Download "Salvatore Patatu: Fabulas imberrittadas Giovedì 14 Ottobre :10 - Ultimo aggiornamento Domenica 17 Ottobre :13"

Margherita Di Lorenzo
5 anni fa
Visualizzazioni

A partire dal Novembre prossimo, ogni primo giorno di mese pubblicheremo una 'fabula' tratta dal libro di Tore Patatu " Fabulas imberrittadas, edizioni Laino Libri, Sassari 2000.

1 A partire dal Novembre prossimo, ogni primo giorno di mese pubblicheremo una 'fabula' tratta dal libro di Tore Patatu " Fabulas imberrittadas, edizioni Laino Libri, Sassari L'autore vi ha rielaborato, liberamente e in lingua sarda, nove favole di Fedro, Esopo e Lafontaine, ambientandole in diversi paesi dell'anglona, regione storica della Sardegna settentrionale. Prima di ciascun racconto, l autore ha pensato di fare cosa utile riportando, con una brevissima nota, la favola nella sua stesura originale. Ogni favola è seguita da un questionario, che potrà essere di valido aiuto per chi, dedicandosi all'insegnamento della lingua sarda, volesse utilizzare il libro come antologia. 1 / 6

2 Seguono poi le traduzioni in italiano della favola originale e di quella imberritada. A tale riguardo, riteniamo utile, prima di procedere alla pubblicazione de 'sas fabulas', riportare la prefazione con la quale l'autore introduce alla lettura del libro. Che si apre con questa dedica, a noi particolarmente cara: (c.p.) Nel ricordo dolcissimo del mio caro nipote Giovanni Patatu 2 / 6

3 che rinnovava il nome e le virtù di mio padre. --- Prefassione Apo pensadu de iscrìere custu lìberu dae paritzos annos como. S'idea m'est bènnida dae cando fia istudente in sas iscolas superiores, chi m'apentaia a fàghere poesias satìricas in Sardu, impitende versos de sos poetes italianos, e latinos puru, pro leare in giru cumpanzos de iscola e professores isgeniados. Non resessia, però, a cumprèndere ite sensu podiat àere a reduire in sardu sas òberas de sos iscritores mannos Esopo, Fedro e La Fontaine. Apo sempre pensadu chi un'òbera literària devet èssere traduida in àtera limba, pro dare sa possibilidade de leghidura a chie non connoschet sa limba cun sa cale s'òbera est iscrita. 3 / 6

4 Ma custas folas sunt istadas reduidas in totu sas limbas, Italianu cumpresu. E chie connoschet su Sardu cumprendet bene meda puru s'italianu, limba in sa cale podet lèzere, si gia non l'at fatu in iscola, sas fàbulas clàssicas. No aiat cabu perunu, edducas, a las reduire in Sardu; cosa chi fit istada fata puru dae àteros iscritores innanti de me, a comintzare dae Pedru Casu. E tando, sighende su caràtere meu bugliante e satìrigu, apo pensadu de las intrepetare dae nou, addatèndelas a s'ambiente sardu ue deo so nàschidu e mi so fatu mannu. Las apo imberritadas, dèndelis un'assentu sardu in totu e pertotu e, giambèndelis puru sa morale, pius in sintonia cun sa naturalesa de nois anglonesos, logudoresos e tataresos, prontos a bugliare subra a calesisiat fatu e a giambare in risu finas avventuras trista e dramàticas. Una naturalesa e unu modellu de vida diversu dae su chi tzertos giornalistas e iscritores tèndent a propagandare, nende chi sos sardos semus ignorantes "introversos", pianghijolos, arretrados, secruestadores... e nde la sesso inoghe. Su sardu est irònicu, satìrigu, bugliante, prontu a girare in risu su chi naschet in piantu. Pro custu sunt istados inventados sos dicios de sas biddas chi in Anglona sunt: Nulvi brigadore, Martis traitore, Tzaramonte ladru, Laerru pompa, Perfugas pantza, Bulzi balente, Sèdini corra e Casteddu piogosu. Sos primos a bugliare subra ai custos paralùmenes semus nois abitantes dei custas biddas. Deo, pro esèmpiu, cando istudiaia in continente e andaia a mandigare in calchi ostera foras de Pisa cun calchi amigu, faghia de totu pro mi furare unu gingirigheddu de pagu contu e valore 4 / 6

5 pro difèndere e ammuntènnere sa fama de onestu tzaramontesu ladru. Sos de su casificiu de Nulvi ant giamadu Brigadore unu de sos mezus tipos de casu chi faghent. Custos dicios no est chi siant beros, ma naschent dae unu fundu de veridade. In Tzaramonte non fint pius ladros che in àteros logos, ma custa 'idda aiat (e at ancora, mancarri li manchet su territòriu tzèdidu a Erula) su territòriu pius mannu de tota s'anglona e pienu meda de iscolladorzos e percias. Edducas, a inie fit pius fàtzile a bi recuire, pro lu cuare, bestiàmine furadu... dae tzaramontesos e... dae àteros puru. Su nulvesu, pro caràtere est boghialtinu e, cando faeddat, paret brighende. In Perfugas s'abbuddaiant bene de melone e de sìndria e, daboi, andaiant a bìere a sa funtana de Calvai, un'abba latza e pesante, chi, pro ti catzare su sidis bisonzaiat de nde bìere unu fiascu. E, si b'annanghimus sa malària chi, tando bi fit a bèrtulas intreas, fit fàtzile a l'apitzigare su diciu de matimannu. E gai sighende in totu sas àteras biddas. Mi so permìtidu de orientare paritzas folas mias gioghende cun custos improvelzos de sas biddas, cun s'ispera chi nisciuna bidda s'ofendat. Niunu cheret pius bene de a mie a sa Sardigna e a sos sardos, sos anglonesos in particulare; e non dia mai fàghere nisciuna assione chi lis potat nòghere in calchi modu. E b'est puru de ammentare chi si unu resessit a bugliare subra a unu visciu o difetu sou, cheret nàrrere chi non bi creet. Unu si ofendet solu cando si li narat sa veridade. 5 / 6

6 Pro iscrìere su cuntènnidu ei sa trama de sas folas clàssicas, chi si aciapant in s'incomintzu de su contadu prima de sa fàbula imberritada, apo tratadu sa memòria mia. Est a nàrrere chi non so andadu a la lèzere in perunu lìberu, ma apo contadu su chi sa fantasia mia bundante de istudiante est resessidu a muntènnere in mente dae sos annos de sa gioventura. Apo postu, però, un'inzitu pro chie cheret torrare a las lèzere in s'edissione clàssica intrea. Sos cuestionàrios, chi bis sunt in finitia de onzi fàbula, podent èssere ùtiles a sos mastros pro insinzare su Sardu in sas iscolas, tratende su lìberu comente e una antologia. Sos cuestionàrios in italianu sunt diversos dae cussos in Sardu, ma li sunt cumplementares. Cfr. SALVATORE PATATU, Fabulas imberrittadas, ed, Laino Libri, Sassari 2000, pagg. 5-6 I disegni a corredo del testo e in copertina sono di Bonaria Mazzone. In copertina sono illustrati, da sinistra, Patatu, Esopo, Fedro e Lafontaine 6 / 6

Documenti analoghi

Limba sarda e istatutu. Tàtari 4 de Abrile 2013

Limba sarda e istatutu. Tàtari 4 de Abrile 2013 Limba sarda e istatutu Tàtari 4 de Abrile 2013 Un istatutu sena limba? (in sos 58 artìculos culos,, chi cumponent s Istatutu de autonomia regionale de sa Sardinia,, non bi nd at mancu unu ue si faeddet