Rabindranath Tagore. Poesias

Transcript

1 Rabindranath Tagore Poesias I Mi as fattu chena fine custa est sa volontade tua. Custa brocchitta dilicada la irbuidas onzi die e onzi die la prenes de vida sempre noa. Custu sulittu e canna as leadu pro addes e montes, intro e issu as suladu melodias sempre noas. Cando mi toccan sas manos tuas immortales custu coro si perdet in nd una cuntentesa chena lacanas e cantat melodias chi non poto cumprendere. In custas manos minoreddas falant sos donos tuos infinidos. Passat su tempus e tue sighis a bettare e, ancora, b at trettu e prenere. II Cando mi naras de cantare, su coro meu paret creppare de orgogliu VI Collit custu frore. Lealu. No isettes! Timo chi si sicchet e ruat in su pruere. No isco si ada podere agattare logu in sa corona tua, ma dali onore cun d unu carignu piedosu de sa manu e collilu. Timo chi finiscat sa die prima de minde ischidare e che colet s ora e s offertoriu. Mancari su colore est craru e lenu est su profumu

2 lea custu frore finzas chi b at tempus e collilu. XI Accàbbala e cantare sos innos tuos, de narrere sas oratziones! Chi est chi adoras in custu ungrone iscuru e ramingu de una cresia cun sas zannas tottu serradas? Aberi sos ogros e abbaida: non est inoghe su deus tuo. Est inue su massaiu arat sa terra tosta, inue su pedreri triballat in sa carrela. Est cun issos in su sole ed in s abba sas bestes suas sun prenas de pruere. Cazzadiche sa este sacra e falat cun issu in su pruere. Liberazione? E ue t impessas de agattare liberazione? Su deus tou ettottu at leadu subra e isse cun piaghere sos filos de sa creatzione e nos at ligadu a tottus pro sempre. Lassa sas tuas litanìas, abbandonat s incensu e sos frores tuos! Itte male b at si sas bestes tuas s imbruttana e s istrazzulana? Bae dae issu, ista cun issu in su triballu e in su suore. XII Pro tempus meda ada durare su viaggiu meu e longu est su caminu e faghere. So essidu cun su carru a manzanu chito e apo sighidu su viaggiu pro sos desertos de su mundu e apo lassadu s ormina mia subra medas istellas e pianetas. Sunu caminos isperdidos chi che leana accurzu a tie ettottu; e cun s istudiu prus duru chi si ottenidi

3 sa semplicidade de una melodia. Su viazzadore depet dumbulare a medas zannas istranzas pro arribare a sa sua, e bisonzat de viazzare pro tottu sos mundos de fora pro intrare a sa fine a su sacrariu prus segretu intro e su coro suo. Sos ogros mios sunt andados attesu prima e los serrare nande: «T apo agattadu!» Sa oghe e sa domanda: «Ue?» si iscazzada in sas lambrigas de milli rios e inundant su mundu cun sa seguransia: «Deo so!» XVIII Nues e nues si intreulant e iscurigada Prenda mia, proite mi lassas solu a isettare fora e sa zanna? Deo so in mesu a sa zente e mesudie triballande, ma in custa die niedda e raminga ses tue ebbia sa mia ispeme. Si non mi mustras sa cara tua, si mi lassas a un ala, comente ap a poder aliare custas oras de abba? Sa mirada s isperdet attesu in s iscurore e su chelu, e su coro meu si c andat lamentosu in su entu chi sulat chena pasu. XX Sa die chi at froridu s iscraria su sentidu miu che fit attesu e non minde so abbizzadu. Est irbuidu su canisteddu su frore est assolu. Solu, onzi tantu,

4 mi falaiat sa tristesa; mind ischidaio a corpu, e intendiat unu fragu durche in su entu e bassu. Cussa specie e durchesa mi faghiat male e mi pariat variazioni sul tema: V (da pag. 43) Permitti chi mi sezza pro un'iscutta accurzu a tie. Sa faina chi so faghinde l'appa a finire prus a tardu. Attesu dae sa cara tua no agato pasu e reposu e su triballu paret una pena chena fine un d'unu mar'e dolore. Oe s'istiu est bennidu a su braccone meu con sos sussurros e sos suspiros suoso. Sas abes faghent VI (da pag. 44) Boddilu custu frore e leadichelu. No isettese! Timo chi si che sicchede e chi ruada in su pruere. No isco si ada podere agattare logu in sa ghirlanda tua, ma onoralu cun sa manu tua e leadichelu. Timo chi si che andet sa die prima de minde ischidare e passet s'ora 'e s'offertoriu. Finzas si su color'est no est forte e su profumu est lebiu boddindelu custu frore finzas a cando b'at tempus e leadichelu.

5 XI (Da pag. 49) Accabbachela a una bona 'orta 'e cantare custos innos, de rezitare custas oraziones! Ma a chie est chi adorasa in custu ungrone iscuru e solitariu. It'est custu logu lussuosu ue ista imbrenugadu cun sas zannas serradas? Abberi cussas zannas e sos braccones, abberi sos ogros e appompia 'ene a fora: no est inoghe no! su Deus tuo. Est inue su massazzu arat sa terra tosta, ue su piccapedreri segat sas roccas. ue su pastore attendet su bestiamine. Ma no in cue ebbia: Deus est in sas fabbricas, in sas iscolas, in sas minieras, in sos ispidales, Est cun issos Deus, in carrela, in montes, sutta su sole istremenadu e sutta s'aba. Sos bestires sunt istrazzulados e bruttos. Leadichela cussa este galana e fala cun issos in su pruere. Lassa sas meditaziones lassa s'incensu e sos frores in sos altares! Ite male b'ada si sas bestes tuas s'imbruttana e s'istrazzulana? Non fit Deus puru estidu 'e istrazzos? Bae cun issos! Ista paris cun issos in su triballu e in su suore in su dolore e in su prantu. Tando, forzis, abberu asa agattare a Deus, e Deus, tando, forzis, ada agattare a tie.