A Barore Sassu e a Barore Tuccone

Transcript

1 A Barore Sassu Barore ses che sole in sa tempesta de lughe dende s ultimu ispiragliu e como chi ses betzu frimmu resta, c a d-ogni frase faghes un isbagliu; as bidu in sas piantas de foresta chi ogni tantu faghen unu tagliu; e nde segan sas betzas totu cantas pro chi crescan sas atteras piantas.

2 A Barore Sassu e a Barore Tuccone Cando bessidos sezis a sas galas nde sun rutos sos mannos cantores, comente a nois lu fizis minores da ch a bolare ispartu azis sas alas; e como chi no azis pius valore no rispondides cun peraulas malas. Si sezis rutos goi in cust istadu est sa matessi paga chi azis dadu.

3 A Onifai A tie, terra mia, in tantu amore che puzone a su nidu torro onz'annu. Happo a torrare sempre senza ingannu pro cantu mi dat vida su Signore. Ses una idda povera e minore ma tenes unu coro riccu e mannu. T'auguro chi mai tenzas dannu in su tempus presente e benidore. Pro s'operare tou onestu e sanu, pro s'ospitalidade genuina, ammirare ti faghes dae sa zente. Si puru dae te che so luntanu onzi momentu ti tenzo vicina, inserrada in su coro e in sa mente.

4 A Mama Mama, oe cumpresu l'happo ebbia cantu pro me patidu has e penadu, isco cantu sintzera m'has amadu e cantu m'has amare, mama mia. Cun sa oghe piena de armonia cantas dies e nottes m'has ninnadu e cantas dulches caretzas mhas dadu cando minore in bratzos tuos fia. Imparende appena a faeddare, cun su coro felitze in tanta brama, mi has intesu "Mama!" murmurare. Poi chi finit su terrenu drama s'ultima oghe prima de ispirare hat a esser pro te ancora, Mama!

5 Maria canta fama e canta gloria Moda di Berbardo Zizi cantata nella gara poetica tenutasi a Nurallao dal 15 al 20 agosto 1974 in occasione della festa della Madonna della Strada Maria canta fama e canta gloria Has tentu in d'ogni altare beneittu E cantas lodes ancora ti dana Pro te in vinti seculos de istoria Hana sas menzus paginas iscrittu De paradisu immortale sovrana Salvese tottu sa genia umana Eterna mama e su santu messia Pro su cale penadu hasa e piantu Dae Betlemme a su monte e Golgotta Salvese sa genia umana totta Eterna mama e su santu messia Salvese totta s'umana genia Eterna mama e su messia santu Pro su cale penadu hasa e piantu De Betlemme a su Golgotta monte Una istella non b'hada in s'orizzonte Chi done che a tie lughe bella In s orizzonte non b'hada un'istella Chi done lughe bella che a tie Sos anghelos festosos d'ogni die Innos de amore divinu intonana Sos santos che reina t'incoronana E ti cantana osanna tottugantos Diletta fizza e Gioacchinu e Anna Isbocciada che rosa in Palestina Sos santos t'incoronas che reina E ti cantana osanna tottugantos Reina t'incoronana sos santos E tottugantos ti cantana osanna Diletta fizza e Gioacchinu e Anna In Palestina isbocciada che rosa De Giuseppe fidele casta isposa Su modellu de Deus creadore Maria canta fama e canta gloria Has tentu in d'ogni altare ecc. ecc... Innos t'intonan de divinu amore Bestida in d'unu mantu e risplendore E a sas altas isferas ses partida Ue dominas, regnas e imperas

6 Assunta de su tou fizzu santu Estida de isplendore in dunu mantu E a sas altas isferas ses partida In d'unu mantu e isplendore estida Partida sese a s'altas isferas Ue dominas, regnas e imperas Assunta dae su santu fizzu tou Has de testamentu ezzu e nou Ch'has de su chelu sas giannas abertu Sos autistas a tie hana isceltu E da oe t'invoccan d'ogni die Da chin su postu e guida si collocana Cando percurrene istradas e pistas A tie ti hana isceltu sos autistas E dae oe t'invoccan d'ogni die Sos autistas isceltu hana a tie E d'ogni tie dae oe t'invoccana Da chin su postu e guida si collocana Cando percurrin pistas e istradas Tra sas festas a tie dedicadas Nurallau cust'attera hasa aggiuntu Verginella immortale in d'ogni puntu Siada de cumpagnia e sentinella In d'ogni puntu immortale verginella Siada a sentinella e cumpagnia Su viaggiante accumpagna in sa via Beneigas sa idda ei sa campagna Su viaggiante in sa via accumpagna Sa idda ei sa campagna beneigas Manda in favore annadas amigas Pro su massaiu artigianu e pastore Manda annadas amigas in favore Pro su massaiu pastore e artigianu E faghe chi ognunu a chent'annos sanu Viva cun sa fortuna sempre in paghe Chi viva sempre in paghe e cun fortuna Sas domos lis bisites un a una Non nde lasses manc una ismentigadu Benes a presidente e committadu Chi organizzadu hana sa festa Intantu fino sa moda modesta Pedinde iscuscia a minores e mannos Chi m'azzis ascultadu cun passenzia Zente laboriosa sempre onesta Custa die Maria a sos chent'annos Connoscas in santa residenzia Prima chi lasse sa tua dimora Cuntentu de m'haer fattu preferenzia

7 Un'atteru saludu accett'ancora E bona notte e bona permanenzia.

8 Pro su numeru 7 cantende in Dolianova in su 1977 Finas sos iscrittores sun collegas in su numeru meu an su podere, e cando a sos piseddos ispiegas tzertos raccontos, faghen piaghere; de Barbablù cun sa sette muzeres sos istivales de sas sette legas: e ancora raccontos pius istranos Biancaneve cun sos sette nanos. Finimos custu tema in forma digna lassende totu sas rivalidades, finas s'isula nostra at in cunsigna de custu sette sas propriedades; tenimos in cust'isula 'e Sardigna una muntagna de sos sette frades: e sun ancora in terrinu sardu sas sette funtes de santu Nenardu.

9 A sa Madonna 'e s'istrada Isterrida Maria, canta fama e canta glòria as tentu in dogni altare beneittu e cantas lodes ancora ti dana; pro te in vinti sèculos d istòria ana sas menzus pàginas iscrittu de paradisu immortale sovrana. Salves tota sa genia umana, eterna Mama e su Santu Messia, pro su cale penadu as e piantu da Betlemme a su monte Golgota; salves sa genia umana tota, eterna Mama e su Santu Messia; salves tota s umana genia, eterna Mama e su Messia Santu; pro su cale penadu as e piantu da Betlemme a su Golgota monte. Un istella no b at in s orizonte chi donet che a Tie lunghe bella; in s orizonte no b at un istella chi donet lunghe bella che a Tie. Sos ànghelos festosos ogni die innos d amore divinu t intonan. Primu fiore Sos santos che reina t incoronan e ti cantan Osanna totucantos, diletta fiza e Gioachinu e Anna, isbocciada che rosa in Palestina; sos santos t incoronan che reina e ti cantan Osanna totucantos; che reina t incoronan sos santos, e totucantos ti cantan Osanna, diletta fiza e Gioachinu e Anna, in Palestina isbocciada che rosa; de Zuseppe fidele, casta isposa su modellu de Deus creadore. Segunda retroga Maria canta fama e canta glòria.. innos t intonan de divinu amore. Segundu fiore Bestida in-d-unu mantu e risplendore a sas altas isferas ses partida

10 ue dòminas, regnas e imperas Assunta dae su tou Fizu santu; bestida e risplendore in-d-unu mantu a sas altas isferas ses partida; in-d-unu mant e risplendore estida partida ses a sas altas isferas; ue dòminas, regnas e imperas Assunta dae su santu Fizu tou. As de su Testamentu bezzu e nou ca de su chelu as sa gianna abeltu. Sos autistas a Tie an isceltu e da oe t invocan ogni die dagh in su post e guida si collocan cando percurrin istradas e pistas; a Tie t an isceltu sos autistas da oe t invocan ogni die; sos autistas isceltu an a Tie e ogni die da oe t invocan; dagh in su postu e guida si collocan cando percurrin pistas e istradas; tra sas festas a Tie dedicadas, Nurallao, cust àter as aggiuntu. Verginella immortale, in dogni puntu sias de cumpagnia e sentinella; in dogni puntu, immortale Verginella, sias de sentinella e cumpagnia. Su viaggiante accumpagna in sa via Beneigas sa idda e sa campagna; su viaggiant in sa via accumpagna sa idda e sa campagna beneigas. Dispedida Manda in favore annadas amigas pro su massaju, artigianu e pastore; manda annadas amigas in favore pro su massaju, pastor e artigianu. Faghe ch ognunu a chent annos sanu vivat cun sa fortuna sempre in paghe chi a chent annos sanu ognunu faghe chi vivat sempre in paghe e cunfortadu. Sas domos lis visitas a un a una No nde lasses mancunu ismentigadu; benes a presidente e comitadu chi organizzadu an custa festa. Intantu fino sa moda modesta pedinde iscusa a minores e mannos chi m azis ascultadu cun passènzia, zente laboriosa, sempre onesta,

11 custa die Maria a sos chent annos connoscas in santa residenzia; prima chi lasse sa tua dimora cuntent e m aer fatu preferènzia un ateru saludu azzeta ancora e bona notte e bona permanènzia! Nurallao,

12 A sa Rundine Poesia in lingua Sarda dedicata a tutti gli Emigrati che sognano un giorno di poter tornare nella loro amata terra. Isterrida Rundinella dogni annu a primu eranu Festosa torras a su nidu amadu In sa runda in sa loza in su balcone E comente una calda strinta e manu A cussos muros chi t ana ospitadu Intonasa un arcanica cantone. O innotzente emigrante puzone Cantu assimizas a sa sarda zente Chi fora a chentinaias e a mizas S isula bella ammentana ogn istante. O innotzente puzone emigrante Cantu assimizas a sa sarda zente O emigrante puzone innotzente Cant a sa sarda zente t assimizas Chi fora a chentinaias e a mizas S isula bella dogn istante ammentana E solu s isperantzia alimentana De torrare a su caru nid insoro. Primu fiore Che a tie cun bramas in su coro Dian cherrer olare dogni die A sas famiglias pro s ider umpare Fizos isposas e babboso e mamas. Che a tie in coro cun sas bramas Dian cherrer olare dogni die Cun sas bramas in coro che a tie Dian cherrer dogni die olare A sas famiglias pro s ider umpare Babbos e fizos mamas e isposas Pro godire de nou oras festosas Poi chi tantu tempus an patidu. Segunda retroga Rundinella dogni annu a primu eranu.. De torrare a s insoro caru nidu. Segundu fiore Ocannu puru rundinella as bidu Su destinu e sos sardos cant est duru

13 Peregrinende in anzenu terrinu Sognende un aurora pius bella. As bidu ocannu puru rundinella Su destinu e sos sardos cant est duru s bidu rundinella ocannu puru Cant est duru e sos sardos su destinu Peregrinende in anzenu terrinu Sognende pius bella un aurora In sa terra natale ue dogni ora Finas su sole risplendet pius giaru. Ultima retroga Rundinella dogni annu a primu eranu.. De torrare a s insoro nidu caru. Ultimu fiore Su manzanu su tou cantu raru In coro faghet nascher su piantu A sos piseddos ch in su lettu insoro Istan pensende a su babbu lontanu. Su tou cantu raru su manzanu Faghet nascher in coro su piantu Su manzanu su tou raru cantu Naschere faghet su piant in coro A sos piseddos ch in su lettu insoro A su babbu lontanu istan pensende. Beranos e beranos aspettende Chi torret cun sas rundines umpare Passende tottu a bolu terra e mare Veloce parti subra e ogni nue. O rundinella messaggera digna E pro su tempus ch istan a torrare A custos emigrados nd ati tue Sos saludos de totta sa Sardigna. All apparire della primavera tu, rondine, torni al vecchio nido sotto i tetti, sulle gronde, sui balconi e lo saluti con l antico canto. O migratore uccelletto, quanto somigli ai figli di Sardegna! Anche essi, a migliaia, dalle lontane terre, sognano di tornare al nido e come te volano per rivivere ore felici nell abbraccio dei più cari affetti, dopo aver a lungo penato. Anche ora tu, rondine, hai visto quanto è duro il destino dei Sardi che cercano il pane in terra straniera e sperano di veder presto l aurora della terra natale, ove anche il sole brilla più chiaro. I fanciulli, al mattino, udendo il tuo canto, pensano al padre lontano e sognano di rivederlo con te alla nuova primavera. Tu, rondinella degna messaggera, vola tra le nuvole, attraversa terra e mare e porta ai Sardi lontani il messaggio e l affetto di tutta la Sardegna.

14

15 A su Tirsu Isterrida De Buddusò s amenu altopianu Vida ti donat o distintu riu Da ue poi aviare ti dese A firmare in su Golfo d Oristanu Ninnende cun su tou mormuriu Sas provincias sardas totas trese. Sa vena pius bundante tue sese Che sambene vitale palpitante Ca flutuosu in sa zona centrale Curres de sa Sardigna in sa carena. Tue pius bundante ses sa vena Che sambene vitale palpitante Tue sa vena ses pius bundante Che palpitante sambene vitale Ca flutuosu in sa zona centrale Curres in sa carena e sa Sardigna Inue passas lassende in cunsigna Una funtana e richesa segura. Primu fiore Falas da-e su monte in pianura Impetuosu ispumante in alas In su tragitu tou maestosu Che arcu de onore est dogni ponte. Falas in pianura da su monte Impetuosu ispumante in alas In pianura da su monte falas In alas ispumante impetuosu In su tragitu tou maestosu Est dogni ponte che arcu d onore Inue tue che triunfadore Fieru passas de tanta grandesa. Segunda retroga De Buddusò s amenu altopianu. Una funtana e segura richesa. Segundu fiore De su Lagu Omodeu in sa distesa A s unda jara das ateru impreu E in sa Diga de Santa Chiara De s energia diventas su magu. In sa distesa e s Omodeu Lagu A s unda jara das ateru impreu

16 In sa distesa e su Lagu Omodeu Ateru impreu das a s unda jara E in sa Diga de Santa Chiara De s energia su magu diventas Sas potentes turbinas che alimentas A cust Isola intera lughe dana. Ultima retroga De Buddusò s amenu altopianu. De segura richesa una funtana. Ultimu fiore A su fiancu e sa fadiga umana In sos canales passas mai istancu E s unda tua benefica lassas Pro ortu pro giardinu e pro ispiga. A su fiancu e s umana fadiga In sos canales passas mai istancu De s umana fadiga a su fiancu In sos canales mai istancu passas E s unda tua benefica lassas Pro ortu pro ispiga e pro giardinu. Chilometros serenos de camminu Percursos in su tou interu tratu Chentu chimbanta nd inserras in sinu De sos cales ognunu ponet fatu Da ue nasches finas a su mare Inue t abandonas soddisfatu De su ch as dadu e de su ch as a dare. E deo a custu tou mormurare Oe miscio su meu umile cantu Pro poder dae coro saludare Sa Sardigna chi sempre istimo tantu.