Sardegna. della memoria. Collana diretta da. Romano Cannas. Gli Archivi. Gara poetica. Poesia. a cura di Paolo Pillonca

Transcript

1 Sardegna Gli Archivi della memoria Collana diretta da Romano Cannas Gara poetica a cura di Paolo Pillonca Poesia

2

3 Gli Archivi della memoria Collana diretta da Romano Cannas Comitato di esperti Pietro Clemente (coordinatore) Manlio Brigaglia Angelo De Murtas Maria Lai Ignazio Macchiarella Giacomo Mameli Giuseppe Marci Gianluigi Mattietti Gian Giacomo Ortu Paolo Pillonca Walter Racugno Paolo Scarnecchia Gian Nicola Spanu Ricerca e coordinamento dei documenti sonori Cristina Maccioni Stefania Martis Organizzazione Luciano Selis Produzione Enrico Loi (responsabile) Luciano Era Pierdamiano Marcialis Stefano Mulargia Letture Daniela Pettinau Segreteria Antonella Busia Maddalena Enna Bettina Murgia Fotografie Archivi di Rai Sardegna, Nino Busia, Giuseppe Podda e Giovanni Sanna Grafica e stampa Merella arti grafiche 2005 Rai Radiotelevisione Italiana - Viale Mazzini 14 - ROMA È vietata la riproduzione non autorizzata

4 Gara poetica a Bonarcado (24 Giugno 1979) durante la Festa di San Giovanni Battista tra Francesco Mura e Francesco Sale ESORDIO

5 Sigla. Introduzione e ambiente: preparazione alla gara Mura (1 6 ) In-d-unu tempus non tantu lontanu in Bonarcadu m an intesu e bidu cun Carta de Illorai manu-manu cando s ocasione mi as ofridu e oe po s eroe de su Giordanu ja chi m as tentu in contu e preferidu torro po ti nd atire, amada zente, aterunu saludu riverente. Sale (1 8 ) Bonarcadu, imponente costruidu ti ana in mesu e costa a bella vista. Mai a inoghe no che fia ennìdu ne comente istranzu e ne turista: mi as a prima ocannu preferidu po custa festa e Juanne Batista. Onorende su fizu e Lisabeta custu primu saludu meu atzeta. Mura (1 10 ) De su Batista po su festivale ch enzo, ch est protetore tou e mere, poninde in motu sa vena mentale

6 in su palcu fatende unu dovere. A su fiancu de Frantziscu Sale mi faghet veramente piaghere prite contat novellu in custa zona: isperamos de fagher gara ona. Sale (1 8 ) Ma comente cliente e che istranzu sempre a inoghe ses beninde, Mura, e cantas istasera a sa segura si ch as torradu a ponner su calcanzu: tantu cumprendo chi no as paura chi Sale ti lu diat unu anzu e no ti pones in mannos arriscos tantu est sa gara e sos duos Frantziscos. 4. Mura (1 1 ) Non penses chi cun rabbia m isfoghe initziende e sa gara s arcanu. An intesu sa mia umile oghe in Bonarcàdu da sende giovanu ma conta sas garas ch apo fatu inoghe cun sos didos de una sola manu. E persuasu sies e seguru: las contas totu e ti nd avantzat puru. Sale (1 12 )

7 Naras chi no che ses bénnidu assai a custa digna populatzione. Ma connòschene sa tua persone, si che torras no est unu guai: faghet invece a mie impressione puite no che so énnidu mai. E si sa sorte no podet intervènnere non so siguru si che torro a bènnere. 5. Mura (1 6 ) Mancu sas mias an a esser tantas garas comente improvisadore. No mi cuntentas mancari mi antas cherìndem aumentare su valore: tue est sa prima olta chi che cantas, tocat a tie a ti fagher onore ja chi ocannu abbeltu ti an sa polta po che torrare un ateruna olta. Sale (1 2 ) Dognunu cando pigat a sa gala de si fagher onore at sa idea ma est de sos poetas s istadea po chie a bolare abberit s ala ca si podet sentire e muta mala e tando essit una gara fea

8 6. 7. S istanote non bessit tantu bella tzeltu no m apo a fagher clientella. Mura (1 3 ) Sale, ses de sos palcos in s altura po chi sias bessidu a talda edade. Tenes poesiana abilidade, fatu cun totus as bella figura: a fiancu e sos donos de natura bi ponimos sa bona volontade ca si su versu iscurrèvole ch essit as a bier discreta chi resessit. Sale (1 6 ) S impignu amos a ponner puntuale comente as ja, Frantziscu, annuntziadu ca si so istanote isfoltunadu totu sas gulpas chi etan a Sale ca semus ambos in-d-unu juale chi tirare devimos un aradu e si no si cuntentat su padronu at a narrer: ma Sale no est bonu. Mura (56 ) As una bella otada cuncepidu, m as pienu su coro de allegria

9 In su campu e sa salda poesia tue puru a cantare ses naschidu. Deo cando a sas garas so essidu fatu su ch apo pòtidu apo ebbia chena ch essire da sa este fora: gai matessi so fatende ancora. Sale (58 ) Ma chie a cantare at uriolu cando che pigat de su parcu a susu si de sa mente no lu est confusu podet sos versos imbolare a bolu e non devet fagher su chi podet solu ma finas calchi cosa de piusu ca b istat bene a si fagher onore a costu puru e versare suore. 8. Mura (1 3 ) Igue diferentzia bi noto e si, Sale, lu negas tando est feu. Cun custu donu chi mi at dadu Deu cando camino a passu e cando a troto però cand apo fatu su chi poto isvoltu est sempre su còmpitu meu. E tue, sena la fagher noiosa, che deo faghe sa matessi cosa

10 Sale (1 9 ) Ma una cosa as a pensare solu: deo in sa realtade ti la noto. Ja no ti l ap a dare unu catzoto: po cussu no nde tenzas uriolu. Ma si mi palzo lentu andende a troto lu so dispostu a ch etare su olu poi a sa fine si at a discùrrere da chi sos caddos sun postos a cùrrere. 9. Mura (1 9 ) Da ch a su donu e natura risaltu isfogu das rispondo a dogni costu. Unu bellu cuntzetu mi as propostu, no si meritat a esser iscaltu però no ti che pighes tropu in altu: restare deves inue ti an postu. O Sale, ti l avelto in salda rima ca si no no bi arrivis a sa chima. Sale (1 5 ) Ma pensa, su poeta de una gala chi est dipostu e cantare continu. No s at sempre a sentire in muta mala si altzare si ponet in caminu: si mi ponzo a pigare in-d-un iscala

11 devo arrivare a s ùltimu gradinu. No so dipostu de restare a coa e si lu poto nde fato sa proa Mura (55 ) Ja mi piaghet su tou argumentu e de cussa manera sighi e canta. Però ti fato un avertimentu, Frantziscu Sale, da sana pianta: si ses collaudadu po chimbanta subra e palas no nde ponzas chentu ca ti faghet s ischina a un unchinu e podes ruer in mesu caminu. Sale (1 ) Ma però, Mura caru, ìstabi atentu chi bene postos sos dicios lu sunu e ti lu naro a momentu oportunu ca de Sardigna est unu documentu. Naran: inue bi nde campat chentu bi nde podet campare chentu e unu. E si bi pones unu chilu e piusu che lu podes etotu altzare a susu. Mura (1 7 ) Frantziscu Sale, cando abberis laras

12 no mi lu faghes su coro cuntentu. A risponder a mie ti preparas: bido chi jughes nòbile talentu ma però custos chentu chi mi naras poden esser famidos totas chentu. Si bi nde pones un àteru in afidu bi aggiunghes un àteru famidu. Sale (1 2 ) Ma ancora b insistimos in iscena ca bi ses insistinde tantu forte ca bi est cuddu in sa vida terrena chi de tenner su pane no at sorte: mezus sa entre esser mesu piena e no aer da su fàmene sa morte. Unu bìculu e pane si li as dadu pensa ateruna vida chi as salvadu. 12. Mura (1 2 ) 2 17 Però sa morte lassende la sias ca àteru nos ispetat, caru Sale. Tenes in mente bellas fantasias, das isfogu a su donu naturale però s insara no ammento male ponner a currer sos caddos cherias e sun bennidas sas ocasiones: 12

13 comintza a los pungher sos isprones. Sale (1 5 ) Si nde so arrivadu a custu giassu no so ènnidu certu a mi corcare. Ma Mura a mie est a fiancu e pare, pius de me a pena a pena est rassu però no nd isco si allegro su passu si che deo est in gradu e caminare ca a su pesu chi tenes mi nde abbizo chi si mi ponzo a currer ti cuizo. 13. Mura (1 7 ) A ti che pones sos dubbios fora, caru Sale, non fetas s atrividu. Mi chi prontu m agatas in dogn ora: po chi palza dormende so ischidu. Dae cando a cantare so essidu tue currinde no m as bidu ancora ma si mi bides ti nde meravizas: po ch andes lestru mai mi cuizas. Sale (1 6 ) Si cheres bi jogamos una carta e b avantzamos in s abba profunda. Deo apo su coraggiu in mesu s unda de poder caminare a vela isparta

14 e forsi inue deo ando in cuarta tue mancu caminas in sigunda e duncas si de currer as pidinu acontzamos su àrriu in caminu. 14. Mura (1 2 ) Caru Sale, ses sempre bussa-bussa po chi faeddes che sàbiu omìne. Non so ennìdu a ti dare una sussa: bogadinde da conca ogni pedine. Tue as sempre nadadu in abba fine, no ses abbituadu a s abba russa. S a s abba russa a ch intrare resessis si no ischis nadare no ndi essis. Sale (58 ) Deo in s abba russa che ando atesu ca connosco s istrada neta e giara. Ma però como mi pares ofesu po cantu naras a sa zente in cara: però non ti lamentes ca insara ses tue chi de pungher mi as pretesu. Ma nara coment est chi ti cuntentas: como ti so punghinde e ti lamentas Mura (1 1 )

15 Ja mi piaghen sas improvisadas ca faghes finas otavas maduras. Ma sas bideas sun totu isbagliadas e de su chi t aspetat non ti curas. Sas chi mi ses dende no sun punturas: po me cussas sun solu isfoetadas. E sas isfoetadas, caru Sale, ja l ischis tue chi no faghen male. Sale (1 2 ) Ma, Frantziscu, ite cheres chi ti fete como subra su palcu m ispiega. Tue chi m iste calmu mezus prega ca faghet male finas su foete: deo no dia cherrer che poete retzire colpos dae su collega ca po no esser da su collega ofesu su passu allegro e mi che avio atesu. 16. Mura (59 ) 2 8 Però no ti nde peses a pibios: custas no sunu penas ne dolores. Non ti soe ponzende in disafios ma poto narrer e no b at errores chi in su passadu sos collegas mios mi nd ana fatu e totu sos colores: 15

16 mi ch an iscontzu su ch aia tèssidu ma a lu torrare a fagher so reséssidu. Sale (57 ) Ma ite t an fatu sos collegas tuos? Forsi in briga colpos e murrunzu. Si a mie a brigare dan aunzu ja no mi resto frimmu a sos concluos ca si si proan a mi dare unu punzu lu so dispostu a nde torrare duos e a sa palte e subra mi che passo: ista seguru, iscuder no mi lasso. 17. Mura (1 8 ) Frantziscu Sale, che totus distintu ja podes esser, ma sena t illùdere. No so in chilca sa via e preclùdere sena t etare sas manos a chintu ma persuasu sias e cunvintu: t an iscutu e ti sighin a iscùdere. Colpos nd as a retzire pius de mizas, pius a prestu mancu ti nd abbizas. Sale (1 1 ) Mi nde poto abbizare chi so lanzu: si lu cheres ischire mi pregunta. Ma tue m asa nadu po aggiunta

17 chi dogni olta mi dan calchi anzu ma deo so che su espe terranzu: cando mi tocan nde ogo sa punta e si mi sighis gai in custa die so dispostu e la pungher fina a tie. Mura (58 ) 18. Ses comintzende a baltziare oghe 2 6 in custu tantu bellu festivale. Ma chelzo chi sos dubbios ti ch oghe deo no so in chilca e fagher male e poi no so ènnidu a inoghe a m isporcare sas manos cun Sale prite comente nde las apo atidas mi che las chelzo torrare pulidas. Sale (59 ) Ma una cosa ti fato a ischire: tue, Frantziscu, l as pensada male. No ch at de isporcare s ideale chi inoghe est s idea e las pulire ca si in manos as bisonzu e sale ti las pulis e las podes salire. Si b est cussa materia vicina no b atacat nemmancu sa muschina. Mura (1 3 ) 17

18 Ma a bite be-i torras dae nou ca si no che a prima est s intervenzo. Unu dovere po fagher chi enzo ti torr a narrer, non po fagher prou poi, Frantziscu, de su sale tou fin a oe bisonzu no nde tenzo. Pro chi no sia Sale conto Mura: resto comente m at fatu sa natura. Sale (1 5 ) No chirches de su sale s impiantu: mezus de che l ogare dae iscena. Bi nd at fina una parte in sardu cantu inue b at de natura una vena ma deo, pensa, pro me apo su tantu chi no nde poto dare a zente anzena. Si de natura no nd as tentu, creo, chi sia in gradu e ti nde dare deo? Mura (59 ) Ma po me pensamentu non ti lese s arrejonas cun sàbiu discussu. Ma sa finale faghimos palese s an preparadu un argumentu e lussu ma chelzo ischire ite sale sese si sale fine ses o sale russu

19 E as a esser de sale unu muntone ma no de su ch aiat Salomone. Sale (57 ) Si finimos su tema in bonumore deo puru in su parcu so po cussu. Como abbastantza nde amos discussu, pius non chelzo fagher un errore. Ma siat sale fine o sale russu tenet sempre su matessi sabore: fine o russu no tenet importantzia puite sempre est cudda sa sustantzia. 19

20 Gara poetica di Bonarcado Sigla. Introduzione e ambiente: preparazione alla gara Mura In-d-unu tempus non tantu lontanu... (1 6 ) Sale Bonarcadu, imponente costruidu... (1 8 ) Mura De su Batista po su festivale... (1 10 ) Sale Ma comente cliente e che istranzu... (1 8 ) Mura Non penses chi cun rabbia m isfoghe... (1 1 ) Sale Naras chi no che ses bènnidu assai... (1 12 ) Mura Mancu sas mias an a esser tantas... (1 6 ) Sale Dognunu cando pigat a sa gala... (1 2 ) Mura Sale, ses de sos palcos in s altura... (1 3 ) Sale S impignu amos a ponner puntuale... (1 6 ) Mura As una bella otada cuncepidu... (56 ) Sale Ma chie a cantare at uriolu... (58 ) Mura Igue diferentzia bi noto... (1 3 ) Sale Ma una cosa as a pensare solu... (1 9 ) Mura Da ch a su donu e natura risaltu... (1 9 ) Sale Ma pensa, su poeta de una gala... (1 5 ) Mura Ja mi piaghet su tou argumentu... (55 ) Sale Ma però, Mura caru, ìstabi atentu... (1 ) Mura Frantziscu Sale, cando abberis laras... (1 7 ) Sale Ma ancora b insistimos in iscena... (1 2 ) Mura Però sa morte lassende la sias... (1 2 ) Sale Si nde so arrivadu a custu giassu... (1 5 ) Mura A ti che pones sos dubbios fora... (1 7 ) Sale Si cheres bi jogamos una carta... (1 6 ) Mura Caru Sale, ses sempre bussa-bussa... (1 2 ) Sale Deo in s abba russa che ando atesu... (58 ) Mura Ja mi piaghen sas improvisadas... (1 1 ) Sale Ma, Frantziscu, ite cheres chi ti fete... (1 2 ) Mura Però no ti nde peses a pibios... (59 ) Sale Ma ite t an fatu sos collegas tuos?... (57 ) Mura Frantziscu Sale, che totus distintu... (1 8 ) Sale Mi nde poto abbizare chi so lanzu... (1 1 ) Mura Ses comintzende a baltziare oghe... (58 ) Sale Ma una cosa ti fato a ischire... (59 ) Mura Ma a bite be-i torras dae nou... (1 3 ) Sale No chirches de su sale s impiantu... (1 5 ) Mura Ma po me pensamentu non ti lese... (59 ) Sale Si finimos su tema in bonumore... (57 ) Durata complessiva: Radiotelevisione Italiana Sede Regionale della Sardegna Regione Autonoma della Sardegna Assessorato Pubblica Istruzione, Cultura, Informazione, Spettacolo e Sport